وحدت نیوز(ملتان)مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی نے دورہ ملتان کے دوران ایم ڈبلیو ایم جنوبی پنجاب کے صوبائی ڈپٹی سیکرٹری جنرل سلیم عباس صدیقی سے اُن کی رہائشگاہ پر ملاقات کی۔ اور اُن کی عیادت بھی کی۔ اس موقع پر ایم ڈبلیو ایم جنوبی پنجاب کے صوبائی سیکرٹری جنرل علامہ اقتدار حسین نقوی، صوبائی سیکرٹری سیاسیات انجینئر سخاوت علی، سیکرٹری روابط ندیم عباس کاظمی اور ایم ڈبلیو ایم شمالی پنجاب کے رہنما رائے ناصر علی بھی موجود تھے۔

سلیم عباس صدیقی گزشتہ دو ہفتوں سے علیل ہیں اور چند روز قبل اُن کا آپریشن بھی ہوا ہے تاہم اب وہ آہستہ آہستہ صحتیاب ہو رہے ہیں۔ اسد عباس نقوی نے ملاقات کے دوران اُن کی مکمل صحتیابی کی دعا کی۔ بعدازاں اسد عباس نقوی نے میڈیا سے گفتگو کرتے ہوئے کہا کہ ہمارے نوجوانوں کا ریاستی اداروں کی تحویل میں ہونا عدلیہ پر عدم اعتماد کا اظہار ہے۔ اگر عدالتی نظام پر مقتدر اداروں کو اعتماد ہے تو وہ خفیہ عقوبت خانوں میں رکھے گئے نوجوانوں کو عدالتوں کے سامنے پیش کریں۔ ریاستی اداروں کا ایک دوسرے پر عدم اعتماد سے ایک نیا محاذ کھل سکتا ہے، اختیارات کی کھینچا تانی ریاست کے وجود کے لیے بھی نقصان دہ ہے۔ ایک آئینی و جمہوری ریاست میں قانون و انصاف کی فراہمی ریاست کی اولین ذمہ داری ہے۔

وحدت نیوز (پشاور) مجلس وحدت مسلمین خیبر پختونخوا کے صوبائی سیکرٹری جنرل علامہ سید وحید عباس کاظمی نے ضلع کوہاٹ کے علاقہ درہِ آدم خیل میں ایک اجتماعی قبر سے گیارہ سال قبل لاپتہ ہونے والے 16 مزدوروں کی نعشیں برآمد ہونے پر تشویش اور دکھ کا اظہار کرتے ہوئے کہا ہے کہ مذکورہ واقعہ قانون نافذ کرنے والے اداروں کی اہلیت اور کارکردگی پر سوالیہ نشان ہے۔

 اپنے ایک بیان میں ان کا کہنا تھا کہ ایک جمہوری ریاست میں 16 افراد کی گمشدگی کے بعد طویل عرصہ تک ان کا کوئی سراغ نہ ملنا ذمہ دار اداروں کی ناکامی کو ظاہر کرتا ہے۔ عوام کے جان و مال کا تحفظ ریاست کی اولین ذمہ داری ہے۔ جبری گمشدہ افراد کی بازیابی میں ریاستی اداروں کی عدم دلچسپی ملک دشمن عناصر کے حوصلوں کی تقویت کا باعث بنتی ہے۔ اغوا شدگان کے اہل خانہ کے کئی سال اسی تذبذب میں گزر جاتے ہیں کہ مغوی کو انتہاء پسندوں نے اغواء کیا ہے یا وہ کسی ریاستی ادارے کے غیر آئینی اقدام کی بھینٹ چڑھ گئے ہیں۔

