وحدت نیوز(لاہور) مجلس وحدت مسلمین پاکستان کے سربراہ علامہ ناصرعباس جعفری نے مینار پاکستان جلسہ سے خطاب کرتے ہوئے کہا کہ ظالم حکمرانوں نے دہشت گردی کے بیج بوئے اور کراچی سے گلگت تک بے گناہ شیعہ افراد کا قتل عام کرایا اور ہر بار یہی کہا کہ نامعلوم افراد نے دہشت گردی کی ہے، لیکن سانحہ ماڈل ٹاؤن نے ان کے چہروں سے نقاب الٹ دی اور یہ بے نقاب ہوگئے کہ کون قاتل ہے۔ انہوں نے کہا کہ وطن عزیز کے تمام شہیدوں پر سلام ہو اور ڈاکٹر طاہرالقادری پر سلام ہو جنہوں نے محبتوں کے چراغ جلا کر نفرتوں کے سامنے دیوار کھڑی کر دی۔ انہوں نے کہا کہ حکومت کی ذمہ داری ہے کہ وطن کے بیٹوں کے درمیان وحدت کو فروغ دے، لیکن حکومت تو ڈیوائیڈ اینڈ رول کی پالیسی پر عمل پیرا ہونے کے لئے وطن کو ہی کمزور کر دیا ہے۔ انہوں نے کہا کہ حکمرانوں نے گلی گلی کوچہ کوچہ فرقہ واریت پھیلانے کے لئے لشکر تشکیل دیئے، تاکہ ملک کمزور ہوجائے، اس کا فائدہ انڈیا کو تھا، امریکہ کو پاکستان اور اسلام کے دشمنوں کو تھا، لیکن حالیہ تحریک نے وطن کے بیٹوں کو وحدت کی لڑی میں پرو دیا۔ یہاں ہندو بھی ہیں، سکھ بھی ہیں، مسیحی بھی ہیں، شیعہ بھی اور سنی بھی موجود ہیں۔ تفرقہ باز پریشان ہیں کہ اس اتحاد کو کیسے پارہ پارہ کریں، لیکن وہ مایوس ہیں۔ انہوں نے کہا کہ دہشت گردوں کے سرپرستوں کے اربوں ڈالر کی سرمایہ کاری ضائع ہوچکی ہے، بیرونی ملکوں نے یہاں دہشت گردی کی فیکٹریاں لگائیں۔

علامہ ناصر عباس جعفری کا کہنا تھا کہ سعودی عرب مین شیعہ عالم دین کو سزائے موت اس لئے دی گئی کہ وہ شیعہ اور سنی کی وحدت کی بات کرتا ہے۔ انہوں نے کہا کہ ہم پاکستان کے بیٹے ہیں اور ہم اس میں وحدت کے فروغ کیلئے کام کریں گے۔ انہوں نے کہا کہ آج وطن عزیز کے شیعہ اور سنی ایک دوسرے سے محبت کرنے لگ گئے ہیں۔ علامہ ناصر عباس جعفری نے کہا کہ ملک میں قیام امن ہماری ترجیح ہے۔ حکمرانوں نے طالبان کو سپورٹ کیا، دہشت گردوں کی حمایت کی۔ آصف زرداری بتائیں طالبان کو اپنے بیٹے کون کہتا تھا، نصیر اللہ بابر کون تھا ،کراچی میں آج بھی ہمارے کارکن شہید ہوئے ہیں۔ آصف زرداری بتائیں کون قاتلوں کی سرپرستی کرتا رہا۔ انہوں نے کہا کہ گذشتہ سال حکمرانوں کی نگرانی میں یوم عاشورہ پر پر فساد کرایا گیا اور آج بھی وہی انتظامیہ ہمیں ڈرا رہی ہے۔ ہم نہ کل یزید سے ڈرے تھے نہ آج یزید کی اولاد سے ڈرنے والے ہیں۔ ہمارے ڈرائیور اور بچوں کو اٹھانے والے ہمیں نہیں ڈرا سکتے۔ ہم خون کے آخری قطرے تک ڈاکٹر طاہرالقادری کے ساتھ ہیں۔ میں اصلی راجپوت ہوں۔ میں اس کی اولاد ہوں، جس نے انگریزوں کو شکست دی تھی۔ علامہ ناصر عباس نے کہا کہ جہاں اہلسنت بھائیوں کا پسینہ گرئے گا ہم وہاں اپنا خون گرائیں گے۔ انہوں نے کہا کہ شہباز شریف کی انتظامیہ اس محرم پر بھی فسادات کرانا چاہتی ہے۔ انہوں نے کہا کہ نواسہ رسول کا غم منانے میں رکاؤٹ ڈالنے والا شہباز شریف یزید کا حامی ہوسکتا ہے، حسین کا نہیں۔

