The Latest
وحدت نیوز(ملتان) مجلس وحدت مسلمین پاکستان کے مرکزی ڈپٹی سیکرٹری جنرل علامہ سید احمد اقبال رضوی نے ایک روزہ مختصر دورہ ملتان کیا، دورے کے دوران مختلف شخصیات سے ملاقات کے علاوہ ایم ڈبلیو ایم جنوبی پنجاب کی صوبائی کابینہ کے اراکین سے ملاقات بھی کی۔ اس موقع پر صوبائی سیکرٹری جنرل علامہ سید اقتدار حسین نقوی، ڈپٹی سیکرٹری جنرل سلیم عباس صدیقی، علامہ قاضی نادر حسین علوی، انجینئر سخاوت علی سیال، ندیم عباس کاظمی اور دیگر بھی موجود تھے۔
علامہ سید احمد اقبال رضوی نے ملاقات میں جنوبی پنجاب کی تنظیمی صورتحال کا جائزہ لیا، صوبائی سیکرٹری جنرل نے صوبے کے معاملات پر تفصیلی بریفنگ دی، علامہ سید احمد اقبال رضوی نے کہا کہ جنوبی پنجاب میں ایم ڈبلیو ایم اپنا کردار ادا کر رہی ہے، اس حوالے سے باقی ماندہ اضلاع میں تنظیمی اسٹرکچر مکمل کیا جائے، جن اضلاع میں میں ضلعی شوریٰ کے اجلاس منعقد نہیں ہوئے، اُن میں فی الفور اجلاس کرائے جائیں، 14نومبر کو شوریٰ عالی کا اجلاس ہے، جس میں مرکزی کنونشن سمیت دیگر اُمور طے کیے جائیں گے۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ دہشتگردوں کے ساتھ حکومت کے مذاکرات کو قومی و ملکی وقار کے منافی سمجھا جائے گا۔ ستر ہزار شہدا ءاور آرمی پبلک سکول کے معصوم طلباء کے خون سے قوم کسی کو غداری کرنے کی اجازت نہیں دے گی۔ کالعدم ٹی ٹی پی سے مذاکرات کا مطلب دہشتگردوں کی شیطانی طاقت کو تسلیم کرنا ہے۔کسی ایٹمی طاقت کا شدت پسندوں سے مرعوب ہونا پاکستانی قوم کے لیےعالمی سطح پر ندامت کا باعث بنے گا۔ حکومت کے غیر دانشمندانہ اقدامات نے ان کی رہی سہی ساکھ کو بھی تباہ کر کے رکھ دیا ہے۔
انہوں نے کہا کہ کالعدم ٹی ٹی پی کی دہشت گردانہ کارروائیوں سے پوری دنیا آگاہ ہے۔ان درندہ صفت عناصر نے اپنے وحشیانہ طرز عمل سے دنیا میں مسلمانوں کے خلاف نفرت پیدا کی ہے۔ہمارے نوجوانوں کو قتل کر کے ان کے سروں سے فٹبال کھیلنے والوں کے ساتھ مذاکرات کا تصور بھی نہیں کیا جانا چاہیئے۔ داعش، کالعدم ٹی ٹی پی اور دنیا کی دیگر دہشت گرد تنظیمیں امریکی ساختہ ہیں۔عالم اسلام کے خلاف اپنے گھناؤنے عزائم کی تکمیل کے لیے ان کرائے کے قاتلوں کو استعمال کیا جاتا ہے۔
انہوں نے حکومت کو متنبہ کیا ہے کہ کالعدم ٹی ٹی پی سے مذاکرات آگ کے دریا میں جان بوجھ کر کودنے کے مترادف ہے۔حکومت کسی بھی ایسے ارادے سے باز رہے۔تاریخ شاہد ہے کہ قاتلوں سے مصلحت کے نام پر سودے بازی کے بدلے میں ہمیشہ تباہی، بربادی اور رسوائی ہاتھ آتی ہے۔اگر وزیر اعظم قوم کی مرضی کے منافی ایسا کوئی فیصلہ کرتے ہیں تو وہ تنہا رہ جائیں گے اور انہیں اپنے ایسے فیصلے پر سخت پچھتانا پڑے گا۔