انہوں نے کہا کہ درہ آدم خیل واقعہ نے پوری قوم کو جھنجھوڑ کر رکھ دیا ہے، کوئی بھی ذمہ دار ریاست اپنے شہریوں کے ساتھ  بے حسی کا ایسا مظاہرہ نہیں کر سکتی۔ اس واقعہ کی ازسر نو تحقیقات کی جانی چاہیے۔ انہوں نے کہا کہ ملک بھر سے جبری گمشدہ افراد کو ان کے اہل خانہ سے ملایا جائے تو تاکہ اس بات کا تعین کیا جا سکے کہ اغوا شدگان حکومتی اداروں کی تحویل میں ہیں یا ملک دشمنوں کے نرغے میں پھنسے ہوئے ہیں۔ انہوں نے مطالبہ کیا کہ لاپتہ افراد کو فوری طور پر عدالتوں کے سامنے پیش کیا جائے تاکہ سانحہ آدم خیل کی طرح منظر عام پر آنے کے بعد اہل خانہ کی تشویش اور اضطراب کا خاتمہ ہو سکے۔ انہوں نے پاراچنار میں لاپتہ افراد کے حوالے جاری احتجاجی کمیپ کی حمایت کی اور کہا کہ انکے مطالبات کو جلد سے جلد تسلیم کئے جائے۔ 

وحدت نیوز (کراچی) جوائنٹ ایکشن کمیٹی فار شیعہ مسنگ پرسنز کی حمایت میں دسویں روز بھی ملک بھر میں علامتی دھرنوں کا سلسلہ جاری رہا۔ شرکائے دھرنا آئین کے آرٹیکل دس کی بحالی کا مطالبہ کرتے رہے، جس کے مطابق کسی بھی شہری کو گرفتاری کے بعد چوبیس گھنٹے کے اندر عدالت میں پیش نہ کرنا آئین شکنی ہے۔ ملت تشیع کے متعدد افراد گذشتہ کئی سالوں سے لاپتہ ہیں، ان کی بازیابی کا مطالبہ زور پکڑتا جا رہا ہے۔

اتوار کے روز بھی کراچی، اسلام آباد، لاہور، ملتان، گلگت بلتستان اور آزاد کشمیر سمیت ملک کے مختلف شہروں میں علامتی دھرنے دیئے گئے، جن میں شیعہ اکابرین، مختلف شیعہ جماعتوں کے ضلعی و صوبائی رہنماء، نوحہ خواں تنظیمیں اور نامور مذہبی و سیاسی شخصیات شریک ہوئیں۔

مزار قائد احتجاجی دھرنے سے خطاب کرتے ہوئے علامہ احمد اقبال رضوی نے کہا کہ جب تک ہمارے نوجوانوں کو سامنے نہیں لایا جاتا، تب تک ہمارا احتجاج جاری رہے گا، یہ ہمارا آئینی و قانونی مطالبہ ہے، ہم اپنے اصولی مؤقف سے ایک انچ بھی پیچھے نہیں ہٹیں گے۔

ان کا کہنا تھا کہ ہمارے نوجوانوں کا ریاستی اداروں کی تحویل میں ہونا عدلیہ پر عدم اعتماد کا اظہار ہے، اگر عدالتی نظام پر مقتدر اداروں کو اعتماد ہے تو وہ خفیہ عقوبت خانوں میں رکھے گئے نوجوانوں کو عدالتوں کے سامنے پیش کریں، ریاستی اداروں کے ایک دوسرے پر عدم اعتماد سے ایک نیا محاذ کھل سکتا ہے، اختیارات کی کھینچا تانی ریاست کے وجود کے لئے بھی نقصان دہ ہے، ایک آئینی و جمہوری ریاست میں قانون و انصاف کی فراہمی ریاست کی اولین ذمہ داری ہے۔

 انہوں نے کہا کہ وطن عزیز کے قیام کے لئے ہمارے اجداد نے غیر معمولی قربانیاں دیں، اس سرزمین کو کوئی بھی ادارہ اپنی ذاتی جاگیر نہ سمجھے، کسی کو بھی یہ حق حاصل نہیں کہ وہ نوجوانوں کو گھروں سے اٹھا کر ان کی زندگی کا قیمتی ترین حصہ خفیہ عقوبت خانوں کی بھینٹ چڑھا دے۔ انہوں نے کہا کہ حب الوطنی ہمارے رگ و جاں میں بسی ہوئی ہے۔

