The Latest

وحدت نیوز(فیروزوالا) مجلس وحدت مسلمین شعبہ خواتین لاہور کی سیکرٹری جنرل محترمہ حنا تقوی نے ڈپٹی سیکرٹری جنرل محترمہ عظمی نقوی اور سیکرٹری ورکنگ وومن محترمہ عزرا  کے ہمراہ آج دوسرے روز بھی فیروز والا کے مختلف علاقوں کا دورہ کیا ۔وفد نے گھر گھر جا کر مجلس وحدت مسلمین کا بطور ملی قومی سیاسی اور مذہبی جماعت تعارف پیش کیا اور انتخابات کے حوالے سے بھرپور کمپین چلائی۔

 امام بارگاہ قصر بنی ہاشم ( فیروز والا) میں موجود خواتین سے خطاب کرتے ہوئے محترمہ حنا تقوی نے کہا کہ ہر شخص خواہ وہ مرد ہو یا عورت انہیں اپنے زمانے کے حالات سے آگاہ ہونا چاہئے تاکہ مشتبہ اور غلط فہمی پیدا کرنے والی باتیں اس پر حملہ آور نہ ہوسکےاگر انسان اپنی صلاحیتوں کو پہچان لے تو وہ ہر نا ممکن کو ممکن بنا سکتا ہے۔ دور حاضر میں ہم سبکی  ذمہ داری ہے کہ ہم ایسے لوگوں کو ملت اور قوم کے لئے چنے جو ہمارے نمائندہ بن کے ہماری آواز ایوانوں تک پہنچائیں ۔

فیروز والا کی خواہران نے مجلسِ وحدت مسلمین کے نمائندگان کا انتخابات میں ساتھ دینے کا یقین دلایا اور کہا کہ انشاء اللّہ ہم بہت جلد خواتین کی ایک بڑی نشست کا اہتمام کرکے ایم ڈبلیو ایم شعبہ خواتین کو مدعو کرینگے جس میں وہ انتخابی مہم کے حوالے سے بھرپور آگہی دے سکیں۔

وحدت نیوز(فیروزوالا) مجلس وحدت مسلمین شعبہ خواتین لاھور کی سیکرٹری جنرل محترمہ حنا تقوی نے ڈپٹی سیکرٹری جنرل محترمہ عظمی نقوی اور ویلفیئر سیکرٹری محترمہ عالیہ رضوی  کے ہمراہ فیروز والا کے مختلف علاقوں کا دورہ کیا  جہاں انہوں نے علاقے کوٹ عبد المالک کے امام بارگاہ تسکین حسین میں خواتین سے ملاقات کی ، علاقے کی خواتین نے ایم ڈبلیو ایم شعبہ خواتین لاہور کے وفد کا بھرپور استقبال کیا اور علاقے میں یونٹ سازی کے ساتھ ساتھ درس و تدریس کے سلسلے کی خواہش کا اظہار کیا۔

اس موقع پر محترمہ حنا تقوی نے ایم ڈبلیو ایم شعبہ خواتین کا یونٹ تشکیل دیا جس میں محترمہ ہما محسن کو بطور سیکرٹری جنرل منتخب کیا گیا علاوہ ازیں ہفتہ وار تربیتی کلاسز کا بھی باقاعدہ آغاز کیا گیا ۔خواتین سے خطاب کرتے ہوئے یوم شہادت امام رضا ع کی مناسبت سے آپؑ کی سیرت پر روشنی ڈالتے ہوئےمحترمہ حنا تقوی نے کہا کہ امام نے کبھی کسی سے تند کلامی نہیں کی اور نہ ہی کبھی کسی کی بات کاٹی ہر شخص کی ضرورت کو پورا کرتے تھےآپ کسی کی طرف پاؤں پھیلا کر نہیں بیٹھتے تھےاور نہ ہی محفل میں کسی کے سامنے ٹیک لگا کر بیٹھتے غلاموں کے ساتھ انتہائی نرمی سے پیش آتے تھے ہم سب کو چاہئے کہ انکی سیرت پر عمل کریں اور حقیقی معنوں میں پیروکار اہل بیت بننے کی کوشش کریں ۔

بعد ازاں وفد نے امامیہ کالونی کی چند معزز و فعال خواتین سے ملاقات کے دوران بلدیاتی انتخابات کے حوالے گفتگو کی جس میں طے پایا کہ ان شاء اللّہ اگلے ہفتے  امامیہ کالونی فیروز والا میں خواتین کی ایک بڑی نشست کا اہتمام کیا جائے گااور امامیہ کالونی کےمختلف علاقوں میں یونٹس بنا کے بلدیاتی انتخابات کی زمینہ سازی کی جائے گی۔

