وحدت نیوز(ڈی جی خان) مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی ملتان کے بعد ڈیرہ غازیخان پہنچ گئے، اس موقع پر ایم ڈبلیو ایم جنوبی پنجاب کے رہنما علامہ قاضی نادر حسین علوی، سید ندیم عباس کاظمی اور صوبائی ترجمان ثقلین نقوی بھی ان کے ہمراہ تھے۔قبل ازیںایم ڈبلیوایم ڈی جی خان نے قرنطینہ میں موجود 800زائرین کیلئے کھانے پینے کا سامان اور ضروری اشیاءڈپٹی کمشنرآفس کے حوالے کیا گیا۔

 ایم ڈبلیو ایم ڈی جی خان کے ضلعی سیکرٹری جنرل سید انعام حیدر زیدی اور زوار جہانزیب حیدر نےعلامہ اقتدار حسین نقوی کو ڈی جی خان میں جاری زائرین کے لیے امدادی سرگرمیوں پر بریفنگ دی، انعام حیدر زیدی نے کہا کہ ڈیرہ غازیخان میں 800 زائرین کو تین الگ الگ مقامات پر رکھا گیا، ان میں الغازی یونیورسٹی، چاکر خان یونیورسٹی اور دانش سکول شامل ہے۔

 انعام حیدر زیدی کے مطابق روزانہ کی بنیاد پر زائرین کو ضرورت کی چیزیں فراہم کی جا رہی ہیں۔ اس کے علاوہ شہر کے مختلف مقامات پر کرونا وائرس سے بچاو کے لیے سرگرمیوں کا سلسلہ جاری ہے، زائرین کے لواحقین کی جانب سے موصول ہونے والی اشیاء کی ترسیل کا سلسلہ بھی جاری ہے۔

اس موقع پر علامہ اقتدار حسین نقوی نے کمشنر ہائوس میں جاری امدادی سرگرمیوں کا جائزہ لیا اور انہیں خوش آئند قرار دیا۔ علامہ اقتدار حسین نقوی نے کہا کہ مجلس وحدت مسلمین کے سربراہ علامہ راجہ ناصر عباس جعفری کی ہدایات پر جنوبی پنجاب کے دو قرنطینہ سنٹر میں ایم ڈبلیو ایم کی جانب سے امدادی کارروائیوں کا سلسلہ جاری ہے، میں سمجھتا ہوں کہ اس وقت ایک منظم سازش کے تحت صرف زائرین کو تختہ مشق بنایا جا رہا ہے، ہم اپنے زائرین کی صحت کے حوالے سے حکومت کی جانب سے کسی بھی سستی اور نااہلی برداشت نہیں کریں گے، ایسے تمام افراد جن کے کرونا رزلٹ پازیٹو آئے ہیں، ان کو علیحدہ رکھا جائے لیکن ڈی جی خان انتظامیہ اس حوالے سے سستی کا مظاہرہ کر رہی ہے، ایسے تمام افراد کو ایک ہی کمرے میں رکھا جا رہا ہے، جس سے کسی بڑے نقصان کا خدشہ ہے۔

وحدت نیوز (نیوزڈیسک) رہبر معظم انقلاب اسلامی حضرت آیت اللہ العظمیٰ خامنہ ای نے ہفتہ ماحولیات اور شجر کاری کے دن کی مناسبت سے دو پودے زمین میں کاشت کئے۔رہبر معظم انقلاب اسلامی نے اس کے بعد اپنے خطاب میں درخت لگانے کے عمل کو بابرکت عمل قراردیا اور ملک میں کورونا وائرس کی بیماری کی طرف اشارہ کرتے ہوئے فرمایاکہ جیسا کہ میں پہلے بھی ڈاکٹروں ، نرسوں اور طبی عملے کے اہلکاروں کی خدمات کا تہہ دل سے شکریہ ادا کرچکا ہوں، میں ایک بار پھر اللہ تعالی کی راہ میں جہاد اور تلاش و کوشش کرنے والے ان زحمتکش اہلکاروں کا دل کی گہرائی سے شکریہ اداکرتا ہوں۔

رہبر معظم انقلاب اسلامی نے بیماروں کے علاج کے سلسلے میں طبی عملے کی خدمات ، فداکاری، ایثار اور سبق آموز نمونوں کو طبی عملے کے انسانی ذمہ داریوں پر عمل پیرا ہونے کا مظہر قراردیتے ہوئے فرمایا: میں ڈاکٹروں، نرسوں اور طبی عملے کے اہلخانہ کا بھی شکریہ ادا کرتا ہوں جو صبر و تحمل  کے ساتھ اپنے عزیزوں کی دن رات کوششوں کا ساتھ دے رہے ہیں۔

رہبر معظم انقلاب اسلامی نے بیماروں کی صحت و سلامتی اور شفا کے لئے دعا اور اس بیماری کے نتیجے میں وفات پانے والے افراد کے لئے اللہ تعالی کی بارگاہ سے رحمت اور مغفرت اور ان کے پسماندگار کے لئے صبر اور سکون طلب کیا اور اس سلسلے میں چند اہم نکات کی طرف عوام کی توجہ مبذول فرمائی۔

