وحدت نیوز (سکردو) ﻋﻮﺍﻣﯽ ﺍﯾﮑﺸﻦ ﮐﻤﯿﭩﯽ ﮔﻠﮕﺖ ﺑﻠﺘﺴﺘﺎﻥ ﺍﻭﺭ ﺍٓﻝ ﭘﺎﺭﭨﯿﺰ ﺑﻠﺘﺴﺘﺎﻥ ﺍﯾﮑﺸﻦﮐﻤﯿﭩﯽ ﮐﺎ ﻣﺸﺘﺮﮐﮧ ﺍﺟﻼﺱﻣﺠﻠﺲ ﻭﺣﺪﺕ ﻣﺴﻠﻤﯿﻦ ﭘﺎﮐﺴﺘﺎﻥﺑﻠﺘﺴﺘﺎﻥ ﮈﻭﯾﮋﻥ ﮐﮯ ﺍٓﻓﺲ ﻣﯿﮟ ﻣﻨﻌﻘﺪ ﮨﻮﺍ۔ﺟﺲ ﻣﯿﮟ ﺍﯾﻢ ﮈﺑﻠﯿﻮ ﺍﯾﻢ ﮐﮯﺭﮨﻨﻤﺎ ﺍٓﻏﺎ ﻋﻠﯽ ﺭﺿﻮﯼ ،شیخ احمد علی ﻧﻮﺭﯼ،ایم ڈبلیوایم کے رکن گلگت بلتستان اسمبلی ﮐﺎﭼﻮ ﺍﻣﺘﯿﺎﺯ حیدرخان ،ﺍﯾﺲ ﯾﻮ ﺳﯽ ﮐﮯﺭﮨﻨﻤﺎ ﺍٓﻏﺎ ﻋﺒﺎﺱ ﺭﺿﻮﯼ ، ﻋﻮﺍﻣﯽ ﺍﯾﮑﺸﻦ کمیٹی   ﮐﮯ ﺭﮨﻨﻤﺎ ﻣﻮﻻﻧﺎﺭﺋﯿﺲ ، ﻓﻘﯿﺮ ﺷﺎﮦ ، ﻣﺴﻠﻢ ﻟﯿﮓ ﻕ ﮐﮯ ﻭﺯﯾﺮ ﻭﻻﯾﺖ ، ﺍﻧﺠﻤﻦ ﺍﻣﺎﻣﯿﮧ ﮐﮯﺣﺴﻦ ﺣﺴﺮﺕ ﺍﻧﺠﻤﻦ ﺗﺎﺟﺮﺍﻥ ﮐﮯ ﺍﻃﮩﺮ ﻏﻼﻡ ﺍﻭﺭ ﺩﯾﮕﺮ ﺭﮨﻨﻤﺎﻭﮞ ﻧﮯﺷﺮﮐﺖ ﮐﯽ۔ ﺍﺟﻼﺱ ﻣﯿﮟ ﮔﻠﮕﺖ ﺑﻠﺘﺴﺘﺎﻥ ﮐﮯ ﻣﺴﺎﺋﻞ ﺍﻭﺭ ﺍﻥ ﮐﮯ ﺣﻞ ﭘﺮﻏﻮﺭ ﮐﯿﺎ ﮔﯿﺎ۔ ﺍﺱ ﻣﻮﻗﻊ ﭘﺮ ﻋﻮﺍﻣﯽ ﺍﯾﮑﺸﻦ ﮐﻤﯿﭩٰﯽ ﺍﻭﺭ ﺑﻠﺴﺘﺎﻥ ﺍﯾﮑﺸﻦﮐﻤﯿﭩﯽ ﻧﮯ ﺍﻥ ﻣﺴﺎﺋﻞ ﮐﮯ ﺣﻞ ﮐﮯ ﻟﺌﮯ ﻣﺸﺘﺮﮐﮧ ﺟﺪﻭﺟﮩﺪ ﭘﺮ ﺍﺗﻔﺎﻕ ﮐﯿﺎ۔

وحدت نیوز (ڈیرہ مراد جمالی) مجلس وحدت مسلمین بلوچستان کا اہم اجلاس صوبائی سیکریٹری جنرل علامہ مقصود علی ڈومکی کی زیر صدارت مرکزی جامع مسجدڈیرہ مراد جمالی میں منعقد ہوا ،اجلاس میں سیاسی صورتحال اور تنظیمی معاملات پر غور و خوص کیا گیا۔ اجلاس میں مختلف اضلاع کے دورہ جات اور اضلاع کی مشاورت سے بعض ضلعی شوریٰ کے اجلاس طے کئے گئے۔