وحدت نیوز(راولپنڈی)مجلس وحدت مسلمین راولپنڈی شعبہ خواتین کے اہم اجلاس کا انعقاد ایم ڈبلیو ایم راولپنڈی کے ضلعی دفتر میں ہوا جس میں مرکزی اور ضلعی عہدیداران نے شرکت کی۔ اجلاس سے خطاب کرتے ہوئے مرکزی رہنما قندیل زہرا کاظمی نے تنظیمی فعالیت میں مزید تیزی پیدا کرنے پر زور دیا۔ انہوں نے کہا کہ یکم اگست کو لیاقت باغ میں شہید قائد عارف حسین الحسینی کی تینتیسویں برسی کی مناسبت سے شایان شان تقریب کا انعقاد کیا جائے گا جس میں ملک بھر سے صوبائی و ضلعی رہنماؤں اور کارکنان کے علاوہ مختلف مکاتب فکر سے تعلق رکھنے والی شخصیات بھی شریک ہوں گی۔

انہوں نے کہا کہ اس بار اس اہم تقریب کی میزبانی کا شرف ضلع راولپنڈی کے حصے میں آیا ہے لہذا ہمیں بھرپور انداز سے تقریب کی تیاری کرنا ہو گی۔ شہید قائد پوری قوم کے محسن تھے اور زندہ قومیں اپنے محسنوں کو فراموش نہیں کرتیں۔شہید قائد نے اس قوم کی فکری تربیت کرتے ہوئے کربلا کے حقیقی مفہوم سے روشناس کرایا ہےہم نے شہید قائد کی علم و عمل کی پیروی کرنی ہے۔

 انہوں نے کہا کہ بعثت نبوی سے کربلا تک کی تاریخ اٹھا کر دیکھ لیں۔ زندگی کا کوئی بھی باب خواتین کے مثالی کردار سے خالی نہیں۔دور عصر میں ہمیں مکتب اہل بیت ع کے دفاع اور حفاظت  کے لیےاپنے حصہ کا کردار نبھانا ہو گا۔انہوں نے کہا کہ شہید قائد کی برسی میں شرکت کے لیے تنظیمی وابستگی سے بالاتر ہو کر اپنے رابطوں میں تیزی لائے جائے تاکہ عظیم قائد کے شایان شان تقریب منعقد کر کے ملت تشیع کی وحدت و اخوت دنیا پر واضح کی جا سکے۔

وحدت نیوز(گلگت) ڈپٹی جنرل سیکریٹری مجلس وحدت مسلمین شعبہ خواتین گلگت بلتستان و سابق رکن جی بی اسمبلی محترمہ بی بی سلیمہ صاحبہ کے رہائش گاہ میں شعبہ خواتین گلگت کی کابینہ کا اہم اجلاس منعقد ہوا،اجلاس کی صدارت صوبائی ڈپٹی جنرل سیکریٹری شعبہ خواتین محترمہ بی بی سلیمہ صاحبہ نے کی،اجلاس میں گلگت ڈویژن سے تعلق رکھنے والی سینئر خواہران نے شرکت کی،اجلاس کا آغاز تلاوت کلام پاک سے ہوا خواہر کائنات نے تلاوت کلام پاک کا شرف کیا، بعد از تلاوت کلام پاک مندرجہ ذیل امور پر تبادلہ خیال کیا گیا۔

تنظیم سازی:
بہت جلد گلگت ڈویژن کے ہر ضلع میں تنظیم سازی کی جائے گی اور مختلف یونٹس بنانے پر اتفاق ہوا۔

تربیتی پروگرام:
خواہران کی تربیت کے لیے مختلف جگہوں میں تربیتی پروگرامز کے انعقاد پر اتفاق کیا گیا۔

دعائیہ محافل:
مختلف جگہوں میں دعائیہ محافل اور خصوصاً ماہ ذالحجہ میں دعاۓ عرفہ کا انعقاد تمام گلگت ڈویژن کے تمام جگہوں میں کرانے پر اتفاق کیا گیا۔آخر میں صوبائی کابینہ کے عہدے داران نے ڈپٹی جنرل سیکریٹری محترمہ بی بی سلیمہ کی قیادت پر بھرپور اعتماد کا اظہار کیا اور ہرقسم کا تعان کرنے کی یقین دہانی بھی کرائی گئی۔

