The Latest
وحدت نیوز(مظفر آباد) مرکزی رہنما مجلس وحدت مسلمین پاکستان خطیب ولایت علامہ اعجاز حسین بہشتی کا دو روزہ دورہ کشمیر کے موقع پر صوبائی شوری کے اجلاس میں شرکت، اجلاس کی کاروائی کا آغاز تلاوت کلام پاک سے کیا گیا ابتدائی کلمات صوبائی صدر علامہ سید یاسر سبزواری صاحب نے ادا کئے جس کے بعد اضلاع اور یونٹس کی کارکردگی پر تفصیلی تبادلہ خیال کیا گیا۔
ظہرین کی نماز کے بعد نشست کا دو بارہ آغاز کیا گیا جس سے خطیب ولایت مرکزی سیکرٹری یوتھ ایم ڈبلیو ایم پاکستان علامہ اعجاز حسین بہشتی نے خطاب کیا، اس موقع پر صوبائی صدر ڈاکٹر علامہ یاسر سبزواری اور صوبائی و ضلعی کابینہ کے افراد موجود تھے۔
وحدت نیوز(جھنگ) حلقہ این اے 109 جھنگ سے پاکستان تحریک انصاف کے کامیاب ممبر قومی اسمبلی شیخ وقاص اکرم کی اپنے حلقے کے معززین اور پارٹی رہنماؤں کے ہمراہ جامعہ شمس العلوم الجعفریہ قائم بھروانہ آمد ، صدر مجلس وحدت مسلمین ضلع جھنگ اور پرنسپل جامعہ ہذٰا مولانا سید روح اللہ کاظمی سے ملاقات ۔
شیخ وقاص اکرم نے ایم ڈبلیوایم کے تمام اراکین جھنگ کی ٹیم اور ضلعی صدر مولانا سید روح اللہ کاظمی کا 8 فروری کے انتخابات میں ان کی مکمل حمایت اور کامیابی میں اہم کردار ادا کرنے پر شکریہ ادا کیا۔
آخر میں شیخ وقاص اکرم نے وفد کے اراکین کے ہمراہ بانی پرنسپل جامعہ شمس العلوم الجعفریہ وسابق صدر ایم ڈبلیوایم ضلع جھنگ علامہ سید اظہر حسین کاظمی کے مرقد پر حاضری بھی دی اور فاتحہ خوانی کی ۔
وحدت نیوز(اسلام آباد) ترجمان مجلس وحدت مسلمین پاکستان نے میڈیا کو جاری بیان میں کہا ہے کہ تحریک تحفظ آئین پاکستان کے سربراہ محمود خان اچکزئی کے خلاف ایف آئی آر کا اندراج قانون کی بالادستی اور آئین کے تحفظ کے لیے کی جانے والی جدوجہد میں رکاوٹ ڈالنے کی کوشش ہے۔جس کی مجلسِ وحدت مسلمین شدید مذمت کرتی ہے۔ایک ایسی تحریک کو کچلنے کی کوشش کی جا رہی ہے جو ملک میں حقیقی جمہوریت کے قیام کے لیے کوشاں ہے۔
تحریک تحفظ آئین پاکستان کی قیادت کو ہراساں کرنے یا اس جدوجہد کو سبوتاژ کرنے کی کوئی کوشش کامیاب نہیں ہو گی۔لاقانونیت کے ہتھکنڈوں سے آئینی بالادستی کی طرف بڑھتے ہوئے قدموں کو روکا نہیں جا سکتا۔ ہماری یہ تحریک پورے عزم و استقلال کے ساتھ اپنے اہداف کی طرف بڑھتی چلی جائے گی۔
وحدت نیوز(سکردو) اپوزیشن لیڈر گلگت بلتستان اسمبلی و پارلیمانی لیڈر ایم ڈبلیو ایم جی بی کاظم میثم نے عمائدین و سرکردگان اور ماہرین کے ہمراہ شگری بالا روڈ کی میٹلنگ پر جاری کام کا جائزہ لیا۔ اس موقع پر محکمہ کے ذمہ داران سے کام کے معیار کو یقینی بنانے پر زور دیا۔ عمائدین سے بھی گزارش کی کہ عوامی نوعیت کے اس اہم منصوبے پر نگرانی رکھیں اور ٹریفک فلو اور کام کی رفتار کو برقرار رکھنے کے لیے عمائدین کی کمیٹی کو میکانزم ترتیب دیں تاکہ کام بروقت مکمل ہو اور پبلک کو بھی کوئی مشکل پیش نہ آئے۔ محکمہ تعمیرات نے یقین دہانی کرائی کہ کام اسی سال مکمل ہوگا اور معیار پر بھی کوئی سمجھوتہ نہیں ہوگا۔
