وحدت نیوز(لاہور)ضلعی صدر مجلس وحدت مسلمین ضلع لاہور جناب نجم عباس خان کی زیر صدارت 26 نومبر 2023 بروز اتوار کو آزادی فلسطین مارچ کے حوالے سے سمن آباد ٹاون کے برادران سے اہم میٹنگ جاری ہے ۔ پچھلے چند دنوں کی فعالیت کس حد تک ہوسکی اور شہر لاہور اور لاہور کے ٹاونز کی صورتحال پر تبادلہ خیال گیا ۔

اس میٹنگ میں علمدار زیدی، عقیل بھائی ، سید کاظم نقوی ، برادر تصور علی مھدی مرکزی صدر وحدت یوتھ ، ظہیر کربلائی صوبائی آفس سیکریٹری اور صوبائی سیکریٹری سیاسیات جناب سید آغا حسین شاہ زیدی موجود ہیں ۔ ابھی تک ضلع لاہور میں فعالیت کو حوصلہ افزاء قرار دیا گیا ۔ آزادی فلسطین مارچ میں عوامی شرکت کو لاہور پر فوکس کیا گیا ہے ان شاءاللہ برادران ، خواہران اور وحدت یوتھ کے جوان دن رات اسی کام پر لگے ہیں ۔

وحدت نیوز(لاہور)علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب اپنے وفد کے ہمراہ کھاڑک جامع مسجد حیدریہ کے خطیب امام جمعہ جناب غلام مرتضی گھلو سے ملاقات کی غلام مرتضی گھلو نے کہا کہ میں پورا خطبہ جمعہ اسی موضوع پر دونگا اور یہاں کے لوگ 500 تک اپنی مدد آپ کے تحت شریک ہونگے البتہ خواتین بچوں کے لئے گاڑی کا انتظام کرنا ہوگا جس کے لئے خاور اقبال حسینی کے ذمہ لگایا گیا جتنی گاڑیاں چاہیئے ہونگے ۔انتظام کرکے صوبے سے ہم آہنگ کریں گے ۔

وحدت نیوز(لاہور)علامہ سید علی اکبر کاظمی صوبائی صدر مجلس وحدت مسلمین پاکستان صوبہ پنجاب کا اپنے وفد کے ہمراہ زینبیہ کمپلیکس  ملتان روڈ کا وزٹ دعائے ندبہ کی روحانی محفل میں شرکت ۔ مومنین سے خطاب کیا  اور 26 نومبر آزادی فلسطین مارچ کے لئے دعوت دی ۔

زینبیہ وزٹ میں شیخ عمران صوبائی سیکرٹری فلاح وبہبود اور خاور اقبال حسینی ڈپٹی سیکرٹری فلاح وبہبود ، صفدر ضیغم ضلعی سیکریٹری ایمپلائز اور ظہیر کربائی صوبائی آفس سیکریٹری بھی ہمراہ تھے ۔

وحدت نیوز(لاہور)مجلس وحدت مسلمین کے زیر اہتمام26 نومبر آزادی فلسطین مارچ کے سلسلے وحدت یوتھ کونسل اجلاس صوبائی سیکریٹریٹ میں منعقد جس وحدت یوتھ کے مرکزی صدر جناب تصور علی مھدی ، مرکزی جنرل سیکریٹری جناب سید سجادحسین نقوی ، ڈویژنل صدر لاہور ڈویژن جناب سید زین رضوی ، ڈویژنل نشرواشاعت سیکریٹری جناب سید علی مھدی نقوی ، صوبائی آفس سیکرٹری جناب علامہ ظہیر کربلائی موجود تھے ۔

اس کے علاوہ مختلف تحصیلوں کے نمائندے شریک ہوئے۔ علامہ ظہیر کربلائی اور مرکزی صدر وحدت نے خطاب کیا جبکہ جنرل سیکریٹری وحدت یوتھ نےاجلاس کے ایجنڈے کی کاروائی کو منظم انداز سے آگے بڑھایا ۔ تحصیلوں کے سیٹ اپ پر اور 26 نومبر آزادی فلسطین مارچ کی فعالیت کو حوصلہ افزاء قرار دیا گیا ہے ۔ تمام ڈویژن کے نمائندوں کے ذمہ شرکاء ریلی کی شرکت کے حوالے سے ٹاسک لگا دیا گیا ہے ۔

وحدت نیوز(کوئٹہ)مدرسہ خاتم النبیین صلی اللہ علیہ وآلہ وسلم کوئٹہ میں فلسطین میں جاری اسرائیلی مظالم کے حوالے سے تصویری نمائش لگائی گئی۔ اس موقع پر مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی صوبائی جنرل سیکریٹری علامہ سہیل اکبر شیرازی ڈویژنل صدر آئی ایس او کوئٹہ محمد ظاہر ہزارہ مدرسہ خاتم النبیین کوئٹہ کے مدرس مولانا نور حسین اندرزگو نے تقریب سے خطاب کیا اور حمایت فلسطین دستخط مہم میں حصہ لیا۔

