The Latest
وحدت نیوز( ڈیرہ اللہ یار) مجلس وحدت مسلمین بلوچستان صوبائی سیکرٹری جنرل علامہ برکت علی مطہری کی زیر صدارت مدرسہ رسول اکرم ڈیرہ اللہ یار میں صوبائی شوری کا اجلاس منعقد ہوا جس میں مرکزی ترجمان علامہ مقصود علی ڈومکی نے خصوصی شرکت کی۔
اجلاس سے خطاب کرتے ہوئے علامہ مقصود علی ڈومکی نے کہا کہ سید الانبیاء حضرت محمد مصطفی کے ایام ولادت باسعادت عشق رسول اور اتباع رسول کے اظہار کے دن ہیں۔ سیرت مصطفٰی پر عمل پیرا ہو کر ہم دنیا و آخرت میں سرخرو ہو سکتے ہیں۔
انہوں نے کہا کہ ماہ ربیع الاول میں ھفتہ وحدت منانے کا مقصد امت مسلمہ کے درمیان اتحاد اور وحدت کو فروغ دینا ہے۔ مجلس وحدت مسلمین ملک بھر ھفتہ وحدت کے موقع پر اتحاد بین المسلمین کے پروگرامز منعقد کرے گی۔
صوبائی شوری کا اجلاس قرآن مجید کے تلاوت سے آغاز کیا گیا اجلاس میں مختلف اضلاع نے شرکت کی جس میں ضلع نصیر آباد ضلع جعفر آباد ضلع جعفر آباد 2 ضلع سبی ضلع صوبحت پور ضلع جھل مگسی ضلع حب لسبیلہ ضلع کچھی بولان ضلع کوئٹہ ضلع کوئٹہ ہزارہ ٹاؤن سمیت اپنی تنظیمی فعالیت یونٹس کی کارکردگی رپورٹ پیش کی صوبائی کابینہ کے اراکین نے بھی اپنی اپنی رپورٹ پیش کی آخر میں دعا ئےامام زمان علیہ السلام سے برخاست ہوئی۔
وحدت نیوز(ملتان) ملی یکجہتی کونسل جنوبی پنجاب کی حالیہ تنظیم نو میں مجلس وحدت مسلمین جنوبی پنجاب کے صوبائی سیکرٹری جنرل علامہ اقتدار حسین نقوی کو جنوبی پنجاب کا نائب صدر جبکہ ایم ڈبلیو ایم جنوبی پنجاب کے ڈپٹی جنرل سیکرٹری سلیم عباس صدیقی کو ملی یکجہتی کونسل کا ڈپٹی جنرل سیکرٹری منتخب کیا گیا، صوبائی سطح پر تنظیم نو کے بعد جنوبی پنجاب کے مختلف اضلاع مین ضلعی سطح پر تنظیم نو کے لیے کمیٹیاں تشکیل دی جا رہی ہیں۔ علاوہ ازیں علامہ سید مجاہد عباس گردیزی کو بھی ملی یکجہتی کونسل کا صوبائی نائب صدر منتخب کیا گیا ہے۔ علامہ اقتدار حسین نقوی کا کہنا تھا کہ ملی یکجہتی کونسل کے پلیٹ فارم سے اتحاد و وحدت اور یگانگت کا پیغام عام کریں گے، ہمارا اتحاد ہی ملک دشمن عناصر کی موت ہے۔
وحدت نیوز(ملتان) مجلس وحدت مسلمین جنوبی پنجاب کی صوبائی شوریٰ کا اجلاس مسجد ولی العصر ملتان میں منعقد ہوا، اجلاس کی صدارت صوبائی سیکرٹری جنرل علامہ اقتدار حسین نقوی نے کی۔ مرکزی سیکرٹری تنظیم سازی اور بزرگ عالم دین علامہ سید غلام شبیر بخاری نے اجلاس میں خصوصی شرکت کی۔