وحدت نیوز(گلگت) اپوزیشن لیڈر گلگت بلتستان اسمبلی و پارلیمانی لیڈر ایم ڈبلیو ایم جی بی کاظم میثم نے عمائدین و سرکردگان اور ماہرین کے ہمراہ یولتر ہائے وے/ شیخ غلام محمد روڈ کی میٹلنگ پر جاری کام کا جائزہ لیا۔ اس موقع پر محکمہ کے ذمہ داران کو عمائدین کے تحفظات سے بھی آگاہ کیے۔ کلورٹس پر کام مکمل ہونے کے فورا بعد میں میٹلنگ پر کام شروع ہوا۔ عوام کے اس اہم اور دیرینہ مطالبے کو مکمل کرنے کے حوالے سے بھی محکمہ تعمیرات کے ذمہ داروں پر زور دیا۔
کم و بیش سات کلومیٹر کی یہ سڑک مکمل ہونے پر عوام کو سہولت کے علاوہ سیاحت کے بھی وسیع مواقع پیدا ہوں گے-اپوزیشن لیڈر نے کواردو قمراہ روڈ پر کام شروع کرنے میں سستی پر محکمہ تعمیرات عامہ پر برہمی کا اظہار کیا تو یقین دہانی کرائی کہ اس ہفتے میں کام شروع بھی ہوگا اور بہترین رفتار کے ساتھ معیار کو یقینی بنائی جائے گی۔
وحدت نیوز(لاہور)انجمن خدام الصوفیہ امیرملت ٹرسٹ،ختم نبوت گلوبل الائنس انٹرنیشنل اور ختم نبوت فاؤنڈیشن انٹرنیشنل کے زیر اہتمام گول میز کانفرنس بسلسلہ تحفظ ناموس رسالت (ص) زیر صدارت جناب عالمی مبلغ اسلام پیر طریقت ،رہبر شریعت محبوب المشائخ الحاج پیر سید منور حسین شاہ جماعتی ، قصر امین شادی ہال علامہ اقبال ٹاون لاہور میں منعقد ہوئی ۔گول میز کانفرنس میں تمام مکاتب فکر اور مسالک کے علماء کرام ، مشائخ عظام اور مذہبی سیاسی اسکالرز نے شرکت ۔ مجلس وحدت مسلمین پاکستان کی نمائندگی کرتے ہوئے جناب حجت الاسلام و المسلمین مولانا ظہیر الحسن کربلائی صوبائی آفس سیکرٹری ایم ڈبلیو ایم سیکرٹریٹ ۔ لاہور نے اس عظیم الشان کانفرنس میں شرکت کی ۔تمام جماعتوں کے نمائندوں نے کانفرنس سے خطاب کیا ۔مولانا ظہیر الحسن کربلائی کا تعارف مجلس وحدت مسلمین کی مذہبی سیاسی اور ایک اہم جماعت کے طور پر کرایا گیا ۔ پیر منور حسین جماعتی نے کہا کہ پیر سید صفدر گیلانی صاحب نے کل رات ان کے آنے کی خبر دے دی تھی اگرچہ وہ خود بھکر میں تشریف فرما ہیں ۔ تو مجھے خوشی ہوئی کہ مجلس وحدت مسلمین پاکستان کی نمائندہ کی شرکت کنفرم ہوگئی ہے ۔ جناب کربلائی صاحب نے بڑے مختصر مگر جامع اور خوبصورت الفاظ میں اپنا اور اپنی تنظیم کا موقف بیان کیا ہے ہم ان کے شکر گزار ہیں ۔
اس گول میز کانفرنس میں جماعت اسلامی ، جمعیت علماء اسلام ، جمعیت اہلحدیث ، تحریک لبیک ،منہاج القرآن انٹرنیشنل اور دیگر کئی اہم جماعتوں کے نمائندوں نے خطاب کیا ۔ شیعہ جماعتوں میں صرف مجلس وحدت مسلمین پاکستان کی نمائندگی موجود تھی ۔ گفتگو کا محور و مرکز سپریم کورٹ کے چیف جسٹس جناب فائز عیسی کی طرف سے قادیانیوں کے لئے نرم گوشہ رکھنا اور ان کے خلاف فیصلے کو نظر ثانی کے لئے بھجنے کے خلاف منعقد کی گئی تھی ۔ تمام علماء کرام ,اکابرین قوم وملت ،مشائخ عظام اور پیران پیر نے چیف جسٹس کے اس اقدام کی نہ صرف مذمت کی بلکہ اسے ایک قانون پاکستان اور مسلمانوں پر حملہ قرار دیا ۔ اس عظیم الشان اجتماع کے ذریعے حکومت پاکستان اور اعلی عدلیہ سے مطالبہ کیا گیا کہ قادیانیوں کے مسئلے ہم سب ایک پیج پر ہیں اور اگر اس سلسلے کوئی حرکت کی گئی تو ہم سب سڑکوں پر آئیں گے اور عوامی رد عمل دیکھائیں ۔ قادیانی کافر ہیں اور عقیدہ ختم نبوت نہ صرف ہمارا ایمان ہے بلکہ دین کی اساس ہے ۔ قرآن پاک کے موقف سے پیچھے نہیں ہٹ سکتے چاہیے جتنے جتن اور حربے کر لو۔ پوری قوم ہمارے ساتھ ہے ۔ ان شاءاللہ
وحدت نیوز(کوئٹہ) مجلس وحدت مسلمین پاکستان کے مرکزی سیکرٹری تنظیم سازی مقصود علی ڈومکی نے کہا ہے کہ فلسطین اور غزہ کے مظلوموں کے صبر و استقامت نے امریکہ اور اسرائیل کا ظالمانہ چہرہ دنیا کے سامنے بے نقاب کردیا ہے۔ اقوام عالم اب خواب غفلت سے بیدار ہو رہی ہیں اور ظالموں کا یوم حساب قریب آ رہا ہے۔ مستکبرین عالم کے مقابلے میں مستضعفین کی بیداری اور اتحاد اس بات کی نوید دے رہا ہے کہ عنقریب ظلم و ستم کی سیاہ رات ختم ہو گی اور جلد ہی عدل و انصاف کا سورج طلوع ہوگا۔ قرآن کریم میں پروردگار عالم کا مستضعفین اور صالحین کی عالمی حکومت کا وعدہ سچا ہے۔
انہوں نے کہا کہ امریکہ اور فرانس کے بعد اب اٹلی کے طلبہ غزہ میں جاری ظلم و بربریت کے خلاف سراپا احتجاج بن چکے ہیں۔ فلسطین میں جاری ظلم و بربریت کے خلاف امریکہ کی 38 یونیورسٹیوں میں دھرنا اور احتجاج جاری ہے۔ دنیا کو جمہوریت اور آزادی اظہار کا درس دینے والوں کی منافقت اب کھل کر دنیا کے سامنے آ چکی ہے ۔ بدترین کریک ڈاؤن اظہار رائے پر قد غن و پکڑ دھکڑ لاٹھی چارچ تعلیمی اداروں سے برخاست کرنے کیس بنانے کی دھمکیوں کے باجود ظلم کے خلاف طلبہ مومنٹ جاری ہے۔ آج اقوام عالم امریکہ برطانیہ فرانس اور حقوق انسانی کے جھوٹے دعویداروں سے سوال پوچھ رہے ہیں کہ کیا غزہ میں بسنے والوں کو تم انسان سمجھتے ہو یا نہیں۔ اسرائیل کا مکروہ چہرہ بے نقاب ہو چکا اور اسرائیل و امریکہ کے مظالم نے فرعونی مظالم کی یاد تازہ کر دی ہے۔
وحدت نیوز(کوئٹہ)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے کہا ہے کہ آئمہ اہل بیت علیہم السلام کی حیات طیبہ کا گہرا مطالعہ ہر دور کے انسانوں کی رہنمائی اور ہدایت کا باعث ہے۔ ہماری نوجوان نسل کو سیرتِ آئمہ اہل بیت علیہم السلام سے آگاہی کے لئے رہبر معظم حضرت آیت اللہ سید خامنہ ائ دام ظلہ کی کتب کا مطالعہ کرنا چاہئے۔ حضرت امام جعفر صادق علیہ السلام اپنے زمانے کے وسیع ترین علمی و فقہی مراکز میں سے ایک عظیم مرکز کے مالک تھے۔ ان خیالات کا اطہار انہوں نے کوئٹہ میں مدرسہ خاتم النبیین صلی اللہ علیہ وآلہ وسلم میں "سیرت امام جعفر صادق علیہ السلام" کے عنوان سے منعقدہ علمی نشست سے خطاب کرتے ہوئے کیا۔