رہبر معظم انقلاب اسلامی نے اس بیماری کی روک تھام اورمتعلقہ حکام کے دستوارات اور سفارشات پرخاص توجہ دینے کے سلسلے میں تاکید کرتے ہوئے فرمایاکہ حکام کے دستورات اور سفارشات کی خلاف ورزی نہیں کرنی چاہیے ، کیونہ اللہ تعالی نے ہمیں اپنی سلامتی اور دوسروں کی سلامتی کے سلسلے میں پابند بنایا ہے ہمیں اپنی اور دوسروں کی سلامتی کے بارے میں ذمہ داری کا احساس کرنا چاہیے۔

 لہذا جو عمل اس بیماری کی روک تھام میں مددگار اور معاون ثابت ہوگا وہ عمل نیک عمل ہے اور جو عمل اس بیماری کے پھیلنے کا باعث ہوگا، وہ گناہ ہے۔رہبر معظم انقلاب اسلامی نے سبھی کو اللہ تعالی کی ذات پرتوجہ،  توکل اور اعتماد کی سفارش کرتے ہوئے فرمایا: البتہ یہ بیماری اتنی بڑی بیماری نہیں ہے اس سے بھی بڑی بیماریاں گزری ہیں  لیکن میں پرہیزگار افراد اور مؤمن جوانوں کے دلوں کی گہرائی سے نکلنے والی دعاؤں سے بہت بڑی بلاؤں کے دور ہونے کی امید رکھتا ہوں، کیونکہ اللہ تعالی کی بارکاء میں توسل اور پیغمبر اکرم اور آئمہ معصومین (ع) کی شفاعت سے بہت سی مشکلات بر طرف ہوسکتی ہیں۔

رہبر معظم انقلاب اسلامی نے فرمایاکہ صحیفہ سجادیہ کی ساتویں دعا بہت ہی اچھی دعا اور بہترین مضمون پر مشتمل ہے اس دعا کے الفاظ اور ان کے معانی پر توجہ رکھ کر اللہ تعالی کی بارگاہ میں راز و نیاز کیا جاسکتا ہے۔رہبر معظم انقلاب اسلامی نے اسی طرح ملک کے تمام اداروں کو وزارت صحت کے ساتھ تعاون اور اس کی ضروریات کو پورا کرنے کا پابند بناتے ہوئے فرمایاکہ وزارت صحت اس بیماری کا مقابلہ کرنے کے سلسلے میں فرنٹ لائن پر ہے ۔ مسلح افواج اور دفتر رہبری سے منسلک ادارے بھی  وزارت صحت کے ساتھ تعاون کرنے کے پابند ہیں۔

رہبر معظم انقلاب اسلامی نے اس بیماری میں بہت سے ممالک کے مبتلا ہونے کی طرف اشارہ کرتے ہوئے فرمایا: ہمارے حکام نے اس بیماری کے آغاز سے ہی صداقت ، سچائی اور شفاف طریقہ سے اطلاعات فراہم کیں اور عوام کو اس خطرے سے بر وقت آگاہ کیا، لیکن بعض دیگرممالک نے اس بیماری کو چھپانے کی کوشش کی جبکہ وہاں یہ بیماری شدید اور ہمہ گیرہے البتہ ہم ان بیماروں کے لئے بھی اللہ تعالی کی بارگاہ سے شفا اور عافیت طلب کرتے ہیں۔

رہبر معظم انقلاب اسلامی نے موجودہ بیماری کو عارضی اور معمولی مسئلہ قراردیتے ہوئے فرمایاکہ البتہ میں اس مسئلہ کو بہت ہی چھوٹا مسئلہ نہیں سمجھتا ہوں ، لیکن ہمیں اس کو بہت بڑا مسئلہ بھی نہیں بنانا چاہیے، یہ مسئلہ ملک میں کچھ مدت تک جاری رہےگا اور پھر اس کا خاتمہ ہوجائےگا ، لیکن اس بیماری کا مقابلہ کرنے کے سلسلے میں جو تجربات حاصل ہوئے ہیں وہ ایک عام مشق کے برابر ہیں جو باقی رہیں گے۔

رہبر معظم انقلاب اسلامی نے ملک بعض شہریوں کیطرف سے امدادی کاموں میں حصہ لینے ، امداد فراہم کرنے اور طبی وسائل کی تقسیم کو پسندیدہ اقدام قراردیتے ہوئے فرمایاکہ یہ کام بہت ہی پسندیدہ اور اچھا کام ہیں اور اس کے نتائج کے تحفظ سے بلا کو نعمت اور خطرے کو فرصت میں بدلنے کا موقع ملےگا۔اور اللہ تعالی کے فضل و کرم سے ایرانی قوم کی کامل سلامتی اور عافیت کا دن قریب ہونے کی امید ہے ۔

وحدت نیوز (مانٹرنگ ڈیسک) مرجع عالی قدر آیت اللہ العظمیٰ سید علی حسینی سیستانی نے کورونا وائرس کے حوالے پوچھے گئے ایک سوال کے جواب میں فرمایا کہ اس بلا کی دوری کے لئے اللہ تعالی کی درگاہ میں راز و نیاز اور دعا کریں امید ہے کہ مومنین کی دعا اللہ کے حضور موجب اجابت واقع ہوجائے۔دوم: حفظان صحت کے اصولوں کی حدالامکان رعایت کریں۔ سوم: اس بیماری سے محفوظ رکھنے کے لئے دوسروں کی مدد کریں اور ممکن ہو تو اس میں مبتلا افراد کی مدد کریں تاکہ وہ اس سے نجات پاسکیں۔البتہ آخری دو صورتیں بعض حالات میں واجب ہونگی۔

ڈاکٹرزکی ہدایات پر عمل درآمد نا کرنے والوں کے حوالے سے پوچھے گئے ایک سوال کے جواب میں انہوں نے فرمایا کہ اگر کورونا میں مبتلا ہونے کا اندیشہ ہو یا مبتلا ہونے کی صورت میں مرنے کا یا شدید صدمہ پہنچنے کا احتمال دے تو  ایسی صورت میں حفظان صحت کے اصولوں کی رعایت  لازمی ہے۔اور اگر رعایت نہ کرے اور جو احتمال دے رہا تھا وہ محقق ہوگیا تو شرعی طور پر وہ شخص معذور نہیں ہوگا۔اور اگر کوئی شخص اس بیماری میں مبتلا ہے اور دوسروں سے ملتے ہوئے حفظان صحت کے اصولوں کی رعایت نہیں کی اور دوسرے شخص کو  بھی اس شخص کا کورونا میں مبتلا ہونے کے بارے میں آگاہی نہ ہو تو اس پر آنے والے نقصان کا ضامن ہوگا، اور موت واقع ہونے کی صورت میں دیت دینا ہوگا۔ اور اگر کوئی مزدور جو مزدوری کر کے اپنا رزق کماتا ہے تو علاج کے دوران جو کام کرنے سے عاجز رہا ہے اس کی اجرت المثل کا بھی ضامن ہوگا۔

کورونا وائرس کی وباء کے باعث متاثرہ مریضوں اور دیگر شہریوں کی معاشی مشکلات کے حوالے پوچھے گئے سوال کے جواب میں انہوں نے فرمایا کہ موجودہ حالات کے نتیجے میں نقصان اٹھانے والے خاندانوں تک ضروری امداد پہنچانا ابتدائی طور پر تو حکومت اور متعلقہ اداروں کی ذمہ داری ہے ۔لیکن اگر حکومت اپنی ذمہ داری پوری نہ کرے (یا نہ کر سکے) تو ایسی صورت میں صاحب استطاعت مخیر حضرات کی طرف رجوع کرنے میں بھی کوئی حرج نہیں ہے تاکہ وہ اس خیر کے کام میں اپنا حصہ ڈالیں ۔ اس معاملے میں مطلوبہ نتائج حاصل کرنے کے لئے چند گرہوں کا آپس میں گہرے رابطے کے ساتھ عمل کرنے کی ضرورت ہے ۔

1.اھل خیر حضرات اپنی گنجائش کے مطابق اس کار خیر میں حصہ لیں اور اگر وہ چاہے تو جو کچھ وہ اس سلسلے میں خرچ کرے اسے وجوہات شرعیہ میں حساب بھی کر سکتے ہیں ، اگر مقررہ ضوابط کا خیال رکھ کر خرچ کرے تو ۔

2. تاجر حضرات اپنے پاس موجود غذائی اشیاء فروخت کے لئے پیش کرے اور ان کی قیمتوں میں اضافہ نہ کریں بلکہ قیمتوں میں ممکن حد تک کمی کریں ۔

3. صالح جوانوں کی رضاکار کمیٹیاں تشکیل دی جائیں جو مختلف علاقوں میں موجود ایسے سفید پوش ضرورت مندوں کی تشخیص دے کر ان تک ضروری مواد پہنچائیں ، البتہ یہ کام کرفیو والے علاقوں میں انتظامیہ سے مکمل ہم آہنگی کے ساتھ نیز مکمل احتیاطی تدابیر کے ساتھ انجام دیا جائے تاکہ یہ جوان خود اس وبا سے بچے رہیں ۔

4. مواکب کے مسؤلین کہ جنہوں نے داعش کے خلاف جنگ کے دوران مجاھدین کے لئے انتہائی قابل فخر انداز میں ضرویات فراہم کئے وہ ایک دفعہ پھر اس مشکل وقت میں متاثرین کی خدمت کے لئے آگے بڑھیں اور ضروری احتیاط تدابير کا لحاظ کرتے ہوئے اپنی خدمات اس سلسلے میں پیش کریں ۔ہم دعا کرتے ہیں کہ اللہ تعالیٰ سب کو خیر وعافیت عطا کرے اور دنیا سے اس بلا کا خاتمی ہو ، بتحقیق خدا بڑا رؤف و رحیم ہے ۔