وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے صوبائی سیکرٹریٹ میں ضلع لاہور کی کابینہ کے اجلاس سے خطاب کرتے ہوئے کہا ہے کہ حکمران عوام دشمن پالیسوں سے خود اپنے پاؤں پر کلہاڑی مار رہے ہیں، (ن) لیگ قوم سے انتخابات میں کئے جانیوالے وعدوں کو پورا نہیں کر سکتی تو اقتدار سے فوری الگ ہو جائے تاکہ ملک کو مزید تباہی اور بربادی سے بچایا جا سکے۔ علامہ عبدالخالق اسدی نے کہا کہ پاکستان میں آج دہشت گردی اور انتہا پسندی سمیت جو بھی مسائل ہیں ان کے اصل ذمہ دار وہ سیاستدان ہیں جو اب اقتدار میں ہیں اور جنہوں نے ماضی میں ملک کو کچھ دینے اور قوم کو بحرانوں سے نجات دلانے کے بجائے کرپشن اور لوٹ مار کی انتہا کی۔ انہوں نے کہا کہ پاکستان کی موجودہ حکومتی سیاسی قیادت عام انتخابات میں پنجابی فلموں کے ہیروز جیسی بڑھکیں مارتی رہی مگر آج اقتدار میں آنے کے بعد وہ قوم سے کئے جانیوالے تمام وعدوں کو بھول چکی ہے اور ان کی توجہ بھی صرف اور صرف مال بنانے پر ہے اور حکمرانوں سے بہتری کی امید رکھنے والی پاکستانی قوم کو اب بھی بجلی کی لوڈشیڈنگ اور مہنگائی جیسے مسائل کا سامنا ہے اور اب اس بات میں کوئی شک نہیں کہ موجودہ حکمران عوام دشمن پالیسوں کی وجہ سے خود اپنے پاؤں پر کلہاڑی مار رہے ہیں۔

وحدت نیوز (پشاور) مجلس وحدت مسلمین خیبر پختونخوا کے سیکرٹری جنرل علامہ سبطین حسینی نے کہا ہے کہ مظلوم و نہتے عوام پر آل سعود حکومت کی کیمیائی بمباری نے صدام کی سفاکانہ درندگی کو بھی پیچھے چھوڑ دیا ۔ یمن میں قانونی حکومت کے قیام کی آڑ میں مداخلت نے جہاں ظلم و بربریت کی نئی داستانیں رقم کیں وہاں آل سعود نے آل یہود سے ملکر عالم اسلام کو بھی مشکل میں ڈالا۔  اسلامی ممالک کے وسائل و قوت کا بیجا ضائع ہونا اور یمن کے مظلوم عوام پر بہیمانہ تشدد و بربریت نے آل سعود کی اسلام دشمنی ثابت کر دی ہے۔  یمن میں مداخلت کی حمایت آل سعود  کے لئے نیا افغانستان جنم دے گی۔ اور یہ آل سعود کی شاہانہ و ظالمانہ حکومت کا آخری دور ثابت ہوگا۔  کامیابی یمنی عوام کا مقدر ہے اور انہوں نے فتح یاب ہونا ہے۔ یمنی عوام پر کیمیائی ہتھیاروں کے استعمال پر بین الاقوامی قوتیں اور انسانی حقوق کے ادارے کیوں خاموش ہیں ، یہ بھی ایک سوال ہے۔  چونکہ یہ مداخلت اور بربریت امریکی ایماء پر ہو رہی ہے اس لئے وہاں کے مظالم پر دنیا خاموش ہے ۔ لیکن تاریخ نے ثابت کر دیا ہے کہ فتح ہمیشہ مظلومیت کی ہوتی ہے ۔ آمدہ بلدیاتی انتخابات کے حوالہ سے اپنے بیان میں رہنما ایم ڈبلیو ایم نے کہا کہ ڈی آئی خان کے مومنین کی وحدت اور خدمت نیز سیاسی و ملی تشخص کے علاوہ وہاں کے عوامی حقوق کے حصول کے لئے  بلدیاتی الیکشن میں حصہ لیں گے، البتہ حکمت و تدبیر کے تقاضوں کو ملحوظ خاطر رکھ کر  وہ اقدام کریں گے جس میں ملی و سیاسی و قومی حقوق کا تحفظ ہو۔

