وحدت نیوز(لاہور) مجلس وحدت مسلمین پاکستان کا قافلہ انقلاب مارچ میں سربراہ مجلس وحدت مسلمین پاکستان علامہ راجہ ناصرعباس جعفری کی قیادت میں سینکڑوں گاڑیوں اور ہزاروں کارکنان کے ہمراہ ماڈل ٹاوُن سے اسلام آباد کے لئے روانہ ہوگیا،قافلے میں مجلس وحدت مسلمین پاکستان کے مرکزی رہنماوں علامہ شفقت شیرازی،علامہ احمد اقبال رضوی،علامہ اعجاز بہشتی،علامہ عبدالخالق اسدی سیکرٹری جنرل پنجاب،سید اسد نقوی،علامہ امتیاز کاظمی،علامہ سید جعفر موسوی بھی شریک ہیں قافلے کی روانگی سے قبل کارکنان سے خطاب کرتے ہوئے علامہ راجہ ناصر عباس جعفری کا کہنا تھا کہ ہم اس وطن کے جانثار اور وفادار بیٹے ہیں اس دھرتی کی حفاظت کے لئے ہم جانوں کا نظرانہ پیش کرنے سے دریغ نہیں کریں گے ہمارا یہ مارچ ملک میں آئین کی حقیقی نفاذ کے لئے ہیں ہم نے 22ہزار اپنے پیاروں کے لاشے اُٹھائے اور اس کے باوجود ملک میں ہمیشہ امن اور محبت کا درس دیا ہم نے اپنی عوامی اور پرامن احتجاج کی طاقت سے کو ئیٹہ کی رئیسانی کو اقتدار سے فارغ کیا تھا انشااللہ اسی طرح اس پر امن مارچ سے اسلام آباد اورپنجاب کے رئیسانیوں سے اس قوم کو آزاد کرائیں گے۔

کاروان انقلاب  کے استقبال کے لئے جی ٹی روڈ کے تمام اضلاع کے سیکرٹری جنرلزہر ضلع میں  کیمپ  اور مارچ میں شامل شرکاء کے لئے سبیل اور کھانے کا بندوبست کریں گے اسی طرح اسلام آباد میں بھی شرکاء انقلاب مارچ کے لئے بھر پور انتظامات کریں گے۔

وحدت نیوز(لاہور)وزیر اعظم نواز شریف کے خطاب پر سربراہ مجلس وحدت مسلمین ہاکستان علامہ ناصر عباس جعفری کا ردعمل
گذشتہ انتخابات تاریخ کے متنازعہ ترین انتخابات تھے۔
وزیر اعظم شفاف انتخابات کے انعقاد کا جھوٹا رونا روتے رہے۔
عجیب الیکشن تھا کہ جس میں جیتنے اور ہارنے والے دونوں دھاندلی کا رونا رو رہے ہیں ۔
ملک میں قیام امن کے دعوے دار زویر اعظم کوئٹہ کے سو سو جنازے بھول گئے، پاک افواج کے جوانوں کے سر بریدہ لاشے بھول گئے۔
ماڈل ٹاون میں نہتی خواتین کے منہ پر گولیاں برسانہ بھی نواز شریف حکومت کا دلیرانہ اقدام تھا۔
ریاستی دہشت گردی کے جومناظر اہل پاکستان نے اس چودہ ماہ میں ملاحظہ کیئے تاریخ میں اس کی نظیرنہیں ملتی ۔
نواز شریف پر امن عوامی جدو جہد کو دہشت گردی جب کہ نہتے عوام پرپولیس گردی کو قومی دفاع قرار دیتے ہیں ۔
نوازشریف کے لہجے میں کسی آمر کی بو آرہی تھی، میاں صاحب کا انداز بیان ضیا الحق کا عکاس تھا۔
چوری شدہ مینڈیٹ سے اقتدار پر قابض نواز شریف کس منہ سے آئندہ الیکشن کی شفافیت کا دعویٰ کر رہے ہیں۔

وحدت نیوز(لاہور) دفتر مجلس وحدت مسلمین نجف اشرف عراق میں قائد شھید حضرت علامہ السید عارف حسین الحسینی رضوان اللہ علیہ کی سالانہ برسی کی مناسبت سے ایک مجلس عزاء کا انعقاد کیا گیا جس میں حجتہ الاسلام والمسلمین علامہ سرکار حسین النجفی صاحب نے خطاب کیا،جس میں انھوں نے مناقب محمد و آل محمد علیھم السلام کے ساتھ ساتھ قائد شھید رضوان اللہ علیہ کی سیرت پر مفصل روشنی ڈالی ، ان کا کہنا تھا کہ قائد شھید رضوان اللہ علیہ کی سیرت ہمارے لیئے مشعل راہ ہے،جس نے اپنی عملی زندگی اور اعلی قائدانہ صلاحیتوں سے ملت تشیع پاکستان کو جینے کا سلیقہ سکھایا اور انھوں نے اپنی پاکیزہ زندگی میں ملت تشیع پاکستان کے حقوق کے دفاع کے ساتھ ساتھ دوسرے اسلامی مسالک کے ساتھ اتحاد و وحدت کو فروغ دیا۔

انھوں نے ملت تشیع پاکستان کے حقوق کے دفاع کے لیئے اپنی جان کا نذرانہ تو پیش کردیا لیکن استعمار کے سامنے جھکے نہیں ہیں،انھوں نے اپنی سیرت سے یہ ثابت کیا کہ ہم حسینی ہیں کٹ تو سکتے ہیں لیکن استعماری طاقتوں کے سامنے جھک نہیں سکتے،قائد شھید علامہ عارف حسین الحسینی ملت کے کسی ایک طبقے ایک سوچ یا ایک نظریہ رکھنے والوں کے قائد نہیں تھے بلکہ پوری ملت تشیع پاکستان کےقائد تھے یھی وجہ ہے کہ آج بھی ان کی شخصیت ملت تشیع پاکستان میں اتحاد و وحدت کی علامت ہے۔

مجلس عزاء کے اختتام پر سیکریٹری مشاورتی کونسل مجلس وحدت مسلمین نجف اشرف حجت الاسلام الشیخ ارشد علی خان النجفی نے سابقہ جنرل سیکریٹری حجت الاسلام علامہ السید مھدی النجفی کو ان کی حوزہ علمیہ نجف اشرف میں عمدہ خدمات پر خراج تحسین پیش کیا اور انکو الوداعی کلمات کے لیئے دعوت خطاب دی جس میں السید مھدی النجفی نے اپنی تین سالہ کارکردگی پیش کی اس کے بعد سیکریٹری مشاورتی کونسل نے حجت الاسلام و المسلمین الشیخ ناصر عباس النجفی کا بطور نئے جنرل سیکریٹری مجلس وحدت المسلمین نجف اشرف کا اعلان کیا جس پر مجلس عزاء میں موجود طلبا اور علماء کرام نے صلواۃ علی محمد و آل محمد سے ان کا استقبال کیا۔

الشیخ ناصر عباس نجفی صاحب نے اپنے پہلے خطاب مجلس عزاء میں شریک طلبا اور علما ء کرام کا شکریہ ادا کیا اور کہا کہ مجلس وحدت مسلمین پاکستان کی اعلی قیادت اور اراکین مجلس وحدت مسلمین نجف اشرف نے مجھ پر جس اعتماد کا اظھار کیا ہے انشاء اللہ میں اس اعتماد پر پورا اتروں گا،آخر پر لنگر حسینی تقسیم کیا گیا۔

وحدت نیوز(اسلام آباد)مجلس وحدت مسلمین کے رہنما اقرار ملک، سعید رضوی اور ظہیر نقوی نے پنجاب پولیس کی جانب سے سرگودھا، ساہیول، سیالکوٹ، ملتان، لاہور سمیت متعدد شہروں میں مجلس وحدت مسلمین کے کارکنوں کو حراساں کرنے اور دفاتر کے گھیراو کی شدید مذمت کرتے ہوئے اسے حکومتی بکھلاہٹ سے تعبیر کیا ہے اور کہا ہے کہ حکومت اوچھے ہتھکنڈوں سے باز رہے اور غیرجمہوری اقدامات سے گریز کیا جائے۔ رہنماوں نے کہا ہے کہ گذشتہ شب پنجاب حکومت کے ایماء پر لاہو ر میں صوبائی آفس اور اسی طرح دیگر شہریوں میں مجلس وحدت مسلمین کے دفاتر کا گھیراو کیا گیا اور رات کی تاریخی میں چادر اور چار دیواری کا تقدس پامال کرتے ہوئے کارکنوں کو حراساں کرنے کا سلسلہ شروع کردیا گیا ہے اور کئی جگہوں پر گرفتاریوں کی بھی اطلاعات مل رہی ہے،، ایسے اقدامات کی آمرانہ دور میں بھی مثال نہیں ملتی، احتجاج کرنا سب کا جمہوری حق ہے لیکن بادشاہ سلامت نواز شریف کے ایماء پر صوبے بھر میں کارکنوں کو حراساں کا سلسلہ شروع کردیا گیا ہے، ہم بتا دینا چاہتے ہیں کہ اگر کارکنوں کو حراساں کرنے ا اور دفاتر کا گھیراو بند نہ کیا گیا تو ملک گیر احتجاجی دھرنے دیں گے، جو حکومت کے خاتمہ تک جاری رہیں گے۔ پنجاب حکومت ڈاکٹر طاہرالقادری کیخلاف اوچھے ہتھکنڈوں سے باز رہے اور انہیں یوم شہداء منانے سے نہ روکا جائے، کتنے ظلم کی بات ہے کہ ایک طرف پنجاب حکومت نے سانحہ ماڈل کراکے اپنے منہ پر کالک ملی ہے تو دوسری جانب ان شہداء کی یاد منانے سے بھی روکا جارہا ہے۔ انشاء اللہ مجلس وحدت مسلمین ماڈل کے شہداء کے حوالے سے منائے جانے والے پروگرام میں بھرپور شرکت کریگی اور اپنے سنیوں بھائیوں سے اظہار یکجہتی کرے گی۔

رہنماوں نے سنی اتحاد کونسل اور پاکستان عوامی تحریک کے کارکنوں کی گرفتاری بھی شدید مذمت کی۔ رہنماوں کا کہنا تھا کہ حکومت کے دن گنے جاچکے ہیں جلد اس غیرآئینی حکومت سے عوام کو چھٹکارا نصیب ہوگا۔ اقرار ملک نے اسلام آباد کو سیل کرنے اور آئین کے آرٹیکل دو سو پینالیس کے نفاذ کی بھی شدید مخالفت کی اور کہا کہ وزیر اعظم خود اس شق کی زد میں آسکتے ہیں۔انہوں نے کہا کہ سیاسی مقاصد کیلئے فوج کو استعمال کرنے کی شدید مذمت کرتے ہیں۔ راولپنڈی کے سیکرٹری جنرل سعید رضوی نے بتایا کہ مجلس وحدت مسلمین کے زیراہتمام نو اگست کو راولپنڈی کے علاقے ڈھوک سیداں میں جشن آزادی پروگرام باسلسلہ بیاد شہدائے پاکستان کا انعقاد کیا جارہا ہے جس میں جڑواں شہروں سے لوگ شریک ہوں گے، اسی طرح دس آگست کو چاندنی چوک سے جشن آزادی کے سلسلہ میں موٹر بائیک ریلی نکالی جائیگی جو آبپارہ پہنچ کر اختتام پذیر ہوگی۔