وحدت نیوز(اسلام آباد) ترجمان مجلس وحدت مسلمین پاکستان شہریار سید نے مرکزی میڈیا سیل سے جاری اپنے مذمتی بیان میں کہا ہےکہ گورنر سندھ کامران ٹیسوری ہوش کے ناخن لیں!
ہماری عبادات اور زیاراتِ مقاماتِ مقدسہ کو اپنے گندے سیاسی مقاصد کی بھینٹ چڑھانے سے باز رہیں۔
ہم وہ حسینی ہیں جو سر کٹا سکتے ہیں، مگر راہِ امام حسینؑ سے ایک انچ بھی پیچھے ہٹنے کو تیار نہیں۔
شیعہ قوم نے ہمیشہ جابر حکمرانوں کے سامنے سجدہ نہیں کیا بلکہ ہاتھ کٹوا کر بھی زیارتِ امام حسینؑ کا فریضہ انجام دیا۔
آج یہ کرپٹ اور مسلط شدہ حکمران ٹولہ ہمیں درس دے رہا ہے کہ مذہب کیا ہے اور سیاست کیا؟
ہم ایسے کسی بھی حکم یا پابندی کو نہ ماضی میں تسلیم کرتے تھے، نہ آج کریں گے، جس سے دشمنانِ وطن کے بیانیے کو تقویت ملے۔
گورنر سندھ یاد رکھیں! ہم بانیانِ پاکستان کی اولاد ہیں۔
ہمیں یہ وطن عزیز قربانی دے کر ملا ہے اور آئینِ پاکستان نے ہمیں مکمل مذہبی آزادی دی ہے۔
ہم اپنے اس آئینی حق پر کسی کو ڈاکا ڈالنے نہیں دیں گے!
حسینی کاروان ہر حال میں کل ریمدان بارڈر کی طرف روانہ ہوگا۔
یہ ہمارا عقیدہ ہے، ہمارا عزم ہے، اور ہمارا آئینی حق ہے۔