انہوں نے کہا کہ بنو امیہ کے آخری اور بنی عباس کے ابتدائی دور میں بہت سے فقہاء ایسے بھی تھے کہ جنہوں نے بدعت آمیز طریقوں منجملہ قیاس اور استحسان سے کام لیکر اسلامی احکام اپنی طبیعت کے مطابق جو دراصل ظالم حکام کی خواہش کی ترجمانی کرتے تھے صادر کردیئے تھے۔ اس دور میں امام جعفر صادق علیہ السلام حقیقی اسلام کے ترجمان بنے۔ ایم ڈبلیو ایم رہنماء نے کہا کہ ظالم و جابر حکمرانوں کے فاسد دربار سے وابستہ علماء نے یہی کام قرآن کی تفسیر کے بارہ میں بھی کیا اور اس طرح فقہ و حدیث و تفسیر دو بڑی روشوں اور لہروں میں تقسیم ہوگئیں۔ ایک ظالم حکومتوں سے وابستہ دربار کی روش اور ایک حقیقی الٰہی و محمدی (ص) روش کہ جس کی نمائندگی اہلبیت رسول (ص) خصوصاً امام جعفر صادق علیہ السلام انجام دے رہے تھے۔
وحدت نیوز(منڈی بہاؤالدین) علامہ سید علی اکبر کاظمی صوبائی صدرمجلس وحدت مسلمین پنجاب کا ضلع منڈی بہاوالدین کا تنظیمی دورہ ۔ صوبائی صدر جناب حجت الاسلام و المسلمین علامہ سید علی اکبر کاظمی بروز جمعہ المبارک صبح 10 بجے منڈی بہاوالدین پہنچے جہاں انہوں ملکوال اور منڈی بہاوالدین کے نئے اور پرانے تنظیمی برادران سے ملاقاتیں کیں ۔ منڈی بہاوالدین کے برادران نے انہیں منڈی بہاوالدین کی موجودہ سیاسی اور مذہبی صورتحال پر بریفننگ دی ۔
منڈی بہاوالدین تنظیمی لحاظ سے بہت فعال ضلع رہا ہے ۔ اس کا شمار تنظیم کے اہم اضلاع میں ہوتا ہے ۔ صوبائی کابینہ کے فیصلہ جات کی روشنی میں صوبائی صدر صاحب نے منڈی بہاوالدین کے وزٹ کا فیصلہ کیا اور وہ منڈی بہاوالدین پہنچے جہاں انہوں نے مختلف تنظیمی سابقین سے ملاقاتیں کیں اور مختلف دوستوں کو ٹاسک دیا کہ اگلے وزٹ سے پہلے پہلے یہ تنظیم سازی کا ورک مکمل کرلیں ۔
ان شاءاللہ اگلے وزٹ پر ضلعی شوری کا اجلاس بلائیں گے اور نئے تنظیمی صدر کا انتخاب عمل میں لایا جائے گا ۔ جن تنظیمی برادران سے صوبائی صدر مجلس وحدت مسلمین پنجاب کی ملاقاتیں ہوئی ہیں انہوں نے عہد کیا کہ وہ اپنے ذمے کا تنظیم سازی کا کام بھرانداز سے انجام دیں گے ۔ اور منڈی میں تنظیم سازی پر بھرپور توجہ دی جائے گی ان شاءاللہ ۔
وحدت نیوز(پاکپتن)مخدوم سید ثقلین حیدر نقوی ضلعی صدر مجلس وحدت مسلمین پاکپتن منتخب ۔ صوبائی رہنما جناب سید انوار زیدی نے ان سے حلف لیا ۔ مجلس وحدت مسلمین ضلع پاکپتن کی تنظیم نو کے حوالےسے اجلاس رہاہش گاہ سید مرتضی نقوی زیر صدارت صوبائی ڈپٹی سیکریٹری سید انوار زیدی منعقد ھوا ۔ آ ٹھ یونٹس نے شرکت کی کثرت رائے سید ثقلین نقوی کو ضلعی صدر منعقد کیا گیا جس سے صوبائی رہنما سید انوار زیدی نے حلف لیا۔
پاکپتن ساہیوال ڈویژن کا بڑا اہم ضلع ہے اور یہاں بہت ہی منجھےہوئے تنظیمی برادران موجود ہیں ۔ صوبائی رہنما جناب سید انوار زیدی کی خالصانہ کاوشوں سے ضلعی شوری کا اجلاس بلایا گیا جس میں کثرت رائے سے مخدوم سید ثقلین حیدر کو مجلس وحدت مسلمین ضلع پاکپتن کا صدر منتخب کر لیا گیا ۔