اس موقع پر گفتگو کرتے ہوئے علامہ مقصود علی ڈومکی نے کہا کہ فلسطینی شہداء کے پاکیزہ لہو نے عالمی استکبار کی اسلام دشمنی اور عرب و مسلم حکمرانوں کی خیانت کو بے نقاب کر دیا۔ شہدائے فلسطین خصوصاً معصوم بچوں کے مقدس خون نے اسرائیلی سفاکیت اور ظلم و ستم سے بھی پردہ اٹھا دیا۔ یہ پاکیزہ خون خواب غفلت میں سوئی امت مسلمہ کو بیدار کر رہا ہے۔انہوں نے کہا کہ امریکی سفیر کی پاکستان میں بڑھتی ہوئی سرگرمیاں اور پاکستان کے داخلی معاملات میں مداخلت شرمناک حرکت ہے، عام انتخابات سے پہلے الیکشن کمیشن اور پاکستانی سیاستدانوں سے امریکی سفیر کی ملاقاتیں وطن عزیز پاکستان کے استقلال اور آزادی پر حملہ ہے۔ اب وقت آ چکا ہے کہ امریکی سفیر کو ناپسندیدہ شخصیت قرار دے کر پاکستان سے نکال دیا جائے۔اس موقع پر گفتگو کرتے ہوئے آغا سہیل اکبر شیرازی نے کہا کہ آج فلسطینی اپنی ہی سر زمین پر مظلوم اور بے بس ہیں جبکہ غاصب صہیونی ریاست کے مظالم نے فرعونی ظلم و بربریت کی یاد تازہ کر دی ہے۔

وحدت نیوز(کوئٹہ)مجلس وحدت مسلمین ہزارہ ٹاؤن کوئٹہ کے زیر اہتمام ایک جنرل باڈی اجلاس کا انعقاد کیا گیا ۔ جس میں ایم ڈبلیو ایم ہزارہ ٹاؤن کے کابینہ ، ضلعی شوریٰ کے ممبران اور یو نٹ کے عہدیداروں نے  شرکت کرتے ہوئے ورکرز کنونشن بھرپور تیاری کا عزم کیا ۔صوبائی رہنما محترم آغا عباس صاحب نے ایم ڈبلیو ایم کے منشور کے حوالے سے اپنی گفتگو میں کہا کہ قومی وحدت ، اتحاد بین المسلمین ، بلا تفریق رنگ ، نسل ،مذہب وزبان عوامی خدمت اور عوامی حقوق کے لیے جدوجہد کرنا ہمارا مقصد ہے جو اخوت و بھائی چارگی پیدا کرنے اور وطن عزیز پاکستان کے استحکام کے لیے ضروری ہے۔

علامہ اکبری نے اپنے خطاب میں کہا دین ہمیں انسانیت کا درس دیتا ہے ۔ دین اسلام نے ہر اس چیز کو حرام قرار دیا ہے جو انسان اور معاشرے کے لیے نقصان دہ ہو۔ اور ہر اس چیز کو واجب اور جائز قرار دیا ہے جو انسانی شخصیت اور معاشرے کے لیے مفید ہو۔ دین کو سیاست سے الگ کرنا درحقیقت انسان کو انسانیت سے الگ کرنا ہے۔تاہم دین میں فرقہ پرستی اور نسل پرستی کی کوئی گنجائش نہیں ہے ۔

جنرل سیکریٹری ایم ڈبلیو ایم ہزارہ ٹاؤن محترم مدد علی ہزارہ نے کہا کہ مجلس وحدت نے ہزارہ قوم دیگر تمام صوبوں کے عوام کیساتھ متحد کرکے ہمیں ایک قوت اور سیاسی پہچان عطا کی ہے ۔ضلعی نائب صدر محترم آغا ضیاء صاحب نے کہا کہ گزشتہ پانچ سال سے  حلقہ کے عوام محرومی کا شکار ہے ۔ ہزارہ ٹاؤن اور گردونواح کے علاقوں میں  تعلیم ،صحت، جوانوں کےلئے سپورٹس اور دیگر شعبہ ہائے زندگی کے لیے کوئی بنیادی کام نہیں کیا گیا ۔ مجلس وحدت عوامی خدمت کی بنیاد پر آئندہ الیکشن میں حصہ لیتے ہوئے بھرپور کامیابی حاصل کر ے گی۔تمام زمہ داران عوامی رابطہ مہم کو مزید تیز کریں۔