The Latest
وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں کونسلر حلقہ 10کربلائی عباس علی نے کہا ہے کہ ن لیگ کی حکومت کے اقتدار میں آنے کے بعد بجلی کے بحران میں مزید شدت پیدا ہوئی ہے۔ حکومت عوام کو بجلی اور پانی جیسے لوازمات زندگی فراہم کرنے میں مکمل طور پر ناکام ہوچکی ہے۔ کراچی میں پیدا ہونے والی صورتحال پر صوبائی اور وفاقی حکومتیں منظر عام سے یکسر غائب نظر آتی ہیں۔ جبکہ شہر میں حکومت کی رٹ بھی مکمل طور پر ناکام ہوچکی ہے۔ کراچی میں معصوم شہریوں کی ہلاکتوں کا ذمہ دار وفاقی اور صوبائی حکومتیں ہیں اس وقت ضروری ہے کہ بجلی کے اس سنگین بحران کے ذمہ داروں کا مکمل احتساب کیا جائے ۔ حکومت نے جس طرح بجلی بحران کو مس ہنڈل کیا ہے اس پر پوری قوم سراپا احتجاج کررہی ہے ۔ کراچی میں لوگ بوند بوند پانی کر ترس رہے ہیں۔ پاکستان کی تاریخ میں اتنی اموات پہلے کبھی نہیں ہوئیں، جتنی چند دنوں میں ہو گئی ہیں۔ کراچی کے مردہ خانوں اور قبرستانوں میں جگہ ختم ہوگئی ہے اور میتوں کو غسل دینے کے لیے پانی تک دستیاب نہیں ہے۔ حکمران عوام پر رحم کرتے ہوئے بجلی کی بد ترین لوڈ شیڈنگ کا فوری خاتمہ کریں۔ بیان میں مزید کہا گیا کہ کراچی اور سندھ میں گرمی اور لوڈ شیڈنگ کی وجہ سے سینکڑوں افراد کی موت پر گہرے رنج ، دکھ اور افسوس کا اظہار کرتے ہیں۔
دریں اثناء گزشتہ دنوں کوئٹہ گورت سنگھ میں دن دھاڑے بے گناہ شہریوں سے موٹر سائیکل چھینے کی بھر پور مذمت کرتے ہیں اور حکام بالا کی توجہ اس طرف بھی مبذول کروانا چاہتے ہیں کہ ڈکیتی کے واردات میں ملوث عناصر کو گرفتار کرکے کیفرکردار تک پہنچائیں۔ اور روز گزشتہ سیٹلائٹ ٹاون سے انتہائی مطلوب ٹارگٹ کلر کی گرفتاری پر حساس اداروں کو خراج تحسین پیش کرتے ہیں اور امید کرتے ہیں کہ باقی ماندہ ٹارگٹ کلرز کی گرفتاری تک ریاستی ادارے چین سے نہیں بیٹھے نگے۔
وحدت نیوز (کوئٹہ) ملی یکجہتی کونسل بلوچستان کی صوبائی کابینہ کا اہم اجلاس زیر صدارت عبدالمتین آخونزادہ صوبائی صدر ملی یکجہتی کونسل بلوچستان منعقد ہوا ،اجلاس میں مجلس وحدت مسلمین بلوچستان کے سیکریٹری جنرل علامہ مقصود علی ڈومکی، جمعیت علمائے پاکستان کے صوبائی صدر مولانا عبدالقدوس ساسولی، مجلس تحفظ ختم نبوت کے رہنماء مولانا انوارالحق حقانی، جماعۃالدعوہ کے صوبائی امیر مفتی محمد قاسم ، تنظیم اسلامی کے عبدالسلام عمر، خطبائے جمعہ کمیشن کے انچارج ڈاکٹر عطاء الرحمن ، جماعت اسلامی کے مولانا عبدالحق ہاشمی، معروف دانشور امان اللہ شادیزئی ، و دیگر شریک ہوئے۔
