The Latest
وحدت نیوز(سکردو) اپوزیشن لیڈر گلگت بلتستان اسمبلی اور مجلس وحدت مسلمین کے رہنما محمد کاظم میثم نے پنے مذمتی بیان میں کہا ہے کہ بلتستان کے تین نامور علماء کی رمدان بارڈر سے بلاجواز گرفتاری کی مذمت کرتے ہیں۔
بلتستان کے علما کو گرفتار کرکے نامعلوم مقام پر منتقل کرنے پر بلتستان بھرسے سخت ردعمل آئےگا۔
گلگت بلتستان کے باسیوں کے ساتھ ناروا سلوک کے وفاقی حکومت حکومت کو سنگین نتائج بھگتنے ہوں گے۔
نون لیگ اور پیپلز پارٹی کی حکومت ایسی لاقانونیت کو ختم کریں ورنہ احتجاج کا نہ ختم ہونے والا سلسلہ شروع ہوگا۔
گمبہ سکردو کے نامور عالم دین غلام عباس ناصری، کھرمنگ کے سیدعلی عباس رضوی اور شگر کے شیخ اخترحسین شگری کو فورا رہا کیا جائے۔
بلتستان کے عوام دیامر کی علماء کی کال اور گرفتار علماء کی رہائی کے لیے مرکزی علما کی کال کا انتظار کریں۔
سانحہ جامشورو کے حوالے سے سندھ حکومت کی مجرمانہ غفلت بھی قابل افسوس ہے۔
شہدا کے لواحقین کا جے آئی ٹی اور جیوڈیشل انکوائری کا مطالبہ سندھ حکومت نے ان سنی کردیاہے۔
سندھ حکومت کی بنائی گئی انکوائری کمیٹی پر عدم اعتماد کا اظہار کرتے ہیں اور مطالبہ کرتے ہیں جیوڈیشل انکوائری کمیٹی اور جے آئی ٹی کے ذریعے تحقیق کی جائے۔
ہمارے علما ہو یا ذاکرین کوئی بھی محفوظ نہیں اور عوام عدم تحفظ کے شکار ہوچکے ہیں۔
ہمارے علما پر ہاتھ ڈال کر سنگین غلطی کی ہے اور یہ اس کٹھپتلی حکومت کا سیاہ کارنامہ ہے۔
وحدت نیوز(اسلام آباد) اپوزیشن اتحادتحریک تحفظ آئین پاکستان کی جانب سے مقامی ہوٹل میں منعقدہ کانفرنس سے خطاب کرتے ہوئے سربراہ مجلس وحدت مسلمین پاکستان سینیٹر علامہ راجہ ناصر عباس جعفری نے کہا کہ ملک میں تمام خرابیوں کی جڑ اقتدار کی سیاست ہے، کچھ لوگ ہر حال میں اقتدار کو اپنے پاس رکھنے کے لیے کسی بھی حد تک جانے کو تیار ہیں اور اسی طاقت کی سیاست نے ملک کو بحرانوں میں مبتلا کر دیا ہے، عمران خان پاور پالیٹکس کے خلاف ہیں، اسی لیے وہ آج جیل میں ہیں، اگر ملک میں انصاف ہوتا اور اصولوں کی حکمرانی ہوتی تو وہ جیل میں نہ ہوتے، ہمیں آئین کی پاسداری پر یقین ہے، ہم محب وطن ہیں اور ملک کی سلامتی اور استحکام کے حامی ہیں، لیکن بدقسمتی سے کچھ لوگ آئین کی دھجیاں اڑا کر اپنی من مانی کرنا چاہتے ہیں، جو خود آئین کو تسلیم نہیں کرتے، وہ ہمیں آئین شکن قرار دے رہے ہیں، اگر ملک میں اصلاحات پر بات کرنے کی اجازت نہیں دی جائے گی، تو ہم اس جبر کو قبول نہیں کریں گے، ایسی قوتوں کو مضبوط کیا جا رہا ہے جو پاکستان کی سالمیت کو نقصان پہنچانے کے درپے ہیں اور یہ رویہ ملک کے مستقبل کے لیے خطرناک ثابت ہو سکتا ہے۔
