وحدت نیوز (کوئٹہ) امریکہ کی خارجہ پالیسی کا محور اسرائیل ہے امریکہ میں چہرے بدلتے ہیں پالیسی تبدیل نہیں ہوتی،فرق یہ ہے کہ ہر نیا آنے والا صدر اور حکومت اسے اپنے طریقے سے عملی جامہ پہنانے کی کوشش کرتے ہیں،بیت المقدس کو اسرائیلی دارلحکومت بنانا امریکہ کی دیرینہ خواہش ہے۔امریکن بلاک کا حصہ رہنے کا مطلب ناجائز ریاست اسرائیل کو تسلیم کرنا اور اسکے مفادات کیلئے کام کرنا ہے ۔ان خیالا ت کا اظہار مجلس وحدت مسلمین کوئٹہ ڈویژن کے سیکرٹری جنرل سید عباس علی نے اپنے جاری کردہ بیان میں کیا ۔انہوں نے کہا کہ امریکہ کی خارجہ پالیسی کا محور اسرائیل ہے امریکہ میں چہرے بدلتے ہیں پالیسی تبدیل نہیں ہوتی،فرق یہ ہے کہ ہر نیا آنے والا صدر اور حکومت اسے اپنے طریقے سے عملی جامہ پہنانے کی کوشش کرتے ہیں،بیت المقدس کو اسرائیلی دارلحکومت بنانا امریکہ کی دیرینہ خواہش ہے۔امریکن بلاک کا حصہ رہنے کا مطلب ناجائز ریاست اسرائیل کو تسلیم کرنا اور اسکے مفادات کیلئے کام کرنا ہے ،لہذاً وطن عزیز پاکستان کو فلفور امریکن بلاک سے نکل جانا چاہیئے۔
انہوں نے مزید کہا کہ عالم اسلام کے مسائل مشترکہ اور ایک دوسرے سے جڑے ہوئے ہیں مسٔلہ کشمیر اس وقت تک حل نہیں ہوسکتا جب تک مسٔلہ فلسطین حل نہ ہو ،اسرائیل کی وجہ سے امریکہ مسٔلہ کشمیر کے حل میں مسلسل رکاوٹ پیدا کر رہا ہے اگر مقبوضہ کشمیر کی آزادی ہمارے خارجہ پالیسی کا حصہ ہے تو امریکن بلاک سے وطن عزیز کا خارج ہونے کا اشد ضروری ہے،ایسا نہیں ہو سکتا ایک طرف ہم کشمیر اور فلسطین کی آزادی کی بات کریں اور دوسری طرف اینٹی کشمیر اور اینٹی فلسطین امریکن بلاک کا حصہ رہے،ایک ناجائز ریاست کی وجہ سے امریکہ نے دنیا بھر کے امن کو تہہ و بالا کر کے رکھ دیا ،اسرائیل کو تسلیم کروانے اور بیت المقدس کو اسرائیل کا دارلحکومت بنانے کی خاطر امریکہ نے دنیا بھر میں خصوصاً اسلامی ممالک میں دہشتگردی کا بازار گرم کر رکھا ہے،القاعدہ ،طالبان ،داعش ،بوکو حرام جیسے دہشتگرد تنظیمیں بنا کر مسلمانوں کو آپس میں دست و گریباں کرنے کی ناپاک سازشیں کی گئی،ڈونلڈ ٹرمپ نے امریکہ کا اصل چہرے دنیا کے لئے واضح کر رکھا ہے اب امریکہ کی اسلام دشمنی ڈھکی چپی نہیں رہی بلکہ روز روشن کی طرح عیاں ہوچکی ہے۔قرآنی تعلیمات پر عمل کرتے ہوئے ایسے وقت میں پوری امت مسلمہ کا متحد ہوکر دشمن کیخلاف جد و جہد کرنا اور اسے اپنے ناپاک عزائم میں ناکام بنانا وقت کی اشد ضرورت ہے دنیا جان چکی ہے کہ امریکہ سے دشمنی اسکی دوستی سے آسان تر ہے جو ملک امریکہ کیساتھ دوستی کرتا ہے امریکہ سب سے پہلے اسے ہی تھوڑنے کی کوشش کرتا ہے لہذاً وطن عزیز کی سا لمیت اور استحکام کیلئے ضروری ہے کہ امریکن بلاک سے نکل چائنا بلاک کیطرف جانا چاہیئے۔
