The Latest

وحدت نیوز(لاہور)مجلس وحدت مسلمین شعبہ خواتین لاہور کو بہترین تنظیمی فعالیت کی بنا پر میونسپل کارپوریشن فیروزوالہ میں الیکشن کی تیاری اور تنظیمی سرگرمیوں کے آغاز کی ھدایات جاری کر دی گئیں ایم ڈبلیو ایم کے صوبائی سیکرٹریٹ وحدت ہاؤس لاہور میں مرکزی سیکرٹری سیاسیات و فوکل پرسن وزیر اعلیٰ پنجاب جناب اسد عباس نقوی کے زیرِ صدارت ایک اہم اجلاس کا انعقاد ہوا ۔جس میں صوبہ پنجاب کے سیکرٹری سیاسیات سید حسن رضا کاظمی اور سیکرٹری فنانس رائے ناصر علی نے شرکت کی جبکہ مرکزی سیکرٹری جنرل ایم ڈبلیو ایم شعبہ خواتین و رکن پنجاب اسمبلی کی ھدایات پر ایم ڈبلیو ایم شعبہ خواتین لاہور کی سیکرٹری جنرل محترمہ حنا تقوی اور ڈپٹی سیکرٹری جنرل محترمہ عظمیٰ نقوی نے اپنی ٹیم کے ساتھ اجلاس میں شرکت کی ۔

مرکزی سطح پر شعبہ خواتین اور شعبہ سیاسیات نے باہمی مشاورت سے فیصلہ کیا کہ میونسپل کارپوریشن فیروزوالہ کی ذمہ داریاں بھی ایم ڈبلیو ایم شعبہ خواتین لاہور کو سونپی جائیں،اجلاس میں طے پایا کہ میونسپل کارپوریشن فیروزوالہ کو بھی شعبہ خواتین لاہور کے تحت تنظیمی طور پر چلایا جائے، میونسپل کارپوریشن فیروزوالہ میں الیکشن کی تیاری کا آغاز کردیا گیا ہے جبکہ جلد تنظیم سازی کا بھی آغاز کر دیا جائےگا ۔ مرکز کی ہدایات کے مطابق الیکشن میں خواتین بھرپور کردار ادا کریں گی ،اس موقع پر محترمہ حنا تقوی نے مرکز کی طرف سے اُن پر کیے جانے والے اعتماد پر اس موقع پر محترمہ حنا تقوی نے مرکز کی طرف سے اُن پر کیے جانے والے اعتماد پر شکریہ ادا کیا اور اپنی ذمہ داریوں کو پورا کرنے کے لیے اپنی تمام تر صلاحیتوں کو بروے کار لانے کی یقین دہانی بھی کروائی۔شکریہ ادا کیا اور اپنی ذمہ داریوں کو پورا کرنے کے لیے اپنی تمام تر صلاحیتوں کو بروے کار لانے کی یقین دہانی بھی کروائی۔


وحدت نیوز(لاہور)مجلس وحدت مسلمین شعبہ خواتین لاہور کی ڈپٹی سیکرٹری جنرل محترمہ عظمی نقوی کی جانب سے امام حسن مجتبیٰ ع کی ولادت کے موقع پر مستحقین میں راشن تقسیم کیا گیا۔ اس موقع پر محترمہ عظمی نقوی نے کہا کہ امام حسن ع فرماتے ہیں جو قلب ہماری ولایت سے سرفراز ہو جاتا ہے پھر ممکن ہی نہیں کہ وہ اپنے بارے میں سوچے اور دوسرے مومن سے غافل رہے مولاؑ کے اس فرمان پر عمل کرتے ہوۓ مستحقین تک راشن پہنچانے کی ایک چھوٹی سی کاوش کی گی ہے۔

 انہوں نے کہا کرونا وبا نے لوگوں کے مالی حالات کو بری طرح متاثر کیا ہے صاحب ثروت افراد پہلے سے ذیادہ اس کار خیر کی انجام دہی کے لیے کوشش کرین ان کا کہنا تھا نیکی کے اس عمل میں جو لوگ تعاون کر رہے ہیں اللہ تعالی ان کی توفیقات خیر میں اضافہ فرماے۔ آمین

وحدت نیوز(گلگت) وزیراعلی گلگت بلتستان خالد خورشید نے مختلف محکموں کے لئے پارلیمانی سیکرٹریز مقرر کردئےہیں ۔ مجلس وحدت مسلمین کی خاتون رکن گلگت بلتستان اسمبلی محترمہ ڈاکٹر کنیز فاطمہ علی کو وزیر اعلیٰ گلگت بلتستان نے پارلیمانی سیکریٹری برائے وویمن ڈیویلپمنٹ مقرر کردیا ہے ۔