وحدت نیوز(لاہور) جوائنٹ ایکشن کمیٹی فار شیعہ مسنگ پرسنز کی حمایت میں دسویں روز بھی ملک بھر میں علامتی دھرنوں کا سلسلہ جاری رہا۔ شرکا دھرنا آئین کے آرٹیکل دس کی بحالی کا مطالبہ کرتے رہے جس کے مطابق کسی بھی شہری کو گرفتاری کے بعدچوبیس گھنٹے کے اندر عدالت میں پیش نہ کرنا آئین شکنی ہے۔ملت تشیع کے متعدد افراد گزشتہ کئی سالوں سے لاپتا ہیں۔ان کی بازیابی کا مطالبہ زور پکڑتا جا رہا ہے۔ اتوار کے روز بھی اسلام آباد، لاہور، ملتان،گلگت بلتستان اور آزاد کشمیر سمیت ملک کے مختلف شہروں میں علامتی دھرنے دیے گئے جن میں شیعہ اکابرین، مختلف شیعہ جماعتوں کے ضلعی و صوبائی رہنما،نوحہ خواں تنظیمیں اور نامور مذہبی و سیاسی شخصیات شریک ہوئیں۔

لاہور لبرٹی چوک پر بڑی تعداد میں مختلف شعبہ ہائے زندگی سے تعلق رکھنے والے افراد سول سوسائٹی خواتین اور بچوں کی بڑی تعداد نے علامتی احتجاجی مظاہرہ کرتے ہوئے ملک بھر میں جاری جبری گمشدگی کی مذمت کرتے ہوئے کراچی میں جاری جوائنٹ ایکشن کمیٹی فار شیعہ مسنگ پرسنز کے دھرنے کی بھرپور حمایت کی علامتی دھرنے سے خطاب کرتے ہوئے مقررین نے کہا کہ جب تک ہمارے نوجوانوں کو سامنے نہیں لایا جاتا تب تک ہمارا احتجاج جاری رہے گا۔یہ ہمارا آئینی و قانونی مطالبہ ہے۔ہم اپنے اصولی موقف سے ایک انچ بھی پیچھے نہیں ہٹیں گے۔

 اسلام آباد نیشنل پریس کلب کے سامنے احتجاجی مظاہرے سے خطاب کرتے ہوئے مقررین نےکہا کہ ہمارے نوجوانوں کا ریاستی اداروں کی تحویل میں ہونا عدلیہ پر عدم اعتماد کا اظہار ہے۔اگر عدالتی نظام پر حکومتی اداروں کو اعتماد ہے تو وہ خفیہ عقوبت خانوں میں رکھے گئے نوجوانوں کو عدالتوں کے سامنے پیش کریں۔ حکومتی اداروں کا ایک دوسرے پر عدم اعتماد سے ایک نیا محاذ کھل سکتا ہے ۔ اختیارات کی کھینچا تانی ریاست کے وجود کے لیے بھی نقصان دہ ہے۔ایک آئینی و جمہوری ریاست میں قانون و انصاف کی فراہمی ریاست کی اولین ذمہ داری ہے۔

انہوں نے کہا وطن عزیز کے قیام کے لیے ہمارے اجداد نے غیر معمولی قربانیاں دیں ہیں۔اس سرزمین کو کوئی بھی ادارہ اپنی ذاتی جاگیر نہ سمجھے۔کسی کو بھی یہ حق حاصل نہیں کہ وہ نوجوانوں کو گھروں سے اٹھا کر ان کی زندگی کا قیمتی ترین حصہ خفیہ عقوبت خانوں کی بھینٹ چڑھا دے۔

انہوں نے کہا کہ حب الوطنی ہمارے رگ و جاں میں بسی ہوئی ہے۔ہمارے اجتماعات میں آج بھی پاکستان سے محبت کا اظہار حب الوطنی سے بھرپور نعروں کے ذریعے کیا جاتا ہے۔ریاستی اداروں کا غیرمنصفانہ کردار ہمیں  ریاست سے جدا نہیں کر سکتا۔ دھرنے کے شرکاء کی بڑھتی ہوئی تعداد ہمارے مطالبات کی حمایت کا اظہار ہے۔

مقررین نے نوجوانوں کی جبری گمشدگی کے واقعات پر کڑی تنقید کرتے ہوئے اسے انسانی حقوق کی سنگین خلاف ورزی قرار دیا۔انہوں نے کہا کہ اگر جوائنٹ ایکشن کمیٹی فار شیعہ مسنگ پرسنز کے مطالبات تسلیم نہ کیے گئے تو علامتی دھرنوں کو مستقل احتجاج کی صورت میں بدلنے کا آپشن بھی موجود ہے۔