وحدت نیوز(کراچی) مجلس وحدت مسلمین پاکستان کے مرکزی سیکریٹری جنرل علامہ ناصرعباس جعفری اور مرکزی ڈپٹی سیکریٹری جنرل علامہ محمد امین شہیدی نے ایم ڈبلیوایم کراچی ڈویژن کے زیر اہتمام امروہہ گراونڈ انچولی سوسائٹی میں منعقدہ شہدائے راہ ولایت کانفرنس کے اختتام پر کانفرنس میں شریک خانوادگان شہداء سے خصوصی ملاقات کی، ایم ڈبلیوایم کے دونوں قائدین فرداً فرداً تمام خانوادوں سے ملے ، ان کی خیریت دریافت کی اور شہداء کے معصوم بچوں کے ساتھ اظہار شفقت اور محبت کی، خانوادگان شہداء اپنے محبوب قائدین کو اپنے درمیان پا کر انتہائی مسرت کا احساس کر رہے تھے۔

وحدت نیوز(کراچی) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کہا ہے کہ حکمران چاہتے ہیں کہ عوام کو اپنے جبر سے ڈرا دیں تاکہ ان کے ناپاک عزائم کامیاب ہو جائیں پاکستان کی سر زمین پر پاکستان کی قوم کو مختلف طریقوں سے دہشتگردی ،مذہبی منافرت ،انتہا پسندی ،لسانیت کے ذریعہ خوف پھیلاکردہشتگردوں پالا جا رہا ہے ملک میں گرہوں اورلشکر بنائے گئے تاکہ ہمارے اس معاشرے کو کمزور کیا جائے ، 20کڑور عوام کا ملک کمزور کر دیا جائے، مظلوموں کی حمایت اور شیعہ سنی وحدت کا اسکرپٹ ہمارا ہے،جس کے رائٹر قائد شہید عارف حسینی ہیں، ملک کو دہشت گردی سے نجات دینے کیلئے شیعہ و سنی مل کر سیاسی جدوجہد جاری رکھیں گے،ملک کی سیاست بدل رہی ہے،عوام نے استحصال کرنے والی جماعتوں کو یکسر مسترد کردیا ہے، ان خیالات کا اظہار انہوں نے امروہہ گراونڈ انچولی سوسائٹی میں ایم ڈبلیوایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے کیا۔جبکہ ڈیگر مقررین میں علامہ امین شہیدی ،ایم ڈبلیوایم کی شوریٰ عالی کے چیئرمین مولانا شیخ حسن صلاح الدین، سنی اتحاد کونسل کے مرکزی رہنماءصاحبزادہ اظہر رضا قادری، آل پاکستان سنی تحریک کے مرکزی رہنما مطلوب اعوان، علامہ باقر عباس زیدی، علامہ مختار امامی ،علامہ نثار قلندری،علامہ فرقان حیدر عابدی، علامہ علی انور جعفری، علی حسین نقوی سمیت دیگر شیعہ و سنی رہنمابھی شامل تھے۔کانفرنس میں خانوادہ شہداءاور خواتین کی بہت بڑی تعداد سمیت ہزاروں شرکاءموجودتھے۔ کانفرنس کے آخر میں جشن عید غدیر و عید مباہلہ کی مناسبت سے شاندار آتش بازی کا مظاہرہ کیا گیا جبکہ کانفرنس کا اختتام علامہ مرزا یوسف حسین نے دعائے وحدت کی تلاوت سے کیا۔

علامہ راجہ ناصرعباس جعفری نے کہا کہ پاکستان میں مکتب تشیع کو یہ اعزاز حاصل ہےے کہ سب سے پہلے فرعونی صہیونی دہشتگردی کے اس نظام کو قائد وحدت علامہ شہید عارف الحسینی نے توڑ ا اور عالمی استعماری قوتوں کو پاکستان میں شکست دی، آج ملک میں دہشتگردی کی اس فضا کو ناکام بنانے کیلئے افکار شہید عارف حسین الحسینی کی ضرورت ہے۔ انہوں نے کہا کہ آج بھی اس ملک میں تکفیری قوتیں اس ملک کی جڑوں کو کمزور کر رہی ہیں، ملک کے بیش تر صوبے ان دہشتگرد تکفیریوں قوتوں کے اثر میں ہیں۔ علامہ راجہ ناصر عباس جعفری کا مزید کہنا تھا کہ بلوچستان،خیبر پختوخواہ، پنجاب، سندھ اور گلگت و بلستان میں کئی علاقے ان دہشتگردوں کے زیر اثر ہیں اور مسلسل شیعہ و سنی مسلمانوں کو نقصان پہچا رہے ہیں اور کفر کے فتوی ٰدیئے جا رہے ہیں اور ان کا ساتھ وہ لوگ دے رہے ہیں جوقیام پاکستان کے خلاف تھے اور اب اس ملک کی جڑوں کو کھو کھلا کر رہے ہیں۔ سیکریٹری جنرل ایم ڈبلیو ایم نے اپے خطاب میں کہا کہ ضیاءاسٹبلشمنٹ کی باقیات ہی ہیں جو اس ملک میں میلاد ،جلوس عزائ، مساجد و امام بارگاہوں کو نشانہ بنا رہی ہیں، جو وطن دشمن ،اسلام دشمن ہیں اور آج بھی ریاستی طاقتیں ان دہشتگردوں کی سر پرستی کر رہی ہیں جن کو امریکا اور سعودی عرب کی سرپرستی میں فنڈنگ کی جارہی ہے۔

شہدائے راہ ولایت کانفرنس میں اپنے خصوصی خطاب میں علامہ راجہ ناصر عباس جعفری نے کہا کہ سانحہ ماڈل ٹاون میں معصوم لوگوں کو نشانہ بنایا گیا اور شیعہ و سنی مسلمانوں نے مل کر نواز حکومت اس اقدامات کی مذمت کی اور اپنی و حدت سے ریاستی دہشتگردی کو ناکام بنا دیا ۔ انہوں نے کہا کہ ہم نے طالبان دہشتگردوں سے مذاکرات کو بھی ناکام بنا دیا تھا جبکہ ملک میں موجود آمر جنرل ضیاءکی با قیات نے اس کی مخالفت کی جو در اصل اس ملک سے غداری ہے۔ علامہ راجہ ناصر عباس جعفری کا کہنا تھا کہ نواز حکومت نہیں چاہتی کے اس ملک میں شیعہ و سنی ایک ہوں مگر یہ ان کی خام خیالی ہے، کیونکہ پاکستانی شیعہ و سنی عوام باشعور ہیں اور اپنے خلاف کسی سازشوں کوکامیاب نہیں ہونے دیں گے۔ انہوں نے مزید کہا کہ نواز شریف اور شہباز شریف نے امریکی، اسرائیلی اور سعودی ایماءپر پاکستان اس ملک کو دہشتگردوں کی آماج گاہ بنا دیا ہے ،پورے ملک میں شیعہ و سنی کا قتل عام اسی شیطانی سیاست کی کارستانی ہے اور اس سیاست کو انہیں ظالم و جابر حکمرانوں نے آگے بڑھا یا ہے۔ علامہ راجہ ناصر عباس جعفری کا کہنا تھا کہ ہم اس وطن کے با و فا بیٹے ہیں اور اس ملک کی بقاءکیلئے خون کے آخری قطرے تک ان تکفیری دہشتگردوں کے خلاف اپنے برادران اہلسنت کے ساتھ ملکر اپنی مشترکہ جدو جہد جاری رکھیں گے او ر اپنی اس شیعہ و سنی وحدت سے ایسے تمام ملک و اسلام دشمن حکمرانوں کے ایجنڈے کو ناکام بنا دیں گے اور ملک میں اپنی سیاسی جدو جہد جاری رکھیں گے،اپنی جمہوری جدو جہدکے ذریعہ اس ملک میں امن و خوشحالی لائیں گے۔ انہوں نے کہا کہ ہم اپنے شہداءکے پاکیزہ خون کو رائیگاں نہیں جانے دیں گے اور شیعہ و سنی اتحاد سے اسلام و پاکستان دشمن تکفیریوں کو انشاءاللہ شکست دیں گے۔

وحدت نیوز(کراچی) مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے کہا ہے کہ الٰہی اہداف کے تحت شہداءنے آگاہانہ طور پر اپنا پاکیزہ لہو راہ خدا میں دیکر ہمیں سر اٹھا کر جینے اور شعوری زندگی کے انتخاب کا موقع دیا ہے، طالبان، القاعدہ و داعش کے ذریعے امریکا، اسرائیل، سعودی عرب نے فرقہ واریت پھیلا کر عالم اسلام میں سنی شیعہ وحدت کو نقصان پہنچانے کی ناپاک کوشش کیں، عالمی استعمار امریکا و اسرائیل اور انکے نمک خوار سعودی عرب کے سینے میں خنجر کی مانند ماہ محرم، صفر اور ربیع الاول آنے والے ہیں، لہٰذا اہلسنت و اہل تشیع کو پہلے سے زیادہ بیدار رہنے کی ضرورت ہے، فرقہ واریت پھیلانے کی سازشیں عروج پر ہیں، شام اور عراق سے تکفیری دہشتگردوں کو ایک بڑا ٹولہ واپس پاکستان بھیجا جا چکا ہے تک کہ محرم، صفر اور ربیع الاول کے مبارک مہینوں کو خراب کیا جا سکے، خاص طور پر مکتب تشیع کے جوانوں کو منظم اور جامع حکمت عملی اور منصوبہ بندی ترتیب دینی ہوگی تاکہ اہل تشیع کے ساتھ اپنے اہلسنت برادران کا تحفظ بھی یقینی بنایا جا سکے اور شیعہ سنی اتحاد و وحدت کی فضاءکو بھی نقصان سے محفوظ رکھا جا سکے۔ ان خیالات کا اظہار انہوں نے امروہہ گراونڈ انچولی سوسائٹی میں ایم ڈبلیو ایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے کیا۔