جبکہ ممبر اسمبلی دلشاد بانو سیاحت، ممبر اسمبلی ثریا زمان تعلیم اور ممبر اسمبلی کلثوم الیاس صحت کی پارلیمانی سیکرٹریز نامزد ہوئی ہیں۔ تمام نامزد پارلیمانی سیکریٹریز کی نامزدگی کے باضابطہ نوٹیفکیشن وزیراعلیٰ سیکریٹریٹ سےجاری کردیئے گئے ہیں۔

وحدت نیوز(گلگت) آئی ایس او طالبات گلگت کی جانب سے منعقدہ تربیتی کنونشن میں مجلس وحدت مسلمین شعبہ خواتین کی مرکزی سیکرٹری یوتھ سائرہ ابراہیم نے خصوصی شرکت کی اور خطاب کیا ان کا کہنا تھا آج نوجوان نسل کی بہترین تربیت کرنا بہت مشکل ہوگیا ہے دور حاضر میں والدین پر دوہری زمہ داری عائد ہوتی ہے کہ وہ اس زمانے کے تقاضوں کو سمجھتے ہوئے اپنے بچوں کی تربیت کریں اور درست سمت میں راہنمای کریں ۔

انہوں نے کہا تعلیم انسان کو شعور و فہم اور آگہی کے ساتھ ساتھ اخلاقیات سکھاتی ہے ، اس کے اندر انسانیت کی خدمت کا جزبہ ، دینی اقدار کے تحفظ کی ذمہ داری پیدا کرتی ہے لیکن افسوس ہے ہماری تعلیمی نظام پر کہ جس میں بہترین معاشرہ سازی کے لیے مواد موجود نہیں ہے بلکہ تعلیم حاصل کرنے کو صرف کمای کا ذریعہ سمجھا جاتا ہے۔

 انہوں نے کہا بچوں کی تعلیم کے ساتھ ان کی بہترین تربیت ہی انھیں معاشرے کا مہذب شہری بنا سکتی ہے کنوشن میں محترمہ نور جہاں اور حرا روحانی نے بھی طالبات سے خطاب کیا۔

وحدت نیوز(گلگت) جوتل گلگت میں مجلس وحدت مسلمین شعبہ خواتین گلگت کی ڈویژنل سیکرٹری تبلیغات محترمہ زیبی حسن کی طرف سے جشن بلوغت پروگرام کا انعقاد کیا گیا جس میں ایم ڈبلیو ایم شعبہ خواتین کی مرکزی سیکرٹری یوتھ محترمہ سائرہ ابراہیم نے خصوصی شرکت کی ۔

شرکاۓ جشن سے خطاب کرتے ہوئے انہوں نے کہا ہمیں اپنے بچوں کی تربیت پر بہت توجہ دینے کی ضرورت ہے ہمارا دشمن ہماری صفوں میں موجود ہے اور وہ ہماری نوجوان نسل کو ذہنی طور پر معزور کرنا چاہتا ہے۔

 انہوں نے کہا کے ماؤں کو چاہیے کے وہ حالات سے باخبر رہیں اور اپنی بچوں کی تربیت عصر حاضر کے جدید تقاضوں کو مد نظر رکھ کر کریں ۔

انہوں نے کہا کے دشمن جس تیزی سے مختلف شکلوں میں ہماری نوجوان نسل کو تباہی کے دہانے پر لے جانے کی تیاری کر چکا ہے ہم کو بھی اسی تیزی سے اپنے بچوں کو بچانا ہو گا۔

 انہوں نے کہا کے بچوں کو انٹرنیٹ کے استعمال سے روکا نہی جا سکتا لیکن ان کو اس کا بہتر اور مثبت استعمال ضرور سکھایا جا سکتا ہے جس کو وہ اپنی طاقت بنا سکتے ہیں ۔

پروگرام میں خواتین سے خطاب کرتے ہوئے معاون سیکرٹری شعبہ جوان محترمہ ثوبیہ انور نے روزے کی فضیلت اور اہمیت پر روشنی ڈالی  جبکہ محترمہ جنت حور نے احکام تقلید سے متعلق بچوں کو آگاہی دی اختتام میں بچیوں میں تحائف تقسیم کیے گئے۔

وحدت نیوز(اٹک)مجلس وحدت مسلمین شعبہ خواتین شین باغ یونٹ اٹک کی جانب سے امام بارگاہ شین باغ میں ملیکۃ العرب بی بی خدیجہ ع کی وفات کے موقع پر مجلس عزا کا اہتمام کیا گیا جس سےمحترمہ عالیہ زینب نےخطاب کیا ۔

حضرت خدیجہ سلام اللہ علیھا کی سیرت کے مختلف پہلوؤں پر روشنی ڈالتے ہوۓ ان کا کہنا تھا کہ ایک خاتون ہوتے ہوۓ بی بی خدیجہ نے  دین کی خاطر نہ صرف خود بلکہ ان کی پاک و پاکیزی آل نے فداکاری اور لازوال قربانیاں پیش کیں۔

