The Latest
وحدت نیوز (کوئٹہ ) مجلس وحدت مسلمین کوئٹہ ڈویژن کے میڈیاسیل سے جاری کردہ بیان میں ڈویژنل سیکریٹری جنرل سیدعباس علی موسوی نے کہاہے کہ بلوچستان کے عوام کے لیے کمپیوٹرائزڈ شناختی کارڈ اور پاسپورٹ کے حصول کو آسان اور یقینی بنایا جائے۔عوام صبح سے لیکر شام تک نادرا اور پاسپورٹ آفس کا چکر لگاتے ہوئے تھک چکے ہیں لیکن نادارا اور پاسپورٹ آفس کے عملے کو عوام کے تکالیف کا کوئی احساس نہیں۔ بلوچستان کے عوام کے لیے نادرا کے قوانین ملک کے دیگر صوبوں اور شہروں سے الگ ہے۔بلوچستان کے عوام کے لیے الگ شرائط رکھی گئی ہے اور اس طرح نادرا کے حکام ہزاروں کی تعداد میں شناختی کارڈ بلاک کرکے رشوت خوری کے ذریعے عوام کو لوٹ رہے ہیں۔ بھاری رشوت کے عوض نوے فیصد شناختی کارڈ کو کلیئر کیا جاتا ہے۔ نادرا کو ہرگز یہ حق حاصل نہیں ہے کہ وہ ملک میں کمپیوٹرائزڈ شناختی کارڈ کے حصول کے لیے مروجہ قانون کے بر خلاف بلوچستان کے عوام کے لیے امتیازی اور خود ساختہ شرائط و قوانین مسلط کرے اور اس کے ذریعے عوام کو شناختی کارڈ اور ملک کے بنیادی حق سے محروم کرے ؟ اب بھی لاکھوں کی تعداد میں شناختی کارڈ بلاک ہے۔انہوں نے مزید کہا کہ نادرا اور پاسپورٹ آفس میں عوام کے ساتھ نارواں سلوک بلخصوص ہزارہ قوم کے ساتھ توہین آمیز رویے کی شدید مذمت کرتے ہیں۔صوبائی حکومت اورمحکمہ داخلہ بلوچستان وفاقی محکمہ داخلہ سے بات چیت کرکے اس سنگین مسئلے کو حل کریں تاکہ بلوچستان کو عوام سکھ کا سانس لے سکیں۔
وحدت نیوز(اصفہان)مجلس وحدت مسلمین پاکستان شعبہ اصفہان کے سیکریٹری جنرل مولانا سید تقی شاہ زیدی نے اپنے ایک بیان میں کہا ہے کہ پاکستانی قوم کئی سالوں سے سڑکوں اور بازاروں میں مر رہی ہے۔ اور حکومت سے مطالبہ کر رہی ہے کہ دہشتگردوں کو سزا دی جائے ۔اس سب کے باوجود بھی چوہدری صاحب پارلیمنٹ میں خطاب کرتے ہوے کہتے ہیں کہ ہمیں سب معلوم ہے کہ اس میں کس کا ہاتھ ہے۔یہاں پر سوال یہ اٹھتا ہے کہ اگر سب کچھ معلوم ہے تو پھر اس دہشتگردی کو کب روکاجائے گا۔چوہدری صاحب کے بقول اب مرکزی اور صوبای انٹیلی جنس آپس میں تمام رپورٹس شیئر کرتی ہیں۔مگر افسوس پھر بھی بےگناہ افراد کے خون کا حساب نہیں لیا جاسکا ا بھی تک دہشتگردوں کےسرپرستوں نہیں پکڑاگیا جو کہ خود حکومت میں موجود ہیں ، آخر عوام کس کا گریبان پکڑےاور جب چوہدری صاحب کو موقع ملتا ہےتو کہتے ہیں کہ وفاقی حکومت اس کی ذمہ دارنہیں سندھ حکومت کی جب بات آتی ہے تو کہتےہیں سندھ حکومت اس کی ذمہ دار نہیں ان کہ نظر میں پاکستانی عوام ذمہ دار ہے ۔
عوام سوال کررہی ہے کہ یہ کون سی قوتیں ہیں کہ جو ان دہشتگردوں کی پشت پناہی کررہی ہے ؟ یہ تکفیری ٹولہ ان دہشتگردوں کو اپنے مدرسوں مین پناہ دیتا ہے ۔ ان کی تربیت کرتاہے یہ لوگ ۲۱ ترمیم کے خلاف احتجاج کی دھمکی دے رہے ہیں۔ کیوں کہ آج ان کو خطرہ ہے ۔ ان کی سر پرستی خود آپ کی پارٹی کر رہی ہے کیا پارلیمنٹ کے سامنے گلو بٹوں کو آپ اپنی سرپرستی میں نھتی عوام پر حملہ کرنے نہیں لائے تھے ۔ یا ماڈل ٹاون میں اسرائیلی فوج نے حملہ کیا تھا پنجابی طالبان کی سرپرستی رانا ثنا اللہ کرے تو مسئلہ نہیں اور اگر عوام احتجاج کرے تو غلط ،اپ اپنی حکومت بچانے کے لیے ان کی سر پرستی کرے اور عوام بات بھی نہ کرے ۔ جناب عوام بھی متحد ہے اور آپ لوگ بھی ۔ مگر فرق یہ ہے ۔ کہ عوام پاکستان کو بچانے کے لیے متحد ہیں اور آپ لوگ پاکستان کو تباہ کرنے اور لوٹنے کہ لیے متحد ہیں ۔ اور جب تک آپ کہ کانوں میں ڈالر اور ریال کی جھنکاروں کی آواز گونجتی رہے گی عوام کی آواز سنائی نہیں دے گی ۔
وحدت نیوز(اسکردو) مجلس وحدت مسلمین پاکستان بلتستان ڈویژن کے سیکرٹری تعلیم انجینئر محمداسلم نے اپنے ایک بیان میں کہا ہے کہ نگران کابینہ کی جانب سے سرکاری پوسٹوں پر تقرریوں میں معیار کو ملحوظ خاطر رکھنے کی خبریں بے بنیاد ہیں اور عوام کو دھوکہ دینے کے مترادف ہیں۔ محکمہ تعلیم سمیت دیگر اداروں میں بھی چور دروازوں سے بھرتیوں کے شواہد مل رہے ہیں اور بھاری رشوت کے عوض بھرتیوں کا نہ رکنے والا سلسلہ جاری ہے۔بلتستان میں موجودہ ڈائریکٹر ایجوکیشن کی تعیناتی کے بعد کرپشن مافیا سرچڑھ کے بول رہا ہے اور محکمہ تعلیم میں کرپشن مافیا کی علمداری ہے ۔ سیکرٹری تعلیم نے کہا ہے کہ اگر نگران حکومت کو چور دروازوں سے بھرتیوں اور رشوت کے عوض بھرتیوں کے شواہد حاصل کر سکتے ہیں۔ بلتستان میں محکمہ تعلیم میں بھاری رشوت کے عوض چور دروازوں سے بھرتیوں کاسلسلہ جاری ہے اور قوم کی نئی نسل کو برباد کرنے والوں کوریاستی پشت پناہی انتہائی افسوسناک اور ریاست سے خیانت کے مترادف ہے۔ ہم تعلیم دشمن عناصر کا گھیرا تنگ کریں گے اورچور دروازوں سے بھرتی کرنے والے افراد کو بھی عدالت کی کٹہری میں لا کھڑا کریں گے اور کرپشن مافیا کے خلاف مزاحمت جاری رکھیں گے۔ انہوں نے کہا کہ سرکاری تمام اداروں میں محکمہ تعلیم حساس ترین محکمہ ہے لیکن اس محکمہ میں ہونے والی بدترین بدعنوانیوں پر حساس ریاستی اداروں کی خاموشی اور نیت کی غفلت سوالیہ نشان ہے۔انہوں نے کہا کہ ریاستی خزانے کو کرپشن کے ذریعے نقصان پہنچانے والے مجرم ہیں ان کا دھندنانے پھرنا اور انکے خلاف کسی قسم کی کاروائی نہ ہونا تمام ریاستی اداروں کی بدترین ناکامی ہے۔اگر ریاستی ادارے چھوٹے موٹے چوروں اور کرپشن مافیا کو لگام نہیں دیں گے تو کل یہی مافیا ریاست کے لیے ناسور بن جائے گا اور اس کے بعد ناقابل گرفت ہوگا۔ ہم ہر ظلم کے خلاف قیام کرتے رہیں گے اور محکمہ تعلیم میں ہونے والے مظالم کیخلاف عدالت کا دروازہ کھٹکھٹاتے رہیں گے اور عوامی و جمہوری طاقت سے تمام بدعنوان افرادکا گھیرا تنگ کریں گے اور اس معاملہ میں کسی قسم کا سمجھوتہ کرنے کے لیے تیار نہیں ۔