ٓٓاس موقعہ پر گفتگو کرتے ہوئے عبدالمتین آخونزادہ نے کہا کہ امت مسلمہ کے مسائل پر ہمیں ضرور سوچنا چاہیے۔مگر اس مسئلہ ہمیں اپنے گھر کو ٹھیک کرنا ہے۔اب بات اختلاف اور فتویٰ سے بڑھ کر قتل و غارت گری تک پہنچی ہے۔اس میں نقصان تواہل دین کا ہے۔بے دین طبقہ یہ بات کہتا ہے کہ یہ قتل و غارت مسجد و مدرسہ اور امامبارگاہ کے باعث ہے۔ماہ مبارک رمضان کو برما اور فلسطین کے مظلوم مسلمانوں کے حق میں آواز اٹھانی چاہئے۔
اس موقعہ پرمجلس وحدت مسلمین بلوچستان کے سیکریٹری جنرل علامہ مقصود علی ڈومکی نے بلوچستان میں دھشت گردی کے واقعات پر افسوس کا اظہار کرتے ہوئے کہا ہے دھشت گردی ملک کا سنگین مسئلہ بن چکی ہے ۔دھشت گردی اور نفرتوں کے خاتمہ کے لئے ہمیں اپنا کردار ادا کرنا ہوگا۔ خاموش تماشائی بننے سے مشکلات میں اضافہ ہوگا۔اس موقعہ پر علامہ مقصود علی ڈومکی نے سالانہ فلسطین کانفرنس کے سلسلے میں اجلاس کے شرکاء کو دعوت دی۔
عبدالقدوس سا سولی صوبائی سینئر نائب صدر MYC نے کہا کہ دینی جماعتوں کے قائدین جب مل بیٹھتے ہیں تو بہت خوشی ہوتی ہے۔امت مسلمہ کے انتشارکے باعث ہم کمزور ہیں ۔آراء مختلف ہونے کے باوجود ہم اتحادامت کے نکتے پر متفق ہیں۔پہلے اپنے گھر کو ٹھیک کرنا چاہیے اس کے بعد عالمی حالات ،سازشی عناصر کے لئے ہمارے اختلافات بہترین موقع ہیں۔کچھ گروہ شدت پسندی کو آگے بڑھا رہے ہیں۔قتل و غارت اور جلاؤ گھیراؤان کا وطیرہ ہے۔ ہم نے کبھی کھل کر ان کی مذمت بھی نہیں کی ہم اس کا ذمہ دار سامراج کو قرار دیتے رہے۔ان کا ایجنڈاپہلے شیعہ کافر اور اب بریلوی کافر کے نعرے لکھے جارہے ہیں۔میرے خلاف نہیں تو خیر ہے کارویہ ٹھیک نہیں ہمیں خوف خدا کے ساتھ حق بات کہنی چاہیے۔جوتباہی 5سال بعد آنی ہے اسے روکنا چاہئے۔
وحدت نیوز (کوئٹہ) وزیراعلی ٰ بلوچستان ڈاکٹرعبدالمالک بلوچ نے انٹرنیشنل باکسر سید محمد آصف ہزارہ کوگولڈ میڈل پہنانے کے بعد انہیں مستقبل کے حوالے سے بھرپورتعاون کی یقین دہانی کروائی. اس موقع پرمجلس وحدت مسلمین کے ممبر بلوچستان اسمبلی آغا رضا نے تفتان اور پدگ روڈ میں زائرین کے لیے عارضی قیام گاہ کی تجویز کو عملی جامہ پہنانے پر وزیراعلیٰ ڈاکٹر عبدالمالک بلوچ کا شکریہ ادا کیا. یاد رہے کہ پچھلے سال آغا رضا کی قیادت میں ایم ڈبلیو ایم کے وفد نے ڈاکٹر عبدالمالک بلوچ سے ملاقات کی تھی اور انہیں زائرین کو تفتان بارڈراور کوئٹہ میں رہائش کے مسائل سیکورٹی اور روٹ پر درپیش دوسرے مسائل سے آگاہ کیا تھا، جس پر وزیراعلیٰ بلوچستان ڈاکٹرعبدالمالک بلوچ نے اپنے مکمل تعاون اور زائرین کے مسائل کے حل یقین دہانی کروائی تھی۔
