وحدت نیوز(شکارپور) الیکشن کمپئن پر مشاورت کے سلسلے میں مجلس وحدت مسلمین ضلع شکار پور کا مشاورتی اجلاس وحدت ہاؤس شکار پور میں ضلعی صدر اصغر علی سیٹھار کی زیر صدارت منعقد ہوا۔ اجلاس میں مرکزی سیکرٹری تنظیم سازی علامہ مقصود علی ڈومکی نے خصوصی طور پر شرکت کی۔ اس موقع پر اجلاس سے خطاب کرتے ہوئے علامہ مقصود علی ڈومکی نے کہا کہ بلاتفریق رنگ و نسل اور مذہب انسانیت کی خدمت کا عزم، حب الوطنی، انقلابی افکار اور ملک و قوم کی تقدیر بدلنے کا عزم مصمم لے کر مجلس وحدت مسلمین کے امیدوار انتخابات میں حصہ لے رہے ہیں۔

کمترین وسائل کے باوجود ہم عزم و ہمت کے ساتھ مخالفین کا مقابلہ کریں گے۔ اس موقع پر خطاب کرتے ہوئے ضلعی صدر اصغر علی سیٹھار نے کہا کہ جنہوں نے پانچ سال قومی دولت کو دونوں ہاتھوں سے لوٹا، وہ دولت کے زور پر ایک مرتبہ پھر عوام پر مسلط ہونا چاہتے ہیں۔ اجلاس میں ایم ڈبلیو ایم امیدواروں کی الیکشن کمپئن کے لئے سوشل میڈیا ٹیم تشکیل دی گئی، جبکہ حلقہ این اے 193 اور پی ایس 7 شکار پور کے دورہ جات کا شیڈول مرتب کیا گیا۔ اجلاس میں فیصلہ کیا گیا کہ آئندہ ہفتے ورکز کنونشن منعقد کیا جائے گا۔ اجلاس میں صوبائی سیکرٹری روابط فدا عباس، اراکین ضلعی کابینہ کے علاؤہ چاروں تحصیلوں کے ذمہ داران شریک ہوئے۔

وحدت نیوز(کوئٹہ)کوئٹہ الیکشن ٹربیونل نے سید عباس آغا کو الیکشن لڑنے کی اجازت دے د ی ۔عدالت عالیہ میں الیکشن ٹریبونل نے مجلس وحدت مسلمین کے نامزد امیدوار برائے حلقہ پی بی 40 سید عباس آغا کی اپیل پر سماعت کی۔

 الیکشن ٹریبونل نے سید عباس آغا کے کاغذات کو مکمل اور درست قرار دیتے ہوئے انہیں الیکشن میں حصہ لینے کی اجازت دے دی۔ سید عباس آغا  مجلس وحدت مسلمین کے انتخابی نشان خیمہ کے ساتھ الیکشن لڑیں گے۔

وحدت نیوز(سکردو)رکن جی بی کونسل و پولیٹیکل سیکریٹری مجلس وحدت مسلمین گلگت بلتستان شیخ احمد علی نوری نے شھید سید ضیاء الدین رضوی کے برسی کے موقع پر اپنے پیغام میں کہا کہ شہید سید ضیاء الدین رضوی ہمہ جہت شخصیت کے مالک تھے۔شہید اتحادبین المسلمین کے بہت بڑے حامی تھے اور علاقہ میں مذہبی ہم آہنگی کو برقراررکھنے میں لازوال کردار ادا کیا۔

انہوں نے کہا کہ شہید نے گلگت بلتستان کے عوام کے اجتماعی،سیاسی، سماجی اور تعلیمی حقوق کیلئے بھرپور جدوجہدکی۔انہوں نے مزید کہا کہ اُن کے افکار و نظریات نوجوانوں کیلئے مشعل راہ ہیں جنہیں اجاگر کرنے کی اشدضرورت ہے اور اُن کی خدمات کو کبھی فراموش نہیں کیا جاسکتا۔

وحدت نیوز(راولپنڈی) مجلس وحدت مسلمین ضلع راولپنڈی کی ضلعی شوریٰ کا اجلاس 7 جنوری 2024 (اتوار) مسجد و امام بارگاہ قصر سکینہ بنت الحسین ع ڈھوک حسو راولپنڈی میں منعقد ھوا جس میں تحصیل و یونٹس کے عہدیداران نے گزشتہ دورانیہ کی اپنی اپنی کارکردگی رپورٹس پیش کیں اور کارکردگی کو مزید بہتر بنانے کیلئے چند بہت اہم تجاویز بھی پیش کیںمجلس وحدت مسلمین ضلع راولپنڈی کی رپورٹ کے علاوہ مجلس کے مختلف شعبوں کا آئندہ چار ماہ کا پروگرام بھی پیش کیا گیا۔

ضلعی صدر سید اعوان علی شاہ نے صوبیدار (ریٹائرڈ) محمد رضا کو ضلع راولپنڈی کا نائب صدر نامزد کیا پنجاب کے صوبائی صدر علامہ سید علی اکبر کاظمی نے صوبیدار محمد رضا سے حلف لیا۔

اجلاس میں ضلعی کابینہ کے اراکین مولانا غلام محمد عابدی، سید تصور عباس ہمدانی، ناصر عباس، مولانا گلفام حسین، ناصر حسین، اختر عباس، سید سجاد حیدر نقوی برادرناصرعباس بلتی اور محمد کاظم کے علاوہ صوبائی سیکریٹری تعلیم نجیب الحسن نقوی نے بھی شرکت کی۔

وحدت نیوز(لاہور) مجلس علماء مکتب اہلبیت ضلع لاہور کااجلاس صوبائی سیکرٹریٹ مجلس وحدت مسلمین پاکستان لاہور میں منعقد ہوا جس میں ضلعی کابینہ مجلس علماء مکتب اہلبیت کے علمائے کرام نے شرکت کی ۔ صوبائی آفس سیکرٹری مجلس وحدتِ مسلمین صوبہ پنجاب بطور مبصر اس اجلاس میں شریک ہوئے ۔ اجلاس میں گذشتہ کارکردگی کا جائزہ لیا گیا  اور ضلعی کابینہ کے اندر ذمہ داریوں کے حوالے سے ردوبدل کیا گیا ۔ سیکرٹری مالیات،تبلیغات،نشرواشاعت ،نائب صدر کے ناموں کا اعلان کیا گیا ۔

اگلے مرحلے میں نئے جذبےاورولولے کے ساتھ کاموں کی تقسیم کار کے بعد اس عزم کے ساتھ اجلاس کا اختتام کیاگیا کہ جیسے بھی ہو تمام امور دستور کے مطابق انجام دیئے جائیں اور اس راہ میں پیش آنے والی ہرقسم کی رکاوٹ کو ملکر عبور کرنا ہوگا ۔ آخر میں اپنی مدد آپ کے تحت ضلع لاہور کو مینج کرنے اور ضلع لاہور کو آئیڈیل ضلع قرار دینے کے لئے ملکر کام کرنے پر اتفاق کیا گیا ۔

وحدت نیوز(لاہور)مجلس وحدت مسلمین کے لاہور کےحلقہ 172 کے نامزد امیدوار جناب سید فخر حسنین ضوی کا اپنے وفد کے ہمراہ مجلس وحدت مسلمین کے صوبائی صدر جناب علامہ سید علی اکبر کاظمی سے ملاقات،اس ملاقات میں صوبائی سیکرٹری سیاسیات جناب سید حسین شاہ زیدی، اقبال ٹائون کے صدر جناب سید فیضان نقوی ضلعی صدر لاہور جناب نجم عباس خان صوبائی آفس سیکرٹری ظہیر کربلائی کے علاوہ دیگران مجلس وحدت ضلع لاہور کے عہدیداران اور مختلف ٹائونز کے کارکن بھی موجود تھے ۔

 علامہ سید علی اکبر کاظمی نے ملکی موجودہ سیاسی صورتحال پر پربہترین انداز سےبریف کیا  ۔ مجلس وحدت مسلمین پاکستان کے نامزد امید وار جناب سید فخر حسنین رضوی نے اپنے حلقے کے مسائل اورباقاعدہ الیکشن مہم شروع کرنے پر صوبائی صدر کو آگاہ کیا ۔ صوبائی صدر مجلس وحدت مسلمین پاکستان نے کہا حلقے میں کارنرز میٹنگ اور الیکشن کمپین کا آغاز کردیا جائے صوبائی سیکرٹری سیاسیات جناب سید حسین شاہ زیدی نے کہا کہ مجلس وحدت مسلمین پاکستان نے ملک بھر میں اپنے امیدوارالیکشن کے لئے میدان میں اتارے ہیں ۔ ہمارا منشور واضح ہے ۔ اس لئے لوگ کنونس ہو کر ہماری باتوں کو سنجیدہ لے رہے ہیں ،میں سید فخرحسنین رضوی کو یقین دلاتا ہوں کہ مجلس وحدت آپ کی اخلاقی تعاون جاری رکھے گی ۔

 مجلس وحدت مسلمین پاکستان کی مرکزی سیاسی کونسل دن رات ایک کیے الیکشن 2024 پر فوکس کیے ہوئے ہے ۔ ہم نے نہ پہلے کسی کو ناامید کیا ہے اور نہ ہی اب ناامید کریں گے ۔ ان شاءاللہ لاہور کے حلقہ 172 کے نامزد امید وارجناب سید فخر حسنین رضوی نے بتایا کہ میں حلقے پہلی مرتبہ نہیں جا رہا بلکہ حلقے کے عوام مجھے جانتے ہیں میںنے کونسلر کے انتخابات کے لئے بھی اپنی کمپین چلائی تھی ۔ اس وقت بھی عوامی حمایت دوسرے کے مقابلے میں مجھے حاصل تھی اب ان شاءاللہ عوام کے پا س جاکر میں اپنی انتخابی مہم کا باقاعدہ آغاز کردیا ہے ۔ صوبائی صدر صاحب کا بھی مشکور ہوں کہ انہوں نے بھی مجھے حوصلہ دیا اور مجھے اتخابی مہم کے لئے باقاعدہ گو ہیڈ دیا ہے ۔ میں ان شاءاللہ مرکز اور صوبے کی پالیسی کو اپنی انتخابی اولین ترجیح دونگا ۔ اور عوامی امنگوں پر پورا اترنے کی بھر پور کوشش کرونگا ۔یہ ملاقات واشنگ لائن میں ہوئی جو ایک گھنٹے تک جاری رہی۔