وحدت نیوز (لاہور) لاہور پریس کلب کے سامنے مجلس وحدت مسلمین کے بھوک ہڑتالی کیمپ کا دوسرا دن،جمعیت علمائے پاکستان نیازی گروپ کے رہنماوُں سول سوسائٹی و دیگر کی آمد و اظہار یکجہتی،جمعیت علمائے پاکستان کے رہنما ڈاکٹر امجد چشتی کا کہنا تھا کہ شیعہ نسل کشی پر مجلس وحدت مسلمین کے سربراہ علامہ راجہ ناصر عباس جعفری کی بھوک ہڑتال بے حس حکمرانوں  کے منہ پر تماچہ ہے،پرامن اور موثر احتجاج میں مجلس وحدت مسلمین کا کوئی ثانی نہیں،ان کے مطالبات پوری قوم کی ترجمانی ہے،ملک سے دہشت گردی کے عفریت کا خاتمہ اسی وقت ممکن ہے جب دہشت گردوں کے سیاسی سرپرستوں کو ایوانوں کے بجائے جیلوں میں ڈالا جائے اور ان غداروں کو سر عام پھانسیاں دی جائے،مصلحت پسندی کے ذریعے اس ناسور سے جان چھڑانا ممکن نہیں،انہوں نے کہا کہ ہم مجلس وحدت مسلمین کیساتھ ساتھ ہیں ،پاکستان کے شیعہ سنی یکجان ہے اور مٹھی بھر دہشت گردوں کو شکست دیے بغیر ہم چین سے نہیں بیٹھیں گے،مجلس وحدت مسلمین لاہور کے سیکرٹری جنرل علامہ حسن ہمدانی نے اہلسنت اکابرین اور دیگر اظہار یکجہتی کے لئے آئے شہریوں کا شکریہ ادا کرتے ہوئے کہا کہ حکمران اور ریاستی اداروں کی بے حسی کیخلاف ہمارا یہ احتجاج غیر معینہ مدت کے لئے ہیں،ہم ظالموں کیخلاف میدان میں حاضر ہیں انشااللہ ہم اپنی اس جدو جہد کو منطقی انجام تک پہنچا کر ہی دم لیں گے۔

وحدت نیوز (سکردو) مجلس وحدت مسلمین پاکستان بلتستان ڈویژن کے زیراہتمام ملک بھر میں جاری شیعہ نسل کشی کے خلاف احتجاجی دھرنوں کا آغاز آج یادگار چوک اسکردو سے ہوگیا ہے۔ ایم ڈبلیو ایم بلتستان کے سربراہ آغا علی رضوی کی کال پر دیئے گئے دھرنے کی امامیہ اسٹوڈنٹس آرگنائزیشن پاکستان بلتستان ڈویژن نے بھی حمایت کی۔ مجلس وحدت مسلمین بلتستان ڈویژن کے زیراہتمام دھرنے میں کثیر تعداد میں علماء، جوانوں اور مختلف شعبہ ہائے زندگی سے تعلق رکھنے والوں نے شرکت کی۔ اس دھرنے سے ایم ڈبلیو ایم کھرمنگ کے رہنماء وزیر نثار کلیم، ایم ڈبلیو ایم شگر کے رہنماء فدا علی شگری، ایم ڈبلیو ایم بلتستان کے ترجمان فدا حسین، علامہ شیخ بشیر دولتی، سید انصار حسین صدر آئی ایس او بلتستان، شیخ مختار مدبری، شیخ محمد علی سعیدی، شیخ اعجاز کرامتی، شیخ ذوالفقار، شیخ حبیب امینی اور علامہ آغا علی رضوی نے خطاب کیا۔