اس موقع پر اجلاس سے خطاب کرتے ہوئے علامہ مقصود علی ڈومکی نے کہا کہ مجلس وحدت مسلمین کے ملک گیر تنظیمی کنونشن (پیغام وحدت) میں بلوچستان بھر سے تنظیمی رہنما، ضلعی و صوبائی مسؤلین بھر پور شرکت کریں گے۔ انہوں نے کہا کہ ایم ڈبلیو ایم جمہوری روایات کی حامل انقلابی جماعت ہے، جہاں انٹر پارٹی الیکشن کے زریعے جماعت کے ذمہ داران شفاف جمہوری انداز سے منتخب کئے جاتے ہیں۔

اجلاس میں صوبائی ڈپٹی سیکریٹری جنرل سید ظفر عباس شمسی نے مرکزی کنونشن اور تنظیمی دورہ جات کی تفصیل پیش کی۔ اجلاس میں صوبائی سیکریٹری تنظیم مولانا برکت علی مطہری، سیکریٹری تعلیم مولا نا تجمل عباس جعفری، سیکریٹری فنانس محمد علی جمالی، سیکریٹری جوانان عبدالوہاب لغاری، و دیگر شریک ہوئے۔

در ایں اثناء ڈیرہ مراد جمالی میں مختلف وفود سے گفتگو کرتے ہوئے علامہ مقصود علی ڈومکی نے کہا کہ کچھی کینال کی تکمیل سے نصیر آباد ڈویژن میں زرعی انقلاب آئے گا، اور ہزاروں ایکڑ ایراضی آباد ہوگی۔ منصوبے پر حکومتی عدم توجہی کے باعث غیر ضروری تاخیر ہورہی ہے۔ انہوں نے مطالبہ کیا کہ نتہائی اہمیت کے حامل اس منصوبے کی جلد تکمیل کو یقینی بنایا جائے۔

وحدت نیوز (نیلم) مجلس وحدت مسلمین سیاسی میدان میں اپنا بھرپور کردار ادا کرے گی ، ہمارا مشن خدمت خلق ہے، عوامی سیاست کریں گے ، سیاست کو تابع دین ہونا چاہیے نہ کہ دین کو تابع سیاست ، ان خیالات کا اظہار ریاستی سیکرٹری جنرل مجلس وحدت مسلمین پاکستان آزاد جموں و کشمیر علامہ سید تصور حسین نقوی الجوادی نے مجلس وحدت مسلمین ضلع نیلم کے دورے کے دوران مختلف وفوداور شخصیات سے ملاقاتوں کے دوران کیا ، انہوں نے کہ ہم محروموں اور مظلوموں کی آواز اٹھائیں گے ، مظلوموں کی حمایت ہمارا شیوہ ، آزاد کشمیر اس وقت مسائل کی دلدل میں ہے، بجلی لوڈشیڈنگ کا مسئلہ گھمبیر صورتحال اختیار کر گیا ہے ، اس ترقی یافتہ دور میں بھی نیلم کو موبائل سروس فراہم نہیں کی جارہی ہے ، جو کہ زیادتی ہے ، زلزلہ متاثرین کا ابھی تک کوئی پرسان حال نہیں ، سکولوں کی عمارتیں جوں کی توں ہیں ، مجموعی طور پر دیکھا جائے تو آزاد کشمیر کے حکمران خواب خرگوش کے مزے لے رہے ہیں ،اپوزیشن نے بھی جاندار کردار ادا نہیں کیا، لے اور دے کی سیاست نے خطہ آزاد کشمیر کوظلم و زیادتی کا نشانہ بنا رکھا ہے،علامہ تصور جوادی نے کہا کہ الیکشن کی آمد آمد ہے، وہ عوامی نمائندے جو کبھی نظر بھی نہ آتے تھے آجکل اپنے اپنے حلقوں میں موجود ہوتے ہیں ، ہم اپنی عوام سے اپیل کرتے ہیں کہ وہ ان نمائندوں سے سوال کریں کہ پانچ سال وہ کہاں غائب رہے ، انہوں نے عوامی مسائل کے حل کے لیئے کیا اقدامات کیئے ، عوام شعوری سیاست کریں ، آنے والے امیدوار کا کڑا احتساب کریں ، خصوصاً ان امیدواران کا جو اقتدار انجوائے کر چکے ہیں ، ووٹ عوامی طاقت ہے ، سوچ سمجھ کر استعمال کیا جائے ، مجلس وحدت مسلمین پاکستان آزاد کشمیر عوامی جدوجہد کا حصہ رہے گی، عوامی حقوق کے لیئے کسی بھی حد تک جائیں گے، اس موقع پر مجلس وحدت مسلمین آزاد کشمیر کے ریاستی سیکرٹری سیاسیات سید محسن رضا سبزواری ایڈووکیٹ نے کہا کہ ہم سیاست میں جاندار کردار ادا کریں گے ، آمدہ الیکشن کے حوالے سے بھرپور تیاری میں ہیں ، تمام اضلاع سے مشاورت کے بعد جلد لائحہ عمل کا اعلان کریں گے ۔