وحدت نیوز (کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں حلقہ 10سے ایم ڈبلیوایم کے کونسلرکربلائی عباس علی نے کہا ہے کہ حکومت بلوچستان معیاری تعلیم کی فراہمی اور امتحانی نظام کو موثر بنانے کے لیے اقدامات کریں۔امتحانی نظام میں نقل کے رجحان نے ہمارے تعلیمی نظام کو تباہ و برباد کر دیا ہے۔ امتحانات میں غیر قانونی ذارئع استعمال کرکے زیادہ نمبر تو حاصل کر لیے جاتے ہیں لیکن جب معاملہ دیگر صوبوں سے مقابلے کا آتا ہے تو بہت کم تعداد میں امیدوار معیار پر پورا اترتے ہیں۔ بلوچستان کی پسماندگی ، اور افلاس کی بڑی وجہ غیر معیاری تعلیم ہی ہے۔ نئی نسل کی روشن مستقبل کو یقینی بنانے کے لیے تعلیم کے شعبے کو اولین ترجیح دینی چاہیے۔ حکومت تعلیم کے شعبے میں مختص فنڈز میں غیر معمولی اضافہ کرنے کے ساتھ تعلیمی اداروں میں نظم و ضبط بہتر بنانے ، تعلیمی ماحول کے ساتھ تدریس کے عمل کو بامعنی اور مثبت بنانے کے لیے ٹھوس اقدامات کریں۔ صوبے میں تعلیمی ایمرجنسی نافذ کرکے نقل کے رجحان کے خاتمے کے لیے ٹھوس اقدامات کیے جائیں۔ محکمہ تعلیم نقل کے تدارک کے خاتمے کے ساتھ ساتھ اسکولوں کی حالت زار کی بہتری اور تعلیمی معیار موثر بنانے کے لیے اقدامات کریں۔بلوچستان کو خوشحال اور ترقی یافتہ بنانے کے لیے ہمارا ویژن پڑھا لکھا بلوچستان ہونا چاہیے۔
وحدت نیوز (حیدرآباد) سانحہ شکار پور کو ایک ہفتہ گذر جانے اور قاتلوں کی عدم گرفتاری کے خلاف مجلس وحدت مسلمین سندھ کی اپیل پر جمعہ کے روز سندھ بھر میں یوم شہدائے شکارپور منایا گیا، اس سلسلے میں قدم گاہ مولاعلی ؑ پر ایم ڈبلیوایم ضلع حیدر آبادکی جانب سے بعد نماز جمعہ مجلس ترحیم منعقدکی گئی جب کہ بعداز مجلس احتجاجی مظاہرہ کیا گیا، جس سے مولانا سید باقرعباس زیدی ، مولانا امدا دعلی نسیمی ، مولانا گل حسن مرتضوی، مولانا انور علی گلگتی اور مولانا ملازم حسین نے خطاب کیا،احتجاجی مظاہرے میں عوام کی بڑی تعداد شریک تھی، اس موقع پر رہنماؤں کا کہنا تھا کہ ایک ہفتہ گذر جانے کے باوجود قاتلوں کی عدم گرفتاری سے حکمرانوں کی سنجیدگی کا اندازہ لگایا جاسکتا ہے، افسوس ناک بات یہ ہے کہ حکمران ووٹ لیتے وقت تو عوام کے دروازوں کے چکر کاٹتے ہیں لیکن جب ان گھروں میں لاشیں پڑیں ہوں تو انہیں تعزیت کی بھی زحمت نہیں ہوتی، جن لوگوں کے اجداد نے پاکستان بنانے کے لئے اپنے تن من دھن کی قربانی دی وہ آج پاکستان بچانے کے لئے بھی قیمتی جانوں کی قربانیاں دے رہے ہیں ، جن لوگوں کے اجداد نے پاکستان بنانے کو گناہ قرار دیا، پاکستان کے بانی کو کافر اعظم کہا، آج وہ پاکستان کو تباہ و برباد کرنے کے در پہ ہیں، پاکستان کے غیور اور مظلوم عوام کو نا اہل سیاسی مکاروں سے سوائے جھوٹ فریب اور دھوکے بازی کے کسی بات کی توقع نہیں ، دہشت گردی کے ڈسے ہوئے عوام کو انصاف اور انتقام کی امید فقط پاک فوج سے ہے۔
وحدت نیوز (اسکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ یوم یکجہتی کشمیر جہاں اپنے مظلوم کشمیری بھائیوں کے ساتھ یکجہتی کا دن ہے وہاں دنیا بھر کی نام نہاد انسانی حقوق کی تنظیموں کی بے بسی اور ناکامی کا دن ہے۔ انہوں نے کہا کہ اقوام متحدہ اس وقت امریکہ کی لونڈی کا کردار ادا کر رہی ہے اور اقوام عالم کا ان سے اعتماد اٹھ گیا ہے ۔ اقوام متحدہ تمام ممالک اور تمام مذاہب کی نمائندہ جماعت نہیں بلکہ کلیسائی اور کنیسائی سازشوں کی تجربہ گاہ بنی ہے یہی وجہ ہے چھ عشرہ سے زائد کا عرصہ گزرنے کے باوجود اقوام متحدہ سے نہ فلسطین کا مسئلہ حل ہوا اور نہ کشمیر کا جبکہ اسی اقوام متحدہ کے ذریعے مشرق تیمور میں ریاست راتوں رات بنتی ہے۔انہوں نے کہا کہ چھ عشرہ سے زائد کا عرصہ گزرنے کے باوجود کشمیری مظلوم عوام کو حق خود ارادیت نہ دینا اقوام متحدہ کی بدترین ناکامی ہے۔ دنیا بھر کی انسانی حقوق کی تنظیمیں اس وقت صرف مگر مچھ کی آنسو بہانے اور عالم انسانیت کو دھوکہ دینے پر اکتفا کر رہی ہے اور انسانی حقوق کی تنظیموں کا کام میڈیا میں کپین چلانا اور حقوق سے محروم اقوام کے نام پر اپنی جیبیں بھرنا ہو گیا ہے اگر عالمی انسانی حقوق کی تنظیمیں اپنا صحیح کردار ادا کرتی تو نہ فلسطین کا مسئلہ پیش آتا اور کشمیر مقبوضہ رہتا ۔انہوں نے کہا کہ عالم اسلام کو اپنی عظمت رفتہ کی حصول اور کشمیر و فلسطین کی بازیابی کے لیے متحد ہونے کی ضرورت ہے مغربی تنظمیوں اور اقوام متحدہ کی بیساکھی چھوڑ کر قوت ایمانی سے آگے بڑھیں توعالم اسلام کا کوئی مقابلہ نہیں کر سکتا۔
وحدت نیوز (کراچی) شکار پور جامع مسجد کربلائے معلیٰ میں ہونے والے خودکش بم دھماکے ، ساٹھ سے زائد نمازیوں کی شہادت اور قاتلوں کی عدم گرفتاری کے خلاف کراچی سمیت سندھ بھر میں مجلس وحدت مسلمین کی اپیل پر یوم شہدائے شکارپور منایا گیا، اس حوالے سے کراچی سمیت حیدرآباد، لاڑکانہ ، نوابشاہ،ٹنڈومحمد خان، نصیر آباد، بدین، تلہار، شہداد کوٹ، ٹنڈوالہیار،نوشہروفیروز، سجاول ، ٹھٹھہ، دادو، شکار پوراور دیگر اضلاع میں حتجاجی مظاہرے کیئے گئے، ریلیاں نکالی گئیں اور شہداء کی یاد میں چراغاں کیا گیااور قرآن خوانی کی گئی، جبکہ مرکزی احتجاجی مظاہرہ خوجہ مسجد کھارادر کے باہر بعد نماز جمعہ کیا گیا، جس سے مجلس و حدت مسلمین کے رہنما ،علامہ مبشر حسن ،آصف صفوی،نا صر الحسینی ،،شبیر حسین نے خطاب کیا ،اس موقع پر مظاہرین کی بڑی تعداد موجود تھی، مظاہرین نے سندھ حکومت اور وزیر اعلیٰ سندھ کے خلاف نعرے بازی کی اور وزیر اعلیٰ سندھ کی بر طر فی کا مطالبہ کیا ، صوبہ میں سندھ حکومتی سر پرستی میں دہشتگرد تکفیری کالعدم