وحدت نیوز(اٹک) مجلس وحدت مسلمین شعبہ خواتین اٹک کی جانب سے ایام فاطمیہ کی مناسبت سے خمسہ مجالس عزا کا اہتمام امامبارگاہ حسینیہ کاملپور سیداں میں کیا گیا ان مجالس عزا سے محترمہ چمن فاطمہ نے زن زندگی اور آزادی اسلام کی نگاہ میں کے عنوان سے خطاب کیا ان کا کہنا تھا کہ دین اسلام نے عورت کے مقام و منزلت بہت عمدہ انداز میں پیش کیا ہے ایک تربیت یافتہ ، دیندار اور مہذب خاتون نہ صرف اپنے گھر کی بلکہ معاشرے کی اصلاح میں اہم کردار ادا کرتی ہے۔

 آخری مجلس عزا سے خطاب کرتے ہوے محترمہ فائزہ بتول نے کہا کہ یہ ایک خاتون کی پرورش اور تربیت ہی تھی جو کربلا میں حضرت عباس ع ، و قاسم ع اور علی اکبر ع جیسے نگینے قربان ہوئے اور دین کے تحفظ اور بقا کا باعث بنے حضرت فاطمتہ الزہرا سلام اللہ علیھا کی ذات مقدسہ کو خواتین کے لیے اسوہ کامل بنا کر پروردگار نے ہم پر اپنا احسان اور لطف و کرم کیا ہے۔

وحدت نیوز(گڑھی یاسین) مجلس وحدت مسلمین تحصیل گڑھی یاسین کے صدر سید نوید علی شاہ نقوی نے بابائے قوم قائد اعظم محمد علی جناح کی یوم پیدائش کے موقع پر جاری بیان میں کہا کہ قائد اعظم محمد علی جناح ایسا پاکستان چاہتے تھے جہاں سب کو یکساں سماجی و معاشی انصاف ملے اور غریب عوام کا معیار زندگی بلند ہو،افسوس یہاں اس کے برعکس امیر امیر سے امیر تر ہورہے ہیں اور غریبوں کی داد رسی کرنے والا کوئی نہیں،آج کے سیاسی لیڈرز ریاست سے زیادہ سیاست بچانے اور ملکی مفادات پر اپنے مفاد کو مقدم سمجھتے ہیں۔

وحدت نیوز(احادیث) حضرت امام جعفر صادق علیہ السلام نے ایک شخص سے جس نے اپنی بیٹی کا نام فاطمہ(سلام اللہ علیہا) رکھا تھا فرمایا
اذا سمیتها فاطمة فلا تسبها و لاتلعنها ولاتضربها

اب جبکہ تم نے اپنی بیٹی کا نام فاطمہ رکھا ہے تو (یاد رکھو) اس سے بدزبانی نہ کرنا، اس پر نفرین نہ کرنا اور اسے تھپڑ نہ مارنا

کافی،ج ۶، ص

مرکزی کردار سازی کونسل مجلس وحدت مسلمین پاکستان

وحدت نیوز(احادیث) عن الامام الصادق عليه ‏السلام لا تَكسَلوا في طَلَبِ مَعايِشِكُم؛ فَإِنَّ آباءَنا كانوا يَركُضونَ فيها ويَطلُبونَها

فرمان امام جعفر صادق علیہ السلام
رزق روزی کو طلب کرنے میں سستی نہ کرو！ ہمارے آباء و اجداد بھی طلب معاش کیلئے دوڑ دھوپ کرتے تھے.

?الفقيه ج3 ، ص157

مرکزی کردار سازی کونسل ایم ڈبلیو ایم پاکستان

وحدت نیوز(لاہور) پچیس دسمبر یوم قائد کی مناسبت سےجاری اپنے پیغام میں مرکزی صدر مجلس وحدت مسلمین شعبہ خواتین محترمہ سیدہ معصومہ نقوی نے کہا کہ قائد اعظم ایک عہد ساز شخصیت کے مالک تھے جن کی قائدانہ صلاحیتوں اور مدبرانہ سیاست نے پوری دنیا میں اپنا لوہا منوایا لیکن ہم نے بحیثیت قوم ان کے فرامین کو یکسر بھلا دیا اور اس مملکت خداداد کو اس مقام پر نہ پہنچا سکے جسکا خواب عظیم قائد نے دیکھا تھا انہوں نے کہا قائداعظم محمد علی جناح رح ایک ایسی مملکت چاہتے تھے جہاں ملک کے تمام شہریوں کو بلا امتیاز رنگ و نسل اور مذہب مساوی حقوق اور ترقی کے مواقع میسر ہوں، وطن عزیز کو قائد اعظم کے خوابوں کے مطابق بنانے کے لیے پوری قوم کو محنت اور لگن سے کام کرنے کی ضرورت ہے

انہوں نے کہا ہم بحیثیت قوم اپنے عظیم قائد کے ویژن کے عین مطابق اپنے اپنے دائرہ کار میں نظم وضبط، ایمان اور اتحاد کے اصولوں پر کاربند رہتے ہوئے اپنے وطن عزیز کے لئے بے لوث کام کریں اور صرف اسی طریقے سے ہم بانیٔ پاکستان کی روح کو حقیقی خراجِ تحسین پیش کر سکتے ہیں۔

 وحدت نیوز(لاہور) قائداعظم محمد علی جناح کے یوم پیدائش کے موقع پر رکن پنجاب اسمبلی محترمہ سیدہ زہرا نقوی نے اپنے پیغام میں کہا قائد اعظم نے مایوس قوم کو ایسی قیادت مہیا کی جو ولولہ انگیز  پرجوش اور مخلص تھی ان کی قائدانہ صلاحیتوں کی دنیا معترف تھی اس عظیم رہنما نے براعظم کا جغرافیہ بدلا اور ہمیں پاکستان جیسا ملک عطا کیا انہوں نے کہا محمد علی جناح نے برصغیر کے مسلمانوں کے لیے علیحدہ وطن کی اہمیت کا احساس کیا، جہاں تمام مسلمان اور دیگر اقلیتیں مذہبی آزادی  اور تمام تر شہری حقوق کے حصول میں دشواری محسوس نہ کریں  قائداعظم کی جدوجہد کے بغیر پاکستان ہمارا مقدر نہیں بن سکتا تھا۔

 ان کا مزید کہنا تھا کہ پاکستان کی یہ بد قسمتی ہے کہ اس کے حکمران طبقے نے قائداعظم کے فرمودات اور ان کے رہنما اصولوں کو یکسر فراموش کر دیا جسکی وجہ سے ملک کو  آج تاریخ کےبدترین حالات کا سامنا کرنا پڑ رہا ہے وطن عزیز نہ صرف معاشی بلکہ سیاسی اور ثقافتی اعتبار سے بھی دن بدن تنزلی کا شکار ہوتا جا رہا ہے وقت کی اہم ضرورت ہے کہ حکمران اور عوام اپنے محسن کے بے مثال فرمودات کو اپنائیں   اور ان کی روح سے تجدید عہد کریں کہ ان کےنظریات و افکار کو اپنی زندگی کا حصہ بنائیں گے۔