وحدت نیوز (گلگت) گلگت بلتستان اسمبلی میں متحدہ اپوزیشن لیڈر، سپیکر اور ڈپٹی سپیکر کے انتخاب کے سلسلے میں مجلس وحدت مسلمین کی جا نب سے گلگت کے مقامی ہوٹل میں اجلاس طلب کیا گیا، بلائے گئے اجلاس میں پاکستان پیپلز پارٹی، پاکستان تحریک انصاف ، بالاورستان نیشنل فرنٹ اور تحریک اسلامی کے نو منتخب اراکین اسمبلی اور دیگر پارٹی قائدین شریک ہوئے۔اجلاس میں متفقہ طور پرفیصلہ کیا گیا کہ جمہوری روایات کو برقرار رکھنے کی غرض سے مجلس وحدت مسلمین کے نو منتخب ممبر حاجی ڈاکٹررضوان علی وزیر اعلیٰ ، تحریک انصاف کے راجہ جہانزیب خان سپیکر اور اور تحریک اسلامی کے سکندر علی ڈپٹی سپیکر کیلئے کاغذات نامزدگی جمع کروائیں گے۔
وحدت نیوز(راولپنڈی) سانحہ عاشور راولپنڈی کے دوران لوٹ مار کی غرض سے جلوس میں داخل ہونے والے اشتہاری ملزم ظاہر شاہ کو مانسہرہ پولیس ہیڈکوارٹر کے ڈی ایس پی ذوالفقار خان جدون نے بھاری نفری کے ہمراہ چھاپہ مار کر گرفتار کر لیا ہے۔تفصیلات کے مطابق دس محرم سانحہ عاشور میں افراتفری کے دوران آزاد کشمیر سے تعلق رکھنے والا ظاہر شاہ نامی ایک شخص ہجوم میں گھس کر لوٹ مار میں مصروف ہو گیا ۔بعد ازاں پولیس نے اسے گرفتار کر لیا۔دوران حراست اس نے خود کو مکتب تشیع کا ایک فرد ظاہر کرتے ہوئے ضمانت کے لیے مدد کی درخواست کی۔مسلکی وابستگی کے تحت راولپنڈی کے ایک رہائشی نے اس کی ضمانت دے دی تاہم بعد میں یہ انکشاف ہو ا ہے کہ اس شخص کا تعلق مکتب تشیع سے نہیں تھا بلکہ لوٹ مار کرنے والے ایک گروہ سے تھا۔ ضمانت کے بعد یہ شخص روپوش ہو گیا۔عدالت کی طرف سے اشتہاری قرار دیے جانے کے بعد اس کی تلاش میں راولپنڈی پولیس نے متعدد بار آزادکشمیر کا بھی دورہ کیا ۔گزشتہ روز مانسہرہ پولیس کو یہ اطلاع ملی کہ پنجاب پولیس کو مطلوب یہ شخص نوگزی کے علاقے میں چھپا ہوا ہے۔ مانسہرہ پولیس کے اعلی پولیس افسر ذوالفقار خان جدون نے فوری نفری تیار کر کے اس جگہ کا محاصرہ کیا اور ظاہر شاہ کو گرفتار کر لیا۔ مجلس وحدت مسلمین ضلع راولپنڈی کے سرپرست سید علی اکبر کاظمی نے ڈی ایس پی ذوالفقار جدون اور پولیس کے دیگر اہلکاروں کی تعریف کرتے ہوئے کہا ہے اس کامیابی کو فرض شناسی اور اعلیٰ کارکردگی کا ثبوت قرار دیا ہے۔
وحدت نیوز (کراچی) مجلس وحدت مسلمین پاکستان کے سیکریٹری سیاسیات علی حسین نقوی نے ملک بھر میں بجلی کی غیر اعلانیہ بندش کے خلاف سخت ردعمل کا اظہار کرتے ہوئے کہا ہے توانائی کا بحران سنگین صورتحال اختیار کر گیا ہے ۔گرم کی شدت میں طویل دورانیے کی لوڈشیڈنگ نے عوام کی زندگی اجیرن کر دی ہے200سے زائد افراد کی حلاقت پرد لی افسوس ہے ۔شدیدگرمی کی لہر میں جاں بحق افراد کے لواحقین سے دلی ہمدردی ہے ۔ و حدت ہاؤس کراچی سے جاری اپنے بیان میں ان کا کہنا تھا کہ گزشتہ حکومت میں ماہ رمضان کے دوران بجلی کی لوڈ شیڈنگ ختم کر دی جاتی تھی لیکن موجودہ حکومت نے یہ سہولت بھی چھین لی ہے۔ مسلم لیگ ن کی طرف کے سے توانائی کے بحران پر قابو پانے کے تمام حکومتی دعوی طفل تسلی ثابت ہوئے ہیں۔