اجلاس میں علامہ قاضی نادر حسین علوی، مولانا ساجد رضا اسدی، مولانا وسیم عباس معصومی، مولانا غدیر شیرازی، سلیم عباس صدیقی، غلام اصغر تقی، سید زعیم زیدی، دلاور عباس زیدی، ندیم کاظمی، فہیم جعفر ایڈووکیٹ، سید انعام حیدر زیدی، رضوان حیدر کاظمی، مزمل خان، صفدر خان بلوچ، سید اجمل شاہ، فخر نسیم صدیقی، مسیب نقوی سمیت دیگر صوبائی رہنمائوں نے شرکت کی۔
اجلاس میں ملتان، مظفر گڑھ، بہاولپور، رحیم یار خان، وہاڑی، خانیوال، لیہ، بھکر، علی پور اور راجن پور کے سیکرٹری جنرلز اور نمائندگان نے شرکت کی۔ اجلاس کے اختتام پر علامہ اقتدار حسین نقوی نے مذمتی قراردادیں پیش کیں۔
قرارداد میں کہا گیا کہ ملک بھر میں کالعدم جماعتوں کی جانب سے فرقہ وارانہ واقعات کی شدید مذمت کرتے ہیں، قرارداد میں افغانستان میں نماز جمعہ کے موقع پر شیعہ مسلمانوں کی مسجد پر ہونے والے حملے کی شدید الفاظ میں مذمت کی گئی۔ علامہ اقتدار نقوی نے کہا کہ ملک بھر میں اربعین حسینی کی جلوس نکالنے پر جو مقدمات قائم کیے جا رہے ہیں، ان کی مذمت کرتے ہیں۔
وحدت نیوز(لاہور) مجلس وحدت مسلمین شعبہ خواتین کی مرکزی سیکرٹری جنرل اور رکن پنجاب اسمبلی سیدہ زہراء نقوی نے عظیم سائنسدان و محسن پاکستان ڈاکٹر عبدالقدیر خان کے انتقال پر گہرے دکھ کا اظہار کرتے ہوئے کہا ہے کہ پاکستان کو ایٹمی قوت اور ناقابل تسخیر بنانے والے ملک و قوم کے محسن ڈاکٹر عبدالقدیر خان کی رحلت پر ہر دل غمزدہ اور ہر آنکھ اشک بار ہے، انہوں نے ملک و قوم کے لیے عظیم خدمات انجام دیں، آج پاکستان کا دفاع ناقابل تسخیر ہے تو یہ ڈاکٹر عبدالقدیر خان مرحوم کے انتھک محنت اور عظیم جدوجہد کا نتیجہ ہے۔
انہوں نے کہا کہ پاکستان کو عالمی سطح پر استحکام دینے اور ایٹمی قوت بنانے والے ڈاکٹر عبدالقدیر خان اور ان کی ٹیم کو ہمیشہ قومی ہیرو کے طور پر یاد رکھا جائے گا۔ انہوں نے مزید کہا کہ ڈاکٹر عبدالقدیر خان کی وفات ملک و قوم اور ان کے اہلخانہ کے لیے ناقابل تلافی نقصان ہے۔ رنج و غم کی اس گھڑی میں سوگوار خاندان کے ساتھ برابر کے شریک ہیں اور خداوند عالم سے دعاگو ہیں کہ مرحوم کی بے لوث خدمات کی بدولت انہیں اجر کثیر عطا فرمائے اور ان کی اگلی منازل آسان فرمائے۔
وحدت نیوز(سکردو) کتپناہ سکردو میں شیخ جعفر فیاض مرحوم کے لواحقین کی جانب سے منعقدہ تعزیتی ریفرنس سے اظہار خیال کرتے ہوئے سیکرٹری جنرل مجلس وحدت مسلمین گلگت بلتستان آغا علی رضوی نے کہا کہ شیخ جعفرعلی فیاض اسم با مسمی تھے مرحوم کی خدمات ہمیشہ یاد رکھا جائے گا۔وہ فیاض بھی تھے،طلاب کےلئے عظیم باپ بھی تھے۔تمام طلاب اورزائرین کےلئے ایک عظیم خدمت گزارتھے۔