 انہوں نے کہا دین اسلام کی بقا انہی شخصیات کی مرہون منت ہے اور نورانی ہستیوں کی  ولادت و شہادت کے ایام میں ان کی تعلیمات اور کردار کو زندہ رکھنا ہمارا شرعی وظیفہ ہے ۔

انہوں نے کہا آج کی خاتون کے لیے ضروری ہے کہ اپنے آپ کو جناب خدیجہ طاہرہ س اور ان کی دختر جناب فاطمۃ الزہرا س کی سیرت کے سانچے میں ڈھالیں۔

وحدت نیوز(راولپنڈی) یوم رحلت ام المومنین جناب خدیجۃ الکبریؑ کے موقع پر مجلس وحدت مسلمین شعبہ خواتین راولپنڈی کی جانب سے راولپنڈی آفس میں مجلس عزا کا انعقاد کیا گیا جس سے محترمہ عفت نقوی ، محترمہ اقصی اور مجلس وحدت مسلمین پاکستان شعبہ خواتین کی مرکزی رہنما سیدہ قندیل زہرا کاظمی نے خطاب کیا۔

 ان کا کہنا تھا حضرت خدیجہ ع وہ ہستی تھیں جن کے دین اسلام پر بے شمار احسانات ہیں۔بعثت کے ابتدائی دور میں نبی کریم ختمی مرتبت حضرت محمد صلی اللہ علیہ وآلہ وسلم نے جن مشکلات کا سامنا کیا اس میں جناب خدیجہ وہ واحد اور عظیم شخصیت تھیں جنہوں نے انتہائی صبر اور بھر پور حوصلے کے ساتھ بہترین رفاقت کا  شاندار حق ادا کیا۔

انہوں نے کہا عرب کی سب سے مالدار خاتون جنہیں ملیکۃ العرب کہا جاتا انہوں نے اپنی ساری دولت دین اسلام کی تبلیغ، ترویج اور سربلندی پر خرچ کر دی۔دین اسلام کی عظمت کے لیے ام المومنین اور ان کی آل پاک نے دین کی بقا اور سلامتی کے لیے اپنا مال ومتاع اور  اپنی جانوں کا نذرانہ پیش کر کے یہ ثابت کیا کہ یہ دین اسلام وہ الہامی اور حق و صداقت کا  مذہب ہے جس کے لیے سب کچھ قربان کیا جا سکتا ہے۔

انہوں نے کہا کہ محسنہ اسلام کی سیرت میں خواتین کے لیے باوقار زندگی گزارنے کا مکمل درس ہے۔ان کی زندگی کے تمام پہلو مستورات کے لیے مشعل راہ ہیں جن سے عملی زندگی میں استفادہ کرنے کی ضرورت ہے مجلس کے اختتام پر شرکاء کے لیے افطار کا اہتمام کیا گیا۔

وحدت نیوز(ملتان) مجلس وحدت مسلمین شعبہ خواتین ملتان کی جانب سے رحلت ام المومنین حضرت خدیجۃ الکبری سلام اللہ علیھا کی مناسبت سے مجلس عزا کا انعقاد ہوا جس سے عالمہ محترمہ مسرت عباس اور ضلعی میڈیا سیکرٹری محترمہ سدرہ بتول نے خطاب کیا۔ اپنے خطاب میں مقررین نے جناب خدیجۃ الکبری س کے فضائل اور ان کی پاکیزہ سیرت پر روشنی ڈالی۔

 محترمہ مسرت عباس نے اپنے خطاب میں کہا کہ جناب خدیجۃ الکبری سلام اللہ علیھا نے زمانہ جاہلیت میں بھی وہ مقام و منزلت حاصل کی جو اس دور میں کسی عورت کے لیے حاصل کرنا نا ممکن تھی ایسا زمانہ جہاں عورت کو زندہ درگور کر دیا جاتا یا پھر گھر میں محسور رکھا جاتا آپ سلام اللہ علیھا سیدۃ التجار کہلائیں انہوں نے کہا کہ جب رسول خدا صل اللہ علیہ و آلہ وسلم تن تنہا تھے تو آپ ان کی مونس و مددگار بنیں اور اپنی تمام دولت و ثروت راہ اسلام میں قربان کر دی۔