وحدت نیوز(جیکب آباد)ناظم جوکھیو کے قتل کے خلاف احتجاجی مظاہرے کے دوران جیکب آباد میں میڈیا سے گفتگو کرتے ہوئے مجلس وحدت مسلمین پاکستان کے مرکزی ترجمان علامہ مقصود علی ڈومکی نے کہا ہے کہ عوام کے منتخب نمائندے جب سردار جاگیردار اور وڈیرے ہوں تو وہ خود کو عوام کا خادم نہیں حاکم سمجھتے ہیں یہی سبب ہے کہ یکے بعد دیگرے اراکین اسمبلی کی جانب سے عوام پر گولیاں چلائی گئی ہیں۔ کیونکہ با اثر طبقہ قانون سے بالاتر ہے اور قانون کے رکھوالے با اثر حکمرانوں کی غلامی میں مصروف ہیں۔ ناظم جوکھیو شہید کے قتل کے بعد ضلع قمبر شہدادکوٹ میں ایک خاتون کا بہیمانہ قتل سرداروں وڈیروں جاگیرداروں اور اراکین اسمبلی کے نام پر سیاہ کارنامہ ہے۔ ان کی گولیوں سے قرآن کریم کو زخمی کیا گیا جبکہ وہ کمزور اور مظلوم عورت قرآن کریم اٹھا کر رحم کی اپیل کر رہی تھی ۔
انہوں نے مطالبہ کیا کہ پیپلز پارٹی چیئرمین بلاول بھٹو زرداری ایسے نا اھل اراکین اسمبلی کے خلاف فی الفور سخت کاروائی کریں۔ جب ووٹ کا معیار اعلی اخلاق اور کردار کی بجائے دھونس دھمکی اور دھاندلی ٹہرے تو بھر ظالم نا اھل اور نالائق حکمران قوم کا مقدر ہوں گے ۔
انہوں نے کہا کہ وطن عزیز پاکستان اور سندھ کی پاکیزہ دھرتی شکار گاہ نہیں بلکہ کروڑوں غیرت مند انسانوں کی مادر وطن ہے جس کی عزت و ناموس کو دو ٹکوں کے عوض بیچنے والوں سے یہ قوم اپنی بیزاری کا اظہار کرتی ہے۔ انہوں نے کہا کہ بلوچستان یونیورسٹی ہماری مادر علمی ہے جس کا تقدس لازمی ہے۔ بلوچستان یونیورسٹی کے طلباء کے مطالبات پر توجہ دی جائے اور ان کے جائز مطالبات حل کئے جائیں۔ بلوچستان یونیورسٹی کو پولیس گردی سے محفوظ رکھ کر اسے علم کا گہوارہ بنایا جائے۔
وحدت نیوز (لاہور) مفکرپاکستان، شاعرمشرق ڈاکٹرعلامہ محمد اقبال کا144واں یوم پیدائش آج ملک بھرمیں انتہائی عقیدت و احترام کے ساتھ منایا گیا۔اسی سلسلہ میں مجلس وحدت مسلمین شعبہ خواتین لاہور کی سیکرٹری جنرل محترمہ حنا تقوی اور ڈپٹی سیکرٹری جنرل محترمہ عظمیٰ نقوی نے کابینہ ممبران محترمہ عالیہ ،محترمہ عندلیب،محترمہ رضوانہ،محترمہ ساجدہ اور یونٹ اراکین کے ہمراہ بادشاہی مسجد اور مزارِ حضرت علامہ محمد اقبال پر حاضری دی ۔
اس موقع پر محترمہ حنا تقوی اور محترمہ عظمیٰ نقوی نے مزار اقبال پر پھول چڑھائے اور تمام اراکین کے ہمراہ فاتحہ خوانی کی محترمہ حنا تقوی نے یوم اقبال کے حوالے سے گفتگو کرتے ہوئے کہا کہ اقبال نے پورے مشرق میں خودی و خود اعتمادی، عزت نفس،جہاں بینی اور جہاں بانی کا ولولہ پیدا کیا ۔ان کا کہنا تھا کہ اقبال کے تصور خودی کو اپنا کر فکر اقبال کے ذریعہ قومی ترقی میں ہم اپنا کردار ادا کر سکتے ہیں۔
وحدت نیوز(کوئٹہ)مجلس وحدت مسلمین کے مرکزی شوریٰ عالی کے رکن علامہ سید ہاشم موسوی نے کوئٹہ میں نوجوانوں کے ایک وفد سے ملاقات کے دوران کہا ہے کہ علامہ محمد اقبال ایک عظیم شخصیت تھے۔ جنہوں نے تعمیر پاکستان کا خواب دیکھا اور دو قومی نظریہ پیش کیا۔ انہوں نے کہا کہ بسویں صدی میں ہزاروں شعراء تھے مگر ہم نے علامہ اقبال جیسا کوئی دوسرا شاعر نہیں دیکھا، جن کی اردو اور فارسی شاعری اقوام اور ملت کیلئے کسی صنعت سے کم نہیں۔ انہوں نے اردو اور فارسی کے دیگر معروف شعراء کا تذکرہ کرتے ہوئے کہا کہ یہ سوال ہر زہن میں پیدا ہوتا ہے کہ اردو میں جوش ملیح آبادی، اسد اللہ غالب، میر تقی میر، رئیس امروہوی اور فارسی میں پروین اعتصامی، سید محمد حسین شہریار اور دیگر معروف شعراء کی موجودگی میں اقبال کو یہ بلندی کیسے ملی۔ اسکی وجہ یہ تھی کہ علامہ اقبال قرآن کریم کے عاشق تھے۔ قرآن ہی انسان کو دنیا اور آخریت میں اعلیٰ مقام عطا کرسکتی ہے۔ روایات میں بھی اسکا تذکرہ ملتا ہے، کہ پڑھو اور بلندی حاصل کرو۔
مجلس وحدت مسلمین کے رہمناء نے کہا کہ علامہ اقبال کو قرآن کریم سے بے حد لگاؤ تھا۔ انہوں نے کہا کہ اقبال جامعہ کیمبرج میں سات سال زیر تعلیم رہیں اور پھر وہیں درس دیا۔ وہاں ان کے روم میٹ نے یہ بات نقل کی ہے کہ جب اقبال قرآن پڑھا کرتے تھے، تو وہ بے خودی کی عالم میں گرفتار ہوجاتے اور اس قدر روتے کہ ان کے اشک قرآن کریم پر ٹپک جاتے تھے۔ وہ قرآن کریم جناب اقبال کے مقبرے میں موجود ہے، جسے دیکھنے پر یوں لگتا ہے کہ شاید یہ قرآن بارش میں رکھی گئی ہو، حالانکہ وہ نشانات بارش نہیں بلکہ اقبال کے اشکوں کے ہیں۔ قرآن سے انس انسان کو نہ صرف آخریت بلکہ دنیا میں بھی بلندی عطا کرتی ہے۔ یہ قرآن کریم ہی کی برکات کا نتیجہ تھا کہ علامہ اقبال مغرب سے متاثر نہیں ہوئیں۔ انکے کافی اشعار مغربی کلچر کے خلاف ہیں۔
انہوں نے مزید کہا کہ علامہ اقبال کے اشعار میں بھی ہمیں قرآن کریم کی تعلیمات ملتی ہے۔ انہوں نے علامہ اقبال کے شعر "ہو حلقہ ياراں تو بريشم کی طرح نرم، رزم حق و باطل ہو تو فولاد ہے مومن" کا حوالہ دیتے ہوئے کہا کہ اقبال کے بعض اشعار قرآن کریم کے ترجموں سے اخذ ہوئے ہیں اور اس طرح کے سینکڑوں اشعار ان کی شاعری میں ملتے ہیں۔ انہوں نے کہا کہ خداوند عالم نے اقبال کو ایک عجیب بصیرت عطا کی تھی۔ انہوں نے نہ صرف پاکستان کا نظریہ پیش کیا تھا بلکہ وہ اپنے اشعار میں انقلاب اسلامی سے متعلق بھی پیشن گوئی کرتے ہوئے نظر آتے ہیں۔ اپنے ایک فارسی شعر میں انہوں نے کہا تھا کہ ایک مرد مومن آئینگے اور مغرب کی غلامی کی زنجیر کو مسلمانوں کے گلے سے اتھار دیںگے۔ اس شعر میں امام خمینی رح کی طرف اشارہ کیا گیا تھا۔ جن افراد کو قرآن حکیم سے محبت ہوتی ہے، انہیں ہی ایسی بصیرت عطا کی جاتی ہے۔
وحدت نیوز(سکردو) مفکر اسلام، مصور پاکستان علامہ محمد اقبال پوری ملت اسلامیہ کے لیے سرمایہ افتخار ہے۔ علامہ اقبال نے جہاں مسلمانوں کے لیے الگ مملکت یعنی مملکت خداداد پاکستان کا خواب دیکھا اور اسکی تعبیر کے لیے فکری تحریکوں کا آغاز کیا اور مصور پاکستان کے طور پر ابھرے وہیں پوری دنیا میں جدید اسلامی فلسفے کی بنیاد گزاری کی اور ان کا شمار عالم اسلام کے عظیم فلاسفروں میں ہوتا ہے۔ انہوں نے پاکستان کے حصول کے لیے چلنے والی تحریکوں کے علمی غذا فراہم کی ساتھ میں عالم اسلام کے لیے کی گمشدہ ساکھ کو بچانے مسلمانوں کی عظمت رفتہ کو بحال کرنے اور قرآن و سنت کو معاشرہ میں حاکم کرنے کے لیے علمی و فکری جدوجہد کی۔ انہوں نے فلسفہ خودی کے ذریعے افرادی و اجتماعی توقیر کی بحالی کے ساتھ مسلم امہ میں موجود تفریق کو ختم کرکے اتحاد و یگانگت کو اسلام کی نشاة ثانیہ قرار دیا۔
انہوں نے کہا کہ اقبال جدید دنیا کی وہ عظیم ہستی تھی جسکے نظریات کو نہ صرف مشرق میں بلکہ مغرب میں بھی خوب پذیرائی ملی اور انہوں نے جدید متعدد نظام حکومت سمیت جدید افکار کو چیلنج کیا اور متبادل نظریات بھی پیش کیے۔ ان کے افکار و نظریات کی سب سے بڑی خوبی یہ تھی کہ قرآن و سنت کو انفرادی و اجتماعی تمام مسائل کا ذریعہ قرار دیا۔ عہد حاضر میں نسل نو کے لیے ضروری ہے کہ وہ افکار اقبال کا مطالبہ کرے اور اقبال کا شاہین و وارث بن کر ملک و قوم کی خدمت کے لیے آگے بڑھیں۔
وحدت نیوز(لاہور)مجلس وحدت مسلمین پنجاب کے سیکرٹری جنرل علامہ عبدالخالق اسدی نے یوم اقبال ؒ کے موقع پر اپنے پیغام میں کہا ہے کہ علامہ اقبالؒ نے مسلمانوں کیلئے نئے وطن کا نظریہ دیا، شاعر مشرق نے اسلام کے حقیقی پیغام کو سمجھنے کیلئے بھرپور خدمات انجام دیں، اقبالؒ کا شمار ان لوگوں میں ہوتا ہے جن کی عظمت کے مغرب و مشرق یکساں طور پر معترف ہیں۔
انہوں نے کہاکہ ہمیں اپنے اجداد کے خواب کو پورا کرنے کیلئے بھرپور محنت کرنا ہوگی، اقبال کی تعلیمات کے مطابق مل کر اپنے ملک وقوم کی ترقی کیلئے آگے بڑھنا ہوگا۔ علامہ عبدالخالق اسدی کا کہنا تھا کہ عالمی سطح پر ہماری ادبی حیثیت کو تسلیم کیا جانا خوش آئند ہے، قوم کی خودی کو بلند کرنا ہے، جگہ جگہ علم و ادب کے پھول کھلے نظر آتے ہیں۔
انہوں نے کہا کہ ٹیکنالوجی کے مثبت استعمال کی روایت اپنانا ہوگی، کتاب کا کلچر آج بھی موجود ہے، ادبی محفلیں آئندہ بھی جاری رکھی جائیں، ادیب ہی قوم کی فکری تربیت میں اہم کردار ادا کرتا ہے۔
علامہ اسدی کا کہنا تھا کہ نوجوانوں کو اپنی زندگی اور معاشرہ کو سنوارنے کیلئے اقبال کے پیغام سے بے حد مدد مل سکتی ہے۔ اقبال مسلمانوں کی عظمت رفتہ کی بحالی کیلئے کوشاں رہے، انہی روایات کو زندہ کرنا ہوگا، برصغیر کے مسلمان اس عظیم رہنما کی انمول خدمات کیلئے ہمیشہ ان کے شکر گزار رہیں گے۔ علامہ اقبال کے پیغام پر عمل کی سب سے زیادہ ضرورت آج ہے۔
وحدت نیوز(جیکب آباد)مجلس وحدت مسلمین پاکستان کے مرکزی ترجمان علامہ مقصود علی ڈومکی نے ڈی سی چوک جیکب آباد پر منعقدہ میلاد مصطفی کانفرنس سے خطاب کرتے ہوئے کہا ہے کہ جو حکومت کالعدم جماعتوں کے مجرموں کے خلاف مقدمات واپس لے رہی ہے وہ ملت جعفریہ اور پر امن عزاداروں کے خلاف جھوٹے مقدمات بھی فی الفور واپس لے۔ محرم الحرام اور صفر کے دوران ایک ہزار سے زائد مقدمات قائم کرکے پنجاب اور سندھ کی حکومتوں نے ظلم و نا انصافی کی انتہا کردی۔ جیکب آباد میں میلاد مصطفی کانفرنس کے انعقاد میں رکاوٹ ڈال کر ہمارے کارکنوں اور رہنماؤں کو گرفتار کیا گیا جو انتہائی افسوسناک عمل ہے۔
انہوں نے کہا کہ جیکب آباد کے عاشقان رسول و آل رسول نے جس جرئت اور بہادری سے جبر کا مقابلہ کیا وہ لائق تحسین ہے۔ ڈپٹی کمشنر جیکب آباد نے میلاد مصطفی کانفرنس کی بلاجواز مخالفت کرکے انتہائی منفی کردار ادا کیا۔ بالآخر انتظامیہ نے اپنی غلطی تسلیم کرتے ہوئے کانفرنس کی اجازت دی اور اسیر کارکنان کو رہا کیا جو ہم سب کی فتح ہے۔
انہوں نے کہا کہ عشق رسول اور اہل بیت علیھم السلام میں مقدمات کا خوف توڑ کر جیکب آباد کے مومنین نے نئی تاریخ رقم کی۔انہوں نے کہا کہ پنجاب اور وفاقی حکومت کو اگر کالعدم جماعتوں کے ناجائز مطالبات اور فرمائشوں سے ذرا فراغت ملے تو وہ وطن عزیز پاکستان میں ملت جعفریہ پر ہونے والے مظالم روکے اور اس ملت مظلوم کے جائز آئینی مطالبات حل کرے۔
وحدت نیوز(لاہور)شاعر مشرق ، حکیم الامت ، مفکر اسلام اور مصور پاکستان علامہ محمد اقبال کے یوم ولادت کے موقع پر 145ویں یوم ولادت کے موقع پر خراج تحسین پیش کرتے ہوئے مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی محترمہ سیدہ زہرا نقوی نے اپنے پیغام میں کہا کہ علامہ محمد اقبال رحمتہ اللہ علیہ نے مسلمانان برصغیر کو ایک مضبوط فکری بنیاد فراہم کی۔ انہوں نے ایک الگ اسلامی ریاست کا تصور پیش کیا اور اسلام کا حقیقی رخ سمجھانے کے لیے بہترین اور گراں قدر خدمات سر انجام دیں ۔
انہوں نے کہا شاعرِمشرق علاّمہ محمد اقبال کے افکارپوری نسلِ انسانی کے لئے عموماََ،امت مسلمہ کے لیے خصوصاََاور امت مسلمہ کے نوجوانوں کے لئے مزید خصوصیت کے ساتھ علم و دانش کا مخزن ہیں حکیم الامت نے اجتماعی ترقی اور خوشحالی کے حصول کے لیے فرد میں فلسفہ خودی بیدار کرنے کی کوشش کی جو کسی بھی قوم کی ترقی اور عروج کے لیے لازم ہے۔
ان کا مزید کہنا تھا کہ آج ہمیں بہت سے چیلنجز کا سامنا بحیثیت مسلم قوم ہم اپنی شناخت کھو رہے ہیں مغربی ثقافت و اقدار ہماری نوجوان نسل کو اپنی لپیٹ میں رہ رہی ہے علامہ اقبال کے عظیم ان کا مزید کہنا تھا کہ آج ہمیں بہت سے چیلنجز کا سامنا بحیثیت مسلم قوم ہم اپنی شناخت کھو رہے ہیں مغربی ثقافت و اقدار ہماری نوجوان نسل کو اپنی لپیٹ میں رہ رہی ہے علامہ اقبال کے عظیم پیغام اور فلسفے کو سمجھنے کی جتنی ضرورت آج ہے اس پہلے کبھی نہ تھی ۔پیغام اور فلسفے کو سمجھنے کی جتنی ضرورت آج ہے اس پہلے کبھی نہ تھی ۔
وحدت نیوز(دھابیجی/ٹھٹھہ) مجلس وحدت مسلمین صوبہ سندھ کے سیکریٹری جنرل علامہ سید باقرعباس زیدی کی وفد کے ہمراہ مقامی ظالم وڈیرے اور ایم پی اے جام اویس جوکھیوکے ہاتھوں بے دردی سے قتل کیئے جانے والے بےگناہ نوجوان ناظم جوکھیو کے بڑے بھائی افضل جوکھیو سے گوٹھ سالار جوکھیو دھابیجی میں ملاقات اور اظہار تعزیت، اس موقع پر مقتول کے ایصال ثواب کیلئے فاتحہ خوانی بھی کی گئی۔
ایم ڈبلیوایم کے وفد میں ڈویژنل سیکریٹری جنرل علامہ صادق جعفری، ڈپٹی سیکریٹری جنرل علامہ نشان حیدر ساجدی، پولیٹیکل سیکریٹری میرتقی ظفر، مولانا انصاف حیدری ودیگر بھی شامل تھے۔
ایم ڈبلیوایم کے رہنماؤں نے متاثرہ خاندان کو مکمل تعاون اور حمایت کا یقین دلایا اورکہا کہ ہم اس بہیمانہ اقدام کی پرزور مذمت کرتے ہیں، دکھ کی اس گھڑی میں آپ کے غم میں برابر کے شریک ہیں، علامہ باقرعباس زیدی نے کہا کہ وطن عزیز کسی عرب مملکت کی کالونی نہیں، عرب شہزادوں کا منہ اٹھاکر یہاں چلے آنااور ہماری قومی غیرت و حمیت کو پامال کرتے ہوئے یہاں شکار کے نام پر عیاشیاں کرنا غیرت مند پاکستانیوں کو کسی صورت قبول نہیں ہے۔ اس ظلم کے خلاف ایم ڈبلیوایم ہر فورم پر آواز بلند کرے گی۔