وحدت نیوز (کراچی) پاکستان تحریک انصاف اور مجلس وحدت مسلمین کے رہنماؤں کی مزا قائد پر حاضری دی اور ملک میں امن و امان اور حلقہ این اے 246میں تحریک انصاف کے منتخب نمائندے فتح کیلئے دعاء بھی کرائی گئی اس موقع پر ایم ڈبلیو ایم کے رہنما علی حسین نقوی ،مولانا احسان دانش،عبدللہ مطہری،مولاعلی انور،جبکہ پاکستان تحریک انصاف حلقہ 246کے منتخب نمائندے عمران اسماعیل ،عندلیب عباس، فردوس شمیم نقوی ،خرم شیر زمان سمیت رضوان پنجوانی ،ثمر زیدی ،علامہ روح اللہ مجلسی اور دیگر رہنماؤں اور دونوں تنظیموں کے کارکنان کی بڑی تعدادنے مزار قائد پر حاضری دی اور حلقہ 246ضمنی انتخابات کی کامیابی شہر سمیت ملک بھر میں قیام امن اور دہشتگردی خاتمہ کیلئے مولانا احسان دانش نے دعا کرائی اس موقع پر مجلس وحدت مسلمین کے رہنما علی حسین نقوی کا کہنا تھا کہ ایم ڈبلیو ایم اور پی ٹی آئی نے بانیان پاکستان کے مزار پر کرا چی کے عوام کو خوف سے نجات دلانے کیلئے اور اس شہر کراچی کو دوبارہ روشنیوں کے شہر بنانے کے عزم کا اظہار کیا ہے ،اس موقع پر ایم ڈبلیو ایم کے رہنماء علی حسین نقوی کا کہنا تھا کہ کراچی میں امن و امان کے قیام اور خوف کی فضاء کو ٹوڑنے کیلئے عوام پی ٹی آئی کے رہنماء عمران اسماعیل کا ساتھ دین اور انہیں اپنے ووٹوں سے کامیاب کرائیں ایم ڈبلیو ایم ایک سیاسی و عوامی نمائندہ جماعت ہے چند شیعہ افراد کی ایم ڈبلیو ایم پر سیاسی جماعت کے دفتر میں الزامات کی کوئی حیثیت نہیں عوام اور میڈیا جاتنے ہیں کے مجلس وحدت مسلمین کا ماضی حال بے داغ ہے اور اس ملک کے عوام نے ایم ڈبلیو ایم کا ساتھ ہمیشہ دیا اورایم ڈبلیو ایم بھی ہمیشہ عوام کی خدمت کیلئے کوشاں رہے گی سندھ حکومت اور قانون ناٖفذ کرنے والے اداروں سے اپیل کرتے ہیں کے وہ حلقہ این اے 246میں ہونے والے ضمنی انتخابات کو شفاف بناے میں اپنا بھر پور کردار ادا کریں ۔

وحدت نیوز (اسلام آباد) مجلس وحدت مسلمین پاکستان کے مرکزی جنرل سیکریٹری علامہ راجہ ناصرعباس جعفری نے چین کے صدر شی چن پنگ کے دورہ پاکستان کو خوش آئند قرار دیتے ہوئے کہا کہ چین کے صدر کی آمد ہمارے لیے باعث اعزاز و مسرت ہے۔پاکستان کی ترقی و خوشحالی کے لیے حکومت چین کے مجوزہ منصوبہ جات پاکستان اور پاکستانی قوم سے والہانہ لگاو کاعملی اظہار ہے۔چین ہمارا وہ مخلص دوست ہے جس نے کسی بھی مشکل وقت میں ہمیں تنہا نہیں چھوڑا۔انہوں نے کہا کہ چین کے ساتھ دفاعی اور علاقائی سلامتی سمیت تمام امور میں مشترکہ حکمت عملی اپنانے کی ضرورت ہے تاکہ خطے میں موجود دہشت پسند قوتیں اور ان کے سہولت کاروں پر مضبوط ہاتھ ڈالا جا سکے اور ان کی کمین گاہوں کا تدارک ہو۔انہوں نے کہا کہ پاکستان اور چین باہمی دوستی اور محبت کے لازوال رشتے سے بندھے ہوئے ہیں جنہیں کبھی جدا نہیں کیا جا سکتا۔چین کے صدر کا دورہ پاکستان علاقائی ترقی میں اہم سنگ میل ثابت ہو گا۔

وحدت نیوز(لاہور) مجلس وحدت مسلمین پاکستان کے سربراہ علامہ ناصر عباس جعفری نے کہا ہے کہ عزاداری پر کوئی قدغن قبول نہیں کریں گے، ہر صورت میں عزاداری کی حفاظت کریں گے۔ انہوں نے کہا کہ علماء و ذاکرین پر پابندی لگا کر عزاداری کو محدود کرنے کی سازش کی جا رہی ہے جو بالکل برداشت نہیں ہوگی، وہ کربلا گامے شاہ لاہور میں معروف شیعہ سماجی شخصیت الحاج حیدرعلی مرزاکے چہلم کے اجتماع  سے خطاب کر رہے تھے۔ انہوں نے کہا کہ عزاداری سیدالشہداء ہمارا سرمایہ حیات ہے، اس پر کوئی سمجھوتہ نہیں ہوگا، اگر حکمران یہ سمجھتے ہیں کہ وہ عزاداری کو محدود کر دیں گے یا پابندیاں لگا دیں گے تو یہ ان کی بھول ہے، مجلس وحدت مسلمین عزاداری کے تحفظ کے لئے ہر سطح پر اپنا ردعمل دے گی۔ انہوں نے کہا کہ حکمران عام شہریوں کی بجائے دہشت گردوں کے خلاف اقدامات کریں اور اس آڑ میں پرامن شہریوں کو تنگ نہ کیا جائے۔ علامہ ناصر عباس جعفری نے کہا کہ یمن کے حوالے سے پارلیمنٹ سے پاس کی گئی قرارداد کو خراج تحسین پیش کرتے ہیں، حکمران آئیں بائیں شائین کی بجائے واضح موقف اختیار کریں کہ فوج نہیں بھیج سکتے، سعودی حکمرانوں کے سامنے بھیگی بلی بننے والے حکمران جرات کا مظاہرہ نہیں کرسکتے تو اقتدار چھوڑ کر سعودی عرب چلے جائیں۔ اجتماع میں علامہ ناصر عباس جعفری نے الحاج حیدر علی مرزا مرحوم کے بیٹے حاجی امیر عباس مرزا کی دستار بندی کی۔اجتماع سے سید ناصر شیرازی، علامہ عبدالخالق اسدی، سید اسد عباس نقوی، سید اختر عباس بخاری اور دیگر علمائے کرام و ذاکرین نے بھی خطاب کیا۔

وحدت نیوز (اسکردو) مجلس وحدت مسلمین پاکستان بلتستان ڈویژن کے زیراہتمام سانحہ شہدائے چلاس، سانحہ شہدائے بابوسر، سانحہ شہدائے کوہستان اور شہدائے سانحہ 88 کی مناسبت سے عظیم الشان عظمت شہداء کانفرنس کا انعقاد ہوا، جس میں خانوادہ شہداء کی کثیر تعداد نے شرکت کی۔ کانفرنس میں ایم ڈبلیو ایم پاکستان کے مرکزی ڈپٹی سیکرٹری جنرل علامہ امین شہیدی، علامہ سید مظاہر حسین موسوی، آغا علی رضوی، شیخ احمد نوری، شیخ زاہد حسین زاہدی اور دیگر مقررین نے خطاب کیا۔ عظمت شہداء کانفرنس سے خطاب کرتے ہوئے علامہ محمد امین شہیدی نے کہا کہ ہم پورے پاکستان میں شہداء کی مظلومیت کی آواز بلند کرتے رہیں گے، ہم ہر ظالم کی مخالفت اور مظلوم کی حمایت کرتے رہیں گے۔ شہدائے پاکستان سے تجدید عہد کا تقاضا ہے کہ ہم ان کے قاتلوں کے ساتھ ایک لمحہ کے لئے بھی سمجھوتہ نہ کریں۔ انہوں نے اپنے خطاب میں کہا کہ ہماری کمزور داخلی پالیسی کے سبب پاکستان آرمی اور عام شہروں نے پچاس ہزار سے زائد شہادتیں دی ہیں اور ان سب کے قاتلوں کے خلاف کوئی موثر اقدام اٹھانے کی بجائے ان سے مذاکرات کے نام پر ان دہشتگردوں اور قاتلوں کو اخلاقی جواز فراہم کرتے رہے، لیکن مجلس وحدت مسلمین نے مظلومین اور شہدائے کے وارثین کی آواز بن کر یہ صدا بلند کی کہ طالبان سے مذاکرات شیطان سے مذاکرات ہیں، ان سے طاقت کے بل بوتے پر نمٹنا چاہیے اور اگر انکو طاقت کے ذریعے روکا نہیں جاتا تو پاکستان کا وجود خطرہ میں ہوگا۔ ہم نے واضح کر دیا کہ دہشتگردوں کا مقام مذاکرات کی میز نہیں بلکہ تختہ دار ہے۔ ہم دہشتگردوں کے خلاف پاکستان آرمی کی جانب سے جاری آپریشن کا خیرمقدم کرتے رہے اور اخلاقی جواز پیدا کرتے تھے، ہمارا موقف وہی ہے کہ جو پہلے روز تھا کہ دہشتگردوں اور ملک دشمنوں کے خلاف ملٹری کورٹس میں مقدمات کو جاری رکھنا چاہیے۔

