وحدت نیوز (چنیوٹ) مجلس وحدت مسلمین ضلع چنیوٹ کی ضلعی کابینہ کا اجلاس ہوا ۔ جس میں مرکزی سیکرٹری سیاسیات ناصرعبا س شیرازی ، ضلعی سیکرٹری انیس عباس زیدی ، سید اخلاق حسین بخاری ، سید عاشق حسین بخاری ، مظہرعباس جعفری اور دیگر کابینہ کے افراد نے شرکت کی۔ اجلاس سے خطاب کرتے ہوئے ناصر عباس شیرازی نے کہا کہ 16نومبر کے بعد ملکی سیاست نئے دھارے میں نظر آئے گی۔ 16نومبرکے بعد چاروں اتحادی جماعتوں نے یہ اعلان کیا ہے کہ وہ بھکر میں عوامی اجتماع کریں گے ۔ جس میں ایک دن دھرنااورایک دن جلسہ عام ہوگا۔ مجلس وحدت مسلمین انشاء اللہ ہر جگہ اپنا کردار ادا کرے گی ۔

انہوں نے مذیدکہا کہ قائد وحدت علامہ راجہ ناصرعباس جعفری کے حالیہ دورہ گلگت بلتستان کے موقع پر جگہ جگہ ان کا فقید المثال استقبال اس بات کی گواہی ہے کہ عوامی تحریک ابھی ختم نہیں ہوئی۔ حکمران اپنی ظالمانہ پالیسیوں کی بدولت جلد حکومت کی باگ دوڑ سے محروم ہوجائے گے۔ ابھی یہ بات واضح رہے کہ 16نومبر کے بعد ہماری ترجیحات میں جو چیزیں شامل ہونگی ان میں دھرنے کو پورے ملک میں پھیلانا ہے جس کا اختتام 25دسمبر کو قائد اعظم کے مزار پر ہو نے والے جلسے میں ہوگا۔ یہ جلسہ اس بات کی گواہی دے گا کہ تحریک اب پورے ملک میں پھیل چکی ہے۔اورگو نواز گو کو جونعرہ ہے یہ ان کی ظالمانہ اور معتصبانہ پالیسیوں کی بدولت ان کو لے ڈوبے گا۔

وحدت نیوز(اسلام آباد) تحریک جعفریہ پاکستان کی بحالی کے فیصلے نے ثابت کر دیا کہ ملت تشیع کا دہشت گردی اور انتہا پسندی سے کوئی تعلق نہیں، ملت جعفریہ کو ایک سازش کے تحت دیوار سے لگانے کی کوشش کی گئی، تاریخ گواہ ہے کہ اس ملت کے غیور بیٹے وطن عزیز کے لئے قیام پاکستان سے لے کر اب تک اپنے جان و مال کی قربانی دیتے رہے لیکن پاکستان کیخلاف کسی بھی سازش کا حصہ نہیں بنے۔ ان خیالات کا اظہار مجلس وحدت مسلمین پاکستان کے مرکزی سیکرٹری اطلاعات سید مہدی شاہ نے کارکنوں سے خطاب کرتے ہوئے کیا۔ انہوں نے کہا کہ پاکستان میں ریاستی اداروں نے شدت پسندوں کو پنپنے کا موقعہ دیا اور آج یہی گروہ پاکستان کی سلامتی کے لئے سب سے بڑا خطرہ بنا ہوا ہے جن کے روابط براہ راست را، موساد اور سی آئی اے جیسی پاکستان دشمن ایجنسیوں سے ہیں۔ انہوں نے کہا کہ آج انہی تکفیریوں کے ہاتھوں افواج پاکستان سمیت سول سوسائٹی اور بے گناہ مسلمان کا قتل عام جاری ہے۔

سید مہدی شاہ نے کہا کہ پاکستان کے خارجی دشمن انہی دہشت گرد گروہوں کے ذریعے ہمارے سلامتی کے درپے ہیں، آج بین الاقوامی دہشت گرد اور مسلمانوں کے قاتل گروہ ’’داعش‘‘ کی تشہیری مہم چلا کر یہی دہشت گرد اُن کو پاکستان میں خوش آمدید کہہ رہے ہیں، ہمارے ملک کا المیہ یہ رہا ہے کہ یہاں امریکیوں اور عربوں کے مفادات کی تحفظ کے لئے ہر حکمران ملکی سلامتی کو داو پر لگا دیتا ہے لیکن کبھی بھی پاکستان کے مفاد کے لئے نہیں سوچتا۔ انہوں نے کہا کہ وقت کا تقاضا ہے کہ پاکستان کی سلامتی اور بقا کے لئے ان دہشت گردوں کے سرپرستوں سے ناطہ توڑیں اور خارجہ پالیسی کو ازسر نو ترتیب دیں، تاکہ پاکستان کے ماتھے سے دہشت گردی کے یہ بدنما داغ مٹ سکیں۔

وحدت نیوز (مانٹرنگ ڈیسک) اہل بیت (ع) نیوز ایجنسی، ابنا کی رپورٹ کے مطابق آیت اللہ العظمیٰ بشیر نجفی جو چند روز قبل طبی معائنے کے لیے نجف اشرف سے لبنان کے دار الحکومت بیروت پہنچے ہیں، بیروت کے ایک ہسپتال میں داخل ہو گئے ہیں۔ انہوں نے اپنے اس سفر میں لبنان کی مختلف دینی اور سیاسی شخصیتوں سے ملاقاتیں بھی کیں۔ رپورٹ کے مطابق انہوں نے گزشتہ روز جنوبی لبنان کے شہر جباع میں شیعہ مسلمانوں کی اسلامی اعلی کونسل کے نائب صدر شیخ عبد الامیر قبلان، حزب اللہ کے کمانڈر شیخ محمد جمعہ اور دیگر علماء و فضلا سے ملاقاتیں کیں۔ رپورٹ کے مطابق حزب اللہ کے قائد سید حسن نصراللہ نے مرجع دینی آیۃ اللہ شیخ حافظ بشیر حسین النجفی کے لبنان میں موجود دفتر میں ان کی عیادت کی ہے۔ ذرائع کا کہنا ہے اس دوران سید حسن نصر اللہ نے آیۃ اللہ بشیر نجفی کے ساتھ بالعموم پورے خطے کے اور خاص طور سے عراق اور لبنان میں مسلمانوں کے مختلف امور کے بارے میں تبادلہ خیال کیا۔

وحدت نیوز (حیدرآباد) سندھ بهر میں انتظامیہ کی طرف سے دشتگردوں کو آزادی اور امن پسند محب وطن مومنین کے اوپر جهوٹی ایف آئی آر کاٹی جاری ہیں ،جس کی مثال سکهر میں ضلعی سیکرٹری چوہدری اظہر حسن اور 200 عزاداروں کے خلاف ، شکارپور میں ضلعی سیکرٹری اور 300 عزاداروں کے خلاف اور بدین میں مرکزی سیکرٹری تنظیم سازی یعقوب حسینی اور 52 عزاداروں کے خلاف جهوٹی   ایف آئی آرکاٹی گئی ہے. اس ظلم کے خلاف جمعہ کے روز احتجاج کیا جائے گا اورگو آئی.جی. سندھ پولیس گو کی مہم چلائی جائے گی ، ان خیالات کا اظہارمجلس وحدت مسلمین صوبہ سندھ کے ڈپٹی سیکریٹری جنرل عالم کربلائی نے صوبائی سیکرٹریٹ سے جاری اپنے ایک بیان میں کیا، ان کا کہنا تھا کہ پیپلز پارٹی مسلسل کالعدم جماعتوں کو سندھ کی سرزمین پر تحفظ فراہم کر رہی ہے، جس کی تازہ مثال علامہ شفقت عباس مطہری کے قاتلوں کی نامزدگی کے باوجود عدم گرفتاری ہے، جبکہ دوسری جانب قاتلوں کی گرفتاری کا مطالبہ کرنے والے پر امن ایم ڈبلیوایم کے عہدیداران اور کارکنان سمیت عزاداروں کے خلاف جھوٹے کیس بنا کر ایف آر کاٹی جارہی ہے جس کی ہم پر زور مذمت کرتے ہیں ، انہوں نے اعلان کیا کہ اگر جھوٹی ایف آرواپس نہیں لیں گئیں تو سندھ بھر میں گو آئی جی پولیس گو مہم کا آغاز کر دیا جائے گا۔