وحدت نیوز(اسلام آباد) خطے کی بدلتی صورت حال کے پیش نظر پاکستان اپنی خارجہ پالیسی کو اپنے ہاتھ میں رکھے خطے میں امریکی عزائم کے خلاف مسلم ممالک کا اتحاد ناگزیر ہو چکا ہے۔ ان خیالات کا اظہار مرکزی سیکرٹری سیاسیات مجلس وحدت مسلمین سید اسد عباس نقوی نے اسلام آباد میں چئیرمین مسلم لیگ ن سینٹر راجہ ظفر الحق کے ساتھ وفد کے ہمراہ ملاقات میں کیا۔انہوں نے کہا کہ اسلام آباد ماضی کی طرح ملکی سالمیت اور وقار کے منافی فیصلے کرنے سے پہلے سابقہ نتائج پر غور کر لے ۔

ملاقات میں چیئرمین مسلم لیگ ن سینٹر راجہ ظفر الحق نے وفد سے گفتگو کرتے ہوئے کہا کہ ملکی سلامتی اور وقار کے لیے ملک کی تمام سیاسی مذہبی جماعتیں ایک پیچ پر ہیں ۔ ہم اپنے پڑوسی ممالک کے ساتھ اچھے تعلقات چاہتے ہیں ایران ناصرف ہمارا پڑوسی ملک ہے بلکہ برادر اسلامی ملک بھی ہے جس کے ساتھ ہمارے دیرینہ برادارنہ اور ثقافتی مذہبی تعلقات ہیں امریکہ کی ایران کو دی جانے والی حالیہ دھمیکوں پر شدید تشویش ہے ۔

عرب لیگ کے کردار پر بات کرتے ہوئے انہوں نے کہا کہ عرب لیگ کا مسلم ممالک کے درمیان کشیدگیوں پر کردار مایوس کن ہے ۔انہوں نے مذید کہا کہ مجلس وحدت مسلمین پاکستان کا ملکی سیاست میں مثبت کردار لائق تحسین ہے ایم ڈبلیو ایم نے ہمیشہ دہشتگردی کے خلاف آواز اٹھائی ہے بین المسالک ہم آہنگی کے لئے قابل قدر خدمات انجام دی ہیں ایم ڈبلیو ایم وفد میں مرکزی سیکرٹری یوتھ علامہ اعجاز بہشتی اور مرکزی پولٹیکل کوارڈینٹر سید محسن شہریار بھی موجود تھے۔

وحدت نیوز(کراچی) صوبائی اسمبلی حلقہ پی ایس 105 کےمنتخب رکن محمد علی عزیز(جی جی) کا  مجلس وحد ت مسلمین سندھ سیکریٹریٹ آفس سولجر بازار کا دورہ ۔علاقے کے انتظامی معاملات زیر غور آئے ۔اس دوران سولجر بازار اور اے بی سنیا کے علاقوں میں نکاسی آب,اسٹریٹ لائٹس اور سڑکوں کی صورتحال پر تبادلہ خیال کیا گیا۔ اس دوران مسجد قباء ,در بتول اور شاہ خراسان کے ارکان کی مجلس وحدت مسلمین کے صوبائی رہنما ناصر حسینی نے ایم پی اے محمد علی عزیزی سے ملاقات کروائی اور ان کے مسائل سنے ۔

 دریں اثناء انہوں نے ای بی سنیا میں نکاسی آب کے مسائل حل کرنے کے لئے متعلقہ افراد کو ہدایت جاری  کی۔ ملاقات میں ایم ڈبلیو ایم سندھ کے رہنما ناصر حسینی,ایم ڈبلیو ایم ضلع جنوبی کے  سیکریٹری جنرل برادر حسن رضا,ڈپٹی سیکریٹری جنرل برادر عباس زیدی ,برادر کامران ,برادر شبیر حسینی، برادر آصف اور ایم ڈبلیوایم کراچی ڈویژن کے برادر رضوان پنجوانی موجود تھے ۔ ملاقات کے دوران آئندہ بھی تعاون جاری رکھنے اور علاقے کے انتظامی مسائل حل کرنے کی یقین دہانی کروائی گئی ۔

وحدت نیوز(اسلام آباد) حکومت یوم علی کے جلوسوں کو فول پروف سیکورٹی فراہم کرے۔ جمعہ الوداع کوقبلہ اول کی آزادی اوراپنے فلسطین بھائیوں سے اظہار یکجہتی کرتے ہوئے ملک گیر یوم القدس منایا جائے گا۔پڑوسی ملک ایران پر امریکی پابندیاں اقتصادی دہشتگردی ہے۔ ان خیالات کا اظہار سربراہ مجلس وحدت مسلمین پاکستان علامہ راجہ ناصر عباس جعفری نے پریس کانفرنس سے خطاب کرتے ہوئے کیا۔

 انہوں نے کہا کہ اکیس اور بیس رمضان کو ملک بھر میں حضرت علی ؑ کی شہادت کے جلوس عزا کی فول پروف سیکورٹی کو یقینی بنایا جائے۔اسلام آبادبری امام میں یوم علی کا جلوس صدیوں سے جاری ہے جسے کچھ شرپسندوں کی جانب سے ثبوتاژ کرنے کی کوشش کی جا رہی ہے۔  انتظامیہ شرپسندوں کے خلاف بروقت اقدامات کرئے اور جلوس عزا کو سیکورٹی فراہم کرئے۔

 انہوں نے کہاڈیل آف سینجری مظلوم فلسطینوں کی سرزمین چھینے کا منصوبہ ہے جسے کچھ ناعاقبت اندیش عرب حکمرانوں کی مدد حاصل ہے ہم اس کی شدید مذمت کرتے ہیں۔ فلسطین پر فلسطینیوں کا حق ہے قبلہ اول کی آزادی مظلوم فلسطینی بھائیوں سے اظہاریکجہتی کرتے ہوئے امریکہ اسرئیل اور اس کے اتحادیوں کے خلاف آئندہ ہفتے جمعہ الودع ملک گیر یوم القدس منانے کا اعلان کرتے ہیں۔ ہم دنیا بھر کے مظلومین کے ساتھ ہیں خواہ مظلوم کشمیر کے ہوں ،یمن، بحرین یا فلسطین کے ہوں۔

 ایک سوال کے جواب میں انہوں نے کہا کہ ایران پر پابندی اقتصادی دہشتگردی ہے امریکہ جنوبی ایشیا کو  غیر مستحکم کرنے کی پالیسی پر گامزن ہے۔ پاکستان کو اپنی خارجہ پالیسی کے حوالے سے جرت مندانہ فیصلے کرنا ہوں گئے ۔ امریکہ کی جانب سے  ایران کو جنگ کی دھمکیوں قابل مذمت ہیں۔

انہوں نے مذید کہاکہ ہم حکومت سے ایک مرتبہ پھر مسنگ پرسنز کے معاملے پر کردار ادا کرنے کی اپیل کرتے ہیں غیرقانونی اور غیر آئینی اقدامات کی مذمت کرتے ہیں جتنے بھی شیعہ مسنگ پرسنز ہیں اگر انہوں نے کوئی جرم کیا ہے تو انہیں عدالتوں میں پیش کیا جائے۔ 

وحدت نیوز (کراچی) مجلس وحدت مسلمین کراچی ڈویژن کی جانب سے ایام شہادت امیر المومنین حضرت امام علی ابن ابی طالب علیہ السلام کی مناسبت سے 18تا 20رمضان المبارک تک مختلف اضلاع میں مجالس اور جلوس عزاکا انعقادکیا جائے گا۔ترجمان ایم ڈبلیوایم کراچی سید احسن عباس رضوی نے میڈیا سیل سے جاری بیان میں کہاہے کہ ایم ڈبلیوایم ضلع وسطی کے تحت 20رمضان المبارک بروز اتوار3بچے دن انچولی سوسائٹی میں امام بارگاہ شہدائے کربلا ؑمیں مجلس عزامنعقد ہوگی جس میں علامہ محمدعلی عابدی خطاب کریں گے۔بعد ختم مجلس جلوس عزابرآمد ہوگا جوکہ امام بارگاہ علی اصغر بلاک 20انچولی سوسائٹی پر اختتام پزیرہوگا۔ عزاداروں کیلئے افطارکااہتمام کیاجائے گا۔

ترجمان کے مطابق ایم ڈبلیوایم ضلع ملیر اورحیدری مشن ٹرسٹ کے زیر اہتمام تین روزہ مجالس 18تا 20رمضان المبارک امام بارگاہ حیدری مشن کھوکھراپار میں منعقد ہوں گی ۔ ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی مجالس عزا سے خطاب کریں گے جوکہ ٹھیک بجے شب زیب ممبرہوں گے۔

وحدت نیوز(لاہور) مجلس وحدت مسلمین پاکستان پنجاب کے سیکرٹری جنرل مولانا عبد الخالق اسدی نے امامیہ اسٹوڈنٹس آرگنائزیشن  پاکستان کے 47 ویں یوم تاسیس کے مرکزی پروگرام میں خطاب کرتے ہوئے آتی ایس او کو خدائی تحفہ اور نعمت قرار دیتے ہوئے کہا کہ آئی ایس او نے ملت اور ملک کو محب وطن اور فعال ملی نوجوان فراہم کیئے۔ آئی ایس او کے نوجوان ملت کا بہترین سرمایہ ہیں۔ آئی ایس او کے بانیان خراج تحسین کے حق دار ہیں ۔آئی ایس او پاکستان اور مجلس وحدت مسلمین پاکستان کا اشتراک عمل ملت کی سربلندئ کے لیئے جاری و ساری رہے گا۔

وحدت نیوز (گلگت) سیرت و تعلیمات امام حسن ع کو معاشرے میں عام کرتے ہوے عملی اقدامات اٹھانے کی ضرورت ہے تاکہ اھلبیت ع کے حقیقی پیروکاروں میں شامل ہو سکیں۔ محترمہ سائرہ ابراھیم ایم ڈبلیو ایم شعبہ خواتین گلگت ڈویژن کی جانب س زینب کبری اکیڈمی میں ولادت امام حسن ع کی مناسبت سے جشن اور افطار کا اہتمام کیا گیا جس میں  اکیڈمی کی طالبات کے علاوہ  اہل علاقہ نے بھی شرکت کی۔

  اس جشن سعید سے ایم ڈبلیو ایم شعبہ خواتین کی مرکزی سیکرٹری یوتھ اور سیکرٹری جنرل گلگت ڈویژن محترمہ سائرہ ابراھیم نے خطاب کرتے ہوۓ کہا کہ خداوند کی لطف و عنایت سے ہم اس مبارک ماہ کے رحمتیں اور برکتیں سمیٹ رہے ہیں روزہ ہمیں صبر و برداشت سکھاتا ہے بھوک اور پیاس کی شدت ہمیں ہمارے معاشرے اور آس پاس نادار و تنگدست لوگوں کا احساس دلاتی ہے کہ جو غربت کے باعث فاقے کرنے پر مجبور ہیں اور یہی احساس ہم میں معاشرے میں فقیر و نادار طبقے کا دست و بازو بننے کا جذبہ جگاتا ہے لیکن اگر ہم نے اپنا مقصد فقط بھوکا پیاسا رہنا بنا لیا اور روزے کے حقیقی مفہوم و مقصد کو درک نہ کیا تو حقیقتاً ہماری اس بھوک پیاس نے زحمت کے سوا کچھ نہ دیا۔

 سیرت امام حسن ع پر گفتگو کرتے ہوئے ان کا کہنا تھا کہ امام حسن مجتبیٰ کے یوم ولادت پر فقط ان کے نام کا دسترخوان سجا لینا کافی نہیں بلکہ ان کی سیرت و تعلیمات کو عام کرتے ہوے معاشرے میں عملی اقدامات اٹھانے کی ضرورت ہے تاکہ اھلبیت علیھم السلام کے حقیقی پیروکاروں میں شمار ہو سکیں۔