The Latest
وحدت نیوز (کراچی) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے شام کے دارلحکومت دمشق میں حضرت زینب سلام اللہ علیہا کے روضہ اقدس کے قریب خودکش دھماکے کے نتیجے میں 45سے زائد قیمتی جانوں کے ضیاع پرگہرے رنج و غم کا اظہار کرتے ہوئے کہا نواسی رسول ﷺ کے روضہ کی طرف میلی آنکھ سے دیکھنے والے کسی رعایت کے مستحق نہیں۔ شام اور عراق میں موجوداسلام دشمن قوتیں اسرائیلی استحکام کے لیے مسلم ریاستوں کے امن کو تہ تیغ کرنے پرتُلے ہوئے ہیں۔داعش اور النصرہ یہود و نصاری کے تصدیق شدہ ایجنٹ ہیں جن کا مقصد اقوام عالم کے سامنے اسلام کے روشن چہرے کو بدنما کر کے پیش کرنا ہے۔عالم اسلام کو اپنی پوری طاقت کے ساتھ ان قوتیں اور داعشی فکر کا پرچار کرنے والے عناصر کو کچلنا ہو گا۔اہلبیت رسول ﷺ اورصحابہ کرام رضوان اللہ علیا کے مزارات مقدسہ شعائر اللہ ہیں اور ان کی تعظیم واجب ہے۔تحفظ حرمین شریفن کی طرح آئمہ اطہار علیہم السلام کے مزارات اور عالم اسلام کے دیگر مقدسات کے دفاع کے لیے بھی امت مسلمہ کی وحدت اور مشترکہ ردعمل انتہائی ضروری ہے۔انہوں نے کہا کہ مسلم حکمرانوں کو چاہیے کہ وہ شام اورعراق کے استحکام کے لیے بھرپور تعاون کریں۔اگر ان مذموم عناصر کا خاتمہ نہ کیا گیا تو یہ پوری دنیا کے مسلمانوں کے لیے شدید ترین خطرہ بن جائیں گے۔
وحدت نیوز(اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے کہا ہے کہ سانحہ شکار پور کوایک سال مکمل ہو گیا لیکن ابھی تک ذمہ داران کو کیفر کردار تک نہیں پہنچایا جا سکا۔جس ریاست میں قانون و انصاف کی گرفت کمزور ہو جائے وہاں قانون شکن عناصر کے حوصلہ بلند ہو جاتے ہیں۔شکارپور میں ایک سال قبل ساٹھ سے زائد قیمیتی انسانی جانیں دہشت گردی کی بھینٹ چڑھیں جن میں معصوم بچے بھی شامل تھے۔اعلی حکام کی جانب سے بلند و بانگ دعوے لواحقین کے لیے محض طفل تسلیاں ثابت ہوئیں۔انسانی جانوں کا ضیاع بلاتخصیص رنگ و مذہب ایک ناقابل تلافی نقصان ہے۔ ریاست کے تمام باسیوں کو مساوی حقوق حاصل ہیں۔دہشت گردوں کی سرکوبی کے لیے کاروائیاں بھی مساوی بنیادوں پر ہونی چاہیے۔انہوں نے کہا کہ دہشت گردی کا تدارک تب تک ممکن نہیں جب تک ذمہ داران عناصر اور سہولت کاروں کو سرعام عبرت ناک سزائیں نہیں دی جاتیں۔دہشت گردی کے مقابلے میں وزیر داخلہ کی جانب سے نفسیاتی شکست کا اعتراف حکومت کی ناکامی کا منہ بولتا ثبوت ہے۔دہشت گردی کے ممکنہ واقعات سے بچنے کے لیے تعلیمی یا سرکاری اداروں کو چھٹی دینا دانشمندی نہیں بلکہ بزدلی کا اظہار ہے۔ حکومت کو چاہیے کہ وہ سیکورٹی کو موثر بنانے کے لیے اقدامات کریں تاکہ ریاست کے تمام شہری امن و سکون سے زندگی بسر کر سکیں۔
وحدت نیوز (گلگت) مجلس وحدت مسلمین پاکستان گلگت بلتستان کےڈپٹی سیکریٹری جنرل علامہ آغا علی رضوی نے اپنے ایک بیان میں کہا ہے کہ چیئرمین سی پیک مشاہد حسین سید نے اقتصادی راہداری کے حوالے سے حقائق کو منظر عام پر لاکر صوبائی حکومت کی کارکردگی کو بے نقاب کردیا ہے۔ ا قتصادی راہداری کے حوالے سے خاموشی حکومت کی مجرمانہ غفلت ہے اور اقتدار کی خاطر گلگت بلتستان کے مفادات کا سودا کرنا عوام کے ساتھ سنگین غداری ہے۔ ترجمان ایم ڈبلیو ایم گلگت بلتستان نے کہا ہے کہ عوام کو اعتماد میں لئے بغیر اقتصادی راہداری کو اس خطے سے گزرنے کی اجازت نہیں دی جائیگی۔ انہوں نے کہا کہ مسلم لیگ نون کی حکومت کو گلگت بلتستان میں برسراقتدار لانے کا بنیادی مقصد ہی اقتصادی راہداری کے حوالے سے من پسند فیصلے کروانا تھا۔ گزشتہ چھ ماہ کی صوبائی حکومت کی کارکردگی نے ثابت کردیا ہے کہ انہیں عوامی مسائل سے کوئی سروکار نہیں حالانکہ موجودہ صورت حال کے تناظر میں وزیراعلٰی کی ذمہ داری بنتی کہ وہ گلگت بلتستان کی نمائندگی کرتے ہوئے اقتصادی راہداری میں گلگت بلتستان کی شراکت داری کو یقینی بناتے، لیکن وزیراعلٰی موصوف ایک عرصے سے صوبہ بدر ہیں۔
انہوں نے کہا کہ پاکستان کے دیگر صوبوں کے وزرائے اعلٰی اقتصادی کوریڈور میں اپنے صوبے کیلئے زیادہ سے زیادہ مفادات لینے کیلئے دن رات کوشاں ہیں، ایک ایسے وقت میں جبکہ اقتصادی راہداری کے عوض گلگت بلتستان کے محروم عوام کو حقوق ملنے کی توقع ہے اور وزیراعلٰی کا سیر سپاٹے کرنا علاقہ اور عوام کے ساتھ انتہائی زیادتی ہے۔ مجلس وحدت مسلمین کے اعلٰی سطحی وفد سے ملاقات میں مشاہد حسین سید نے یہ انکشاف کرکے کہ گلگت بلتستان میں اقتصادی راہداری کا کوئی زون زیر غور نہیں حکومتی بلند بانگ دعووں کی قلعی کھول دی ہے اور ان کے چہروں سے نقاب الٹ دیا ہے۔ حکومت نے غیر ذمہ دارانہ رویے سے پہلے چھ مہینوں میں ہی عوامی اعتماد کو کھو دیا ہے اور اقتصادی راہداری معاشی حوالے سے خطے کے عوام کی زندگی اور موت کا مسئلہ ہے۔
وحدت نیوز (کراچی) پیٹرول کی قیمت موجودہ نرخ سے آدھی سطح پر لائی جائے،عالمی مارکیٹ میں پٹرولیم مصنوعات کی قیمتوں میں حیرت انگیزکمی کے باوجود وفاقی حکومت کا محض 5روپے فی لیٹرکمی کا اعلان عوام کے ساتھ بھونڈا مزاق ہے، مجلس وحدت مسلمین پاکستان صوبہ سندھ کے ڈپٹی سیکرٹری جنرل عالم کربلائی نے وحدت میڈیا سیل سے جاری اپنے بیان میں کہ کہ عالمی مارکیٹ میں پٹرول کی قیمت کم ترین سطح پرآگئی ہے جس کا فائدہ عوام کو ملنا چاہیئے اس لئے حکومت پٹرول کی فی لیٹر قیمت 40 روپے مقررکرکے عوام کوریلیف دے جب عالمی منڈی میں تیل کے نرخ میں اضافہ ہوتاہے تو پاکستان میں فوری طور پر نرخ بڑھادیئے جاتے ہیں جب عالمی سطح پر نرخ کم ہوتے ہیں تو حکومت پاکستان نرخ کم نہیں کرتی ماضی میں پیپلز پارٹی کی حکومت نے اضافی ٹیکسوں کے نفاذکی صورت میں عوام سے بھتہ وصول کیا اب مسلم لیگ نواز سستا پٹرول خرید کرعوام کو مہنگا بیچ کر بھتہ وصولی میں مصروف ہے،اوگرا لٹیروں کا گڑھ بن چکا ہے،پاکستان میں پرائس کنٹرول اینڈ مینجمنٹ کا کوئی نظام عملاًدکھائی نہیں دیتا، عوام چیف آف آرمی اسٹاف اور چیف جسٹس پاکستان سے اپیل کرتے ہیں کہ حکمران جماعت کی اس بھتہ وصولی کا سختی سے نوٹس لیں اور عالمی منڈی میں کم ہونی والی پیڑولیم مصنوعات کی قیمتوں کے ثمرات پاکستان کے غریب عوام کو بھی میسرلائیں جائیں ۔
وحدت نیوز (مظفرآباد) حکومت وقت ہوش کے ناخن لے ، لوڈشیڈنگ معاملات پر کسی طور پر بھی سنجیدہ نہیں ہے، تاجر اتحاد کا 5فروری کے موقع پر لانگ مارچ درست اقدام، حکومت متوجہ ہو کہ 5فروری ہی یوم یکجہتی کشمیر ہے، معاملات یکسو کیے جائیں، ان خیالات کا اظہار مجلس وحدت مسلمین آزاد کشمیر کے سیکرٹری جنرل علامہ سید تصور حسین نقوی الجوادی نے ریاستی دفتر میں ایک وفد سے ملاقات میں کیا ، انہوں نے کہا کہ تاجر اتحاد کا چارٹر آف ڈیمانڈ درست ہے ، یہ کشمیریوں کے دلوں کی آواز ہے، بجلی پیدا کرنے والا خطہ ، پاکستان کو روشن کرنے والا خطہ بجلی کو ترس رہا ہے، فنڈز کے لیے تو آزاد کشمیر حکومت نے اسلام آباد جا کر دھرنا دیا ، حالانکہ نہیں دینا چاہیے تھا کہ کیوں خطہ آزاد کشمیر پر اس پار رہنے والے بھی نظر رکھتے ہیں ، یوں جگ ہسائی ہوئی، لیکن ہم سوال یہ کرتے ہیں کہ وہاں بجلی لوڈ شیڈنگ کے حوالے سے بات کیوں نہ کی گئی، کیا ہمارے حکمران اس بات کو سنجیدہ لے ہی نہیں رہے؟ پچھلے دو مہینوں سے دارالحکومت آزاد کشمیر کی تینوں بڑی شاہراؤں پر عوامی احتجاج ہوئے، سڑکیں بند ہوئیں ، لیکن کوئی سنجیدہ قدم نہیں اٹھایا گیا، دیہی علاقوں میں تو بجلی ہوتی ہی نہیں ، بجائے اس کے کہ حالات کا حل نکالا جاتا ، کون ہے جو معاملات بگاڑ کی جانب لے کر جا رہا ہے ، کیوں کوئی عوام کا خیال نہیں کر رہا؟ الیکشن قریب ہے کیا منہ لے کر عوام کے پاس جائیں گے؟ دوسری جانب اپوزیشن کا کردار بھی کسی طور پر بھی منصفانہ نہیں ہے ، صرف کیچڑ اچھالنے سے اپوزیشن اپوزیشن نہیں کہلاتی ، عوامی حق کے لیئے آواز اٹھائیں تو لوگ تب دوبارہ اپنی نمائندگی کے لیئے چنیں گے ۔اپوزیشن صرف عدالتوں میں حکم امتناع حاصل کرنے کے لیے رہ گئی، کہ جب حکومت کوئی کام کرے ، تو ہم نے حکم امتناع لینا ہے ، فقط اس لیئے کہ یہ ہمارے دور میں ہو، حکومت اور اپوزیشن کا یہ رویہ عجیب ترین، علامہ تصور جوادی نے کہا تاجر اتحاد کی کاوشوں کو ہم خراج تحسین پیش کرتے ہیں ، آپ جائز مطالبات رکھتے ہیں ، عوامی حق کے لیئے آواز اٹھانے پر ہم آپ کے ساتھ ہیں ، علامہ تصور جوادی نے مذید کہا کہ وزیراعظم پاکستان کی جانب سے اوگرا کی سمری مسترد کر کے فیول کی قیمتوں میں معمولی کمی بھونڈا مذاق ہے، عالمی مارکیٹوں میں قیمتوں کی کمی کو ملحوظ رکھتے ہوئے عوام کو ریلیف دیا جائے۔
وحدت نیوز(کراچی) مجلسِ وحدت مسلمین شعبہ خواتین کراچی ڈویژن کی جانب سے رضویہ یونٹ میں ایک میٹنگ کا اہتمام کیا گیا جسمیں خصوصیت کے ساتھ علاقہ اور یونٹ کی ان خواہران کو مدعو کیا گیا تھا جو مختلف شعبہ جاتِ زندگی میں خدمات سر انجام دی رہی ہیں.جسمیں علمی و تدریسی شعبہ سے وابستہ معلماتِ مدرسہ، اسکول پرنسپلز، اساتذہ، طلبہ،ڈاکٹر و نرس، اور ذاکرات کو دعوت دی گئ تھی.میٹینگ کا باقائدہ آغاز تلاوتِ کلامِ پاک سے کیا گیا.جسکا شرف خواہر عتیق نے حاصل کیا جسکے بعد بارگاہِ رسالتمآب ﷺ میں ہدیہ نعت پیش کرنے کا شرف خواہر زرین نے حاصل کیا.جسکے بعد مجلسِ وحدت مسلمین شعبہ خواتین کراچی ڈویژن کی جنرل سیکرٹری خواہر ہما نے خطاب کیا.تلاوت قرآنِ پاک سے آغاز کرتے ہوئے آپ نے سب سے پہلے ''مجلسِ وحدت مسلمین پاکستان'' کے اغراض و مقاصد پر روشنی ڈالی .جسمیں ملتِ تشیع کی واحد نمائدہ جماعت کے بطور سیاسی و فلاحی مقاصد کا تفصیلی ذکر کیا.ملک کے طول و عرض میں مجلسِ وحدت مسلمین پاکستان کے کامیابی سے جاری اور مکمل ہونے والے مختلف فلاحی پروجیکٹز پر روشنی ڈالی اور مستقبل قریب میں سرانجام دئے جانے والے مختلف فلاحی پروجیکٹز کا بھی زکر کیا،اسی سلسلے میں مجلسِ وحدت مسلمین کراچی ڈویژن شعبہ خواتین کی جانب سے ترتیب دئے جانے والے فلاحی پروجیکٹز کے بارے میں بھی گفتگو کی اور موجود خواہران سے اس سلسلے میں مختلف آراء پہ مبنی مشاورت بھی کی گئ، تاکہ ان امور کی بہترین انداز میں تکمیل تک پہنچایا جائے. میٹینگ میں موجود خواہران نے مجلسِ وحدت مسلمین پاکستان کے تحت فلاحی پروگرامز کو بے حد سراہا اور اس سلسلے میں اپنی آراء سے بھی آگاہ کیا اور بھرپور مشاور ت کی گئی.
پروگرام کا باقائدہ اختیتام ''دعائے سلامتیِ امام زمانہ[ع]'' کے ساتھ کیا گیا.جسکے بعد ملک و ملتِ تشیعو کے لئے دعا کرائی گئ.اور مرحوم و شھداء ملت کے لئے فاتح پڑھی گئ.
وحدت نیوز (جیکب آباد) سانحہ شب عاشور کے زخمیوں اور وارثان شہداء نے مرکزی امام بارگاہ سے مقتل شہداء تک شہداء کمیٹی کے چیئرمین علامہ مقصود علی ڈومکی ، و اراکین شہداء کمیٹی کے ہمراہ احتجاجی جلوس نکالا اور کوئٹہ روڈ کے مقام پر قومی شاہراہ پر دھرنا دیا۔ اس موقع پر وارثان شہداء اور زخمیوں کے علاوہ شہریوں کی کثیر تعداد موجود تھی۔ اس موقع پر احتجاجی دھرنے سے خطاب کرتے ہوئے علامہ مقصود علی ڈومکی نے کہا کہ سندہ حکومت نے اپنے وعدے پورے نہیں کئے، اس لئے آج سانحہ کے متاثرین سراپا احتجاج ہیں۔ سانحہ کے متاثرین نے حکومتی تقریب کا بائیکاٹ کرکے بتا دیا کہ وہ حکومت پر عدم اعتماد کرتے ہیں، آج شہداء کمیٹی کے زیر اہتمام جیکب آباد میں دھرنے کے مقام پر آل پارٹیز کانفرنس منعقد ہوگی۔ اور دھرنا دوسرے روز بھی جاری رہے گا۔
وحدت نیوز (گڑھی دوپٹہ) نواسی رسول ؐ ، ثانی زھراؑ حضرت زینب ؑ کے مزار پر دھماکے ، زائرین کی شہادتیں ، پُرزور مذمت کرتے ہیں ، خارجیوں کے فتنے نے پوری دنیا کو اپنی لپیٹ میں لے رکھا ہے، ان خیالات کا اظہار سیکرٹری اطلاعات مجلس وحدت مسلمین پاکستان آزاد کشمیر مولانا سید حمید حسین نقوی نے گڑھی دوپٹہ میں ایک تقریب سے خطاب میں کیا ، انہوں نے کہا کہ شام میں روضہ حضرت زینب ؑ پر حملہ کرنے والے جنت البقیع مسمارکرنے والوں کی اولاد ہیں ، مزارات کے مخالف مزارات کو تباہ کرنے کے درپے ، مگر یاد رکھیں شام میں فاتح کربلا کا مزار ہے، اس بی بی کا مزار ہے کہ ان فتنہ پروروں کے پیشوا یزید نے بھی ٹکر لی تھی ، نام یزید ہی گالی بن گیا، اب یزید کی روحانی اولاد اگر اس طرح کی مذموم کوشش کرتی ہے اور پاک مزارات کی جانب ان کا رخ یہ خبر دے رہا ہے کہ ان کی تباہی قریب ہے، مولانا حمید نقوی نے کہا کہ 1925کو رسول ؐ کے اصحابؓ ، امہات المومنینؓاور اہلبیت ؑ کے مزارات کو منہدم کیا گیا ، یہ ساری کاوشیں اسی کا تسلسل ہیں ، تکفیریوں کی یہ ساری سازشیں اس بات کا تقاضہ کرتی ہیں کہ تحفظ حرمین شریفین کی مانند رسول ؐ کی اہلبیت ؑ کے مزارات کے تحفظ کے لیئے امت مسلمہ متحد ہو، آواز اٹھائے ، فتنہ تکفیریت جب تک موجود ہے دنیا امن کا گہوارہ نہیں بن سکتی ، امت مسلمہ متحد ہو کر ان کی سازشوں کو ناکام بنا سکتی ہے۔حسین ؑ کی بہن زینب ؑ نے اسیری میں بھی دین اسلام کی سربلندی ، اپنے جد رسولؐ خدا کی ناموس کی بات کی ، آج جب ان کے مزار کی جانب یہود و نصاریٰ کے ایجنٹ رخ کرتے ہیں تو لگتا ہے کہ انہیں مشن زینب ؑ پسند نہ ہے۔ ہم مزار پر دھماکوں کی پرزور مذمت کرنے کے ساتھ ساتھ ملک پاکستان میں داعش یا داعش کے سہولت کاروں کے خلاف کاروائی کا مطالبہ کرتے ہیں ، داعش ہو یا طالبان ان کا مقصد ایک ہے ، نہتے لوگوں کو قتل کرنا اور مقدسات کی توہین کرنا یہ جہاں کہیں بھی ہوں ان قلع قمع ہی اس ملک و قوم کے مفاد میں ہے۔
وحدت نیوز (گلگت) محکمہ صحت میں خالی اسامیوں پر تعیناتی میں وزیر اعلیٰ سیکرٹریٹ نے باقاعدہ منصوبہ بندی کرلی ہے تاکہ محکمہ میں ان افراد کو تعینات کیا جائیگا جن کی فہرست وزیر اعلیٰ سیکرٹریٹ کی جانب سے جاری کی جائیگی۔
مجلس وحدت مسلمین گلگت بلتستان کے ترجمان الیاس صدیقی نے کہا کہ محکمہ صحت کے 1500 خالی اسامیوں کو جس فارمولے کے تحت تقسیم کیا گیا ہے اس سے یہ اندازہ لگایا جاسکتا ہے کہ محکمہ صحت میں ایک سازش کے تحت DHQ ہسپتال سمیت دیگر علاقوں کے ہسپتالوں کو دی جانیوالی پوسٹیں آٹے میں نمک کے برابر ہیں۔جبکہ ڈائریکٹوریٹ آف ہیلتھ میں ایسے افراد کو تعینات کیا گیا ہے جو سی ایم سیکرٹریٹ کے مفادات کے تحفظ کو یقینی بناسکے۔گلگت بلتستان میں میرٹ کی رٹ لگانے والی حکومت نے ایک سازش کے تحت گلگت بلتستان میں من پسند اور ذاتی تعلق اور پارٹی کارکنوں کو سرکاری ملازمتیں دینے کا سلسلہ جاری رکھا ہوا ہے جس کو علاقے کے عوام کسی طور برداشت نہیں کرینگے۔انہوں نے کہا کہ ہیلتھ ڈیپارٹمنٹ میں خالی اسامیوں پر تعیناتی میرٹ پر نہ ہونے کی صورت میں شدید مزاحمت کرینگے۔
کمشنر آفس گلگت ریجن میں بھی میرٹ کو پائمال کرکے من پسند افراد کی تعیناتی عمل میں لائی جارہی ہے جو کہ باعث تشویش ہے۔گلگت بلتستان میں ایک درجن سے زائد محکموں میں عارضی طور پر من پسند افراد کو تعینات کیا گیا ہے ۔انہوں نے چیف سیکرٹری گلگت بلتستان سے مطالبہ کیا ہے کہ غیر قانونی طور پر اندرون خانہ من پسند اور سیاسی دباؤ کے تحت کی جانیوالی تمام تقرریوں کو فوری کالعدم قرار دے اور ایسی تمام خالی اسامیوں کو مشتہر کرکے اہل اور میرٹ کے تحت تقرریوں کو یقینی بنایا جائے۔انہوں نے سیکرٹری فنانس اور اے جی پی آر کے ذمہ دار حکام کو بھی انتباہ کیا کہ وہ ایسے سفارشی اور سیاسی دباؤ کے تحت بھرتی کئے گئے تمام ملازموں کی تنخواہ روک دے وگرنہ اس طرح کی غیر قانونی بھرتیوں اور من پسند افراد کو نوازنے کا سلسلہ نہ رکا تو اپنے جائز حقوق کیلئے پراحتجاج کا نہ تھمنے والا سلسلہ شروع ہوجائیگا اور اس کی تمام تر ذمہ دار صوبائی حکومت ہوگی۔
وحدت نیوز (شکارپور) شہداء کمیٹی کے زیر اہتمام سانحہ نماز جمعہ شکارپور کے 65 شہداء کی پہلی برسی کے موقع پر لکھیدر چوک پر عظیم الشان جلسے کا اہتمام کیا گیا،جلسے کا آغاز قرآن خوانی سے ہوا۔ تقریب میں ملک بھر سے آئے ہوئے جید علمائے کرام ، تنظیمی رہنماء اور وارثان شہداء کے علاوہ کثیر تعداد میں برادران و خواہران شریک ہوئے۔ تقریب میں مجلس وحدت مسلمین صوبہ سندہ کے سیکریٹری جنرل علامہ مختار احمد امامی، ایم ڈبلیو ایم شعبہ خواتین کی خواہر زہرا نجفی، آئی ایس او پاکستان کے مرکزی صدر برادر علی مہدی، اصغریہ ایس او کے مرکزی صدر برادر غضنفر مہدی ،ممتاز عالم دین علامہ ثابت علی نجفی، شیعہ علماء کونسل کے مرکزی رہنماء علامہ محمد باقر نجفی، علامہ سید ارشاد علی شاہ نقوی،، وفاق المدارس الشیعہ کے جنرل سیکریٹری علامہ محمد افضل حیدری، معروف خطیب مولانا منظور حسین سولنگی، ذاکر اہل بیت سید گدا حسین شاہ، علامہ مومن علی قمی، مولانا غلام عباس بھٹو، مولانا سید قمر عباس نقوی، مولانا سید محمد عالم موسوی، مولانا سید مٹھل شاہ و چیئرمین شہداء کمیٹی علامہ مقصود علی ڈومکی، وائس چیئرمین علامہ عبدالمجید بھشتی دیگر شریک ہوئے۔
برسی تقریب سے خطاب کرتے ہوئے چیئرمین شہداء کمیٹی علامہ مقصود علی ڈومکی نے کہا کہ وفاقی حکومت نے شکارپور، جیکب آباد اور چھلگری کے سانحات سے لاتعلقی رکھی اور تعزیت کے لئے بھی نہ آئے جو کہ نواز لیگ کا شرمناک رویہ ہے، نواز لیگ کے رہنماؤں کو شہداء کی بجائے دھشت گردوں سے مکمل ہمدردی ہے۔ سندہ حکومت وارثان شہداء سے کئے گئے اپنے وعدے وفا کرے اور یہ بات یاد رکھے کہ وارثان شہداء کا اعلان کردہ لبیک یازینب ؑ لانگ مارچ کینسل نہیں ملتوی ہوا ہے، عہد شکنی ہوئی تو لانگ مارچ کریں گے۔ سندہ اور بلوچستان میں دھشت گردوں کے اڈے اور تربیتی مراکز قائم ہیں جن کے خلاف آپریشن ضرب عضب شروع کیا جائے۔ ۲۲ نکاتی معاہدے پر عمل در آمد ،سندہ حکومت کی ذمہ داری جس سے ہم انہیں فرار ہونے نہیں دیں گے۔