انہوں نے پاک فوج کے خلاف ہونے والے پروپیگنڈے کو سختی سے مسترد کرتے ہوئےکہا ہے کہ ہم اپنی افواج کے خلاف بات نہیں کرتے کیونکہ ہماری فوج پاکستان کی سلامتی کی ضامن ہے، جو کوئی پاک فوج کے خلاف بات کرتا ہے یا اس کے خاتمے کی بات کرتا ہے وہ درحقیقت ملک دشمن ہے، ہم سمجھتے ہیں کہ ہر ادارے کی اپنی ذمہ داری ہے اور ہر ادارے کو اپنی آئینی حدود میں رہ کر ملک کی خدمت کرنی چاہیے، ہم اپنے وطن کے دفاع کے لیے خون کا آخری قطرہ تک بہا دیں گے۔ پاکستان ہماری پہچان ہے، ہمارا فخر ہے اور ہم اس کے تحفظ کے لیے کسی قربانی سے دریغ نہیں کریں گے، ملک کو بحرانوں سے نکالنے کے لیے ضروری ہے کہ اصولوں کی سیاست کو فروغ دیا جائے اور اقتدار کی ہوس پر مبنی پالیسیوں کو ترک کیا جائے۔
گرین ٹورزم کے نام پر گلگت بلتستان کی عوامی ملکیتی زمینوں پر قبضے کیئے جارہے ہیں، وہاں کی معدنیات پر ڈاکا ڈالنے کی کوشش ہورہی ، محب وطن علماء وشخصیات کو شیڈول فور میں ڈالا جارہا ہے، ضلع کرم میں ۵ماہ سے زائد کا عرصہ ہوگیا محاصرہ ختم نہیں کروایا جاسکا،رمضان کی آمد ہے اشیائے خورد ونوش ختم ہوچکی ہیں، پیڑول اور ضروری اشیاء کی قیمتیں آسمان سے باتیں کررہی ہیں، سینکڑوں اوورسیز پاراچناری شہریوں کے ویزے ختم ہوچکے ہیں، ہمارے سب سے زیادہ ووٹ لیکر منتخب ہونے والے تحصیل میئر مزمل فصیح کو دہشت گردی کی دفعات کی تحت جیل میں ڈالا گیا ہے اس کا قصور یہ تھا کہ وہ بلاتفریق عوام کی خدمت کرتا تھا یتیموں کو راشش اور کھانا دیتا تھا۔
ہماری بیٹی ماہرنگ بلوچ اسلام آباد آئی اسے جیل میں ڈالا گیا ، یہ کیسی ریاست ہے ؟؟ جہاں ہزاروں لوگ مسننگ ہیں ان کا کوئی پرسان حال نہیں۔ ریاستیں قانون کی عمل داری کے بغیر نہیں چلتیں، آپ کو اپنی آئینی دائرے میں جانا ہوگا۔
وحدت نیوز (اسلام آباد) مجلس وحدت مسلمین کے رکن قومی اسمبلی انجینئرحمید حسین نے وفاقی وزراء اور دفتر خارجہ کے ذمہ داران کے ہمراہ لیبیا کشتی حادثے میں جاں بحق ضلع کرم پاراچنار کے مسافروں کے جنازےاسلام آباد انٹرنیشنل ایئرپورٹ پر وصول کیئے اور لواحقین کے حوالے کرتے ہوئے اس سانحے پر گہرے رنج و غم اور لواحقین سے دلی ہمدردی کا اظہار کیا ہے۔
اس موقع پر گفتگو کرتے ہوئے انہوں نے کہا کہ پاکستان میں بڑھتی ہوئی بے روزگاری، غربت، عدم تحفظ اور نااہل حکمرانوں کی ناقص پالیسیوں کی بدولت نوجوان بہتر مستقبل کی تلاش میں اپنی جانیں گنوا رہے ہیں، یہ افسوسناک حقیقت ہے کہ جب نوجوانوں کے لیے روزگار کے مواقع ختم ہو جائیں تو وہ خطرناک راستے اختیار کرنے پر مجبور ہوتے ہیں، موجودہ حکومت عوام کی فلاح و بہبود کے بجائے اپنے تشہیری منصوبوں پر قومی خزانہ برباد کر رہی ہے جبکہ پاکستان کے معصوم شہری روزگار کی تلاش میں غیر ممالک میں جا کر اپنی جانیں گنوا رہے ہیں، میں یقین دلاتا ہوں کہ وہ اس سنگین مسئلے کو ایوان میں اٹھائیں گے۔
وحدت نیوز(بیروت) مجلس وحدت مسلمین پاکستان کے سربراہ حجتہ الاسلام والمسلمین سینیٹر علامہ راجہ ناصر عباس جعفری اور سیکرٹری امور خارجہ حجتہ الاسلام والمسلمین ڈاکٹر علامہ سید شفقت حسین شیرازی نے شہید راہ قدس سید مقاومت شہید سید حسن نصراللہ کے مزار اقدس پر حاضری دی۔
اس موقع پر دونوں رہنماؤں نے مزار پر پھولوں کی چادر چڑھا کر شہید سید حسن نصراللہ کی عظیم قربانیوں کو خراج تحسین پیش کیا۔
انہوں نے شہید کے مشن اور فلسطین کی آزادی کے لیے ان کی جدوجہد کو سراہتے ہوئے کہا کہ شہید نصراللہ کی قربانیاں ہمیشہ امت مسلمہ کے لیے مشعل راہ رہیں گی۔
علامہ راجہ ناصر عباس جعفری نے اس موقع پر کہا کہ شہید نصراللہ کی قیادت میں لبنانی مقاومت نے عالمی استعمار کے خلاف جو بے مثال جدوجہد کی، وہ تاریخ کا ایک روشن باب ہے۔
انہوں نے مزید کہا کہ امت مسلمہ کو آج بھی شہید نصراللہ کے افکار اور قربانیوں سے سبق لینے کی ضرورت ہے۔
ڈاکٹر علامہ سید شفقت حسین شیرازی نے کہا کہ شہید نصراللہ کی جدوجہد صرف لبنان تک محدود نہیں تھی، بلکہ وہ پوری امت مسلمہ کے لیے ایک علامت تھے۔
انہوں نے زور دے کر کہا کہ فلسطین کی آزادی اور قدس شریف کی بازیابی کے لیے شہید نصراللہ کا مشن آج بھی زندہ ہے۔
یہ دورہ دونوں رہنماؤں کی جانب سے شہید نصراللہ کے مشن اور فلسطین کی آزادی کے لیے عزم کی تجدید کا اظہار تھا۔ اس موقع پر دونوں رہنماؤں نے لبنان کے عوام اور مقاومت کے کارکنوں کے ساتھ یکجہتی کا اظہار بھی کیا۔
شہید سید حسن نصراللہ کی قیادت میں لبنانی مقاومت نے عالمی استعمار کے خلاف جو عظیم جدوجہد کی، وہ آج بھی پوری دنیا میں آزادی کے متوالوں کے لیے مشعل راہ ہے۔ مجلس وحدت مسلمین کے رہنماؤں کی اس حاضری نے شہید نصراللہ کے مشن کو آگے بڑھانے کے عزم کو مزید مضبوط کیا ہے۔
وحدت نیوز(آن لائن) مجلس وحدت مسلمین پاکستان کی نصاب تعلیم کمیٹی کا آن لائن اجلاس علامہ مقصود علی ڈومکی کی زیر صدارت منعقد ہوا۔ اجلاس میں نصاب کمیٹی کے ممبران سید ابن حسن بخاری، غلام حسین علوی، مرکزی سیکرٹری تعلیم سید نجیب الحسن نقوی ،علامہ سید حسن رضا ہمدانی، مجلس علمائے مکتب اہل بیت کے صوبائی صدر علامہ قاضی نادر حسین علوی اور مولانا شمس الدین کامل شریک ہوئے۔
اس موقع پر اجلاس سے خطاب کرتے ہوئے علامہ مقصود علی ڈومکی نے کہا پاکستان کے سات کروڑ شیعہ موجودہ متنازعہ نصاب تعلیم کو رد کر چکے ہیں۔ آئین پاکستان ہمیں اس بات کی ضمانت دیتا ہے کہ کسی بچے کو اس کی بنیادی دینی اور مذہبی تعلیمات کے خلاف تعلیم نہیں دی جا سکتی جبکہ حکومت چاہتی ہے کہ زبردستی سات کروڑ شیعہ بچوں کو ان کے بنیادی مذہبی عقائد و تعلیمات کے خلاف جبرا تعلیم دی جائے۔ ہم 1975 کے نصاب تعلیم کی بحالی کا مطالبہ کرتے ہیں جو تمام مسالک اور مکاتب فکر کے لیے یکساں طور پر قابل قبول ہے۔
اس موقع پر گفتگو کرتے ہوئے سید ابن حسن بخاری نے کہا کہ شیعہ پاکستان کی دوسری بڑی مسلم اکثریت ہیں پاکستان کے جید علماء اور تمام تنظیموں بشمول وفاق العلماء نے موجودہ نصاب تعلیم کو متنازعہ اور ناقابل قبول قرار دیتے ہوئے رد کیا اور چھ نکات پر اتفاق کیا تھا ان چھ نکات کی روشنی میں مستقبل کا لائحہ عمل تیار کیا جائے۔ موجودہ نصاب تعلیم تکفیری سوچ پر مبنی ہے۔
اجلاس سے خطاب کرتے ہوئے علامہ سید حسن رضا ہمدانی نے کہا کہ متحدہ علماء بورڈ پنجاب میں موجود شیعہ علماء کرام نے ہمیشہ مکتب اہل بیت کی نمائندگی کی ہے لہذا بورڈ میں اکثریت رائے کی بجائے تمام مسالک کے علماء متفقہ فیصلے کریں اکثریتی رائے کا سہارا لے کر کسی بھی مسلک اور مکتب فکر کو نظر انداز کرنا غلط عمل ہے۔
اجلاس سے خطاب کرتے ہوئے غلام حسین علوی نے کہا کہ اہل حدیث اور سنی علماء کرام نے نصاب تعلیم اور درود شریف کے حوالے سے ہمارے موقف کی تائید کی ہے کیونکہ ہمارا موقف قران و سنت کے عین مطابق ہے۔
وحدت نیوز(سبی) مجلس وحدت مسلمین پاکستان کے مرکزی رہنما علامہ مقصود علی ڈومکی نے ضلع سبی کے علاقے بختیار آباد ڈومکی کا دو روزہ دورہ کیا۔ اس موقع پر انہوں نے بختیار آباد ڈومکی میں زیر تعمیر مسجد پہ منعقدہ تقریب سے خطاب کرتے ہوئےکہا کہ مسجد اللہ کا گھر اور عبادت و عبودیت الہی کا مرکز ہے۔ اسلامی معاشرے میں مسجد کو مرکزی حیثیت حاصل ہے جہاں انسانوں کو دین اور دنیا کی بھلائی کا راستہ دکھایا جاتا ہے۔ مسجد کی تعمیر میں حصہ لینا مسجد کو آباد رکھنا مسجد کی صفائی اور روشنی میں کردار ادا کرنا عظیم عبادت ہے۔ خادم مسجد کا اعزاز بہت بڑا اعزاز ہے۔
انہوں نے کہا کہ آل محمد ﷺ سے محبت ایمان کی نشانی ہے۔ جبکہ آل رسول ﷺ سے بغض اور دشمنی کفر و نفاق کی علامت ہے۔علامہ مقصود علی ڈومکی نے بختیار آباد ڈومکی کے سابقہ چیئرمین میر سیف اللہ خان ڈومکی ،ڈاکٹر محمد اکبر سولنگی ،محمد رفیق اعوان، جاوید علی ڈومکی ،اقرار علی ڈومکی ،شیر علی لاشاری و دیگر سے ملاقات کی۔
اس موقع پر گفتگو کرتے ہوئےعلامہ مقصود علی ڈومکی نے کہا کہ بلوچستان میں امن و امان کی ابتر صورتحال پر تشویش ہے۔ مین شاہراہ پر دن دھاڑے صوبائی وزیر اور رکن صوبائی اسمبلی کے محافظوں سے اسلحہ چھینا گیا۔ گورنمنٹ کی رٹ کمزور ہو چکی ہے۔انہوں نے کہا کہ قائدوحدت علامہ راجہ ناصر عباس جعفری کے وارنٹ گرفتاری جاری ہونا سیاسی انتقام کی بدترین مثال ہے۔ جعلی حکومت کی جانب سے ملک کے ایک جید عالم دین کے خلاف انتقامی کارروائی پر عوام میں شدید تشویش پائی جاتی ہے۔
وحدت نیوز (اسلام آباد) وحدت یوتھ ونگ پاکستان کےزیر اہتمام دوسرےآٹی کورس کااسلام آباد میں انعقاد، کثیر تعداد میں نوجوانوں کی شرکت، وحدت یوتھ ونگ پاکستان کے مرکزی صدر علامہ تصور علی مہدی نے اپنے جاری کردہ بیان میں کہا کہ وحدت یوتھ ونگ پاکستان کا عزم ہے کہ اپنے نوجوانوں کو ہنر مند بنا کر بے روزگاری کو ختم کیا جائے ہم نے کوشش کی ہے نوجوانوں کو ڈجیٹل مارکیٹنگ، اور گرافکس، ڈیزائننگ اور آئی ٹی کے مختلف کورسز کروا رہے ہیں اس سلسلے کو مزید وسیع کیا جائےگا،ہمارا ہدف ہے کہ آنے والی نسلوں کو وحدت یوتھ کے پلیٹ فارم سے باہنر بنایا جائے تاکہ نوجوانوں کی مایوسی دور ہوسکے۔
وحدت نیوز(اسلام آباد) مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے اپنے ایک مذمتی بیان میںکہا کہ تحریک تحفظ آئین پاکستان کے زیر اہتمام اسلام آباد لیجنڈ ہوٹل میں منعقدہ قومی کانفرنس کو حکومتی دباؤ اور ہینڈلرز کی مداخلت کے باعث منسوخ کروانا جمہوری اقدار اور آئین پاکستان کی کھلی خلاف ورزی ہے۔ یہ عمل ملک میں جاری غیر اعلانیہ مارشل لاء، جمہوری حقوق کی پامالی، اور آزادی اظہار پر قدغن کا واضح ثبوت ہے۔
ریاستی جبر کے ذریعے عوام کی آواز کو دبانے، چادر و چار دیواری کی حرمت کو پامال کرنے اور خوف و ہراس پھیلانے کی ہر کوشش ناکام ہوگی۔ پاکستان میں اس وقت جنگل کا قانون نافذ کیا جا رہا ہے، لیکن تحریک تحفظ آئین پاکستان کے قائدین نے یہ واضح کیا ہے کہ یہ قومی کانفرنس ہر حال میں منعقد ہو گی، چاہے ہمیں سڑکوں پر ہی کیوں نہ کرنا پڑے۔طاقت کے نشے میں مست عناصر ملکی صورتحال کی سنگینی کا ادراک کریں، ورنہ تاریخ ان کے ان جابرانہ اقدامات کو کبھی معاف نہیں کرے گی۔
وحدت نیوز(اسلام آباد) مرکزی صدر وحدت یوتھ پاکستان علامہ تصور علی مہدی نے اپنے اک بیان میں کہا کہ قائد وحدت سربراہ مجلس وحدت مسلمین پاکستان سینیٹر علامہ راجہ ناصرعباس جعفری حفظہ اللہ کے حق و سچ کا ساتھ دینے، آئین کی بالادستی، پارلیمان کی مضبوطی اور عوامی حقوق کی جدوجہد کے جرم میں ایک بار پھر وارنٹ گرفتاری جاری کردیئے گئے۔ ہم نااہل اور متعصب حکومت کو متنبہ کرتے ہیں کہ وارنٹ گرفتاری کو فی الفور واپس لیا جائے۔
اگر حکومت نے ظلم و جبر کا راستہ نہ چھوڑا تو قائدین کے حکم پر عوامی اور جمہوری مزاحمت کا حق محفوظ رکھتے ہیں، نااہل حکمران یہ بات زہن نشین کر لیں کہ علامہ راجہ ناصر عباس جعفری ہماری ریڈ لائین ہیں، اگر اہل اقتدار اپنے اوچھے ہتھکنڈوں سے باز نہ آئے اور علامہ راجہ ناصر عباس کو گرفتار کرنے کی کوشش کی تو پھر حالات کی تمام تر زمہ داری حکومت پر عائد ہوگی۔
وحدت نیوز(سکردو) مجلس وحدت مسلمین گلگت بلتستان کے صدر سید علی رضوی نے کہا ہے کہ ہم سربراہ مجلس وحدت مسلمین، سینیٹر علامہ راجہ ناصر عباس جعفری کے وارنٹ گرفتاری کو حکومت کی بوکھلاہٹ اور انتقامی سیاست کا واضح ثبوت قرار دیتے ہیں۔ یہ کارروائی حق و صداقت کی آواز کو دبانے کی ناکام کوشش ہے۔
علامہ راجہ ناصر عباس جعفری ایک بے باک، نڈر اور اصول پسند رہنما ہیں، جو ہمیشہ مظلوموں کے حق میں اور ظالموں کے خلاف سینہ سپر رہے ہیں۔ ان کی شجاعت اور جرات مندانہ مؤقف کو اس طرح کے اوچھے ہتھکنڈے متزلزل نہیں کر سکتے۔
اگر علامہ راجہ ناصر عباس جعفری صاحب کو گرفتار کیا گیا تو سخت ردعمل دیں گے، علامہ راجہ ناصر عباس جعفری پاکستان کے کروڑوں محب وطن محروموں اور مظلوموں کی آواز اور امید ہیں، انہیں گرفتار کیا گیا تو پھر حالات کی ذمہ داری حکمرانوں پر عائد ہو گی۔
