وحدت نیوز(سکردو) مجلس وحدت مسلمین کی کردار سازی کونسل کےرکن مولانا محمد جان حیدری نے 2010 میں جب یہ محسوس کیا کہ یونیورسٹی آف کراچی میں انقلاب امام خمینی اور شخصیت امام کے حوالے سے سٹوڈنس کے پاس معتبر منابع سے معلومات نہیں ہے جسکی وجہ سے وہ مختلف شبہات کے شکار ہیں تو اسلامک لرننگ فیکلٹی کے ڈین استاد محترم ڈاکٹر حسام الدین کی نگرانی میں 196 صفحات پر مشتمل تھئسیزلکھااور مرکزی لائیبریری سمیت فیکلٹی اور ڈپارٹمنٹ کی لائبریری میں رکھا تاکہ نسل جوان فکر امام خمینی رہ سے روشناس ہو۔

ان کے مطابق کافی کوشش کے باوجود چھاپ نہ سکا اس بار برسی امام خمینی (رہ) میں عہد کیاہے کہ  پوف ریڈنگ کے بعد چھپواکر پاکستان بھر کی یونیورسٹیز اور گورنمنٹ لائبریریز تک پہنچادینگے تاکہ پاکستان کی تعلیم یافتہ نسل نو انقلاب امام خمینی رہ کی حقیقی آئیڈیالوجی سے آشناہو۔  یہ تھئیسز یونیورسٹی آف کراچی سمیت پاکستان بھر کی جامعات اور گورنمنٹ لائبریریز میں قابل استفادہ ہے۔

انشاء اللہ اسے کتاب کی شکل میں چھپواکر تشنگان راہ عشق، راہ کربلا،راہ حق یعنی راہ خمینی رہ کی خدمت میں ایک مختصر گلدستہ ھدیہ کی صورت میں پیش کیا جائے گا۔ہمارا لاکھوں سلام ہو۔راہ امام۔فکر امام۔مکتب امام۔شھدائے انقلاب۔اور دنیابھر کے پیروان انقلاب اور ولایت پر۔انقلاب امام خمینی رہ کا مرکز کربلاہے اور کربلا کا مرکز غدیر ہے۔عصر حاضر میں مھدویت یعنی معرفت امام زمانہ عجل اللہ کے حصول کےلئے کربلا اور غدیر سے گزرنا لازمی ہے یہ وہ حسینی راستہ ہے جس نے عصر حاضر کی یزیدیت کا عملی مقابلہ کر رکھاہے۔

وحدت نیوز(لاہور) مجلس وحدت مسلمین شعبہ خواتین کی مرکزی صدر سیدہ معصومہ نقوی نے 11 ذی القعدہ میلاد امام رضا علیہ سلام کی مناسبت سے لاھور کے علاقہ آخری منٹ امامبارگاہ قصر سکینہ میں خطاب کیا انہوں نے  فضیلت امام رضا ع اور وظائف منتظران امام زمانہ عج پر گفتگو کی  محفل کے اختتام پر نو منتخب تحصیل صدر محترمہ عندلیب علمدار اور ان کی کابینہ کی حلف برداری کی گئی۔  محترمہ عندلیب علمدار  گزشتہ سالوں میں مجلس وحدت مسلمین شعبہ خواتین لاھور کی فعال رکن رہی ہیں انہیں مرکزی صدر سیدہ معصومہ نقوی کی جانب سے  واھگہ ٹاؤن اور شالیمار ٹاؤن کے پانچ علاقوں کا صدر منتخب کیا گیا ۔

علاقہ آخری منٹ ، دروغہ والا ، سلامت پورہ ، مومن پورہ ،مناواں جلو موڑ سے واھگہ بارڈر تک اور شالیمار ٹاؤن کے پانچ علاقہ جات جس میں فیض باغ ، سوامی نگر ، انگوری اسکیم ، رام گڑھ اور لال پل شامل ہیں محترمہ عندلیب علمدار بطور  تحصیل صدر مجلس وحدت مسلمین شعبہ خواتین کی جانب سے اپنے فرائض انجام دیں گی اور  یونٹ سازی کے عمل کو آگے بڑھائیں گی اس موقع پر مرکزی رہنما محترمہ فرحانہ فصاحت اور محترمہ عصمت بتول بھی مرکزی صدر سیدہ معصومہ نقوی کے ہمراہ موجود تھیں۔

وحدت نیوز(سکردو) صدر مجلس وحدت مسلمین گلگت بلتستان آغا سید علی رضوی کا ممبر جی بی کونسل و پولیٹیکل سیکریٹری ایم ڈبلیو ایم گلگت بلتستان شیخ احمد نوری، صوبائی وزیر زراعت و پارلیمانی لیڈر ایم ڈبلیو ایم گلگت بلتستان کاظم میثم، سیکٹریٹری فنانس ایم ڈبلیو ایم جی بی کاچو زاہد علی خان و ڈپٹی سیکرٹری جنرل ایم ڈبلیو ایم جی بی کاچو ولایت علی خان کے ہمراہ دارلشفاء حضرت عباس (ع) ہسپتال کا دورہ۔

وفد نے ایڈمنسٹریٹر دارالشفاء ہسپتال عقیل احمد ایڈوکیٹ و ڈاکٹر محمد ابراہیم کے ساتھ ہسپتال کی کارکردگی کے حوالے سے بریفنگ لی۔صوبائی صدر نےمہنگائی کےبدترین دور میں اسپتال میں انتہائی کم قیمتوں پہ چیک اپ اور لیب کی سہولیات اور مفت ادویات کی فراہمی پہ ہسپتال کی ٹیم کی کارکردگی کو سراہا اور مزید بہتر اقدامات اور علاج معالجہ کی سہولیات فراہم کرنے کی ہدایت کی۔

وحدت نیوز(بولان)مجلس وحدت مسلین پاکستان ضلع بولان کی طرف سے ڈھاڈر میں احتجاجی مظاہرہ کیا گیا احتجاجی مظاہرے سے مجلس علماء مکتب اہلبیت بلوچستان کے صوبائی نائب صدر علامہ ذوالفقارعلی سعیدی اور مجلس وحدت مسلین پاکستان ضلع بولان کے صدر سید انورعلی شاہ دوپاسی نے خطاب کیا۔

 اس موقع پر علامہ ذوالفقارعلی سعیدی نے خطاب کرتے ہوئے کہا کہ عقیدہ مہدویت امت مسلمہ کا مشترکہ عقیدہ ہے اور ایک دوسرے کے عقائد کا احترام کرنا تمام مسلمانوں کی ذمہ داری ہے۔انہوں نے کہاکہ گذشتہ دنوں احسن باکسر نامی ملعون نے امام زمانہ ع کی شان میں گستاخی کی جس پر تمام امت مسلمہ سراپا احتجاج ہے۔حکومت پاکستان کو چاہئے کہ اس ملعون کو جلد از جلد گرفتار کرکے سزا دے ۔

وحدت نیوز(ملتان)مجلس وحدت مسلمین ملتان کے زیر اہتمام امام مہدی علیہ السلام کی شان میں گستاخی کرنے والے ملعون احسن باکسر کے خلاف نماز جمعہ کے بعد امام بارگاہ ابو الفضل العباس سے چوک کمہاراں تک احتجاجی ریلی نکالی گئی، ریلی کی قیادت قائم مقام ضلعی صدر مرزا وجاہت علی نے کی۔ ریلی میں ایم ڈبلیو ایم کے مرکزی رہنما سلیم عباس صدیقی، ایم ڈبلیو ایم عزاداری ونگ کے صوبائی صدر انجینئر سخاوت علی سیال، آئی ایس او ملتان کے ڈویژنل صدر ابوذر ہادی، مولانا ہادی حسین، مولانا غلام جعفر انصاری، اور دیگر نے شرکت کی۔ ریلی کے شرکاء نے گستاخ امام مہدی کے خلاف شدید نعرے بازی کی اور اسے گرفتار کر کے قرار واقعی سزا کا مطالبہ کیا۔

 ریلی کے شرکاء سے خطاب کرتے ہوئے ایم ڈبلیو ایم کے رہنماؤں کا کہنا تھا کہ حکومت ابھی تک گستاخ امام مہدی کو گرفتار کرنے میں ناکام ہے، پورا ملک سراپا احتجاج ہے لیکن حکومت ٹس سے مس نہیں ہو رہی، ہم حکومت سے مطالبہ کرتے ہیں کہ فی الفور احسن باکسر نامی گستاخ امام مہدی کو گرفتار کر کے قرار واقعی سزا دی جائے، رہنماؤں نے کہا کہ ایک منظم سازش کے تحت ملک کے حالات خراب کیے جا رہے ہیں جس کی اجازت کسی صورت نہیں دی جائے گی، یہ ملک ہمارا ہے اور ہمیں اس ملک ک امن عزیز ہے، ریلی میں عون رضا انجم ایڈووکیٹ، احسن مہدی، دلاور زیدی، عاطف سرانی، غلام حسنین انصاری، اظہر جوئیہ ایڈووکیٹ، احتشام حیدر سمیت دیگر بھی موجود تھے۔

وحدت نیوز(کراچی) صدر مجلس وحدت مسلمین پاکستان کراچی ڈویژن وخطیب جمعہ جامع مسجد حیدری اورنگی ٹاون ویسٹ علامہ شیخ محمد صادق جعفری نے خطبہ جمعہ میں کہا کہ  حکومت پاکستان اور ریاستی ادارے گستاخِ  امام زمانہ ملعون احسن باکسر کو فورا گرفتار کرکے قرار  واقعی سزا دیں۔گستاخ کو گرفتار نہ کیا گیا تو مکتب تشیع احتجاج کیلئے کسی بھی حد تک جاسکتےہے۔

انہوں نے مزید کہا کہ امام زمانہ کی عظمت پر ہم اپنی جان اور مال اور اولاد کو قربان کرنے سے دریغ نہیں کرینگے۔دنیا کی ریڈنگ لائن کچھ بھی ہوسکتی ہےمگر شیعیان حیدر کرار کی آخری ریڈ لائن امام زمانہ ع ہیں۔مجلس وحدت مسلمین پاکستان نے ملک بھر احتجاجات کا آج سے باقاعدہ اعلان کیا ہے آج کے بعد پورے ملک میں احتجاجی مظاہروں کا سلسلہ شروع ہوگیا ہے،کراچی کے عوام متوقع احتجاجی کال کیلئے تیار رہیں۔