علامہ امین شہیدی نے کہا کہ آج شہداءکی قربانیوں کا نتیجہ ہے کہ ہر گلی کوچے میں نوجوان باطل کے سامنے ڈٹا ہوا ہے، شہادت کو گلے لگا لیں گے لیکن باطل کے ڈر سے میدان نہیں چھوڑیں گے، تعلیماتِ محمد و آل محمد پر عمل پیرا شہداءکی قربانیوں کی وجہ سے اسلام زندہ ہے، ضروری ہے کہ ہر ہر گھر اور معاشرے کو شہید پرور بنایا جائے۔ انہوں نے کہا کہ امریکا، اسرائیل اور سعودی عرب نے داعش کو پیدا کیا، پروان چڑھایا، اور اب انکی سرکوبی کے بہانے خطے میں صہیونیت مخالف حقیقی اسلامی مذاحمتی تحریکوں اور اسلامی بیداری کی لہر کو ختم کرنے کی کوشش کر رہے ہیں ۔ علامہ امین شہیدی کا مزید کہنا تھا کہ پاکستان میں امریکی سعودی برانڈ اسلام کے پروردہ تکفیری دہشتگرد عناصر کے ذریعے عزاداری و میلاد منانے والے محب وطن سنی شیعہ مسلمانوں کو مسلسل دہشتگردی کا نشانہ بنایا جا رہا ہے۔ انہوں نے کہا کہ وطن عزیز پاکستان میں ہونے والی تمام تر دہشتگردی میں تکفیری ٹولہ ملوث ہے، جس نے اہلسنت کا نام چرایا لیکن خراج تحسین کے مستحق ہیں ہمارے اہلسنت علمائے کرام اور عوام جنہوں نے تکفیری دہشتگرد ٹولے کو اہلسنت سے خارج قرار دیکر تکفیریت پھیلانے کی سازش کو ناکام بنا دیا۔

مرکزی ڈپٹی سیکریٹری جنرل ایم ڈبلیو ایم نے کہاکہ حسینیت اور رسالت کو کوئی مائی کا لعل جدا نہیں کر سکتا، اہلسنت و اہل تشیع مسلمان ان دہشتگرد تکفیری سازشی عناصر کے ہاتھ کاٹ دینگے، جس طرح ہم مکتب تشیع کی حفاظت کیلئے میدان میں حاضر ہیں اسی طرح ہم اپنے اہلسنت برادران کی حفاظت کیلئے بھی ڈٹے ہوئے ہیں۔ علامہ امین شہیدی نے کہا کہ نواز شریف کرپشن کا امام بنا ہوا ہے، اسی ’گو نواز گو‘ کے نعرے زبان دز عام ہو چکے ہیں ورنہ نواز شریف سے کسی کو بھی کوئی ذاتی عداوت نہیں ہے، نواز حکومت کی پالیسیوں کی وجہ سے تکفیری دہشتگردوں کو تقویت ملی ہے اور محب وطن مکتب تشیع کو امن پسندی کے نتیجے میں کمزور کیا گیا ہے، نواز شریف اور اس کی لیگی حکومت نے اپنی تمام تر پالیسیاں امریکا، اسرائیل اور خصوصاً سعودی عرب کے مفادات کو سامنے رکھ کر ترتیب دیں ناکہ پاکستان کے مفادات کو سامنے رکھ کر، کیونکہ نواز حکومت کو پاکستان کے نہیں بلکہ امریکی، اسرائیلی و سعودی مفادات عزیز ہیں۔ انہوں نے کہا کہ سنی شیعہ اتحاد و وحدت کے چراغ کو ہم نے سورج بنانا ہے، اس اتحاد کے پیغام کو گھر گھر پہنچانا ہے، اہلسنت کے شہداءبھی ہمارے شہداءہیں، ہم انکے تمام دکھ درد میں انکے ساتھ کھڑے ہیں، انشاءاللہ وہ وقت دور نہیں کہ جب تکفیری دہشتگرد عناصر مزید تنہائی کا شکار ہو کر نابود ہو جائیں گے۔

