Ahsan Mashadi
وحدت نیوز(ہنگو) مجلس وحدت مسلمین ضلع ھنگو کے انٹرا پارٹی الیکشن منعقد ہوگئےجس کے نتیجہ میں مولانا شیر افضل عسکری صاحب تین سال کے لئے ضلع ھنگو کے صدر منتخب ہوئے ۔اجلاس میں مجلس وحدت مسلمین کے صوبائی نائب صدر مولانا ارشاد علی ،صوبائی رھنما مولانا نذر علی روحانی ،مولانا ریاض علی صادقی،مولانا تطھیر حسین مجلسِ علماء شیعہ ضلع ھنگو کے جنرل سیکرٹری مولانا ھدایت حسین مجلسِ علماء شیعہ کے رھنما مولانا نورشاد علی سابقہ ضلعی سیکرٹری جنرل اور کثیر تعداد میں لوگوں نے شرکت کی اورملک وقوم کی سلامتی اور استحکام کی دعا کے ساتھ اجلاس کا اختتام ہوا۔
وحدت نیوز(اسلام آباد) پاکستان کے نامور ٹی وی اینکر پرسن امیر عباس کی اہلیہ اینکر پرسن مشعال بخاری کینسر جیسے موذی مرض میں مبتلا ہونےکے باعث خالق حقیقی سے جاملیں، مرحومہ کے انتقال پر مجلس وحدت مسلمین پاکستان کے چیئرمین علامہ راجہ ناصرعباس جعفری نےدلی افسوس اور تعزیت کااظہار کیا ہے ۔
انہوں نے کہا کہ مرحومہ نے دو برس کینسر جیسے مہلک مرض کا ڈٹ کر مقابلہ کیا، شریک حیات کا داغ مفارقت برادر عزیز امیر عباس کیلئے انتہائی کرب و اذیت کا موقع ہے، ایسے لمحے شہدائے کربلاؑ کا غم ہی بہترین مرہم ہے جو ان کے زخموں کا مداوا کرسکتا ہے۔
علامہ راجہ ناصرعباس نے مرحومہ کی مغفرت کی دعا کرتے ہوئے کہا کہ خدا وند متعال مرحومہ کے گناہان کبیرہ و صغیرہ کو معاف فرمائے انہیں جنت الفردوس میں جگہ عنایت فرمائے ۔