مقررین نے اپنے خطاب میں کہا کہ ملک بھر میں بالخصوص کراچی، ڈیرہ اسماعیل خان اور پارا چنار میں جاری ٹارگٹ کلنگ سکیورٹی اداروں کی بدترین ناکامی ہے۔ ملک بھر میں دہشتگردی کی جو تازہ لہر جاری ہے، اس سے قومی ایکشن پلان زیر سوال آیا ہوا ہے۔ انہوں نے کہا کہ جس انداز میں چن چن کر شیعہ ڈاکٹرز، انجینئرز، پروفیسرز اور دیگر شخصیات کو جس انداز میں نشانہ بنایا اور جس منظم انداز میں ان کو قتل کیا جا رہا ہے، یہ سکیورٹی اداروں کی غفلت کا واضح ثبوت ہے۔ انہوں نے کہا کہ پاکستان میں ہمیشہ سے محب وطن شہریوں کو حب الوطنی کی سزا دی جاتی ہے جبکہ دہشتگرد اور کالعدم جماعتوں کو پشت پناہی حاصل ہوتی رہی ہے۔ اس موقع پر آغا علی رضوی نے اپنے خطاب میں کہا کہ دہشتگردی کو اس وقت تک ملک سے ختم نہیں کیا جا سکتا، جب تک آپریشن ضرب عضب کا دائرہ ملک بھر میں نہ پھیلایا جائے اور جب تک دہشتگردوں کے ساتھ  دہشتگردوں کے سہولت کاروں اور نرم گوشہ رکھنے والوں کو پھانسی کے تختے پر نہیں لٹکایا جاتا۔

انہوں نے کہا کہ ہم آرمی چیف سے مطالبہ کرتے ہیں کہ ملک بھر میں موجود کالعدم جماعتوں کے دہشتگردوں اور پشت پناہوں کے خلاف سخت اقدامات اٹھائے جائیں۔ انہوں نے کہا کہ ڈی آئی خان، کراچی اور ملک کے دیگر شہروں میں تسلسل کیساتھ شہید ہونے والوں کے قاتلوں کی عدم گرفتاری افسوسناک ہے۔ پارا چنار میں یوم الحسین ؑ پر پابندی کی کوشش اور ایف سی اہلکار کے مظالم پر خیبر پختونخوا حکومت چپ کا روز توڑے اور اپنا موقف واضح کرے، ورنہ ہم سمجھیں گے کہ کے پی کے حکومت بھی نواز حکومت اور کالعدم جماعتوں کی سیرت پر گامزن ہوئی ہے۔ خیبر پختوانخوا کی حکومت کرم ایجنسی میں ایف سی اہلکار کے ہاتھوں شیعہ مسلمانوں کی شہادتوں اور اسارتوں پر نوٹس لے اور کرم ایجنسی میں محب وطن شہریوں پر مظالم بند کرے۔ آغا علی رضوی نے کہا کہ ملک بھر کی طرح گلگت بلتستان میں دہشتگردوی کی مخالفت کی سزا پر امن شہریوں کو دی جا رہی ہے۔ گیارہ سال قبل گلگت میں پیش آنے والے واقعات میں ایک درجن کے قریب بے گناہوں کو برابری کی بنیاد پر سزا دی جا رہی ہے جبکہ سانحہ چلاس، سانحہ کوہستان، سانحہ نانگا پربت، سانحہ بابوسر اور شاہراہ قراقرم پر پیش آنے والے دہشتگردی کے واقعات میں ملوث دہشتگردوں کے خلاف کسی قسم کی کارروائی نہ ہونا موجودہ صوبائی حکومت کی جانبداری کا واضح ثبوت ہے۔

وحدت نیوز(اسلام آباد) ملی یکجہتی کونسل پاکستان نے بھی علامہ ناصرعباس جعفری کی بھوک ہڑتال کی حمایت کردی اور مطالبہ کیا ہے کہ حکومت مجلس وحدت مسلمین کے سیکرٹری جنرل علامہ ناصرعباس جعفری کے مطالبات کو تسلیم کرے۔ ملی یکجہتی کونسل کے وفد کونسل کے سیکرٹری جنرل لیاقت بلوچ کی قیادت میں نیشنل پریس کلب اسلام آباد کے باہر لگے بھوک ہڑتالی کیمپ میں علامہ ناصر عباس جعفری سے ملاقات کی اور ان سے اظہار یکجہتی کیا۔ وفد میں جماعت اسلامی کے مرکزی نائب صدر میاں اسلم اور ملی یکجہتی کونسل کے رہنما ثاقب اکبر بھی موجود تھے۔ رہنماوں سے گفتگو کرتے ہوئے علامہ ناصر عباس کا کہنا تھا کہ ملک بھر میں شیعہ سنی افراد کی ٹارگٹ کلنگ کی جا رہی ہے لیکن کوئی پوچھنے والا نہیں ہے، ہر طرف بےبسی اور بےحسی کی کیفیت پائی جاتی ہے۔