وحدت نیوز(لاہور) مجلس وحدت مسلمین پنجاب کے صوبائی شوریٰ کا سالانہ اجلاس صوبائی سیکرٹریٹ لاہور میں شروع،اجلاس کے پہلے سیشن کی صدارت صوبائی سیکرٹری جنرل علامہ عبدالخاق اسدی نے کی،اجلاس میں پنجاب بھر کے 37 اضلاع سے پارٹی عہدیدار شریک ہیں،اجلاس میں موجودہ ملکی صورت حال ،ماہ اپریل میں منعقدہ پارٹی الیکشن،سمیت اضلاع کی سالانہ کارکردگی رپورٹس کا جائزہ لیں گے،آج (بروز ہفتہ 2 بجے)سربراہ مجلس وحدت مسلمین علامہ راجہ نا صر عباس جعفری اراکین شوریٰ سے اہم خطاب کریں گے۔

اجلاس کے پہلے سیشن سے خطاب کرتے ہوئے مجلس وحدت مسلمین پاکستان کے امور خارجہ کے سیکرٹری علامہ ڈاکٹر سید شفقت حسین شیرازی کا کہنا تھا کہ دہشت گردی کیخلاف جنگ کو منطقی انجام تک نہ پہنچایا گیا تو ہماری آنے والی نسلیں اس کا خمیازہ بھگتیں گی،دنیا بھر میں دہشت گردوں کے سرپرست اور سہولت کاروں کو شکست کا سامنا ہے،ہمیں مشرقی وسطیٰ کے پراکسی وار سے دور رہ کر ملک کے اندر موجود دہشت گردوں کیخلاف منظم کاروائی کی ضرورت ہے، مشرق وسطیٰ میں داعش،النصرہ،اور القاعدہ کے سرپرست قوتیں اس وقت بوکھلاہٹ کا شکار ہے،ایسے میں ان نادانوں کے کسی بھی ایسے اقدام کی حمایت ملک کو ایک اور دلدل کی طرف دھکیلنے کے مترادف ہے،داعش اور القاعدہ کو بدترین شکست کا سامنا ہے ،امریکہ اور اس کے اتحاد ی اسرائیل ودیگر عرب ریاستیں اپنے مذموم مقاصد  میں مکمل طور پر ناکام ہوچکے ہیں،حرمین شریفین امت مسلمہ کی مشترکہ میراث ہے،سعودی بادشاہت کی بقا کے لئے حرمین شریفین کے نام پر مسلمانوں کو گمراہ کرنے کے عمل خود اسلام کے ساتھ سب سے بڑا مذاق ہے ،اسلام میں بادشاہت کا کوئی تصور نہیں، پاکستان نے یمن کے اندر مداخلت نہ کر کے دنیا میں ایک خود مختار ملک ہونے کا ثبوت دیا، 34 رکنی ممالک کے اتحاد میں شامل ہونے کے مبہم بیانات نے ایک دفعہ پھر ملکی خارجہ پالیسی کو زیر سوال لایا ہے،دنیائے اسلام کے واحد ایٹمی طاقت پاکستان کو متنازعہ بنانے کے لئے اسرائیل اور امریکہ عربوں کو استعمال کر رہا ہے،عرب میڈیا میں پاکستانی ایٹمی صلاحیت کو زیر بحث لانا اور اس طاقت کو اپنا اثاثہ ڈکلیر کرنا تشویش ناک عمل ہے،دشمن ہماری ایٹمی صلاحیت کو متنازعہ بنانے کے لئے متحرک ہیں،ہمیں اس نازک موقع پر دانشمندی کا ثبوت دینا ہوگا،ذاتی تعلقات اور احسانات کے بدلے میں ملکی سلامتی کو داوُ پر لگانے کا عمل ملک کے لئے خطرناک ثابت ہوگا،۔

علامہ ڈاکٹر شفقت حسین شیرازی کا کہنا تھا کہ وطن عزیز میں سیاسی مصلحتیں دہشت گردی کیخلاف جنگ میں سب سے بڑی رکاوٹ ہے،پنجاب میں کالعدم جماعتوں کو فری ہینڈ دے کر نیشنل ایکشن پلان کا مذاق اُڑایا جا رہا ہے،شہدائے کوئٹہ،شہدائے اے پی ایس و باچا خان یونیورسٹی سمیت ہزاروں شہداء کے قاتلوں اور ان کے سہولت کار کسی رعایت کے مستحق نہیں،مٹھی بھر شدت پسندوں کو پاکستان کے غیور عوام اور افواج پاکستان ملک پر مسلط نہیں ہونے دینگے،دہشت گردی کے خلاف ہم قربانیاں دیتے آئے ہیں اور آئندہ بھی ملکی سلامتی و بقا کے لئے ہم کسی بھی قربانی سے دریغ نہیں کریں گے۔

وحدت نیوز (شکارپور) مجلس وحدت مسلمین پاکستان کی مرکزی کوآرڈینیٹر برائے شعبہ خواتین خانم زہرا نقوی نے سکھر اور شکارپور کےتنظیمی دورہ جات کیئے خانم زہرا نقوی نے اس موقع پر ضلعی کابینہ کی اراکین سے ملاقات کی  دوران گفتگو تنظیمی امور سمیت آئندہ سہہ ماہی امور پر بھی تفصیلی غور کیا گیا،خانم زہرا نقوی نے سکھر اور شکارپورمیں شعبہ خواتین کی بھرپور فعالیت کے حوالے سے تنظیمی ذمہ داران کو خصوصی ہدایات بھی جاری کیں ۔

وحدت نیوز (اسلام آباد) مجلس وحدت مسلمین کے سربراہ علامہ ناصر عباس جعفری کی زیرصدارت ایم ڈبلیو ایم گلگت بلتستان کی سیاسی کونسل کا اہم اجلاس اسلام آباد میں ہوا، جس میں بلدیاتی الیکشن، اقتصادی راہداری منصوبہ اور خطے کے آئینی حقوق سے متعلق امور کا جائزہ لیا گیا۔ اجلاس میں ایم ڈبلیو ایم کے ڈپٹی سیکرٹری جنرل علامہ محمد امین شہیدی، سیکرٹری جنرل گلگت بلتسان آغا علی رضوی، گلگت بلتستان اسمبلی کے رکن کاچو امتیار حیدر، رضوان علی،  بی بی سلیمہ ، رکن شوریٰ عالی ڈاکٹر علی گوہر، غلام عباس، محمد علی، محمد عیسٰی ایڈووکیٹ، اسد عباس نقوی اور کوآرڈینیٹر شعبہ سیاسیات آصف رضا نے شرکت کی۔

 اجلاس میں اقتصادی راہداری منصوبے سے متعلق معلومات اکٹھی کرنے کیلئے خصوصی کمیٹی بنانے کا فیصلہ کیا گیا، یہ کمیٹی وزیراعلٰی گلگت بلتستان اور متعلقہ سرکاری افسران سے ملاقات کرکے معلومات اکٹھی کرے گی۔ یہ کمیٹی جانے گی کہ اقصادی راہداری منصوبے کی تفصیلات کیا ہیں اور اس منصوبے میں گلگت بلتستان کو کیا دیا جا رہا ہے۔ کمیٹی میں گلگت بلتستان قانون ساز اسمبلی کے ارکان حاجی رضوان اور امتیاز حیدر سمیت کاظم سلیم، محمد علی اور غلام عباس شامل ہیں۔

اجلاس میں فیصلہ کیا گیا کہ خطے کے آئینی حقوق اور اقتصادی راہداری سے متعلق معاملات میں عوامی ایکشن کمیٹی کا بھرپور ساتھ دیا جائیگا اور آئینی حقوق سے کسی صورت پیچھے نہیں ہٹا جائیگا۔ اجلاس میں ایم ڈبلیو ایم کی سیاسی کونسل نے گلگت بلتستان کی آئینی صورتحال کا حل بھی پیش کیا اور کہا کہ مرکزی حکومت اقوام متحدہ کے فیصلے تک گلگت بلتسان کو خود مختار صوبہ بنا دے، جب اقوام متحدہ کی سطح پر کوئی فیصلہ آجائے تو اس فیصلہ کی روشنی میں عمل کیا جائے۔ اجلاس میں گلگت بلتستان بلدیاتی الیکشن میں بھرپور حصہ لینے کا اعلان کیا گیا اور فیصلہ کیا گیا کہ علاقائی سطح پر اسلامی تحریک کے ساتھ سیاسی اتحاد کو ترجیح دی جائے گی۔