The Latest

وحدت نیوز(ملتان) مجلس وحدت مسلمین وومن ونگ کی مرکزی رہنما محترمہ فرحانہ گلزیب اور محترمہ گلشن زیدی نے ضلع ملتان کا تنظیمی دورہ کیا اور ضلعی سیٹ اپ تشکیل دیا اس موقع پر محترمہ تصدق زہرا ضلعی  سیکرٹری جنرل منتخب ہوئیں ۔

محترمہ فرحانہ گلزیب نے نو منتخب سیکرٹری جنرل اور ان کی کابینہ سے حلف لیا محترمہ گلشن زیدی اور محترمہ فرحانہ گلزیب نے تنظیم کے اغراض و مقاصد بیان کیے اور ایک مضبوط تنظیمی سٹرکچر کی تشکیل کے لیے اراکین کابینہ کی راہنمائی کی مجلس وحدت مسلمین شعبہ خواتین کی جانب سے  نو منتخب کابینہ کو کتب ھدیہ کی گئیں۔

وحدت نیوز(گلگت) مجلس وحدت مسلمین شعبہ خواتین گلگت کی سیکرٹری جنرل محترمہ سائرہ ابراہیم اور سوشل ویلفیئر سیکرٹری محترمہ جمیلہ نے وحدت ہاوس گلگت میں نو منتخب رکن گلگت بلتستان اسمبلی محترمہ کنیز فاطمہ سے تفصیلی ملاقات کی ایم ڈبلیو ایم شعبہ خواتین گلگت بلتستان کے تنظیمی امور اور خطے کی سیاسی صورتحال پر تبادلہ خیال کیا۔

 اس موقع پر رکن جی بی اسمبلی محترمہ کنیز فاطمہ کا کہنا تھا کہ ایم ڈبلیو ایم شعبہ خواتین کو مضبوط کرنے کے لیے مختلف پراجیکٹس پر باہمی تعاون سے کام کیا جائے گا۔انہوں نے کہا کہ ان شاء اللہ اس سیاسی سفر میں تنظیمی منشور پر عمل پیرا ہونے کی کوشش کرونگی اور اس الہی جماعت پر لوگوں کے اعتماد کو قائم رکھنے اور گلگت بلتستان کی عوام کی محرومیوں کو دور کرنے کے لیے ہر ممکن کوشش کرونگی ۔

اس موقع پر محترمہ سائرہ ابراہیم نے نیک تمنات کا اظہار کیا ان کا کہنا تھا گلگت بلتستان کے زمینی حقائق دیگر صوبوں سے یکسر مختلف ہیں یہاں کے لوگ تعلیم یافتہ اور باشعور ہیں۔

 انھوں نے کہا خطے کے عوام کو روزگار اور تعلیم و صحت کے بہترین وسائل میسر ہوں تو وہ یہاں سے دوسرے شہروں کو ہجرت نہ کریں اور اپنے خطے کی ترقی میں اہم کردار ادا سکیں۔ انہوں نے امید ظاہر کی مجلس وحدت مسلمین کے مخلص اور صالح اراکین اسمبلی جی بی کے روشن مستقبل کی نوید سنائیں گے۔

وحدت نیوز(حیدرآباد)خواتین جب تعلیم یافتہ ،اخلاق وآداب سے مزین ہونگیں تو ظلم و جہالت کی تاریکیاں چھٹ جائیں گیں اور صالح معاشرہ کی تشکیل ممکن ہوگی ہر دور اور زمانے میں ایسی خواتین گذری ہیں جنہوں نے علم دین کے حصول اور اس کی نشرو اشاعت میں گرانقدر اور نمایاں خدمات انجام دی ہیں اور یادگار تابندہ نقوش چھوڑے ہیں۔ ان خیالات کا اظہار مرکزی سیکرٹری جنرل مجلس وحدت مسلمین پاکستان علامہ راجا ناصر عباس جعفری نے ایم ڈبلیو ایم شعبہ خواتین کے فلاحی ادارے بیت زہرا حیدر آباد میں خواتین کے لیے منعقدہ تربیتی و فکری نشست سے کیا ۔

انھوں نے مزید کہا سیاسی اور معاشی طور پر دنیا اب منتقلیِ طاقت کے دور سے گزر رہی ہے یہ شفٹ آف پاور مغرب سے مشرق کی طرف ہے ایسے میں ہمیں اپنی سیاسی اور  شعوری تربیت پر کام کرنے کی ضرورت ہے علامہ راجا ناصر عباس جعفری نے بیت زہراؑ میں کیے جانے والے کاموں کو سراہا اور نئے پراجیکٹس پر مفید آراء پیش کیں ۔

اس موقع پر صوبائی سیکرٹری جنرل سندھ علامہ باقر زیدی اور مولانا انور علی جعفری نے بھی ان کے ہمراہ موجود تھے  نشست کا انعقاد مرکزی سیکرٹری نشر واشاعت مجلس وحدت مسلمین شعبہ خواتین و چیئر پرسن بیت زھراؑ محترمہ عظمی تقوی کی سربراہی میں کیا گیا جبکہ مرکزی رابطہ سیکرٹری مجلس وحدت مسلمین شعبہ خواتین محترمہ سیمی نقوی نے بھی خصوصی شرکت کی محترمہ عظمی تقوی نے حالیہ گلگت بلتستان الیکشن میں ملنے والی کامیابی پر قائد وحدت کو مبارکباد پیش کی اور حیدر آباد اور سندھ کے دوسرے اضلاع سے متعلق آئندہ کے لائحہ عمل اور تنظیمی امور پر مشاورت کی۔

وحدت نیوز(دادو) مجلس وحدت مسلمین شعبہ خواتین کی مرکزی سیکرٹری روابط محترمہ سیمی نقوی و معاون سیکرٹری روابط و تنظیم سازی محترمہ غزالہ جعفری کی جانب سے ضلع دادو میں ضلعی سیٹ اپ تشکیل دیا گیا محترمہ معصومہ کاظمی کو ضلعی سیکرٹری جنرل نامزد کیا گیا اور 15 رکنی کابینہ کی حلف برداری کی گئی۔

 اس موقع پر محترمہ سیمی نقوی نے تنظیم کے اھداف و مقاصد بیان کیے جبکہ محترمہ غزالہ جعفری نے ایک مضبوط تنظیمی سٹرکچر بنانے کے لیے خواتین کی راہنمائی کرتے ہوئے تین ماہ کا برنامہ پیش کیا ۔

اس موقع پر مجلس وحدت مسلمین پاکستان کے مرکزی سیکرٹری جنرل علامہ راجا ناصر عباس جعفری حفظ اللہ اور صوبائی سیکرٹری جنرل مولانا سید باقر زیدی نے بھی خواتین سے ملاقات کی ۔

قائد وحدت علامہ راجا ناصر عباس جعفری نے خواتین سے خطاب کیا اور تنظیم کے بنیادی اھداف بیان کیے اور خواتین کو سنت زینبی پر عمل کرتے ہوۓ معاشرہ سازی کرنے کی تلقین کی۔

وحدت نیوز(لاہور) مجلس وحدت مسلمین شعبہ خواتین لاہور کی سیکرٹری جنرل محترمہ حنا تقوی کی سربراہی میں امور فلاح و بہبود کے حوالے سے جوہر ٹاؤن لاہور میں اجلاس منعقد ہوا جس میں ڈپٹی سیکرٹری جنرل محترمہ عظمی نقوی اور ضلعی سیکرٹری فلاح و بہبود محترمہ عالیہ رضوی کے علاوہ محترمہ عندلیب آغا اور محترمہ صبا کاظمی نے بھی شرکت کی ۔

میٹنگ میں 9 نکاتی ایجنڈے پر تبادلہ خیال ہوا ایجنڈے میں دور حاضر کی مالی مشکلات کے پیش نظر خواتین اپنی روزمرہ کی ضروریات زندگی کو پورا کرنے کے لیے کس طرح گھر بیٹھے اپنی صلاحیتوں کو بروے کار لاتے ہوئے روزگار حاصل کر سکتی ہیں پر تبادلہ خیال کیا گیا  باہمی مشاورت کے بعد ایک ماہ کا لائحہ عمل "خود مختار خاتون" کے عنوان سے طے کیا گیا جس میں طے شدہ مقاصد کے حصول کے لیے سیمینارز کا انعقاد ، کچن کارڈنینگ اور ہیلتھ کے شعبہ پر کام کیا جائےگا۔

وحدت نیوز(سیالکوٹ) شعبہ خواتین کی مرکزئ ڈپٹی سیکرٹری جنرل محترمہ تحسین شیرازی اور مرکزی سیکرٹری تنظیم سازی محترمہ سیدہ معصومہ نقوی کی جانب سے ملک کے مختلف اضلاع میں مجلس وحدت مسلمین شعبہ خواتین کی تنظیم سازی کے لیے دورہ جات کا سلسلہ جاری ہے مرکزی نمائندگان نے ضلع سیالکوٹ میں خواتین سے ملاقات کی اور حالات حاضرہ و انقلاب امام مھدی عج کے موضوع پر روشنی ڈالی اس موقع پر باہمی مشاورت کے بعد محترمہ سمیرا بخاری کو بطور آرگنائزر نامزد کیا گیا محترمہ ثنا بتول ، محترمہ ارم فلک اور محترمہ انعم زہرا بھی آرگنائزنگ کمیٹی کی رکن قرار پائیں بعد ازاں مجلس وحدت مسلمین شعبہ خواتین کی جانب سے دینی کتب مومنات کو بطور ھدیہ پیش کی گئیں۔

وحدت نیوز(نارووال)مجلس وحدت مسلمین شعبہ خواتین کی مرکزی ڈپٹی سیکرٹری محترمہ تحسین شیرازی اور مرکزی سیکرٹری تنظیم سازی محترمہ معصومہ نقوی نے ضلع نارووال کا کامیاب دورہ کیا اور علاقے کی فعال خواتین سے مفید نشست ہوئی جن میں آئی ایس او ، آئی او سے تعلق رکھنے والی اور مدارس سے فارغ تحصیل خواتین شامل تھیں ضلع ناروال میں مجلس وحدت مسلمین شعبہ خواتین کا تنظیمی سیٹ اپ بنانے کے لئے ایک آرگنائزنگ کمیٹی تشکیل دی گئی جس میں محترمہ رباب طاہرہ کو بطور آرگنائزر منتخب کیا گیا جبکہ محترمہ ظل فاطمہ ، محترمہ راضیہ بتول اور محترمہ فروا راحت کو ڈپٹی آرگنائزر نامزد کیا گیا ضلع بھر میں تین ماہ کی ورکنگ کے بعد ضلعی سیکرٹری جنرل اور کابینہ کا اعلان کیا جائےگا۔

 اس موقع پر خواتین سے خطاب کرتے ہوئے ایم ڈبلیو ایم شعبہ خواتین کی ڈپٹی سیکرٹری جنرل محترمہ تحسین شیرازی کا کہنا تھا کسی بھی ملک و قوم کی ترقی میں خواتین کا کردار بنیادی حیثیت رکھتا ھے اگر ہماری خواتین تعلیم یافتہ اور دینی تربیت سے آراستہ ہوں تو وہ نہ صرف اپنے گھر بلکہ معاشرے میں اہم تعمیری کردار ادا کر سکتی ہیں ۔ان کا کہنا تھا جس طرح قیام پاکستان کی خاطر  برصغیر کی مسلم خواتین نے لازوال کردار ادا  کیا اسی طرح آج بھی سیاست کے میدان میں ہماری باشعور خواتین کا آگے بڑھنا وطن عزیز کی سالمیت اور بقا کے لیے لازمی امر ہے۔

 مرکزی سیکرٹری تنظیم سازی محترمہ معصومہ نقوی کا کہنا تھا مجلس وحدت مسلمین شعبہ خواتین کی جانب سے ملک کے گوش و کنار میں تنظیم سازی کا عمل انجام دیا جارہا ہے جس کا مقصد پاکستان کے ہر گلی کوچے میں بہترین قرآن سینٹر اور تربیت گاہ کا قیام اور خواتین کےاندر ملک و قوم کی خدمت کے جزبے اور ان کی صلاحیتوں سے استفادہ حاصل کرنا ہے۔ ان کا کہنا تھا مجلس وحدت مسلمین شعبہ خواتین ایک ایسا پلیٹ فارم ہے جو خواتین میں دین کے ساتھ ساتھ سیاسی شعور اجاگر کرنے کا ذریعہ ہے۔

وحدت نیوز ( فیصل آباد ) اسرائیل کی حمایت میں باتیں کرنے والے پاکستان سے مخلص نہیں یہ ملک میں انتشار اور بد امنی چاہتے ہیں ۔ جو ممالک اسرائیل کو تسلیم کر چکے ہیں وہ اپنی بربادی کے منتظر رہیں عرب ممالک اسرائیل کو مزید مضبوط کر رہے ہیں اور یہ فلسطینیوں کے ساتھ غداری ہے۔

ان خیالات کا اظہار مجلس وحدت مسلمین شعبہ خواتین کی مرکزی رہنما محترمہ فرحانہ گلزیب نے آئی ایس او طالبات فیصل آباد ڈویژن کی جانب سے منعقدہ حمایت مظلومین جہاں و آذادی القدس کنونشن میں خطاب کرتے ہوے کیا۔

 انہوں نے کہا ہماری تاریخ میں ظالم کی حمایت کبھی شامل نہیں رہی اور ہم مرتے دم تک مظلومین کے حق میں آواز بلند کرتے رہیں گے انہوں نے کہا قبلہ اول کی آذادی امت مسلمہ کی اولین ترجیح ہونی چاہیے بد قسمتی سے نام نہاد اسلامی ممالک نے اسرائیل کے غاصبانہ قبضے اور فسلطینی عوام پر انسانیت سوز مظالم پر اپنے لب سی کر ذلت کا طوق اپنے گلے میں ڈال رکھا ہے۔

وحدت نیوز(لاہور)مجلس وحدت مسلمین شعبہ خواتین لاہور کی سیکرٹری جنرل محترمہ حنا تقوی کی جانب سے شادمان کالونی وحدت ہاؤس لاہور میں ایک روزہ تربیتی ورکشاپ کا انعقاد کیا گیا جس میں لاہور بھر سے یونٹس اراکین اور مختلف شعبہ ہاۓ زندگی سے تعلق رکھنے والی خواتین نے بھرپور شرکت کی۔

 ورکشاپ کا آغاز تلاوت کلام پاک سے ہوا بعد ازاں محترمہ حنا تقوی نے ابتدائی کلمات ادا کیے پروگرام سے خصوصی خطاب مجلس وحدت مسلمین پاکستان کے سینیئر رہنما اور رکن شوری عالی علامہ سید مبارک علی موسوی نے کیا مکافات عمل کے عنوان سے اپنی گفتگو میں ان کا کہنا تھا یہ دنیا مکافات عمل کا نام ہے یہاں جو بیجو گے وہ ہی کاٹو گے نیکی کا بدلہ نیکی اور برای کا بدلہ برای کی صورت میں ہی ملے گا۔

 انھوں نے کہا اگر ہم طول عمر اور کشادہ رزق چاہتے ہیں تو ہمیں اپنی روزمرہ زندگی میں کار خیر انجام دینے کی کوشش کرنی چاہیے صلہ رحمی ، عفو در گزر ، عمدہ اخلاق سے آراستہ ہونا چاہیے اور اسی طرح رشتہ داروں کے ساتھ بد سلوکی اور قطع رحمی سے اجتناب بھی لازم ہے پروگرام کے اختتام پر ضلعی عہدیداران محترمہ حنا تقوی اور محترمہ عظمی نقوی نے مہمان خصوصی علامہ سید مبارک علی موسوی اور شریک خواتین کا شکریہ ادا کیا۔

وحدت نیوز(اوکاڑہ) شعبہ خواتین کی مرکزی ڈپٹی سیکرٹری جنرل محترمہ تحسین شیرازی اورمرکزی سیکرٹری تنظیم سازی محترمہ معصومہ نقوی نے ضلع  اوکاڑہ تحصیل دیپالپور میں آرگنائزنگ گمیٹئ تشکیل دی جس میں محترمہ نسرین فاطمہ کو آرگنائزر منتخب کیا گیا اور تین ماہ کی ورکنگ کے بعد باقاعدہ ضلعی سیکرٹری جنرل کا انتخاب کیا جائے گا۔

 مجلس وحدت مسلمین شعبہ خواتین کی مرکزی رکن محترمہ تحسین شیرازی اور محترمہ سیدہ معصومہ نقوی نے گزشتہ اتوار تین اضلاع کے دورہ جات کیے گئے اور آئندہ اتوار کو مزید تین اضلاع میں تنظیم سازی کی جائے گی ان شاء اللہ ۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree