The Latest
وحدت نیوز(کراچی) مجلس وحدت مسلمین کراچی ڈویژن کے وفدنے علامہ مبشر حسن کی سربراہی میں سندھ رینجرز کے زیر اہتمام پر امن شہر کراچی امن واک میں خصوصی شرکت کی اور دہشت گردی کا شکارشہر قائد کی عوام سے اظہار یکجہتی کیا، اس موقع پر ایم ڈبلیوایم کے رہنما علامہ صادق جعفری، علامہ اشرف علی منتظری، علامہ عیسیٰ قرائتی ، ناصرحسینی اور دیگر شامل تھے۔
ایم ڈبلیوایم رہنما مبشر حسن نے کہا کہ شہر قائد میں طویل بدامنی اور دہشت گردی کے بعد اب عوام نے کچھ سکھ کا سانس لیا ہے، ایک روز میں ڈیڑھ درجن سے زائد پیاروں کی لاشیں اٹھانے والے شہری اب قیام امن کے بعد کسی حد تک پر سکون زندگی نصیب ہونے پرمطمعن نظرآتے ہیں، شہر کراچی کو امن لوٹانے میں سندھ رینجرز خصوصاًڈی جی رینجرز سندھ میجر جنرل بلال اکبر کا کردار قابل تحسین ہے،عوام سندھ رینجرز سے امید رکھتے ہیں کہ شہر قائد میں مکمل قیام امن اور عوام کی جان ومال کے تحفظ کے یقینی ہونے تک دہشت گردوں کے خلاف بلاتفریق آپریشن جاری رکھیں گے۔
وحدت نیوز (کراچی) مجلس وحدت مسلمین کراچی، ضلع ملیرکےزیراہتمام ایک روزہ تنظیمی وتربیتی ورکشاپ کا اہتمام کیا گیا، جس میں تمام یونٹس کے ذمہ داران سمیت ضلعی کابینہ کے اراکین نے شرکت کی ،ورکشاپ کے شرکاءسے سیکریٹری شوریٰ عالی ایم ڈبلیوایم مولانا حیدرعباس عابدی اورمعرف صحافی عرفان علی نے تنظیمی تقوی، اخلاق،اہداف اور حالات حاضرہ پر تفصیلی گفتگو کی، جبکہ شرکاءاور مقررین کے درمیان موضوعاتی سوالات وجوابات کا سلسلہ بھی رکھا گیا۔
مولانا حیدرعباس عابدی نے کہا کہ الہٰی تنظیم کے رکن کی راہ اور ہدف متعین ہونا ضروری ہے، اسلامی فلاحی معاشرے کی تشکیل کیلئے الہٰی جماعت کے ارکان تقویٰ اورریاضت پر خصوصی توجہ دیں ، انتخابی سیاست میں حصہ لینے کا بنیادی ہدف بہتراندازمیں انسانی معاشرے کی خدمت ہے، اقتدار کے بغیر بھی الہیٰ جماعت کو انسانیت کی خدمت کا سفر اسی اندازمیں جاری رکھناچاہیے جیسے اقتدار کے حصول کے بعد ، آئمہ معصومین ؑاور امام خمینی ؒتقویٰ الہٰی کے اعلیٰ مراتب طے کرنے کے بعد انسانی معاشرے کی اصلاح میں کامیاب قرار پائے۔
سینیئرصحافی عرفان علی نے اپنی گفتگو میں کہا کہ سعودی حکومت شام میں داعش کی روز افزوں شکست اورتحریک مقاومت کی کامیابیوں سے خوفزدگی کا شکارہے،سعودی بحری افواج کی شام میں ممکنہ دخل اندازی کا ہدف داعش کاخاتمے نہیں درحقیقت الاسدحکومت کا خاتمہ ہے، سعودی حکومت کو یہ بات ذہن نشین رکھنی چاہئے کہ جب وہ یمن کے غیر منظم اور غیر فوجی حوثی تحریک کا مقابلہ کرنے میں ناکام رہے ہیں جبکہ شام میں انہیں شامی، ایرانی، لبنانی مسلح افواج اور حزب اللہ کا سامنا کرنا پڑے گاسعودی غیر تربیت یافتہ، آرام طلب اور عیاش افواج کسی صورت ان الہٰی فوجی قوتوں کا مقابلہ کرنے کی قطعاًصلاحیت نہیں رکھتی۔
وحدت نیوز (راولپنڈی) مجلس وحدت مسلمین ضلع راولپنڈی کی ضلعی شورٰی کا اہم تنظیمی اجلاس پنجاب کے صوبائی سیکرٹری جنرل علامہ عبد الخالق اسدی کی زیر صدارت مدرسہ باقر الصدر میں ہوا۔اجلاس میں تنظیم کے ضلعی سیٹ اپ کی سالانہ کارکردگی کا جائز ہ لیا گیا۔اجلاس سے خطاب کرتے ہوئے خالق اسدی نے ضلع راولپنڈی کی کارکردگی کی تعریف کرتے ہوئے کہا کہ راولپنڈی میں تنظیمی سیٹ اپ کی فعالیت لائق تحسین ہے۔ تنظیم کے عہدیدران و اراکین جس لگن سے قوم میں سیاسی و مذہبی شعور کی بیداری کے لیے کام کر رہے ہیں وہ بلاشبہ مثالی ہے۔ہمیں خوشی ہے کہ راولپنڈی کا ضلعی سیٹ اپ ایسے بابصیرت اور دانشمند افراد پر مشتمل ہے جو قوم کا حقیقی درد اور بے لوث خدمت کا جذبہ رکھتے ہیں۔ ضلعی شوری کو بریفنگ دیتے ہوئے ضلعی سیکرٹری جنرل علامہ ساجد شیرازی نے بتایا کہ گزشتہ ایک سال کے دوران راولپنڈی میں مجلس وحدت مسلمین کی اراکین اور یونٹس کی تعداد میں کئی گنا اضافہ ہوا ہے۔ مختلف علاقوں کے سو سے زائد دورے کیے اور لوگوں کو ایم ڈبلیو ایم کی سیاسی، مذہبی اور سماجی خدمات سے آگاہ کیا ۔اتحاد بین المسلمین کے فروغ کے لیے میلاد النبی کے پروگراموں سمیت دیگر دینی اجتماعوں میں بھی ہماری شرکت رہی جسے دوسرے مسالک کے افراد کی طرف سے بے حد سراہا گیا۔عزاداری کے حوالے سے درپیش مشکلات کے ازالے کے لیے ضلعی انتظامیہ کے اعلی پولیس افسران سے ملاقاتیں کی گئیں۔تنظیم کو سیاسی اعتبار سے مضبوط کرنے کے لیے کنٹونمنٹ اور بلدیاتی الیکشن میں ہم خیال امیدواروں سے رابطے ہوئے اور ہماری حمایت کے باعث مختلف سیاسی شخصیات نے الیکشن میں حوصلہ افزا نتائج حاصل کیے۔
ضلع راولپنڈی کے سرپرست علامہ علی اکبر کاظمی نے آنے والے معزز مہمانوں کا شکریہ ادا کرتے ہوئے کہا کہ مقررہ مدت میں ضلعی شورٰی کے اجلاس کا انعقاد انتہائی ضروری ہے تاکہ تنظیمی معاملات کو احسن انداز میں چلانے کے لے مشترکہ مشاورت سے آئندہ کا لائحہ عمل کیا جا سکے۔ انہوں نے کہا کہ ہماری پوری کوشش ہو گئی کہ ماہ محرم سے قبل ضلع راولپنڈی کے ہر علاقے میں مجلس وحدت مسلمین کا فعال یونٹ موجود ہو۔ مسلکی ہم آہنگی کے لیے دیگر مکتبہ فکر کے علما سے ملاقاتوں کے سلسلے کو بھی وسعت دی جا رہی ہے تاکہ تمام مسالک کے باہمی احترام کویقینی بنایا جا سکے۔اجلاس میں مرکزی معاون سیکریٹری امور سیاسیات آصف رضا،مولانا غلام محمد عابدی،مولانا اعوان علی شاہ،مولانا شیخ علی مظہر اور مولانا ظہیر سبزواری سمیت صوبے کی نامور سیاسی و مذہبی شخصیات نے بھی شرکت کی۔
وحدت نیوز (پشاور) مجلس وحدت مسلمین خیبر پختونخواہ کے صوبائی سیکرٹری جنرل علامہ سید سبطین حسینی نے فعال شیعہ کارکن ملک افتخارکو ٹارگٹ کلنگ کا نشانہ بنائے جانے کی شدید الفاظ میں مذمت کرتے ہوئے کہا کہ صوبائی انتظامیہ امن و امان کے قیام میں مکمل طور پر ناکام ہو چکی ہے۔شہریوں کے جان و مال کا تحفظ حکومت کی اولین ذمہ داری ہے جسے ادا کرنے سے حکومت قاصر دکھائی دیتی ہے۔ تین ماہ قبل مقتول کے بھائی جرار حسین کو بھی دہشت گردوں نے اس وقت قتل کر دیا تھا جب وہ اپنی بیٹیوں کو سکول لے کر جا رہا تھا۔انہوں نے کہا کہ آئی جی خیبر پختونخواہ سمیت بیشتر سیاسی و انتظامی شخصیات ہمیں قاتلوں کو منطقی انجام تک پہنچانے کے وعدوں پر ٹرخا رہی ہیں جو سراسر زیادتی ہے۔دہشت گردی کے خاتمے میں جب تک سنجیدہ کوششیں نہیں کی جاتیں تب تک ان واقعات کا تدارک ممکن نہیں۔اگر حکومت نے دہشت گردوں کو اسی طرح کھلی چھٹی دیے رکھی توپھر بدامنی کو کچلنا مشکل صورتحال اختیار کر لے گا۔ علامہ سبطین حسینی نے قاتلوں کی فوری گرفتاری اور عبرتناک سزا کا مطالبہ کیا ہے۔
وحدت نیوز(ہالا)NA-218مٹیاری کے ضمنی الیکشن میں شاندار کارکردگی کا مظاہرہ کرنے پرمجلس وحدت مسلمین صوبہ سندھ کی جانب سے ہالا کے کارکنان اور معززین کے اعزازمیں ظہرانہ دیا گیا، جس میں خصوصی شرکت اور خطاب کیا، اس موقع پرایم ڈبلیوایم صوبہ سندھ کے سیکریٹری جنرل علامہ مختارامامی ، ضلعی سیکریٹری جنرل مولانا اخترحسین اورایم ڈبلیوایم کے سابق امیدوارسید فرمان علی شاہ کاظمی سمیت بڑی تعداد میں شرکاء موجود تھے۔
علامہ راجہ ناصرعباس جعفری نے اپنے خطاب میں کہا کہ مٹیاری اور ہالا کے عوام نے ظلم واستبداد کے مقابل قیام کرے وادی مہران میں ایک نئی تاریخ رقم کی ہے، امام خمینی ؒ کے بقول ہم وضیفے کی انجام دہی کے پابند ہیں نتیجے کے نہیں ، محروم ومظلوم عوام نے وڈیرہ شاہی کو جس طرح چیلنج کیا سندھ کی سیاسی تاریخ میں ایسی مثالیں بہت کم ملتی ہیں ، حسینی جذبے سے سرشار مٹیاری کے عوام نے حضرت شاہ عبدالطیف بھٹائی ؒ کی تعلیمات کی پیروی کرتے ہوئے ایک تکفیری کا مقابلہ کیا اور اس سمیت عوام کیلئے روٹی ، کپڑا اور مکان کا نام نہاد نعرہ لگانے والوں کو بھی یہ پیغام دیا کہ اب ہم کسی دھوکے اور فریب کا شکار نہیں ہو ں گے، انہوں نے کہا کہ ایم ڈبلیوایم پر اعتماد کا اظہار کرتے ہوئے 17000ہزار سے زائد ووٹ دینے والے عوام کا قرض فرمان علی شاہ اور ایم ڈبلیوایم کی گردن پر ہے، میں ایم ڈبلیوایم کے ذمہ داران اور فرمان شاہ کو نصیحت کرتا ہوں کے منصب واقتدار کے بغیر عوام کی خدمت کو اپنا فرض اولین قرار دیں ۔
شیخ باقرالنمر مر کر بھی زندہ ہیں جبکہ انہیں مارنے والے امان کی تلاش میں در بدر ہیں ،علامہ مختارامامی
وحدت نیوز (کراچی) مجلس وحدت مسلمین کراچی ، ضلع کورنگی کے تحت امام بارگاہ زینبیہ (س)میں عظمت شہداءکانفرنس بسلسلہ چہلم شہید آیت اللہ باقرالنمراور بیاد شہدائے لانڈھی کورنگی منعقد ہوئی جس میں اہل علاقہ سمیت شیعہ سنی عوام اور سنی اتحاد کونسل ضلع کورنگی کے نمائندہ وفدنے خصوصی شرکت کی، کانفرنس سے خصوصی خطاب مجلس وحدت مسلمین صوبہ سندھ کے سیکریٹری جنرل علامہ مختاراحمد امامی نے کیا جبکہ دیگر مقررین میں ایم ڈبلیوایم کے صوبائی رہنما علامہ نشان حیدر ساجدی اور ایم ڈبلیوایم ضلع لانڈھی کورنگی کے سیکریٹری جنر ل علامہ اشرف علی منتظری بھی شامل تھے۔
مقررین نے شہید آیت اللہ باقرالنمرکی عظیم قربانی کو خراج تحسین پیش کیااور کہا کہ انہوں نے آل سعود کی جارح حکومت کے مقابل مثل امام حسین ؑ علم جہاد بلند کیااور حق کے حصول اور دین مبین کی پاسداری کے جرم میں انہیں تہہ تیغ کردیا گیا، شیخ باقرالنمر مر کر بھی زندہ ہیں جبکہ انہیں مارنے والے امان کی تلاش میں در بدر ہیں ، مقررین کا کہنا تھا کہ شہداءکی یاد کو زندہ رکھنا یعنیٰ شہید ہو زندہ رکھنے کے مترادف ہے، اس جلسے کا انعقاد کرنے والے تنظیمی دوست لائق تحسین ہیں ۔
وحدت نیوز(اسلام آباد)عوامی نیشنل پارٹی (ANP)کے اعلیٰ سطحی وفدنے سینیٹرافرسیاب خٹک کی سربراہی میں مرکزی وحدت سیکریٹریٹ اسلام آباد میں مجلس وحدت مسلمین پاکستان کے سربراہ علامہ راجہ ناصرعباس جعفری سے ملاقات کی، وفدمیں اے این پی کے سینیٹر زاہد خان، رکن قومی اسمبلی بشریٰ گوہر اور دیگر شامل تھے، جبکہ ایم ڈبلیوایم کے مرکزی معاون سیکریٹری امور سیاسیات آصف رضا اور صوبائی سیکریٹری جنرل کے پی کے علامہ سبطین حسین الحسینی بھی ملاقات میں موجود تھے۔
علامہ راجہ ناصرعباس جعفری اور سینیٹر افرسیاب خٹک کے درمیان قومی وبین الاقوامی دوطرفہ دلچسپی کے امور پر تبادلہ خیال کیا گیا،جبکہ کے پی کے میں جاری دہشت گردی ، شیعہ ٹارگٹ کلنگ، تکفیریت کی ترویج ، پاک چین اقتصادی راہداری پر چھوٹے صوبوں کے تحفظات اور گلگت بلتستان کی آئینی حیثیت کے حوالے سے تفصیلی بات چیت ہوئی۔
وحدت نیوز (اسلام آباد) مجلس وحدت مسلمین پاکستان میڈیا سیل کے زیراہتمام اسلام آباد میں صحافیوں کے اعزاز میں ظہرانے کا اہتمام کیا گیا ،مقامی ہوٹل میں منعقدہ اس ظہرانےمیں پرنٹ اور الیکٹرانک میڈیا سے تعلق رکھنے والے صحافی حضرات نے شرکت کی۔ ظہرانے میں نیشنل پریس کلب اسلام آباد کے نومنتخب عہدیداروں نے بھی خصوصی شرکت کی۔ اس موقع پر شرکاء سے خطاب کرتے ہوئے مجلس وحد مسلمین کے سربراہ علامہ ناصرعباس جعفری نے موجودہ قومی اور عالمی حالات کے تناظرمیں صحافی برادری کے کاندھوں پر موجود بھاری ذمہ داری کی جانب اشارہ کرتے ہوئے کہا کہ مغربی اور بعض عرب ذرائع ابلاغ امت مسلمہ کے درمیان انتشار اور تفرقہ پھیلانے کی مذموم سازشوں میں مصروف ہیں آپ کااخلاقی اور شرعی فریضہ ہے کہ سچ اور حق پر مبنی خبروں کو نشر کریں اور امت مسلمہ کے درمیان اتحاد اور یکجہتی کے فروغ کیلئے اپنی صلاحیتوں کو بروئے کار لائیں علامہ راجہ ناصرعباس جعفری نے آخر میں تمام صحافیوں کا آمد پرشکریہ ادا کیا۔
وحدت نیوز (اسلام آباد) مجلس وحدت مسلمین پاکستان کے مرکزی جنرل سیکرٹری علامہ راجہ ناصر عباس جعفری نے کوئٹہ میں بم دھماکے کی شدید مذمت کرتے ہوئے کہا کہ دہشت گرد ملک و قوم کے دشمن ہیں۔انہیں جب تک عبرتناک انجام سے دوچار نہیں کیا جاتا تب تک ملک میں امن کا قیام ممکن نہیں۔بلوچستان کے مختلف علاقوں میں دہشت گر عناصر نے اپنی خفیہ کمین گاہیں بنا رکھی ہیں ۔بھرپور فوجی آپریشن سے ان کو کچلنا ہو گا۔ بے گناہ انسانی جانوں کا ضیاع ایک ناقابل تلافی نقصان اور ناقابل بخشش گناہ ہے۔دہشت گردی کے مرتکب درندہ صفت عناصر بے رحمانہ سزاؤں کے مستحق ہیں۔
انہوں نے کہا ملک میں بدامنی پھیلا کر وطن عزیز کو معاشی عدم استحکام سے دوچار کیا جا رہا ہے۔ملکی معشیت کی مضبوطی اور اقتصادی ترقی کے لیے بھی دہشت گردی کا خاتمہ انتہائی ضروری ہے۔سیاسی و عسکری قوتوں کو دہشت گردی کے خاتمے کے لیے یکساں انداز میں آگے بڑھنا ہو گا۔دہشت گردی کے تدارک اور مطلوبہ نتائج کے حصول کے لیے ضرب عضب کے دائرہ کار کو وسیع کرنے کی ضرورت ہے۔نیشنل ایکشن پلان کے حکومت انتقامی کاروائیوں کے لیے استعمال کرنے کی بجائے دہشت گردی کی سرکوبی کے لے بروئے کار لائے بصورت دیگر یہ قانون اپنی افادیت کھو بیٹھے گا۔علامہ ناصر نے کوئٹہ میں شہید ہونے والوں کی بلندی درجات اور لواحقین کے لیے صبر کی دعا کی ہے۔
وحدت نیوز (کوئٹہ) مجلس وحدت مسلمین کوئٹہ کے سیکریٹری اطلاعات غلام حسین نے اپنے بیان میں کہا ہے کہ ملک کے نظام کو برقرار رکھنے کیلئے جو پولیسیاں بنائی گئی ہیں ان پر عمل درآمد نظر نہیں آرہی ہیں، قومی سطح کی پالیسیوں کو نا صرف معاشرتی ضروریات اور موجودہ صورتحال کا عکاس ہونا چاہیے بلکہ عوام کے حقیقی مسائل و مشکلات کے پائیدار حل کا ضامن بھی ہونا چاہیے، شہری اپنے حقوق سے محروم ہیں ۔اگر ملک کے نظام کو بہتر بنانا ہے تو یہ پالیسیاں محض فائلوں تک محدود نہیں ہونا چاہیے بلکہ ان پر عمل در آمد کرکے ان کے ثمرات عوام تک پہنچانا ضروری ہیں۔ عوام اپنے حقوق سے محرومی کی وجہ سے در در کے ٹھوکر کھا رہے ہیں ۔ انہوں نے کہا کہ حقیقی جمہوریت کا مطلب عوام کے یکساں حقوق اور ترقی کے مواقع فراہم کرنا ہوتا ہے تاکہ معاشرے میں نابرابری کی صورتحال ہی پیدا نہ ہوں۔ تاریخ و سیاست کے مستندمفکرین کا منصب سیاست اور حق حکمرانی کو معاشرے میں اخلاقی لحاظ سے کمال اور کردار کے لحاظ سے مثال کا درجہ رکھنے والے افراد کے لیے مخصوص کرنا اسی وجہ سے ہے کہ سیاست سے منسلک طبقہ نا صرف ریاست کے اداروں میں پیدا ہونے والی خرابیوں اور کمزرویوں پر چیک رکھتا ہے بلکہ عوام کی سوچ کو مثبت سانچے میں ڈال کر سماجی رویے بھی متعین کرتا ہے۔ نمائندوں اور حکمرانوں کے انتخاب کے معاملے میں ہمیں جہاں اخلاقی بے راہ روی یا دیانتداری کے حوالے سے کسی پر معمولی سا الزام بھی سامنے آنے پر سسٹم اور سیاسی جماعتیں امیدواری کے مرحلے پر ہی ایسے افراد کو مکھن سے بال کی طرح نکال باہر کرنا چاہیے۔ لیکن ہماری بد قسمتی کہ قومی سیاست صرف مفادات کا کھیل بن کر رہ گئی ہے۔ پولیٹکل سسٹم کی اوور ہالنگ کے لیے بھی ایک عدد ایک ایکشن پلان وضع کرنا ناگزیر قومی ضرورت بن چکا ہے۔