علامہ امین شہیدی نے کہا کہ گلگت بلتستان میں سابقہ حکومتوں میں جہاں کرپشن، اقربا پروری، بدعنوانی، اخلاقی بے راہروی اور دیگر جرائم کو تقویت دی گئی، وہاں اس خطہ میں تاریخ کے افسوسناک واقعات پیش آئے، سانحہ چلاس میں شہداء کی لاشوں تک کی بے حرمتی کی گئی، سانحہ کوہستان میں مظالم کے پہاڑ توڑے گئے، سانحہ بابوسر میں مسافروں کو چن چن کے شہید کیا گیا، لیکن ان شہداء کے قاتلوں کو عدالتوں میں لاکر سزائیں دلانے اور تختہ دار تک پہنچانے کی بجائے انکو یا تو باعزت بری کر دیا گیا یا انکو جیلوں سے فرار کرا دیا گیا۔ گلگت بلتستان میں فرقہ ورایت کو باقاعدہ ہوا دی جا رہی ہے۔ انہوں نے اپنے خطاب میں کہا کہ ہم نواز لیگ کے دشمن نہیں بلکہ انکی پالیسوں کے مخالف ہیں، نواز لیگ کی پالیسیاں دہشتگردوں کو اخلاقی جواز بھی فراہم کرتی ہیں، قومی وقار اور قومی تشخص کے بھی برخلاف ہے۔ یمن کے مسئلہ میں نواز حکومت کی کوشش تھی کی ہماری پاک فوج کو کرایے کی فوج بنا دے اور یمن کے مظلومین کے خون میں ہاتھ رنگیں۔ یمن کے مظلومین کی تحریک سے حرمین کو نہیں بلکہ خائین حرمین کو خطرہ ہوسکتا ہے۔ انہوں نے کہا کہ ہم دنیا بھر کے مظلومین سمیت پاکستان کے مظلومین کے ساتھ کھڑے ہیں، چاہیے اس راہ میں جتنی جانیں چلی جائیں۔ ہم ملک بھر میں ہر مظلوم کیساتھ کھڑے ہیں، چاہے وہ غیر مسلم ہی کیوں نہ ہو اور ہر ظالم کے مخالف ہیں چاہے وہ مسلمان ہی کیوں نہ ہو۔

علامہ امین شہیدی نے اپنے خطاب میں مزید کہا کہ گلگت بلتستان میں آئندہ انتخابات میں دھاندلی کرنے کی بھرپور تیاری کر لی گئی ہے۔ نگران حکومت میں ان تمام لوگوں کو لیا گیا ہے جو نواز شریف کے خدمت گزار ہیں۔ وزیراعلٰی پر جہاں دیگر سنگین تحفظات ہیں، وہاں وہ گورنمنٹ کا ملازم بھی ہے اور چیف سیکرٹری کے ماتحت بھی۔ بات یہیں پر نہیں رکتی بلکہ نواز حکومت نے اپنے ہی رہنما کا چیف الیکشن کمشنر کے طور پر تقرر کیا۔ اس کے ساتھ ساتھ گلگت بلتستان یکسر نظر انداز کرکے نواز شریف نے اپنے نوکر کو گورنر بنایا، جو کہ اس خطے کے عوام کی توہین ہے اور خطے کے تشخص کی توہین ہے۔ انہوں نے کہا کہ گلگت بلتستان کے آئندہ انتخابات کو مدنظر رکھتے ہوئے نواز حکومت نے اے سی سے لیکر چیف سیکرٹری تک کے ملازمین کا تبادلہ کیا ہے اور سب اپنے ہی کارکنوں کو لگا دیا ہے، ان حالات میں موجودہ نگران حکومت اور وفاقی حکومت یہاں شفاف الیکشن نہیں کروا سکتی۔ ہم نواز حکومت کی جانب سے قبل از انتخابات دھاندلی کے خلاف سخت اقدام اٹھائیں گے اور انہیں مجبور کریں گے۔ انہوں نے کہا کہ نواز حکومت کو برسر اقتدار آئے دو سال مکمل ہونے کے بعد گلگت بلتستان کی یاد آئی، ہم ان سے یہ پوچھنا چاہیں گے کہ دو سال تمہیں کیوں گلگت بلتستان کی یاد نہیں آئی۔ گلگت بلتستان کی عوام جان چکی ہے کہ اس خطے سے کون مخلص ہیں اور کون زبانی دعوے کرنے والے۔ انہوں نے کہا کہ ہم آئندہ انتخابات میں لسانی، مسلکی، علاقائی تعصبات سے بالاتر ہو کر اہل امیدواروں کو میدان میں لائیں گے اور مظلومین کے حقوق کی جنگ لڑیں گے۔ آئندہ کسی حکمران کو گلگت بلتستان کے حقوق غصب کرنے کی اجازت نہیں دیں گے۔ جس طرح گندم سبسڈی کے دوران غاصبوں کے خلاف عوام اٹھ کھڑی ہوئی تھی، انتخابات کے دوران بھی ان سب کا مقابلہ کریں گے۔