وحدت نیوز(لاہور)یکم ذی القعدہ آغاز عشرہ کرامت و روز ولادت با سعادت کریمہ اھلبیت حضرت فاطمہ معصومہ کے پر مسرت موقع کی مناسبت سے تمام عاشقان و محبان اہلبیت علیھم السلام کو مبارکباد پیش کرتے ہوے مرکزی سیکرٹری جنرل ایم ڈبلیو ایم شعبہ خواتین و رکن پنجاب اسمبلی محترمہ سیدہ زہرا نقوی نے اپنے پیغام میں کہا کہ حضرت فاطمہ معصومہ سلام اللہ علیہا فضائل و کمالات کی بلندی پر فائز ہیں اہل بیت علیہم السلام کی زبانی آپ کے فضائل کا بیان ہونا، آپ کے بلند مقام اور عظیم کمالات کی نشاندہی کرتا ہے عبادت و زہد، پارسائی اور تقوی، صداقت اور حلم، مشکلات و مصائب میں صبر و استقامت، جود و سخا، رحمت و کرم، پاکدامنی اور ذکر و یاد الہی سے اس پاک ہستی کی سیرت مبارکہ مزین ہے۔

 ان کا کہنا تھا کہ آپ سلام اللہ علیھا کو معصومہ کا لقب آپؑ کے بھائی آٹھویں امام حضرت امام علی رضا علیہ السلام نے عطا فرمایا امام سے روایت ہے "جو شخص معصومہ کی قم میں زیارت کرے، اس شخص کی طرح ہے جس نے میری زیارت کی" حضرت بی بی معصومہ کا امام رضا (ع) سے رابطہ اور تعلق صرف بھائی اور بہن کی محبت اور خونی رشتہ کا نہیں تھا بلکہ ایک پاکیزہ کردار اور طیب و طاہر انسان ، الہی نمائندہ اور امام کے عنوان سے تھا اور آپ کا اپنے بھائی امام رضا (ع) سے عشق اور لگاؤ فضائل اور کرامات سے لگاؤ تھا ان مذید کہنا تھا کہ جناب فاطمہ معصومہ سلام اللہ علیھا کی سیرت طیبہ تمام خواتین کے لیے نمونہ عمل ہے اپنے وقت کے امام کی معرفت رکھنا انکی اطاعت کرنا ،  ان کی نصرت کے لیے آلام و مصائب تحمل کرنا اور ہر قسم کی قربانی دینے کے لیے آمادہ رہنا حضرت معصومہ قم کی عظیم سیرت و کردار کی روشن مثالیں ہیں۔

وحدت نیوز(کوئٹہ)مدرسہ خاتم النبیین شعبہ خواتین کوئٹہ کے زیراہتمام حضرت سیدہ فاطمہ معصومہ سلام اللہ علیہا کے یوم ولادت باسعادت کے موقع پر یوم دختر منایا گیا۔یوم دختر کی مناسبت سے بچیوں میں پھولوں کے تحفے تقسیم کئے گئے اور کیک کاٹا گیا۔

 بیٹیوں کے عالمی دن کے موقع پر تقریب سے خطاب کرتے ہوئے مجلس وحدت مسلمین پاکستان کے مرکزی رہنما مقصود علی ڈومکی نے کہا ہے کہ بیٹی رحمت ہے اور ہمیں چاہئے کہ بیٹیوں کی قدر کریں اور ان کی بہتر تعلیم اور تربیت کا اہتمام کریں۔ زمانہ جاہلیت میں بیٹی کو ذلت کی علامت سمجھا جاتا تھا مگر رسول رحمت صلی اللہ علیہ وآلہ وسلم نے اسلامی تعلیمات کی روشنی میں بیٹی کی عظیم قدر و منزلت کو بیان کیا اور اسے رحمت پروردگار قرار دیا۔ بیٹیوں کی بہتر تعلیم و تربیت کے ذریعے ہم معاشرے کی اصلاح کر سکتے ہیں۔

انہوں نے کہا کہ یکم سے گیارہ ذوالقعدہ تک پوری دنیا میں عاشقان اھل بیت کی جانب سے عشرہ کرامت منایا جاتا ہے جو آل رسول سے تعلق رکھنے والی دو عظیم ہستیوں حضرت سیدہ فاطمہ معصومہ سلام اللہ علیہا اور امام ہشتم حضرت امام علی رضا علیہ السلام کے ایام ولادت باسعادت پر مشتمل ہے اس دوران مدرسہ خاتم النبیین کوئٹہ کے زیراہتمام تصویری نمائش اور جشن میلاد کا خصوصی اہتمام کیا جائے گا۔

انہوں نے کہا کہ اسلام دشمن سامراجی قوتیں اپنی دشمنی اور خباثت سے باز آنے کے لیے تیار نہیں ہیں حال ہی میں صیہونی لابی اور استکباری قوتوں کی حمایت سے امام ہشتم حضرت امام علی رضا علیہ السلام اسلامی تعلیمات انقلاب اسلامی اور روضہ اقدس امام ہشتم کی شان میں گستاخی پر مبنی شرمناک فلم تیار کی گئی ہے جس کا عنوان رکھا گیا ہے عنکبوت مقدس۔ دین اسلام اور اھل بیت علیھم السلام کی شان اقدس میں صیہونی لابی کی یہ جسارت ناقابل معافی جرم ہے۔ جسے اسرائیل کی صیہونی لابی کی مکمل حمایت حاصل ہے۔

وحدت نیوز(کوئٹہ)مجلس وحدت مسلمین کے مرکزی رہنماء اور امام جمعہ کوئٹہ علامہ سید ہاشم موسوی نے اپنے بیان میں پاکستانی وفد کی اسرائیلی صدر سے ملاقات کی شدید مذمت کرتے ہوئے کہا ہے کہ قرآن میں اللہ تعالیٰ نے فرمایا ہے "یٰاَیُّھَا الَّذِیْنَ اٰمَنُوْا لَا تَتَّخِذُوا الْیَھُوْدَ وَالنَّصَارٰی اَوْلِیَاء" یعنی اے اہل ایمان یہود و نصاریٰ کو اپنا دوست نہ بناؤ۔ اگرچہ یہ آیت عام یہودی اور عام نصرانی، جن میں مسلمانوں کے حوالے سے دشمنی نہ ہو، ان سے رابطہ کرنے سے متعلق ہے۔ اسرائیل جو صہونیوں کا مرکز اور اسلام دشمنی میں سب سے پیش پیش ہے، کے ساتھ رابطہ کرنے والوں کو امت مسلمہ کبھی معاف نہیں کرے گی۔ انہوں نے کہا کہ اسرائیل نے واضح طور پر مسلمانوں کے قبلہ پر قبضہ کیا۔ فلسطینی مسلمانوں کو انکے اپنے علاقہ سے نکالا، انکا خون بہایا، مسلمانوں پر طرح طرح کے مظالم ڈھائے اور مسلسل دیگر اسلامی ممالک پر بدمعاشی کے ذریعے آگے بڑھنے کی کوشش کررہا ہے۔

انہوں نے کہا کہ 2006 میں حزب اللہ نے اسرائیل کو شکست فاش دی، مگر اسرائیل نے ارادہ کرلیا ہے کہ وہ نیل سے فرات تک کی سرزمین پر قبضہ کرلے۔ کیونکہ وہ اس علاقہ کو اپنی سرزمین سمجھتا ہے اور مصر سے عراق تک آنا چاہتا ہے۔ ایم ڈبلیو ایم کے رہنماء نے کہا کہ جو حکومت اسرائیل سے اچھے تعلقات کی خواہشمند ہوگی، اس حکومت کو پاکستانی عوام اور شیعہ، سنی، بریلوی، دیوبندی، اہل حدیث، جماعت اسلامی اور مسلمانوں کے تمام مکاتب فکر کے نزدیک بہت ہی مطعون اور قابل مذمت سمجھا جائے گا اور اس حکومت کے ساتھ عوام کھڑی نہیں ہوگی۔ لہٰذا پاکستانی سفارتی اہمیت رکھنے والے جو موثر افراد اسرائیلی صدر سے ملاقات کیلئے جا چکے ہیں، انہیں توبہ کرنا چاہئے۔ علامہ سید ہاشم موسوی نے کہا کہ پاکستانی حکومت کو یہ سمجھ لینا چاہئے کہ اسرائیل کے ساتھ رابطہ اور معاملات انکے لئے مشکلات کا سبب بنے گا۔ انہوں نے ایک عالم دین کی حیثیت سے کوئٹہ کے مومنین، شہداء یوم القدوس کے ورثاء اور پورے پاکستان کے مسلمانوں کی جانب سے کہا کہ حکومت کی اسرائیل سے اچھے تعلقات کی پالیسی بہت بڑی غلطی اور خرابی ہوگی۔

وحدت نیوز(سکردو) وزیر زراعت گلگت بلتستان کاظم میثم نے کہا ہے کہ سابق وی سی بلتستان یونیورسٹی کو بلتستان کے امن کو تباہ کرنے کیلئے لانچ کیا گیا ہے۔ میڈیا کے نمائندہ کے سوال کا جواب دیتے ہوئے صوبائی وزیر زراعت محمد کاظم میثم نے کہا ہے کہ بلتستان ریجن میں جس طرح کی من مانیوں کے ذریعے یہاں کے امن و تعلیم کو تباہ کرنے کی کوشش ہو رہی ہے وہ ناقابل برداشت ہے۔ وی سی کی مدت پوری ہونے کے باوجود ایک طرف انکو غیرقانونی طور پر نوازا جا رہا ہے تو دوسری طرف غیرقانونی بھرتیوں کا میلہ لگا ہوا ہے۔ بلتستان کے عوام اور یوتھ کے صبر کا پیمانہ لبریز ہو چکا ہے۔ نئے وی سی کی تعیناتی سے قبل انکو فیسلیٹیٹ کرنے والے سہولتکار اصل میں قوم کے مجرم ہیں۔ بلتستان کے علماء، دانشور، یوتھ اور عوام کی جانب سے تحفظات اور شدید خدشات کے باوجود انکو بلانے والے یہاں گھناونا کھیل کھیلنا چاہ رہے ہیں۔

صوبائی وزیر زراعت کا مزید کہنا تھا کہ ضلعی انتظامیہ اور اداروں کو واضح پیغام دیا ہے کہ بلتستان یونیورسٹی کو تختہ مشق بننے نہیں دیں گے۔ مختلف حساسیت چھیڑ کر عوام اور اداروں کو بلیک میل کرنے کا دور ختم ہو چکا ہے۔ بعض شرپسند عناصر عوامی جائز تحفظات کو کم رنگ کرنے کے لیے لوکل نان لوکل یا فرقہ واریت کا سہارا لے کر مذموم عزائم کی تکمیل چاہتے ہیں۔ مخدوش صورتحال کے باوجود بار بار نئی نئی چال چلا کر بلتستان ریجن کی اکلوتی یونیورسٹی کو اے ٹیم بنانے اور اپنے عزیز و اقارب کو نوکریوں پر لگانے کیلئے یونیورسٹی کو تباہی کے دہانے پر پہنچانے کی کوشش کرنے والے ہی اصل مجرم ہیں۔ انکا ہر صورت میں محاسبہ ہوگا۔

وحدت نیوز(اسلام آباد) منسٹر ایگریکلچر گلگت بلتستان و صوبائی رہنما مجلس وحدت مسلمین محمد کاظم میثم نے نو مقرر صوبائی صدر پاکستان تحریک انصاف گلگت بلتستان اور وزیراعلیٰ بیرسٹر خالدخورشید خان سے ملاقات جی بی ہاؤس اسلام آباد میں ملاقات کی ۔

ملاقات میں انہوں نے وزیر اعلی خالد خورشید کو تحریک انصاف کی صوبائی صدارت کی ذمہ داری ملنے پر مبارک باد دی اور پھولوں کا گلدستہ پیش کیا اور اس اہم ذمہ داری میں کامیابی کے لئے دعا کی۔

کاظم میثم نے کہا کہ آپ کی سربراہی میں صوبائی حکومت اپنے فرائض کو مزید بہتر انداز میں انجام دے گی۔ وزیر اعلیٰ خالد خورشید نے وزیر زراعت کاظم میثم کا شکریہ ادا کیا اور ان کی انتھک محنت اور حلقے کے عوام کیلئے ان کی بہترین خدمات کو سراہا۔

وحدت نیوز(گلگت) حکومتوں کا کام عوام کے لئے سہولیات فراہم ہے ناکے عوام اور اداروں کو آمنے سامنے کر کے جنگ کا منظر دنیا کے سامنے پیش کرے امپورٹڈ حکومت نے جو کچھ کیااس کی شدید مذمت کرتے ہیں ۔ ملک کی سالمیت اور وقار کے لئے گلگت بلتستاُن کی عوام ہر قسم کی قربانی دینے کو تیار ہے، انڈیا کی کشمیر میں کی جانے والی جارحانہ کاروائیوں کی بھرپور مذمت کرتے ہیں اور یاسین ملک کی گرفتاری اور پھانسی کے خلاف آواز بلند کرتے رہیں گی ۔ان خیالات کا اظہار مرکزی سیکریٹری یوتھ ایم ڈبلیوایم شعبہ خواتین محترمہ سائرہ ابراہیم نے پانچ رکنی یوتھ کمیٹی کے ہمراہ وزیر اعلیٰ گلگت بلتستان کے معاون خصوصی برائے معدنیات اور ایم ڈبلیوایم کے صوبائی ترجمان محترم الیاس صدیقی سےملاقات کے موقع پر کیا۔

محترم الیاس صدیقی نے کہا کے ہمیں نوجوان نسل کی تربیت پر خصوصی توجہ دینے کی ضرورت ہے تاکے وہ بہترین انداز میں خطے اور ملک کی خدمت کرسکیں، محترمہ سائرہ ابراہیم نے کہا کے ہمیں نوجوانوں کے لئے سیاسی و معاشرتی تبدیلیوں کے حوالے سے شعور بیدار کرنے کی ضرورت ہے۔

 ان کا کہناتھا کے نوجوان نسل کے لئے آگاہی پروگرام کی ضرورت ہے، آل یہود اور سرغنہ امریکہ جس پالیسی کے تحت کام کر کے اسلامک ممالک کے اندر نوجوان نسل کو گمراہی کی طرف لے کے جا رہی ہے ،انہوں نے کہا کے ہم الہی طاقت کو ماننے والی قوم ہیں ہمارا ملک ایک ایٹمی طاقت رکھنے والا ملک ہے اس وقت آل یہود جس طریقے سے ہماری نوجوان نسل کو بربادی کی طرف لے جارہی ہے اس کا واضح ثبوت ملک میں رجیم تبدیل ہونا ہے  اس وقت ملک پاکستان کے اندر ذاتی مفاد سے بالاتر ہو کر آنے والی نسلوں کو اس طریقے سے آگاہی دینی ہو گی کے یہ شیطانی قوتیں یہ حرکتیں اسلامی ممالک میں آکر نہ کریں، اس موقع پر سیدہ رباب، خواہر ثوبیہ بھی موجود تھیں۔