وحدت نیوز(کراچی) مجلس وحدت مسلمین پاکستان کی مرکزی شوریٰ عالی کے سربراہ مولانا شیخ حسن صلاح الدین نے کہا ہے کہ شہدائے مکتب تشیع نے اپنے خون کو عقیدے پر قربان کرکے اسلام و تشیع کا پرچم سربلند کیا ہے، ہماری ذمہ داری ہے شہداءکے یاد، انکے پیغام کو معاشرے میں زندہ رکھتے ہوئے معاشرے اور افراد کو شہید پرور بنانے میں اپنا ہر ممکن کردار ادا کریں۔ امروہہ گراونڈ انچولی سوسائٹی میں ایم ڈبلیو ایم کراچی ڈویژن کے زیر انتظام شہدائے راہ ولایت کانفرنس سے خطاب کرتے ہوئے مولانا شیخ حسن صلاح الدین نے کہا کہ ہمارے شہدائے اسلام و تشیع کے پرچم کو اپنے خون سے آبیاری کرکے شہدائے کربلا کی پیروی کر رہے ہیں۔ انہوں نے کہا کہ امریکا، اسرائیل اور سعودی عرب داعش جیسی تکفیری دہشتگرد تنظیموں کے ذریعے خطے میں صہیونیت مخالف حقیقی اسلامی مذاحمتی تحریکوں کو کمزور کرنے کی ناکام کوششیں کر رہے ہیں۔ مولانا شیخ حسن صلاح الدین نے مزید کہا کہ ہماری ذمہ داری ہے کہ غدیر و کربلا کے علم کو بلند کرکے اسلام و تشیع کی سربلندی عملی طور پر خلوص کے ساتھ انکے حقیقی پیغام کو دنیا کے سامنے پیش کریں۔ انہوں نے کہا کہ آج عالمی صہیونیت کے تحفظ کیلئے امریکا اپنے حواریوں کے ساتھ عالم اسلام کے اندر فرقہ واریت پھیلانے کی ناپاک سازشیں کر رہا ہے، لہٰذا ضرورت اس امر کی ہے کہ پہلے سے کہیں زیادہ عالم اسلام کے اندر اتحاد و وحدت و یکجہتی کو قائم و دائم رکھنے کی بھرپور کوششیں کریں، یہ عظیم اسلامی فریضہ ہے۔

وحدت نیوز (اسلام آباد) معروف شیعہ عالم دین آیت اللہ شیخ نمر باقر النمر کی سعودی عدالت کے حکم پر پھانسی کی سزاکے  اعلان پرمجلس وحدت مسلمین پاکستان کے سربراہ علامہ ناصرعباس جعفری نے اپنے مذمتی بیان میں کہا ہے کہ شیخ باقر نمرشیعیان عرب کے دلوں میں بستے ہیں ، مکتب اہل بیت ع کی ترویج اور اشاعت کیلئے ان کی قربانیاں لا زوال ہیں ، سعودی حکومت شیخ باقر النمر کی پھانسی کا فیصلہ واپس لے ،آیت اللہ باقرالنمر کی پھانسی درحقیقت آل سعود کےاقتدار کے لئے پھندہ ثابت ہوگی  ،آل سعود داخلی شورش سے بھی سبق حاصل نہیں کررہی ، جابر نظام حکومت سے نجات کیلئے سعودی عوام سراپا احتجاج ہیں ،حکومت پاکستان ،عوامی برادری اور خصوصاً اقوام متحدہ شیخ باقر النمر کی پھانسی میں تعطل اور فوری بازیابی کیلئے اقدامات کرے۔

ان کا مذید کہنا تھا کہ سعودی شاہی حکومت کا آمرنہ ، جابرانہ اور ظالمانہ رویہ سعودی عوام کے اندر اشتعال کو جنم دے رہا ہے، اس رویہ کی بدولت بیشتر شہروں میں آل سعود کے خلاف احتجاجی تحریک روز بروز زور پکڑتی جا رہی ہے ، جن میں قطیف ، الاحسہ اور ریاض کے علاقے شامل ہیں ، سعودی حکومت کی جانب سے مذہبی آزادی کے نام پر دیگر مسالک کا استحصال جاری ہے، کسی دوسرے مسلک کو مذہبی رسومات کی ادائیگی کی قطعاً اجازت نہیں ، آیت اللہ شیخ باقر النمرکا قصور فقط اتنا ہے کہ وہ مسلک تشیع سے تعلق رکھتے ہیں اور اسی مسلک کی ترویج و اشاعت میں مصروف عمل تھے۔