گروہوں کے دارالعلوم کھولے جا رہیں ہیں، صوبہ بھر میں دہشتگردوں کا نیٹ ورک مضبوط ہو گیا ہے غلطی سے اگر کوئی دہشتگرد پکڑ بھی لیا جاتا ہے تو انہیں کالعدم تکفیری گروہوں کی جانب سے خطیر رقم خرچ کر کے عدالتوں سے چھوڑا لیا جاتا ہے ، دہشتگردوں کے نیٹ ورک چلانے کے وہی پرانے طریقہ کار ہیں، سکیورٹی ادارے اور حکومت خود دہشتگردوں کو راستہ فراہم کرتی ہے ،سعودی امدار سے دہشتگردی کے مدارس قائم ہوتے ہیں اورانہیں مدارس سے کالعدم گروہوں کو پروٹیکشن دی جاتی ہے۔
علامہ مبشر حسن نے گزشتہ روز وزیر اعلیٰ ہاؤس پر سول سو سائٹی کی جانب سے سانحہ شکار پور ،کالعدم جماعتوں کے رہنماؤں کو حکومت کی جانب سے دی جانے والی سکیورٹی اور ان کی عدم گرفتاری کے خلاف مظاہرے میں شامل عورتوں ،بچوں پر ریاستی اداروں اور حکومت سندھ کی جانب سے تشدید کی مذمت کرتے ہوئے کہا کہ حکومت سندھ دہشتگردوں کو پکڑنے میں ناکام مگر دہشتگردوں کی گرفتاری کیلئے کئے جانے والے پر امن احتجاجی مظاہرین کو پکڑنے میں کامیاب ہو گئی جس پر وزیر اعلیٰ سندھ اور ان کی کابینہ کو مبارکباد دینی چاہیے عوام نے حکمرانوں مسترد کرتی ہے اگر صوبہ میں شفاف الیکشن کرائے جائیں تو ان حکمرانوں کی قلعی کھل جائے گی ،رہنماؤں نے آرمی چیف جنرل راحیل شریف اور کور کمانڈر کراچی سے مطالبہ کیا کے دہشتگردی کت خاتمہ کیلئے وام کی امیدیں آپ سے وابسطہ ہیں کراچی سمیت صوبہ بھر میں کالعدم دہشتگردگرہوں کے خلاف آپریشن کیا جائے اور سندھ حکومت میں شامل کالی بھٹروں کے خلاف بھی ایکشن لیا جائے ،شہر میں جزوی مارشل لاء اور دہشتگردی کی عدالتوں میں ان تمام کے خلاف بھی مقدمات قائم کئے جائیں اور انہیں تختہ دار پر لٹکا یا جائے۔دریں اثناء ایم ڈبلیو ایم کی جانب سے سانحہ شکار پوردہشتگردی کے خلاف جامعہ مسجد نور ایمان، جامعہ مسجد دربار حسینی ملیر،جامعہ مسجد ابو الفضل عباس لانڈھی،جامعہ مسجد امامیہ سادات کالونی جامع مسجد مصطفی عباس ٹاون ،حسینی مسجد سچل گوٹھ،میں مولانا علی نوار ،مہدی کریمی ،محمد حسین جعفری،احسن عباس میں علماء کرام نے سانحہ شکارپور دہشتگردی کے خلاف خطبات اورشہداء کے بلندی درجات کیلئے دعاء کرائی اور نماز جمعہ کے بعد احتجاجی مظاہرے کئے گئے جس میں حکومتی نا اہلی اور دہشتگردوں کی گرفتاری کا مطالبہ کیا گیا۔
وحدت نیوز (لاڑکانہ) مجلس وحدت مسلمین لاڑکانہ کی جانب سے مرکزی امام بارگاه جعفریہ سے نماز جمعہ کے بعد شکارپور کے المناک سانحے کے خلاف احتجاجی ریلی نکالی گئی. جس کی قیادت ضلعی سیکریٹری جنرل طارق حسین بدوی, دیگر ضلعی مسعولین اور جعفری امام بارگاه کے متولی سجاد جعفری نے کی. ریلی پاکستان چوک سے ہوتی ہوئی پریس کلب لاڑکانہ تک آئی, جہاں مقررین نے واقعے کی سخت مذمت کرتے ہوئے اپنے خطابات میں کہا کہ اس دھشتگردی میں ملوث تمام عناصر کو بے نقاب کر کے کیفر کردار تک پهنچایا جائے, انهوں نے مزید کہا کہ ہماری تمام امام بارگاہوں اور مساجد کو خاطر خواه سیکیورٹی فراہم کی جائے دوسری صورت میں حکومت خود ذمہ دار ہوگی۔
وحدت نیوز (کراچی) مجلس وحدت مسلمین سندھ کے سیکریٹری جنرل علامہ مختار امامی کی اپیل پر آج سندھ بھر میں یوم شہدائے شکارپور منایا گیا، اس حوالے سے مجلس وحدت مسلمین ضلع ملیر کے زیر اہتمام حسینی جامع مسجد برف خانہ ملیر کے باہر بعد نماز جمعہ احتجاجی مظاہرہ کیا گیا جس میں نمازیوں کی بڑی تعداد نے شرکت کی جب کہ مظاہرین سے ایم ڈبلیوایم کراچی کے رہنماعلامہ علی انور جعفری اور ایم ڈبلیوایم ضلع ملیرکے سیکریٹری جنرل سید احسن عباس نے خطاب کیا، اپنے خطاب میں مقررین کا کہنا تھا کہ سانحہ شکار پور کو ایک ہفتہ گذر جانے کے باوجودحکومت نے قاتلوں کی گرفتاری کے لیئے کوئی ٹھوس اقدام نہیں اٹھایا، سندھ بھر میں کالعدم تکفیری گروہوں کےمحفوظ مراکز موجود ہیں ، پیپلز پارٹی اور ن لیگ اقتدار کی بقاء کی خاطر کالعدم تکفیری گروہوں کے خلاف کسی قسم کی کاروائی سے گریزاں ہیں ، رہنماوں نے شہداء کمیٹی شکارپور کی جانب سے قاتلوں کی عدم گرفتاری اور سندھ میں فوجی اپریشن نہ ہونے کے سبب شکار پور سے کراچی کی جانب لانگ مارچ کی مکمل حمایت کا اعلان کرتے ہوئے کہا کہ کراچی کے غیور عوام خانوادہ شہدائے شکارپورکو انصاف دلوانے کیلئے لانگ مارچ میں بھر پور شرکت کریں گے۔
وحدت نیوز (شکارپور) سانحہ شکارپور کے مجرموں کی عدم گرفتاری کیخلاف شکارپور سے وزیراعلیٰ ہاؤس کراچی تک لانگ مارچ کیا جائے گا، آئندہ جمعہ سانحہ شکارپور کے خلاف سندھ بھر میں ہڑتال کی جائے گی، سندھ حکومت سانحہ شکارپور کے ذمہ داروں کی گرفتاری میں لیت و لعل سے کام لے رہی ہے، ہم کبھی بھی اپنے شہدا کی قربانیوں کو رائیگاں جانے نہیں دیں گے۔ ان خیالات کا اظہار مجلس وحدت مسلمین کے رہنما اور شہدا کمیٹی شکارپور کے سربراہ علامہ مقصود علی ڈومکی نے شکارپور میں اجتماعی نماز جمعہ کے عظیم الشان اجتماع سے خطاب کرتے ہوئے کیا۔ ان کا کہنا تھا کہ سندھ حکومت تکفیری دہشت گردوں کو لگام دینے میں ناکام ہوچکی ہے، کالعدم جماعتیں کھلے عام اپنی سرگرمیاں انجام دے رہی ہیں، حکومتی وزراء قاتلوں کی گرفتاری کے بجائے تکفیری دہشت گردوں کے سرپرست بنے ہوئے ہیں۔ ان کا مزید کہنا تھا کہ اب شہدا کے خانوادوں نے فیصلہ کیا ہے کہ وہ انصاف کے حصول کیلئے اور ظالم حکومت کے خلاف اپنی آواز بلند کرنے کیلئے شکارپور سے وزیراعلیٰ ہاؤس کراچی تک لانگ مارچ کریں گے۔ علامہ مقصود ڈومکی کا کہنا تھا کہ ہم نے ہمیشہ پرامن جدوجہد کو اپنا شعار قرار دیا ہے لیکن سندھ حکومت نے ہمارے صبر کو نظرانداز کیا ہے، اب وقت آگیا ہے کہ ظالم وزیراعلیٰ کیخلاف پوری قوم یک آواز ہوکر صدائے احتجاج بلند کرے۔