وحدت نیوز(سکردو) مجلس وحدت مسلمین گلگت بلتستان شعبہ خواتین کی سیکریٹری جنرل و پارلیمانی سیکریٹری برائے ویمن ڈیویلپمنٹ محترمہ کنیز فاطمہ نے ایم ڈبلیوایم ضلع سکردو شعبہ خواتین کی ڈپٹی سیکریٹری جنرل کبریٰ بتول کے  ہمراہ سکردو میں سندوس، سندوس گون اور کتپناہ کا دورہ کیا۔ اس موقع پر انھوں نے تنظیم سازی کے ساتھ وہاں کے مسائل پر خواتین کے مختلف پروگرام میں شرکت کی۔ اس موقع پر محترمہ کنیز فاطمہ نے خواتین کے مسائل کے حل کے لئے کئے گئے اقدامات سے خواتین کا آگاہ کیا۔

وحدت نیوز(کراچی) مرکزی ڈپٹی سیکرٹری مجلس وحدت مسلمین شعبہ خواتین پاکستان محترمہ ام البنین کی شرکت اور خطاب.مجلس وحدت مسلمین شعبہ خواتین کراچی ضلع جنوبی کی جانب سے علمِ تجوید و قرآن فہمی برائے طالبات کی تقریبِ نتائج اور تقسیم اسناد و  انعامات کا انعقاد صوبائی سیکریٹریٹ سولجر بازار میں کیا گیا۔ تجوید و قرآن فہمی کی کلاسز ایک ماہ سے جاری تھیں۔جسمیں علاقے کی خواتین اور بچیوں نے بھرپور شرکت کی۔اختتام پر امتحان کے بعد پوزیشن لینے والی طالبات اور تمام شریک ہونے والی خواہران میں کیش پرائز، تحفے اور اسناد تقسیم کی گئیں۔پہلی پوزیشن محترمہ کنیز ناصر، دوسری پوزیشن محترمہ ناہید محسن اور تیسری پوزیشن محترمہ فاطمہ نوشاد نے حاصل کی۔

اس تقریب میں مرکزی ڈپٹی سیکرٹری مجلس وحدت مسلمین شعبہ خواتین محترمہ ام البنین خصوصی طور پر شریک ہوئیں اور تقریب سے خطاب کرتے ہوئےتنظیمی اغراض ومقاصد پر روشنی ڈالی۔جس کے بعد باقاعدہ طور پر شعبہ خواتین سولجر بازار کی یونٹ سازی عمل میں لائی گئ۔جسمیں محترمہ سمانہ نوشاد مجلس وحدت مسلمین شعبہ خواتین کراچی سولجر بازار یونٹ کی سیکرٹری جنرل جبکہ محترمہ عنبرین رضوان ڈپٹی سیکرٹری جنرل نامزد ہوئیں۔

وحدت نیوز(لاہور) صوبائی سیکریٹریٹ ایم ڈبلیو ایم پنجاب لاہور میں مجلس وحدت مسلمین شعبہ خواتین ضلع لاہور کی کابینہ میٹنگ مرکزی سیکرٹری جنرل و رکن پنجاب اسمبلی سیدہ زہرا نقوی کی زیر صدارت ہوئی ۔

 اجلاس میں علامہ سید احمد اقبال رضوی مرکزی ڈپٹی سیکرٹری جنرل مجلس وحدت مسلمین پاکستان ، سید اسد عباس نقوی مرکزی سیکرٹری سیاسیات ایم ڈبلیو ایم پاکستان ،مولانا ظہیر کربلائی مرکزی کوآرڈینیٹر شعبہ تربیت اور ایم ڈبلیو ایم شعبہ خواتین لاہور کی سیکرٹری جنرل محترمہ حنا نقوی اپنی کابینہ کے ہمراہ شریک ہوئیں۔

 مرکزی سیکرٹری جنرل ایم ڈبلیو ایم شعبہ خواتین سیدہ زہرا نقوی نے لاہور کابینہ کی بہترین تنظیمی کارکردگی کو سراہتے ہوئے کہا کہ ضلع لاہور کی شعبہ جاتی فعالیت کو مدنظر رکھتے ہوئے فیروزوالہ کے ساتھ ساتھ وزیر آباد میں بھی بھرپور الیکشن کمپین چلانے کی ذمہ داری سونپی جا رہی ہے ۔

محترمہ حنا تقوی وزیر آباد کا دورہ کریں گی اور وہاں کی خواتین سے ملاقات کے بعد ایک مضبوط تنظیمی و سیاسی سیٹ اپ کے حوالے سے اپنی خدمات پیش کریں گی محترمہ زہرا نقوی نے اس اہم ذمہ داری کو قبول کرنے پر خواہر حنا تقوی اور ان کی کابینہ کا شکریہ ادا کیا ۔

سید اسد عباس نقوی نے شعبہ خواتین لاہور کی شعبہ جاتی پروگرام کی فعالیت کو سراہتے ہوئے کہا کہ جس طرح فیروز والہ میں بلدیاتی الیکشن کے حوالے سے آپ خواہران نے ساتھ دینے کی یقین دہانی کرائی ہے اسی طرح اب وزیرآباد میں بھی ہمیں آپ سے یہی توقع ہے کہ اس حلقے کی کمپین میں ہمارا بھرپور ساتھ دیں گی ۔

اس موقع پر مرکزی ڈپٹی سیکرٹری جنرل علامہ سید احمد اقبال رضوی نے بھی شعبہ خواتین کی فعالیت کی تعریف کرتے ہوئےکہا کہ شعبہ خواتین اس سال محرم الحرام سے پہلے ایک ذاکرات ، عالمات اور بانیان مجالس اور سنگتوں کی سربراہان کی ایک کانفرنس منعقد کرائے جس میں  ملک بھر کی معروف ذاکرات عالمات بانیان سنگتوں کی سالار اور معروف مرثیہ خوان اور نوحہ خوان خواتین کو دعوت دی جائے ۔انہوں نے کہا کہ یہ کانفرنس (عزاداری کانفرنس ) کے عنوان سے شعبہ خواتین منعقد کرے ۔

مرکزی کوآرڈینیٹر شعبہ تربیت مولانا ظہیر کربلائی نے شعبہ خواتین ضلع لاہور کے لیے سربراہ مجلس وحدت مسلمین علامہ راجا ناصر عباس جعفری حفظ اللہ کا خصوصی پیغام دیا جس میں انہوں نے ضلع لاہور کی منظم اور بہترین فعالیت پر انہیں خراج تحسین پیش کیا اور کہا کہ شعبہ خواتین کے تمام اضلاع کو اسی طرح متحرک اور سر گرم عمل رہتے ہوئےکام کرنے کی ضرورت ہے۔

 اجلاس میں ڈپٹی سیکرٹری جنرل ایم ڈبلیو ایم شعبہ خواتین لاہور عظمی نقوی ، سیکرٹری روابط محترمہ عندلیب ، سیکرٹری فلاح و بہبود محترمہ عالیہ رضوی اور سیکرٹری شعبہ تربیت محترمہ نجبہ بتول شریک تھیں۔

وحدت نیوز (سکردو) مجلس وحدت مسلمین کےفلاحی شعبےکے زیر اہتمام چلنے والے ہسپتال دار الشفاء حضرت عباس ہسپتال میں فری میڈیکل کیمپ۔ سینکڑوں مریض ٹرپل اے ایسوسی ایٹس اور مجلس وحدت مسلمین کے باہمی اشتراک سے منعقدہ فری میڈیکل کیمپ سے مستفیض ہوئے۔ اسلام آباد میں قائم معروف نجی ادارے ٹرپل اے ایسوسی ایٹس کے ماہر معالجین آئندہ بھی بلتستان میں فری میڈیکل کیمپس کے انعقاد ادارہ رکھتے ہیں۔

بدھ وار کے روز منعقدہ اس میڈیکل کیمپ میں ماہر ڈاکٹرز نے ہڈیوں کے پرانے درد ، جلد کے امراض اور ہومیوپیتھک ادویات کے ذریعے پرانے اور ناقابل علاج سمجھے جانے والے امراض میں مبتلا مریضوں کو بلکل مفت کنسلٹنسی فراہم کئے۔ ایسوسی ایشن کے ڈاکٹرز ڈاکٹر حسنین و دیگر نے دارالشفا حضرت عباس ہسپتال کے منتظمین کا فری میڈیکل کیمپ کیلئے معاونت پر شکریہ ادا کرتے ہوئے اس عزم کا اظہار کیا کہ مستقبل میں بھی بلتستان کے لوگوں کو اپنی خدمات فراہم کرنے کی کوشش کی جائیگی۔

