وحدت نیوز(راولپنڈی) مجلس وحدت مسلمین پاکستان کےزیر اہتمام لیاقت باغ راولپنڈی میں منعقدہ قرآن واہل بیت ؑ کانفرنس سے خطاب کرتے ہوئے ایم ڈبلیوایم کے مرکزی سیکریٹری تعلیم و چیئرمین کانفرنس نثارعلی فیضی نے کہا کہ ہمارا سلام ہو شہدائے اسلام ، شہدائے ملت پر ہمارا سلام ہو شہید قائد علامہ عارف حسین الحسینیؒ پر کے جن کی شہادت کے 33سال بعد بھی ملت جعفریہ ان کی راہ پر گامزن ہے، ملت کی سربلندی کا یہ سفر شہید قائد کےراستے پر جاری ہے ، شہید کی بے مثال قیادت کے وہ چند سال مشعل راہ ہیں ، ہم آج اس عظیم اجتماع میں اس عزم کا اعادہ کرتے ہیں کہ ہر صورت شہید کی راہ کو زندہ رکھیں گے۔

انہوں نے کہا کہ ملک کے طول وعرض سے شہید قائد کو خراج تحسین پیش کرنے کیلئے اس اجتماع میں تشریف لانے والے تمام عاشقان شہید حسینیؒ کوسلام پیش کرتے ہیں، قرآن واہل بیت ؑ کانفرنس میں شیعہ سنی علماء کی شرکت اس بات دلیل ہے کہ پاکستان میں شیعہ سنی میں کوئی اختلاف نہیں ان مخصوص فسادی ٹولا پاکستان کو عدم استحکام سے دوچار کرنے کے درپہ ہے۔

وحدت نیوز (راولپنڈی) مجلس وحدت مسلمین پاکستان کےزیر اہتمام لیاقت باغ راولپنڈی میں منعقدہ قرآن واہل بیت ؑ کانفرنس سے خطاب کرتے ہوئے ایم ڈبلیوایم صوبہ سندھ کے سیکریٹری جنرل علامہ سید باقرعباس زیدی نے کہا کہ شہید قائدپاکستان میں عالمی استعمار کی شناخت کا ہنررکھتے تھے ، دشمن کی سازشوں سے آگاہی اور ان کے مقابل کامیاب حکمت عملی کے حامل تھے ۔

انہوں نے کہا کہ ملی یکجہتی کونسل بین المسالک ہم آہنگی کے لئے منعقدہ اجلاسوں کو صوبائی، ضلعی ، تحصیل سطح تک منعقد کرے تاکہ مسالک کے درمیان یکجہتی کی فضاء برقرار رہے، دشمن شیعہ سنی کے درمیان فتنہ ایجاد کرنے کی کوششوں میں مصروف ہے اور آنے والا محرم الحرام اس کام کیلئے انتہائی مناسب وقت ہے جس کے سامنے رکاوٹ بننے کیلئے سنجیدہ قسم کے شیعہ سنی علماء کوسامنے آنا ہوگا، شہید قائد عارف حسین الحسینیؒ کا بھی یہی پیغام تھا کہ شیعہ اور سنی دو بازوں ہیں جنہوں نے مل کر اس وطن کی بنیاد رکھی۔

وحدت نیوز(راولپنڈی) مجلس وحدت مسلمین پاکستان کےزیر اہتمام لیاقت باغ راولپنڈی میں منعقدہ قرآن واہل بیت ؑ کانفرنس سے خطاب کرتے ہوئے حزب اللہ لبنان کے نائب سربراہ شیخ نعیم قاسم نے کہا کہ شہید علامہ عارف حسین الحسینیؒ پاکستان کا وہ اثاثہ تھےجنہوںنے عالمی سطح پر اسلامی تحریک کو شناخت بخشی، شہید حسینیؒ کی شخصیت نا صرف پاکستان بلکہ دنیا بھر کےلئے ابھرتا ہوا ستارہ تھا، ملت اسلامیہ کیلئے ان کی خدمات بہت زیادہ تھیں، 1973 سے آپ نے امام خمینیؒ کی شاگردی اختیار کی اور انقلاب اسلامی سے قبل بڑی بڑی علمی شخصیات کے سامنے زانوئے تلمذ طے کیئے۔

شہید حسینیؒ نے شاہ ایران کےخلاف ہونے والے مظاہروں میں شرکت کی جس کے  سبب انہیں ملک بدر کیا گیا اور آپ پاکستان واپس لوٹ آئے اور وہاں اپنا وظیفہ انجام دینا شروع کیا، آپ امام خمینیؒ کے بہت قریبی اور محبوب انسان تھے اور یہ قرب طبعی تھاکیوں کے آپ ابتدا ء ہی سے امام خمینیؒ کے لائق ترین شاگرد بھی تھے اورتمام جہات میں امام ہی سے رہنمائی لیتے تھے ، آپ ایسے عالم تھے کہ سیاسی فقہی اجتماعی اخلاقی حوالے سے نمونہ سمجھے جاتے تھے بلکہ واقعا ً اس امت اور قوم کے لئے ایک رول ماڈل شخصیت تھے، 1988 میں انہیں اس لئے قتل کیا گیا اور ان کے قتل اس بات کی دلیل ہے کہ دشمن ان کی شخصیت اور موثرفعالیت کو برداشت نہیں کرپا رہا تھا۔

انہوں نے کہا کہ آج ہم شہید کی برسی منا رہے ہیں ، میں شکریہ ادا کرتا ہوں مجلس وحدت مسلمین پاکستان کا جنہوں نے شہید کی عظیم الشان برسی کا اہتمام فرمایا، بالخصوص سیکریٹری جنرل الشیخ راجا ناصرعباس جعفری کا شکریہ ادا کرتا ہوں ۔اس قسم کے پروگراموں کا انعقادآپ کی طاقت میں اضافے کا سبب بنے گانہ صرف آپ کی طاقت بلکہ پاکستان کی مضبوطی اور اسلام کے استحکام کا سبب بنے گا۔آپ نے ہمیشہ اتحاد و وحدت کیلئے خدمات انجام دیں،اور اسی اتحاد ووحدت کے نتیجے میں ہم نے دنیا بھرمیں نصرت پائی ہے ، پاکستان میں بھی اتحاد ووحدت کے ذریعے ہی کامیابی حاصل کی جاسکتی ہے ، خدا آپ کی توفیقات خیر میں اضافہ فرمائے ۔

وحدت نیوز (راولپنڈی) مجلس وحدت مسلمین پاکستان کےزیر اہتمام لیاقت باغ راولپنڈی میں منعقدہ قرآن واہل بیت ؑ کانفرنس سے بذریعہ ملٹی میڈیا خطاب کرتے ہوئے مجلس اعلیٰ اسلامی عراق کے سربراہ الشیخ حمام حمودی نے کہا کہ آج ہم اس شخصیت کو یاد کررہے ہیں جس نے اپنے خدا سے کیئے ہوئے وعدے کو پورا کردیا ، وہ فنا فی اللہ کی منزل پر فائز تھے، وہ عاشق قرآن تھے، وہ مکتب اہل بیت ؑ کے عظیم فرزند تھا، وہ سید الشہداء ؑ کا سچا عاشق تھا، لوگ امام حسین ؑ کی زیارت کیلئے تین تین روز کا سفر کرتے ہیں لیکن یہ ایسا عاشق حسینؑ تھا جو اپنے معشوق کی زیارت کی خاطر یہ سفر ایک ہی دن میں طے کرتا تھا، یہ وہ شخصیت تھی جس نے پاکستان کی سرزمین پر امت مسلمہ کے درمیان اتحاد یکجہتی کیلئے عظیم قربانی دی۔

انہوں نے کہا کہ شہید عارف حسینی ؒ امام خمینی کے سچے عاشق تھے جنہوں نے انقلاب کے پیغام کی ترویج کیلئے بڑی مشکلات کا سامنا کیا، ان کے قتل میں وہی عالمی استکبار ملوث تھا کہ جس کے اشارے پر آج بھی کئی حکومتیں ناچتی ہیں، جنہوںنے عراق کےمجاہد فرزند علامہ باقر الحکیم کے خون سےاپنے ہاتھ رنگے ہیںبلکہ وہی ہاتھ شہید عارف حسینی کے قتل میں ملوث ہیں جن کا کینہ بغض مکتب اہل بیت کے تمام فرزندوں کیلئے ایک جیسا ہے مگر ہم نے اتحاد وحدت کے ساتھ ان کا مقابلہ کرنا ہے ، مجلس وحدت مسلمین اور اس کی مجاہد قیادت الشیخ راجاناصرعباس جعفری کو اس عظیم شخصیت کی یاد میں اس پرشکوہ اجتماع کے انعقاد پر خراج تحسین پیش کرتا ہوں اور اس عظیم کی پاک دوح کی شادمانی کیلئے دعا گو ہوں۔