ان کا کہنا تھا کہ خیبر پختونخوا حکومت نے بےحسی کے تمام ریکارڈ توڑ ڈالے، پشاور اور ڈیرہ اسماعیل خان میں پروفیشنلز کو چن چن کر قتل کیا گیا، لیکن پی ٹی آئی کے کسی وزیر نے شہداء کے خانوادوں کی اشک شوئی تک نہ کی، حتٰی ان واقعات کی مذمت تک نہ کی۔ پارا چنار میں بےگناہ مظاہرین پر فائرنگ کرکے ایف سی کمانڈنٹ نے اپنے ہی پاکستانی بھائیوں سے زندگی کا حق چھین لیا۔ پنجاب میں بےگناہ افراد پر نیشنل ایکشن پلان کی آڑ میں پرچے کاٹے جا رہے ہیں، دورد و سلام پڑھنے پر اہل سنت بھائیوں کو تنگ کیا جا رہا ہے، کراچی میں سماجی کارکن خرم ذکی کو شہید کر دیا گیا، ایسے میں جب ہر طرف خاموشی ہے تو مجبور ہوا کہ اس طریقہ احتجاج کو اپناوں۔ اس موقع پر لیاقت بلوچ کا کہنا تھا کہ ان کی جماعت آپ سے اظہار یکجہتی کرتی ہے اور آپ کے تمام جائز مطالبات کو تسلیم کئے جانے کا مطالبہ کرتی ہے۔

وحدت نیوز (قصور) مولانا ظفرحسین ترابی ضلع قصور کےنئے سیکرٹری جنرل منتخب ہو گئے۔ضلعی انتخابات صوبائی الیکشن کمیشن کی زیرِنگرانی منعقد ہوئے الیکشن کمیشن میں ڈاکٹر یونس صاحب ، برادر سید علی عمران نقوی اور برادر زاہد حسین مہدوی شامل تھے۔ جبکہ ضلع بھر سے تمام یونٹس نے شرکت کی اور الیکشن کمیشن کی زیر نگرانی خفیہ رائے شماری کے تحت انتخابات ہوئے جس میں مولانا ظفر ترابی کو نیا سیکرٹری جنرل منتخب کر لیا گیاجبکہ ڈاکٹر یونس صاحب نے نومنتخب سیکرٹری جنرل سے حلف لیا۔