حکومت عوام بنیادی سہولیات کی فراہمی میں مکمل طور پر ناکام ہو چکی ہے۔انہوں نے کہا کہ وفاقی حکومت اورصوبائی سطح پر کے الیکٹرک انتظامیہ کی طرف سے واضح اعلان کیا گیا تھا کہ ماہ رمضان میں سحری و افطاری کے اوقات میں لوڈشیڈنگ نہیں کی جائے گی لیکن اس کے باوجودبجلی کی آنکھ مچولی کا وہی سلسلہ جاری ہے۔ عوام یہ سمجھنے سے قاصر ہیں کے الیکٹرک اور واپڈا کے حکام وزیر اعظم کے احکامات کو کسی کھاتے میں نہیں لکھتے یا پھر وزیر اعظم نے عوام کو بے وقوف بنا رکھا ہے۔علی حسین نقوی نے ملک بھر بلخصوص کراچی کی عوام سے گزارش کی ہے کہ وہ شہر بھر میں جاری کے الیکٹرک کی نااہلی کے خلاف آپریشن برق کا آغاز کریں شہر کی عوام کے الیکٹرک کے خلاف اپنا احتجاج مذید تیز کریں اور ان کے خلاف ڈسٹرک سطح پر قانونی چارہ جوئی کی جائے تاکہ اضافی بلرزاور بجلی بندش کا شہر سے خاتمہ کیا جا سکے انہوں نے حکومت سے مطالبہ کیا ہے وہ کہ الیکٹرک کی نا اہلی کے خلاف کاروائی کریں شہرمیں عوام گرمی و لوڈشیڈنگ کی وجہ سے اپنی جانوں سے ہاتھ دھو رہے ہیں مگر اس صوبہ کے حکمران جماعتیں مسئلہ کے حل کے بجائے اپنی سیاست چمکا رہی ہیں ۔ غیر اعلانیہ لوڈشیڈنگ و پانی کی عدم فراہمی کا ملبہ ایک دوسرے پر گرا نے سے عوام کی مشکلات میں مذید اضافہ ہو رہا ہے اُن کا کہنا تھا کہ لوڈ شیڈنگ کے خاتمے کیلئے شہر کے مختلف علاقوں کو بجلی فراہمی کیلئے مذید کمپنیز میں تقسیم کیا جائے یا پھر اس کی حکومتی سطح پر نجکاری کے خاتمہ کیا جائے اور ترجیحی بینادوں پر ادارے میں بہتری لائے جانے کے اقدامات کئے جائیں۔ رمضان المبارک کے دوران بجلی کی بلاطعاطل فراہمی کا اعلان کیا جائے تاکہ عوام کو گرمی کی اس شدت میں لوڈشیدنگ کی اذیت سے نجات حاصل ہو سکے۔
وحدت نیوز (کوئٹہ) مجلس وحدت مسلمین کوئٹہ ڈویژن کے جاری کردہ بیان میں سیکرٹری جنرل سید عباس آغا ، علامہ ہاشم موسوی اور علامہ ولایت جعفری نے کہا ہے کہ کراچی میں قیامت خیز گرمی اور بد ترین لوڈشیڈنگ نے شہریوں خاص طور پر روزہ داروں کو تڑپا کر رکھ دیا ،لوگوں نے حکومتی اور مقتدر حلقوں کی جانب سے ا بتک نوٹس نہ لیے جانے پر افسوس کا اظہار کیا ہے ۔ان کا کہنا ہے کہ وفاقی و صوبائی حکومت اور منتخب نمائندے بھی صرف بیانات تک محدود ہے ۔ عملی اقدامات دیکھنے میں نہیں آتے جس کا مطلب یہ ہوا کہ شہری آئندہ دنوں میں بھی اس صورتحال کا سامنا کرتے رہینگے۔ رمضان المبارک کے آغاز کے ساتھ ہی ملک بھر میں لوڈشیڈنگ اچانک بڑھ گئی ہے۔ اور مختلف شہروں میں احتجاجی مظاہرے بھی ہورہے ہیں۔ لوڈ شیڈنگ کوئی قدرتی آفت نہیں بلکہ سرکاری آفت ہے۔ اس کی بڑی وجہ سرکار کی نااہلی ہے۔ سرکار کی نااہلی کے باعث واپڈامیں لائن مین سے لیکر ایس ڈی او تک سب کرپشن کے لیے بدنام ہیں۔ سحری و افطاری میں لوڈشیڈنگ کی جارہی ہے۔ عوام ذہنی مریض بن چکے ہیں۔ کاروباری طبقہ بھی لوڈ شیڈنگ کی وجہ سے مالی مشکلات سے دوچار ہے۔ لوڈ شیڈنگ سے شہروں میں پانی کی شدید قلت پیدا ہو چکی ہے۔ عوام پانی کی بوند بوند کو ترس رہے ہیں، جو کہ ظلم و ناانصافی ہے۔ عوام مہنگائی کی چکی میں پہلے ہی سے بُری طرح پس رہے ہیں۔ مگر ہمارے حکمران ایئر کنڈیشن کمروں میں بیٹھ کر غریب عوام کے دکھوں کو کیسے سمجھ سکتے ہیں۔ قوم کی تقدیر بدلنے کا نعرہ لگانے والوں نے اپنے قسمت بدل لی ہے۔ وزارتوں ، مراعات اور مفادات کے چکر میں قوم کو بھول گئے ہیں۔ مجلس وحدت مسلمین گرمی اور لوڈشیڈنگ سے قیمتی انسانی جانوں کے ضیاع پر ان کے لواحقین سے دلی تعزیت اور افسوس کا اظہار کرتے ہیں۔
وحدت نیوز (شگر) مجلس وحدت مسلمین کے امیدوار برائے حلقہ6شگر فدا علی شگری نے کہا ہے کہ مجلس وحدت مسلمین شگر کی حالیہ الیکشن میں شکست کو آئندہ کیلئے کامیابی کی سیڑھی سمجھتا ہوں۔عید الفطر کے بعد پوری قوت کیساتھ علاقہ شگر میں تنظیم سازی اور یونٹ سازی کا عمل شروع کرینگے۔ایم ڈبلیو ایم کو ملنے والے پاکیزہ ووٹوں سے علاقہ شگر کی سیاسی عمارت کی بنیاد رکھے جائے گی جوکہ مستحکم اور مضبوط ہوگی۔
ان خیالات کا اظہار انھوں نے سیکریٹری جنرل ایم ڈبلیو ایم بلتستان آغا علی رضوی سے ملاقات میں کیا. انہوں نے کہا کہ ایم ڈبلیو ایم کو حالیہ الیکشن میں ملنے والی ووٹ پاکیزہ ہیں اور خالص پارٹی بنیاد پر ملے ہیں۔ہم ان ووٹوں سے ہم ایک مضبوط و مستحکم شگر کی بنیادیں اٹھائیں گے۔
انھوں نے کہا کہ رمضان المبارک کے بعد شگر میں ایم ڈبلیو ایم کی تنظیم سازی کی جائے گی۔ اس طرح حالیہ الیکشن میں ہونے والے غلطیوں کا ازالہ ہوگااور آئندہ الیکشن لڑنے کیلئے ایک مضبوط بنیاد میسر ہوگی۔ہماری خواہش ہے کہ پارٹی کارکن پارٹی کی مضبوطی کیلئے پوری دلجمعی کیساتھ کام جاری رکھیں ۔
وحدت نیوز (مانٹرنگ ڈیسک) رہبرمعظم انقلاب اسلامی حضرت آیت اللہ العظمی خامنہ ای کی موجودگی میں رمضان المبارک کے پہلے دن کل سہ پہر کو تین گھنٹے سے زائد عرصہ تک محفل انس با قرآن منعقد ہوئی جس میں رہبر معظم نے فرمایا: قرآن مجید کی قرائت میں قاریوں کو دل کی گہرائی سے آیات کے مفاہیم پر یقین رکھنا چاہیے۔ شیعہ نیوز کی رپورٹ کے مطابق رہبر معظم انقلاب اسلامی حضرت آیت اللہ العظمیٰ خامنہ ای کی موجودگی میں تین گھنٹے سے زائد عرصہ تک کل سہ پہر (بروز جمعرات ) کو رمضان المبارک کے پہلے دن اور نزول قرآن کے مہینے میں محفل انس با قرآن منعقد ہوئی۔ یہ نورانی محفل قرآن مجید کی معنویت اور عطر سے معطراور مملو تھی اس نورانی محفل میں ملک بھر کے 15 حافظوں اور قاریوں نے قرآن مجید کی آیات کی تلاوت کا شرف حاصل کیا اور گروپ کی شکل میں بھی بعض گروہوں نے اللہ تعالی کی حمد و ثنا کو بیان کیا۔ رہبر معظم انقلاب اسلامی نے اس تقریب میں ایرانی قراء کی روزافزوں پیشرفت کو مکمل طور پر واضح اور نمایاں قراردیا اور اچھی آواز کو قرآن کے معانی و مفاہیم کو مخاطبین کے ذہن میں منتقل کرنے کا مقدمہ قراردیتے ہوئے فرمایا: معاشرے میں قرآن مجید کو زیادہ سے زیادہ مؤثر بنانے کی راہیں بہت زيادہ ہیں اور قرآن مجید کی قرائت کے مؤثر ہونے کے لئے ضروری ہے کہ خود قاری بھی جن آیات کی تلاوت کا شرف حاصل کررہا ہے ان کے معانی اور مفاہیم پر دل کی گہرائی کے ساتھ یقین رکھتا ہو۔
رہبر معظم انقلاب اسلامی نے اسی سلسلے میں فرمایا: قرآن مجید کے مفاہیم کو منتقل کرنے کے لئے قاری ، قرآن مجید کے بعض کلمات پر چند بار تاکید کرسکتے ہیں۔ رہبر معظم انقلاب اسلامی نے آیات کے چند بار تاکید میں افراط سے پرہیز کرنے پر تاکید کرتے ہوئے فرمایا: قرآن مجید کی قرائت کے مؤثر ہونے کے لئے قرائت کے وقت لحن کے حدود کی رعایت بھی ضروری ہے۔ رہبر معظم انقلاب اسلامی نے قرآن مجید کے تمام دوستوں اور قاریوں کو ایک اور سفارش کرتے ہوئے فرمایا: بعض کلمات اور آیات کو طولانی ادا کرنا ضروری نہیں ہے اور اس کے ساتھ حد سے زیادہ اور عرف سے خارج تشویق کی بھی کوئی ضرورت نہیں ہے۔
وحدت نیوز(اسلام آباد) مجلس وحدت مسلمین پاکستان کے مرکزی جنرل سیکریٹری علامہ راجہ ناصر عباس جعفری نے کہ ہے سعودیہ کو چاہیے کہ وہ رمضان المبارک کے مقدس مہینہ میں یمن کے بیگناہ اور معصوم لوگوں پر حملوں سے باز رہے۔عالمی ذرائع ابلاغ کے مطابق یمن میں سعودی جارحیت کے نتیجے میں اب تک ہزاروں افراد لقمہ اجل بن چکے ہیں اور دس لاکھ سے زیادہ افراد کواپنا گھر بار چھوڑ نا پڑا ہے جو امت مسلمہ کے لیے لمحہ فکریہ ہے۔انہوں نے کہا ماہ صیام امن و سلامتی کا مہینہ ہے۔یہ مہینہ ہمیں برداشت، صبراور رواداری کا درس دیتا ہے۔سعودی عرب کی طرف سے ماہ صیام میں یمن پر گولہ باری کر کے سو سے زائد مسلمانوں کو شہید کرنا اس مبارک مہینے کے احترام کو پامال کرنے کے مترادف ہے۔مسلم ممالک پر واجب ہے کہ وہ مہینے کے احترام کوملحوظ خاطر رکھیں ۔طاقت کے بل بوتے کی کسی بھی ملک کی خودمختاری کو چیلنج کرنا نہ صرف عالمی قوانین کی خلاف ورزی ہے بلکہ اخلاقی اقدار کے بھی برعکس ہے۔ سعودی عرب نے اپنی ہٹ دھرمی کے سبب امت مسلمہ کو شدید خطرات سے دوچار کر رکھا ہے۔اب یہ حقیقت روز روشن کی طرح آشکار ہو چکی ہے کہ مذہب کے نام پر امت مسلمہ کو گروہوں میں تقسیم کرنے کی سازش کا مرکزی کردار سعودی عرب ہے۔علامہ راجہ ناصر عباس نے اقوام عالم سے مطالبہ کیا ہے کہ رمضان المبارک میں برما اور یمن کے مسلمانوں کی تکلیفوں کو فراموش نہ کیا جائے اور جہاں تک ممکن ہو ان کی مدد کی جائے۔