شیخ جعفر فیاض ایک بابرکت شخصیت کےمالک تھے آپ کی خدمات پاکستان و ایران میں سنہرے الفاظ میں یادرکھی جائیں گی آپ ایک عاشق اہلبیت تھے اور مثالی عزادار بھی تھے۔
تعزیتی ریفرنس میں صوبائی وزیر زراعت و رہنما مجلس وحدت مسلمین گلگت بلتستان محمد کاظم میثم سمیت دیگر علماء کرام و مومنین کی کثیر تعداد شریک ہوئے۔
وحدت نیوز(لاہور) مجلس وحدت مسلمین سینٹرل پنجاب کے سیکرٹری جنرل علامہ عبدالخالق اسدی نے ڈاکٹر قدیرخان کی وفات پر اظہار افسوس کرتے ہوئے کہا کہ ڈاکٹر عبد القدیر وطن عزیز کا عظیم سرمایہ تھے، عظیم سائنسدان مرحوم ڈاکٹر عبدالقدیر خان کی خدمات ہمیشہ یادرکھی جائیں گی، ڈاکٹر عبدالقدیر نے پاکستان ہی نہیں بلکہ عالم اسلام کی خدمت کی ہے ، ڈاکٹر عبدالقدیر خان ایک مثالی انسان تھے، مرحوم و مغفور نے پوری دنیا میں پاکستان کا نام روشن کیا۔ انہوں نے کہا کہ ڈاکٹر عبدالقدیر حقیقت میں پاکستان اور عالم اسلام کے سفیر تھے۔
علامہ عبدالخالق اسدی نے مزید کہا کہ ڈاکٹر عبدالقدیر خان کے اہلخانہ سے اظہار تعزیت کرتے ہیں، ڈاکٹرعبدالقدیر خان پاکستان کے محسن ہیں اور قومی ہیرو تھے، پاکستان عظیم شخصیت اور قومی ہیرو سے محروم ہو گیا۔ آنیوالی نسلیں عظیم قومی ہیرو کی خدمات کویادرکھیں گی۔
وحدت نیوز(اسلام آباد)مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ممتازایٹمی سائنسدان و محسن پاکستان ڈاکٹر عبد القدیر خان کے انتقال پر گہرے رنج وغم کا اظہار کرتے ہوئے اسے قومی سانحہ اور ناقابل تلافی نقصان قرار دیا ہے۔
انہوں نے کہا کہ اس جدائی پر ہر محب وطن کا دل سوگوار اور آنکھ اشکبار ہے۔ڈاکٹر قدیر وہ قومی ہیرو ہیں جنہوں نے ملک کو ایٹمی طاقت بنا کر پوری قوم کا سر فخر سے بلند کیا۔آج ہمارے ازلی دشمن بھارت سمیت دنیا کے دیگر ممالک پر وطن عزیز کی جو ہیبت طاری ہے وہ ہماری ایٹمی طاقت کی بنا پر ہے۔
انہوں نے کہا کہ زندہ قومیں اپنے محسنوں کو کبھی فراموش نہیں کرتیں۔ پاکستان ایک عظیم شخصیت اور قومی ہیرو سے محروم ہو گیا۔ آنیوالی نسلیں عظیم قومی ہیرو کی خدمات کو ہمیشہ یادرکھیں گی۔
وحدت نیوز (کوئٹہ) مجلس وحدت مسلمین پاکستان کے مرکزی ترجمان علامہ مقصود علی ڈومکی نے ایک وفد کے ہمراہ کوئٹہ پریس کلب کے سامنے میڈیکل انٹری ٹیسٹ میں بے ضابطگیوں کے خلاف طلبہ تحریک کے احتجاجی کیمپ میں شرکت کی اور طلباء و طالبات کے ساتھ یکجہتی کا اظہار کیا۔ اس موقع پر ایم ڈبلیو ایم بلوچستان کے رہنما علامہ شیخ ولایت حسین جعفری مولانا عابد حسین فائزی و دیگر ان کے ہمراہ تھے۔
اس موقع پر احتجاجی مظاہرے سے خطاب کرتے ہوئے علامہ مقصود علی ڈومکی نے کہا کہ آن لائن میڈیکل انٹری ٹیسٹ میں بے ضابطگیوں کی شفاف تحقیقات کرائی جائیں یہ نوجوان ملک و قوم کا مستقبل ہیں جو گذشتہ کئی روز سے سراپا احتجاج بنے ہوئے ہیں جن کے ہاتھ میں کتاب اور قلم ہونا چاہئے وہ روڈوں پر بینرز اٹھا کر در بدر ہیں۔ وفاقی اور صوبائی حکومت فی الفور میڈیکل کے طلباء کے مسائل حل کریں۔
انہوں نے کہا کہ نا تجربے کار ادارے کی جانب سے امتحان سلیبس سے باہر سوالات اور مارکس میں بے ضابطگیاں امتحانی نظام کے نقائص کو واضح کرتے ہیں۔انہوں نے مطالبہ کیا کہ بلوچستان میں تعلیمی اداروں کی ابتر صورتحال اور صوبے کی محرومیت کے پیش نظر بلوچستان کے لئے کوٹا بحال کیا جائے اور پاس نمبرز 65 کی بجائے 50 رکھے جائیں۔
انہوں نے کہا کہ حکمران طلباء کے جائز مطالبات جلد حل کریں۔اس موقع پر انٹری ٹیسٹ سٹوڈنٹس کمیٹی کے رہنما ثاقب بلوچ وزیر بلوچ اور نورین بلوچ نے طلباء کے مطالبات پیش کرتے ہوئے کہا کہ مطالبات پورے ہونے تک احتجاج جاری رہے گا۔
وحدت نیوز (سکردو) سیکرٹری جنرل مجلس وحدت مسلمین گلگت بلتستان مجاھد ملت آغا علی رضوی کی سربراہی میں صوبائی کابینہ ایم ڈبلیو ایم اور ایم ڈبلیو ایم کے ارکان اسمبلی کا ایک اہم اجلاس ایم ڈبلیو ایم سیکرٹریٹ سکردو میں منعقد ہوا۔
اجلاس میں علاقائی مسائل کے حل کے لئے ایم ڈبلیو ایم کے ارکان اسمبلی کی کارکردگی کا جائزہ لیا گیا اور ایم ڈبلیو ایم کے ارکان اسمبلی کی اب تک کی کارکردگی پر مجلس وحدت مسلمین صوبائی کابینہ کے ارکان نے مکمل اطمینان کا اظہار کیا۔
اجلاس میں بلوچستان کے حالیہ زلزلے میں متاثرہ خاندانوں سے اظہار ھمدردی اور قندوز میں ہونے والے سانحے کی مذمت اور شہدا کے لیے خراج عقیدت پیش کی اور دونوں واقعات میں جاں بحق ہونے والوں کی مغفرت کے لیے دعا کی۔
اجلاس میں شیخ احمد علی نوری،صوبائی وزیر زراعت کاظم میثم،پارلیمانی سیکرٹری شیخ اکبر رجائی،شیخ علی محمد کریمی،ڈاکٹر مشتاق حکیمی سمیت مجلس وحدت مسلمین صوبائی کابینہ کے دیگر اراکین نے شرکت کی۔
وحدت نیوز (اسلام آباد) مرکزی ڈپٹی سیکرٹری مجلس وحدت مسلمین پاکستان سید ناصر عباس شیرازی کی وزارت انسانی حقوق،حکومت پاکستان کی جانب سے دربار ہال، وزیراعظم آفس اسلام آباد میں منعقدہ اسٹیک ہولڈرز کے مشاورتی اجلاس میں شرکت، ملک بھر میں بڑھتے ہوئے مسائل بشمول غیر مستند خبریں،جنسی جرائم،ہتک عزت اور بدسلوکی جیسے معاملات کو زیر بحث لایا گیا اس موقع پر تمام مکاتب فکر کے علماء کی کثیر تعداد اجلاس میں شریک تھی اجلاس میں قومی سطح پر اتفاق رائے سے ان مسائل کے روک تھام کے لئے ایک مربوط لائحہ عمل تشکیل دیا گیا۔