وحدت نیوز (ملتان) مجلس وحدت مسلمین پاکستان ملتان کے زیراہتمام ملک میں جاری شیعہ نسل کشی کے خلاف پریس کلب کے سامنے بھوک ہڑتالی کیمپ لگا دیا گیا، مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، ملتان کے قائمقام سیکرٹری جنرل محمد عباس صدیقی اور دیگر کیمپ میں موجود۔ بھوک ہڑتالی کیمپ میں شہدائے ڈیرہ اسماعیل خان، شہدائے پاراچنار ،شہدائے کراچی کی یاد میں شمعیں روشن کیں۔ اس موقع پر خطاب کرتے ہوئے ایم ڈبلیو ایم جنوبی پنجاب کے سیکرٹری جنرل علامہ اقتدار حسین نقوی نے آرمی چیف جنرل راحیل شریف سے مطالبہ کیا ہے کہ پارہ چنار میں ایف سی اور لیویز کے اہلکاروں کے ہاتھوں 4 افراد کے قتل کی شفاف تحقیقات کے لیے کمیشن تشکیل دیا جائے۔ انہوں نے کہا ہے کہ ہمیں نہ صرف دہشت گردی کا شکار ہیں بلکہ حکومتی اداروں کا رویہ بھی ہمارا ساتھ غیر منصفانہ اور ظالمانہ ہے۔ اس ملک کے حکمران بے حس ہوچکے ہیں۔ عمران خان اپنی الیکشن مہم کے سلسلے میں برطانیہ جا سکتے ہیں لیکن اپنے صوبے میں دہشت گردی کا شکار ہونے والوں گھرانوں سے تعزیت کے لیے ان کے پاس وقت نہیں ہے۔ ڈیر ہ اسماعیل خان ملت تشیع کے لیے مقتل کی شکل اختیار کر گیا ہے۔ پنجاب حکومت سنی شیعہ دونوں کی دشمن ہے یہاں درود و سلام پڑھنے والوں پر مقدمات درج کیے جا رہے ہیں۔ نیشنل ایکشن پلان کی آڑ میں ہمیں انتقامی کاروائیوں کا نشانہ بنایا جا رہا ہے۔ لوگوں کا عدلیہ سے اعتماد اٹھتا جا رہا ہے۔ یہ اطلاعات بھی منظر عام پر موجود ہیں کہ سپریم کورٹ کے جج کی سفارش پر داعش کے لیے کام کرنے والے افراد کو جیل سے رہا کیا گیا ہے۔ جن ججوں نے ماڈل ٹاون کیس کا فیصلہ حکومت کی مرضی کے برعکس کیا ان کے خلاف حکومت نے انتقامی کاروائیوں کا آغاز کر دیا ہے۔ جب حکمران تنزلی کی اس سطح تک گر جائیں تب ملکی سلامتی و بقا خطرے میں پڑ جاتی ہے۔ کراچی میں خرم ذکی کا قتل تکفیریوں کے خلاف آواز بلند کرنے کی سزا ہے۔ اس موقع پر ایم ڈبلیو ایم جنوبی پنجاب کے ترجمان ثقلین نقوی، مرزا وجاہت علی، سید دلاور عباس زیدی، مہراطہر حیات، علی رضا طوری اور دیگر رہنما موجود تھے۔

وحدت نیوز (ڈیرہ اسماعیل خان) مجلس وحدت مسلمین اور امامیہ اسٹوڈنٹس آرگنائزیشن کے زیر اہتمام ڈیرہ اسماعیل خان میں اہل تشیع جوانوں ، وکلاءاور اساتذہ کی بڑھتی ہوئی ٹارگٹ کلنگ کے خلاف مسجد لاٹو فقیر سٹی ڈیرہ سے احتجاجی ریلی نکالی گئی، جس کی قیادت مرکزی ڈپٹی سیکریٹری جنرل مجلس وحدت مسلمین پاکستان علامہ سید احمد اقبال رضوی نے اور آئی ایس او کے مرکزی نائب صدربرادر سرفراز حسینی نے کی احتجاجی ریلی میں مردوخواتین سمیت خانوادہ شہداءکی بھی بڑی تعدادشریک تھی جنہوں نے ہاتھوں میں اپنے پیارے شہداء کی تصاویر اور پلے کارڈ اٹھا رکھے تھے جن پر قاتلوں کی گرفتاری کے حق میں نعرے درج تھے ،مظاہرین سے خطاب کرتے ہوئے ایم ڈبلیوایم کے مرکزی رہنما علامہ احمد اقبال رضوی نے کہا کہ چوہوں کے خؒاف آپریشن کلین اپ کرنے والے دہشتگردوں کے خلاف خاموش کیوں ہیں ؟چیف آف آرمی اسٹاف ڈیرہ اسماعیل خان میں موجود دہشت گردوں اور ان کے ٹھکانوں کے خلاف فوری آپریشن کا آغاز کریں، تحریک انصاف کے صوبائی وزیر اعلیٰ پرویز خٹک دہشت گردی پر قابوپانے میں ناکامی پر مستعفیٰ ہوجائیں ، علامہ احمد اقبال کا مذید کہنا تھا کہ خیبر پختونخوا اہل تشیع کی مقتل گاہ بن چکا ہے ، افسوس ناک امر یہ ہے کہ سکیورٹی ادارے اور صوبائی حکومت ٹارگٹ کلنگ کی روک تھام میں بلکل سنجیدہ نہیں جس کے باعث ملت جعفریہ میں اشتعال کی کیفیت پائی جاتی ہے ۔