وحدت نیوز(کوئٹہ) مجلس وحدت مسلمین پاکستان کے مرکزی رہنما علامہ سید ہاشم موسوی ،رکن شوری عالی و ممبر بلوچستان اسمبلی آغا رضا،صوبائی سیکرٹری جنرل برکت علی بلوچ، صوبائی سیکرٹری جنرل کیپٹن حسرت اللہ چنگیزی،ظفر عباس شمسی،صوبائی رہنما علامہ ولایت حسین جعفری،سیکرٹریجنر ل کوئٹہ ڈویژن سید عباس آغا،کونسلر کربلائی رجب علی،کونسلر سید محمد مھدی،حاجی عمران علی ہزارہ،امان علی ہزارہ،ضلعی سیکرٹری جنرل جعفر علی جعفری،فدا حسین ہزارہ،کامران حسین ہزارہ ،کربلائی مرزا حسین ہزارہ،رشید علی طوری،حاجی ناصر علی و دیگر رہنماووں نے اپنے مشترکہ بیان میں زرغون روڈ پر واقع چرچ پر بزدلانہ حملے کی شدید مذمت کرتے ہوئے کہا کہ چرچ پر دہشتگردانہ کاروائی نے ملک بھر کی فضا کو ایک بار پھر سوگوار کر دیا ،مشکل کی اس گھڑی میں مجلس وحدت مسلمین ،پوری شیعہ ہزارہ قوم اپنے مسیحی بھائیوں کیساتھ کھڑی ہے۔دہشتگردوں نے حضرت عیسیٰ علیہ السلام کی ولادت کے موقع پر حملہ کر کے دنیا بھر کے مسلمان و مسیحی بھائیوں کی خوشیوں کو سبوتاژ کرنے کی مذموم کوشش کی ہے ،اس بزدلانہ حملے سے دہشتگردوں نے ہمارے قومی وحدت کو پارہ پارہ کرنے کی ناکام کوشش کی ہے ۔ جسے تمام پاکستانی عوام اپنے یکجہتی اور وحدت و اخوت کے ذریعے ملکر ناکام بنائینگے۔ اپنے بیان میں علامہ سید ہاشم موسوی نے کہاکہ دہشتگردوں کے ہاتھوں اب کوئی بھی محفوظ نہیں ،عوام ،ادارے ،سیاسی پارٹیاں،اہم شخصیات یہاں تک کہ عبادتگاہیں جہاں پر اللہ تعالیٰ کا ذکر کیا جاتا ہے بھی جہاد کے نام پر دھوکہ کھانے والے دہشتگردوں کے شر سے محفوظ نہیں۔
جب تک فریب خوردہ دہشتگرد اپنے بزدلانہ کاروائیوں کو جہاد سمجھیں گے دہشتگردی کا خاتمہ اسوقت تک ممکن نہیں ،ریاست اور علماء دونوں اسے سلسلے میں اپنا کردار ادا کریں۔اور دہشت گردوں کیخلاف نظریاتی جنگ کا بھی آغاز کریں ،اس موقع پر مجلس وحدت مسلمین کے تمام رہنماوؤں نے پولیس کے جوانوں کی جرأت کو بھی سلام پیش کرتے ہوئے انھیں بروقت کاروائی کرنے اور زیادہ نقصان سے بچانے کیلئے خراج تحسین پیش کیا،بیان کے آخر میں تمام عمائدین نے شہداء ،زخمی اور انکے لواحقین کیلئے دعا خیر بھی کی۔
وحدت نیوز(جامشورو) مرکز تبلیغات و تحقیقات اسلامی جامشورو کے زیر اہتمام عید میلاد النبی ﷺ و ھفتہ وحدت کی مناسبت سے تقریب منعقد ہوئی۔ تقریب سے بزرگ عالم دین استاد العلماء علامہ حیدر علی جوادی، مجلس وحدت مسلمین سندہ کے سیکریٹری جنرل علامہ مقصودعلی ڈومکی ، اہل سنت رہنما مولانا گلزار احمد انڑ، خانہ فرھنگ حیدر آباد کے ڈائریکٹر عبداللہ پور، علامہ عرفانی و دیگر نے خطاب کیا۔ اس موقع پر خطاب کرتے ہوئے علامہ حیدر علی جوادی نے کہا کہ امام خمینی ؒ نے شیعہ سنی مسلمانوں کو وحدت کا درس دیا۔ جبکہ عالمی سامراجی قوتیں خصوصا امریکہ و اسرائیل مسلمانوں کے درمیان اختلاف کو ہوا دے رہی ہیں۔
اس موقع خطاب کرتے ہوئے علامہ مقصودعلی ڈومکی نے کہا کہ عالمی سامراجی قوتیں اپنے استعماری عزائم کی راہ میں اسلام کی انقلابی تعلیمات کو رکاوٹ سمجھتی ہیں۔ اختلاف شیطانی منصوبہ ہے ، ایم آئی سکس اور سی آئی اے ، دین مقدس اسلام کی پاکیزہ اورانقلابی تعلیمات مسخ کرکے نفرت اور دھشت گردی کی آگ بھڑکانا چاہتے ہیں۔ طالبان ، لشکر جھنگوی، القائدہ اور داعش سمیت تمام دھشت گروہ امریکہ اسرائیل اور ان کے ایجنٹوں کے تیار کردہ ہیں۔ نائیجریا میں جاری مظالم پر ہمیں تشویش ہے۔ عدالتی احکامات کے باوجود بزرگ رہنماء علامہ شیخ محمد ابراہیم زکزاکی کو قید رکھنا، نائیجیرین حکومت کے مجرمانہ کردار کی عکاس ہے۔ قبلہ اول کی آزادی نوشتہ دیوار ہے، ہر گذرتے دن کے ساتھ اسرائیل کمزور اور مزاحمتی بلاک طاقتور ہورہا ہے۔ خدا کا وعدہ سچاہے مستضعفین کی حکومت کا وقت قریب ہے۔
وحدت نیوز (کراچی) موسم سرماکی آمد کے ساتھ ہی مستحق افراد میں گرم کپڑوں اور گمبلوں کی ضرورت شدت سے محسوس کی جاتی ہے، اس ضرورت کے پیش نظر خیر العمل ویلفیئر اینڈ ڈیولپمنٹ ٹرسٹ شعبہ فلاح وبہود مجلس وحدت مسلمین کراچی ڈویژن کی جانب سے مختلف علاقوں میں ضرورت مندوں کی سہولت کیلئے مفت بازار مہربانی کا اہتمام کیا گیا ہے، خیرالعمل ویلفیئر اینڈ ڈیولپمنٹ ٹرسٹ کراچی ڈویژن کے سیکریٹری سید زین رضا رضوی نے وحدت نیوزسے بات چیت کرتے ہوئے کہاکہ کراچی شہر میں ملک بھر سے لاکھوں کی تعداد میں شہری دیگر شہروں سے ہجرت کرکے آتے ہیں اور روزگار کے حصول میں مصروف ہوئے ہیں جن کی اکثریت مضافاتی علاقوں میں رہائش پذیر ہے مہنگائی اور بے روزگاری کے باعث ایسے سفید پو ش افراد جو موسم کے مطابق گرم کپڑے اور گمبل وغیرہ خریدنے کی استطاعت نہیں رکھتے ان کے لئے پہلے مرحلے میں خادم سولنگی گوٹھ، جامع مسجد نورایمان اور خدا کی بستی سرجانی ٹاون میں مفت بازار مہربانی لگائے گئے ہیں جہاں سے خواتین اور حضرات اپنی ضرورت کے مطابق گرم کپڑے اور ملبوسات مفت حاصل کرسکتے ہیں ، ان بازاروں میں نئی اور پرانی اشیاء پیش خدمت ہیں پرانی اشیاءبھی بلکل نئے کے انداز میں رکھی گئیں ہیں ، تینوں مقامات پر قائم بازار مہربانی میں متوسط طبقے سے تعلق رکھنے والے سینکڑوں خواتین او حضرات نے اپنے ضرورت کے مطابق اشیاءمفت حاصل کیں اور اس کارخیر پر خیرالعمل ویلفیئر اینڈ ڈیولپمنٹ ٹرسٹ کے اراکین کو خراج تحسین پیش کیا۔اس موقع پر ایم ڈبلیوایم ضلع وسطی کے رہنما ثمرزیدی ، علی رضا چانڈیو اور دیگر بھی موجود تھے۔
وحدت نیوز(لاہور) امریکی وسعودی ایماء پر نائجیرین حکومت کی جانب سے اسلامک موومنٹ آف نائجیریا کے سربراہ آیت اللہ شیخ ابراہیم زکزاکی کی ظالمانہ قید کے خلاف وحدت یوتھ لاہور کے زیر اہتمام پریس کلب پر پر امن احتجاجی مظاہرہ کیا گیا، احتجاجی مظاہرے میں کارکنان کی بڑی تعداد شریک تھی جنہوں نے ہاتھوں میں بینرزاور پلے کارڈ اٹھا رکھے تھے جن پر شیخ ابراہیم زکزاکی کی فوری رہائی کا مطالبہ درج تھا، اس موقع پر وحدت یوتھ لاہور کے سیکریٹری جنرل سجاد نقوی نے شرکاء سے خطاب کرتے ہوئے کہا کہ نائجیرین حکومت امریکی اور سعودی ایماء پر معروف مذہبی رہنما شیخ ابراہیم زکزاکی پر مظالم کے پھاڑ توڑ رہی ہے، انہیں فوری طور پر رہا کیا جائے پہلے وہ اسلام کی راہ میں اپنے پانچ فرزندوں کی قیمتی جانوں کا نذرانہ پیش کرچکے ہیں اور اطلاعات کے مطابق ان کی حالت دوران اسیری انتہائی خراب ہے ان کی ایک آنکھ بھی ضائع ہو چکی ، عالمی عدالت انصاف شیخ زکزاکی کی رہائی کیلئے فوری اقدامات کرے۔
وحدت نیوز (ملتان) مجلس وحدت مسلمین پاکستان کے مرکزی ڈپٹی سیکرٹری جنرل سید ناصرعباس شیرازی کا ملتان پہنچنے پر ایم ڈبلیو ایم اور آئی ایس او کی جانب سے الگ الگ استقبال کیا گیا، تفصیل کے مطابق المصطفی ہائوس گلگشت پہنچنے پر امامیہ اسٹوڈنٹس آرگنائزیشن کی جانب سے سابق مرکزی صدر کا استقبال کیا گیا، اس موقع پر ان کے اعزاز میں استقبالیہ بھی دیا گیا، اس موقع پر سابق مرکزی جنرل سیکرٹری جواد جعفری، سابق ڈویژنل صدر سلیم عباس صدیقی اور دیگر رہنما بھی موجود تھے، بعدازاں ریلی کی شکل میں اُنہیں جامعہ شہید مطہری لایا گیا جہاں طلاب اور اہل علاقہ نے اُن کا استقبال کیا، اس موقع پر اہلیان علاقہ کی ایک بڑی تعداد موجود تھی، علامہ قاضی نادرحسین علوی، علامہ امیر حسین ساقی، مولانا ہادی حسین ہادی، سید اسد عباس بخاری، سید ناصر عباس گردیزی اور دیگر موجود تھی، نماز مغربین کے بعد ریلی کی شکل میں ناصر عباس شیرازی کو جامع مسجد الحسین نیو ملتان لایا گیا، جہاں مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، علامہ غلام مصطفی انصاری، مولانا اعجاز حسین خان، ایم ڈبلیو ایم بھکر کے سیکرٹری جنرل سفیر حسین شہانی، ایم ڈبلیو ایم رحیم یارخان کے سیکرٹری جنرل سید حسنین عباس نقوی، ایم ڈبلیو ایم علی پور کے سیکرٹری جنرل قمر عباس اور دیگر اضلاع کے رہنما موجود تھے۔