 ان کا مزید کہنا تھا کہ آج ام المومنین حضرت خدیجہ سلام اللہ کی سیرت نہ صرف خواتین بلکہ مردوں کے لیے بھی نمونہ عمل ہے آج ہمیں بھی اپنے معاشرے کی اصلاح اور دینی تعلیمات پر عمل پیرا ہوتے ہوۓ انفاق فی سبیل اللہ کرنے اور اپنے مالی واجبات ادا کرتے ہوۓ سیرت ملیکۃ العرب پر عمل پیرا ہونا چاہیے۔ اس موقع پر ایم ڈبلیو ایم شعبہ خواتین ملتان کی سیکرٹری جنرل خانم تصدق زہرا نے شیعہ مسنگ پرسنز کی بازیابی کے لیے جمعہ ، ہفتہ اور اتوار شام 5 سے 9 بجے تک قذافی چوک پر احتجاجی دھرنے کا اعلان کیا۔

وحدت نیوز(لاہور) مجلس وحدت مسلمین شعبہ خواتین لاھور کی جانب سے ضرورت مند خاندانوں میں راشن کی تقسیم کاسلسلہ جاری ہےجس میں بیدیاں روڈ یونٹ کے مخیر حضرات کا خصوصی تعاون شامل ہے ۔مستحق خاندانوں میں راشن کی تقسیم کے موقع پر محترمہ حنا تقوی سیکرٹری جنرل ایم ڈبلیوایم شعبہ خواتین لاھور نے کہا کہ کرونا وائرس اور کمرتوڑ مہنگائی کی وجہ سے سفید پوش خاندانوں کا زندگی گزارنا مشکل ترین ہوتا جارہا ہے ،اس کٹھن وقت مخیر حضرات آگے بڑھیں اور حتی الامکان کوشش کریں کہ اس کار خیر میں حصہ لیں اور ضرورتمند و مساکین کی دل کھول کر امداد کریں اور رمضان کی رحمتوں اور برکتوں سے بھرپور استفادہ کریں۔

وحدت نیوز(لاہور)ام المومنین ، زوجہ رسول خدا(ص) مادر حضرت فاطمۃ الزہرا(س) حضرت خدیجۃ الکبری سلام اللہ علیھا کے یوم وفات کے موقع پر مرکزی سیکرٹری جنرل و رکن پنجاب اسمبلی سیدہ زہرا نقوی نے اپنے تعزیتی پیغام میں تمام اہل اسلام کی خدمت میں تسلیت پیش کرتے ہوۓ کہا کہ ملیکۃ العرب جناب خدیجۃ الکبری سلام اللہ علیھا ایسی با بصیرت و با معرفت خاتون ہیں جو زمانہ جاہلیت میں بھی آسمانی کتب پر اعتقاد رکھتیں اور خداۓ وحدہ لاشریک کی پرستش کرتی تھیں ۔

انہوں نے کہا بی بی خدیجہ س وہ عظیم خاتون ہیں جنہوں نے سب سے پہلےرسول خدا صلی اللہ علیہ وآلہ وسلم کی تصدیق کی، اسلام قبول کیا اور اسلام کی پہلی نماز رسول اللہ صلی اللہ علیہ وآلہ وسلم کے ساتھ ادا کی  رسول خد ؐ نے آپ کو دنیا کی چار بہترین خواتین میں سے قرار دیا آپ کی فضیلت میں یہی کافی ہے کہ آپ تمام عالمین کی عورتوں کی سردار حضرت فاطمہ سلام اللہ علیھا کی مادر گرامی اور جوانان جنت کے سردار امام حسن ع و امام حسین ع کی نانی ہیں۔

 ان کا کہنا تھا کہ ام المومنین،سیدہ خدیجۃالکبریٰ عرب کی معزز ترین اور دولت مند خاتون ہونے کے ساتھ ساتھ علم و فضل اور ایمان و ایقان میں بھی نمایاں مقام رکھتی ہیں۔پیغمبر اسلام صلی ا للہ آپ  کی رفاقت اور غمگساری کو آخری سانس تک نہ بھول پائے اور فرمایا کہ خدیجہ جیسی رفیقہ مجھے کوئی اور نہ ملی محترمہ زہرا نقوی کا کہنا تھا  حضرت خدیجہ (س) نے دین اسلام کی خاطر حضور اکرم (ص) کے ساتھ ہر قسم کے مصائب و آلام کو جھیلا اور آپ کے بعد دین اسلام کی محافظت اور بقا کی خاطرآپکی بیٹی حضرت فاطمہ الزھرہ سلام اللہ علیہا اور نواسی حضرت زینب بنت علی سلام اللہ علیہا نےعظیم اور بے مثال قربانیاں پیش کیں حضرت خدیجہ الکبری ٰ (س) کی سیرت طیبہ امت مسلمہ کی خواتین کے لئے ایک بہترین نمونہ ہے اور آج ضرورت اس امر کی ہے کہ حضرت خدیجہ سلام اللہ علیھا کو بطور رول ماڈل سامنے رکھتے ہوئے ہمارا معاشرہ ان کے تاریخ ساز کردار سے عمل کی راہوں کو روشن کر سکے۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree