وحدت نیوز(قم)مجلس وحدت مسلمین پاکستان کے سیکرٹری امور خارجہ اور مجلس علماء امامیہ پاکستان کے سربراہ علامہ ڈاکٹر سید شفقت حسین شیرازی نے حوزہ علمیہ قم میں ایم ڈبلیو ایم شعبہ قم کے زیراہتمام منعقدہ یوم القدس کی ایک تقریب اور دعوت افطار سے خطاب کرتے ہوئے کہا کہ مسئلہ فلسطین امت مسلمہ کے مسائل میں سرفہرست ہے، فلسطین امت مسلمہ کا قلب ہے جس کے زخم فراموش نہیں کیے جاسکتے۔ ڈاکٹر سید شفقت حسین شیرازی نے کہا کہ فلسطین کے مسئلے کو زندہ رکھنے کے لیے امام خمینیؒ نے جمعۃ الوداع کو یوم القدس قرار دیا، امام خمینی ؒ کی یہ حکمت اتنی کامیاب ہوئی کہ وہ مسئلہ جسے خائن مسلمان سربراہان اور اسرائیل و امریکہ مل کر طاق نسیان کے سپرد کرنا چاہتے تھے وہ مسئلہ آج دنیا بھر میں نمایاں ہوگیا ہے۔ دنیا بھر کی انصاف پسند طاقتیں آج مظلوم فلسطینیوں کے ساتھ کھڑی ہیں، یہ امام خمینی ؒ کی حکمت عملی کی کامیابی ہے۔

ڈاکٹر سید شفقت حسین شیرازی نے کہا کہ مردہ باد امریکہ کا نعرہ ہم نے شہید عارف حیسن الحسینی اور حضرت امام خمینی ؒ سے لیا ہے اور سامراج مخالفت کا علم ہمیشہ بلند رکھا ہے، چاہے حالات جیسے بھی ہوں آج یہ سامراج مخالف نعرہ ملک پاکستان کے ایوانوں سے بلند ہورہا ہے تو یہ نہ صرف ملت تشیع کے موقف کی تائید بلکہ سامراج مخالفت تحریک کی کامیابی ہے۔ انہوں نے کہا کہ اس موقع پر شہید قائد ؒ ہوتے تو وہ یقیناً سامراج مخالف کیمپ میں سب سے اگلی صفوں میں کھڑے ہوتے۔ پاکستان میں اسوقت ملی سطح پر مجلس وحدت مسلمین، اسکے سربراہ علامہ راجا ناصر عباس جعفری اور امامیہ اسٹوڈنٹس آرگنائزیشن پاکستان بطور ملک گیر طلبہ نمائندہ تنظیم سامراج مخالف کیمپ میں نظر آتی ہے۔ انہوں نے کہا ہم سمجھتے ہیں رہبر کبیر امام خمینی ؒ کے پیروکاروں کو اسوقت بغیر کسی مصلحت اور تذبذب کے سامراج مخالفت کا علم بلند کرنا چاہئے کیونکہ یہ ہمارے نظریے اور موقف کی کامیابی اور تائید کا مرحلہ ہے۔

وحدت نیوز (لاہور) عید الفطر کے موقع پر مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی محترمہ سیدہ زہرا نقوی نے اپنے پیغام میں تمام اہل اسلام کو مبارکباد دیتے ہوئے کہا کہ ماہ مبارک رمضان میں ایک مہینے کی اطاعت، تزکیہ نفس کے مظاہرے کے بعد روح میں طہارت و  پاکیزگی لوٹ آتی ہے اور وہ آلودگیاں اور کثافتین جو انسان کے اندر گھر کرلیتی ہیں ختم ہوجاتی ہیں  ۔

انہوں نے کہا کہ عید الفطر رمضان المبارک کی نعمتوں کا شکرانہ اور اللہ کی جانب سے انعام و اکرام کا دن ہے بلاشبہ حقیقی عید اسی کی ہے کہ جو ماہ رمضان کے حقیقی فلسفے کے مطابق اس کی رحمتوں سے بہرہ مند ہوا اور خدا کی بیش بہا رحمتوں کے خزانے سے اپنا دامن بھر لیا اب انسان اس قابل ہو چکا ہے اور اپنے نفس کو گناہوں کی آلودگیوں سے بچا سکے اور وہ امام علی علیہ سلام کے فرمان کے مطابق ہرروز کو روز عید بنا سکتا ہے۔

 انہوں نے مزید کہاکہ عیدالفطر کی خوشیوں میں جہاں عزیز و اقارب اور دوست و احباب کو شریک کریں وہاں معاشرے کے ان طبقات کا خیال رکھنا بھی ہمارا فرض ہے جو استطاعت نہیں رکھتے، عید کے دن خدا کے حضور شکرانہ ادا کیا جائے اور اپنی دعاؤ ں میں مظلومین کشمیر و فلسطین کے حق میں بھی دعا کی جائے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل راجہ ناصر عباس جعفری نے عید الفطر کے بابرکت موقع پر قوم کو مبارکباد پیش کی ہے۔انہوں نے کہا کہ عید الفطر رب کریم کی طرف سے امت مسلمہ کے لیے انعام ہے۔ہمیں نیک اعمال کے ذریعے اللہ تعالیٰ کی رحمتوں کا شکر بجا لانا چاہئیے۔اپنے نادار عزیز و اقربا اور ضرورت مندوں کو عید کی خوشیوں میں شریک کر کے اس ذات کریم کا قرب حاصل کیا جا سکتا ہے۔

 انہوں نے کہا کہ ہر اس دن کو عید قرار دیاگیا ہے جس دن مومن گناہوں اور اللہ تعالیٰ کی ناراضگی سے بچا رہتا ہے۔ اپنے اعمال کا محاسبہ اور نفس کی سرزنش کرتے رہنا وہ بہترین عمل ہے جو انسان کو اللہ کے نزدیک کرتا ہے۔

انہوں نے کہا کہ ارض پاک اسلام کے نام پر معرض وجود میں آیا ہے۔عید کے بابرکت موقع پر اس اسلامی ریاست کی حفاظت و خوشحالی کے لیے خصوصی طور پر دعا کی جائے۔ اسلام دشمن عالمی طاقتیں وطن عزیز کے سالمیت و بقا کے لیے خطرات کھڑے کر رہی ہیں۔ ہماری ہر خوشی ہر عید وطن عزیز کی سلامتی سے جڑی ہوئی ہے۔پاکستان میں بسنے والے ہر فرد کی یہ اخلاقی ذمہ داری بھی ہے اور حب الوطنی کا تقاضا بھی کہ ملک و قوم کے مفادات کو نقصان پہچانے والوں کے خلاف آواز بلند کی جائے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے عمران خان اور تحریک انصاف کے دیگر رہنماؤں پر توہین رسالت جیسے سنگین الزامات کو ملکی سالمیت اور قومی امن کے لیے تباہ کن قرار دیا ہے۔

انہوں نے کہا کہ اس طرح کا یہ طرز عمل آمرانہ سوچ کا عکاس ہے۔ سیاسی مخالفین کے ساتھ یہ غیر جمہوری رویہ ہر لحاظ سے قابل مذمت اور قابل شرم ہے۔نون لیگ  سیاسی شخصیات پر توہین رسالت جیسا سنگین الزام عائد کر کے ملک میں ایک نئی خانہ جنگی کا آغاز کرنا چاہتی ہے۔ایسے غیر سنجیدہ و غیر دانشمندانہ اقدامات ملک کو ایسے بحران کی طرف لے جا سکتے ہیں جہاں سوائے تباہی کے باقی کچھ نہیں بچے گا۔مادر وطن اور پوری قوم کو سیاسی انتقام کی بھینٹ نہ چڑھایا جائے۔

ان کاکہنا تھا کہ سیاسی اختلافات کو خانہ جنگی میں بدلنے کی کوشش ملک دشمن قوتوں کے عزائم کو تقویت دینا ہے۔ایسا لگتا ہے کہ یہ لوگ اپنی بدعنوانیوں کے افشا ہونے کا بدلہ سیاسی مخالفین کے ساتھ ساتھ مادر وطن سے بھی لینے پر تلے ہوئے ہیں ۔ماضی میں عراق ،شام اور دیگر اسلامی ممالک میں مذہبی ہم آہنگی اور سیاسی استحکام کو نشانہ بنا کر جس ملکی تباہی کا آغاز کیا گیا عالمی قوتیں پاکستان میں بھی اپنی انہی سرگرمیوں کو دہرانا چاہتی ہیں۔موجودہ حکومت ذاتی انتقام کی آگ ٹھنڈی کرنے کے لیے پورے وطن کے امن کو شعلوں کی نذر کرنے کی کوشش نہ کرے ۔

انہوں نےمزید کہا کہ موجودہ حکومت اگر ملک اور عوام سے مخلص ہے تو  انتقامی سیاست کا حربہ اپنانے کی بجائے مثبت طرز عمل کا مظاہرہ کرے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے محنت کشوں کے عالمی دن کے موقع پر اپنے پیغام میں کہا ہے محض یکم مئی کی سرکاری چھٹی کے اعلان یا مزدوروں کے حق میں حکومتی بیانات سے اس پسے ہوئے طبقے کی مشکلات کم نہیں ہوں گی بلکہ اس کے لیے انقلابی اور فوری اقدامات کرنا ہوں گے۔ وطن عزیز کی معاشی بدحالی نے مزدور طبقے کو سب سے زیادہ متاثر کیا ہے۔ مہنگائی کی شرح میں تسلسل کے ساتھ اضافے سے عام آدمی کی زندگی اجیرن ہو گئی ہے۔معاشی مشکلات سے تنگ دیہاڑی دار طبقے سے تعلق رکھنے والے افراد کی خودسوزی جیسے المناک واقعات آئے دن سننے کو مل رہے ہیں۔ایسی صورتحال میں حکومتی بے حسی افسوسناک ہے۔ریاست ماں کا کردار ادا کرتی ہوئی کہیں نظر نہیں آتی۔

انہوں نے کہا کہ محض زبانی دعووں اور دلفریب وعدوں سے عوام کی قسمت بدلی نہیں جا سکتی۔اس کے لیے نیک نیتی، خلوص اور پوری لگن کے ساتھ عملی جدوجہد کی ضرورت ہے۔ کم سے کم اجرت میں برائے نام اضافہ کر کے عوامی مقبولیت کے خواب دیکھنا عوام اور خود کو دھوکہ دینے کے مترادف ہے۔

انہوں نے کہا کہ اشیائے خوردونوش کی قیمتوں کے مطابق جو عام آدمی کا گھریلو بجٹ بنتا ہے اس کے مطابق  اجرت ہونی چاہئیے۔ حکومت سو یونٹ سے کم بجلی کے استعمال کو مفت قرار اور کھانے پینے کی اشیاء پر مستقل ریلیف پیکج دے کر مزدور طبقے کی  مشکلات میں خاطر خواہ کمی کر سکتی ہے۔

وحدت نیوز(گلگت)آج امن عالم کے علمبرداروں کو یوکرائن میں قتل ہونے والوں کا بہت درد ہے اور آے دن کسی نہ کسی طرف سے آواز اٹھ رہی ہے مگر ان آدم خور امن کے علمبرداروں کو نہ فلسطین نظر آتا ہے نہ یمن نہ عراق نہ افغانستان مرکزی سیکریٹری یوتھ مجلس وحدت مسلمین شعبہ خواتین محترمہ سائرہ ابراہیم نے یوم القدس کے حوالے سے جاری بیاں میں کہا کے قدس صرف اسلام کا نہیں انسانیت کا مسئلہ بھی ہے۔

انہوں نے کہا کہ آج جو کچھ اسرائیل فلسطین کے مظلوموں کے ساتھ کررہا ہے وہ صرف اسلام دشمنی نہیں بلکہ انسانیت دشمنی بھی ہے اسلیے کہ جو بربریت وہ انجام دے رہا ہے وہ انسانیت کے خلاف ہے بلکہ جانوروں سے بد تر سلوک کررہے ہیں یہ ظالم اسرائیلی جہاں نہ بچوں پر رحم کھایا جاتا ہے نہ عورتوں اور بوڑھوں پر آج امن عالم کے علمبرداروں کو یوکرائن میں قتل ہونے والے انسان نظر آتے ہیں اور آے دن کسی نہ کسی طرف سے آواز اٹھ رہی ہے مگر ان امن کے علمبرداروں کو نہ فلسطین نظر آتا ہے نہ یمن نہ عراق نہ افغانستان۔

انہوں نے کہا کہ یہ اسرائیلی اور اس کے تعلق دار کسی بھی مسلک سے تعلق رکھنے والے ہوں سب ظالم ہیں اور ہم ان کے مقابلے میں مظلوموں کی حمایت اعلان کرتے ہوئے ہیں اور یہ حمایت اسلیے نہیں کہ یہ مسلمان ہیں بلکہ اسلیے کہ یہ انسان ہیں اور کسی بھی مکتب فکر میں انسانیت پر ظلم کرنے کی اجازت نہیں دی گئی ہے بلکہ جانوروں کے ساتھ بھی وہ سلوک نہیں کیا جاتا جو اسرائیلی درندے انجام دے رہے ہیں۔

انہوں نے کہا کے امریکہ کو دوسرے ممالک میں مداخلت اور اپنی حکمرانی کا جنوں ہے لیکن وہ یاد رکھے کے ہمارے وطن عزیز کے اندرونی معاملات میں مداخلت امریکہ کو بہت مانگا پڑے گا انہوں نے کہا کے ہم شضیت پرست نہی ہیں لیکن جو امریکہ کا مخلاف ہو گا ہم اس کے ساتھ کھڑے ہیں اور وطن عزیز کے لئے کسی بھی قربانی سے گریز نہی کریں گے انہوں نے کہا کے امریکی مداخلت پر ہماری خاموشی وطن عزیز کے لئے سنگین خطرات کا باعث ثابت ہو سکتی ہے۔