 اس موقع پر میڈیا سے بات کرتے ہوئے دارالشفا کے ایڈمنسٹریٹر عقیل احمد ایڈووکیٹ نے ماہر ڈاکٹرز اور ٹرپل اے ایسوسی ایشن نے منیجنگ ڈائریکٹر لیفٹیننٹ کرنل ریٹائرڈ شہزاد کیانی ، چیئرمین ٹرپل اے شیخ فواد بشیر و دیگر کا خصوصی شکریہ ادا کیا اور امید ظاہر کی کہ آیندہ بھی انکا ادارہ بلتستان میں اسطرح کے پروگرامز کرینگے۔ ہمارا ارادہ دارالشفا حضرت عباس سکردو ایسے اقدامات کو ویلکم کہیں گے اور ہر ممکن طور پر معاونت فراہم کرینگے۔عقیل احمد ایڈوکیٹ نے شریف کواردوی کا خصوصی شکریہ ادا کرتے ہوئے کہا کہ اس کیمپ کے انعقاد سے لیکر اختتام ، ڈاکٹرز اور ٹرپل اے ایسوسی ایٹس سے روابط میں آپ کا کردار نہایت اہم اور مدد گار ثابت ہوا۔

وحدت نیوز(سکردو)  پارلیمانی سیکرٹری برائے وویمن ڈویلپمنٹ و صوبائی سیکرٹری جنرل مجلس وحدت مسلمین گلگت بلتستان شعبہ خواتین محترمہ کنیز فاطمہ علی نے اپنے بیان میں کہا ہےکہ کتیشو/مہدی آبادمیں رونما ہونے والے دلخراش واقعے میں خاتون پر پتھراؤ اور تشدد انتہائی شرمناک اور ظالمانہ حرکت ہے۔

انہوں نے کہا کہ گلگت بلتستان جیسے مہذب معاشرے میں یہ واقعہ بلخصوص بلتستان  پر بد نما داغ ہے جسکی جتنی مذمت کی جائے کم ہے۔متاثرین کو یہ یقین دلاتے ہیں کہ صوبائی حکومت کی جانب سے اس دلخراش واقعے میں ملوث افراد کے خلاف بھر پور کاروائی ہو گی۔

وحدت نیوز(گلگت) ڈپٹی سیکریٹری جنرل مجلس وحدت مسلمین و سابق رُکن گلگت بلتستان اسمبلی محترمہ بی بی سلیمہ صاحبہ نے حال ہی میں سوشل میڈیا میں وائرل ہونے والی ایک ویڈیو جس میں چند نوجوان لڑکوں نے ایک خاتون کو بدترین اور وحشیانہ تشدد کا نشانہ بنایا کی بھرپور انداز میں مذمت کی -

انہوں نے اس واقعے کو شرمناک اور ناقابل معافی قرار دیا۔ انہوں نے مزید کہا کہ جی بی حکومت اس واقع میں ملوث تمام افراد کو قانون کے کٹہرے میں لاکر قرار واقعی سزا دلانے میں اپنا کردار ادا کرے۔ گلگت بلتستان کی تاریخ میں یہ اپنی نوعیت کے ان چند واقعات میں سے ایک ہے جس میں کئی نوجوانوں نے مل کر ایک نہتی خاتون کو سفاکانہ تشدد کا نشانہ بناکر زخمی کردیا ہے۔یہ واقع بلتستان ڈسٹرکٹ کھرمنگ مھدی آباد کے قریب چراگاہ میں پیش آیا۔ متاثرہ خاتون اس وقت تشویشناک حالت میں مقامی ہسپتال میں زیر علاج ہے۔ ہم متاثرہ خاتون کے ساتھ مکمل ہمدردی کا اظہار کرتے ہیں۔

بعض اطلاعات کے مطابق چراگاہ کے تنازعہ کے واقع  میں کل تین خواتین زخمی ہیں جوکہ ریجنل ہسپتال سکردو میں زیر علاج ہیں۔ ان تمام واقعات کی مکمل اور شفاف تحقیقات کر کے ملزمان کو کیفر کردار تک پہنچانا چاہئے۔ وزیر اعلی گلگت بلتستان کا اس واقع کا نوٹس لینا خوش آئند ہے امید ہے کہ صوبائی حکومت اس واقعے میں ملوث تمام مجرموں کو قرار واقعی سزادے گی۔

Page 13 of 93

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree