وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری شدہ بیان میں گزشتہ روز فاشسٹ پارٹی کی جانب سے مجلس وحدت مسلمین پر لگائے جانے والے الزام کو مسترد کرتے ہوئے کہا گیا ہے کہ ایک نسل پرست فاشسٹ پارٹی کے غیر ذمہ دار کونسلر نے ایک رکشہ ڈرائیور کی توہین اور گالم گلوچ کرتے ہوئے اس حملہ پر کر دیا اور رکشہ کی چابی زبردستی اپنے قبضے میں لیکر رکشہ کو نقصان پہنچایا،جبکہ رکشہ ڈرائیور کو زخمی کر دیا ۔جس پر حلقہ نمبر14کے نسل پرست کونسلراور رکشہ ڈرائیور کے درمیان معمولی جھگڑا ہوا ،چاقو ئوں کا جھوٹا الزام لگا کر فاشسٹ کونسلر نے علاقے میں اپنے آپ کو بد نام کردیا تا ہم اس دوران معمولی جھگڑے کو حل کرنے کیلئے کونسلر کربلائی رجب علی اور کونسلر سید مہدی نے رکشہ ڈرائیور کو فاشسٹ کونسلر کیخلاف ایف آئی آر کرانے سے روکا اور شر پسند پارٹی کے کونسلر کے آفس گئے ،ہزارگی اور قبائل روایات کے مطابق جب کوئی کسی کے گھر پر جاتا ہے تو مسئلہ وہی حل ہوجاتا ہے،لیکن شر پسند کونسلر یقین دہانی کے باوجود ہزارگی روایات کو پیروں تلے روندا اور رکشہ ڈرائیور کے خلاف جھوٹی ایف آر درج کرائی اور بعد میں اسے اخباری بیان کے ذریعے اسے دو پارٹیوں کا جھگڑا بناکر ہزارہ قوم میں فساد پھیلانے اور قوم کے جوانوں کو آپس میں دست و گریباں کرنے کی مذموم سازش کی جا رہی ہے۔ان اقدامات سے فاشسٹ ٹولہ کا اصل چہرہ قوم کے سامنے مزید بے نقاب ہوگا،شر پسند پارٹی کے پاس نفر ت کی سیاست اور ہزارہ قوم کو آپس میں دست و گریباں کرنے کے علاوہ پارٹی کو بچانے کا اور کوئی راستہ نہیں بچا۔فاشسٹ پارٹی اپنے ان پست اقدامات کے ذریعے ہزارہ قوم کو دھوکہ نہیں دے سکتی۔ہزارہ قوم اپنے اتحاد و اتفاق کے ذریعے اس شر پسند فاشسٹ ٹولہ کو پہلے ہی کی طرح ایک بار پھر مسترد کریگی۔  

وحدت نیوز(گلگت) گلگت بلتستان میں پیپلز پارٹی مختلف مسالک کے مفاد پرست افراد کا جوائنٹ وینچر ہے۔اس جماعت میں پارٹی عہدے مسالک کی بنیاد پر تقسیم ہوتے ہیں ،الیکشن کے موقع پر یہ مفاد پرست ٹولہ اپنے مفاد کیلئے عوام کو مذہب کی بنیاد پر تقسیم کرکے فرقہ واریت کوہوا دیتے ہیں۔

مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ پیپلز پارٹی مذہبی سیاسی جماعتوں کو اپنا مزارع سمجھنا چھوڑ دے اور اس غلط فہمی میںنہ رہے کہ مذہبی جماعتوں کا کام فقط اس استحصالی جماعتوں کو سپورٹ کرنا ہے۔پیپلز پارٹی اور مسلم لیگ نواز کے کرپشن کو روکنے کیلئے ہی مذہبی جماعتیں میدان عمل میں ہیںاور ہر سطح پر ان کا مقابلہ جاری رہے گا۔

انہوںنے پیپلز پارٹی کے رہنمائوں کے پریس کانفرنس میں ہرزہ سرائی کے رد عمل میں کہا کہ پیپلز پارٹی کے صوبائی صدر الیکشن ہارنے کے بعد ذہنی توازن کھوبیٹھے ہیں اگر انہیں نسیان کی بیماری ہے تو ہم انہیں یاد کروادیتے ہیں کہ اگر حلقہ 1 میں تحریک اسلامی ان کا ساتھ نہ دیتی تو موصوف کی ضمانت بھی ضبط ہوجاتی۔انہوں نے کہا کہ پیپلز پارٹی کا اسمبلی میںاگر ایک ممبر بھی ہے تو وہ بھی ایک مذہبی جماعت کے مرہون منت ہے۔

 انہوں نے کہا کہ پیپلز پارٹی کی فرینڈلی اپوزیشن کی وجہ سے پاکستان میں مسلم لیگ نواز کی حکومت قائم ہے جب بھی حکومت کو ٹف ٹائم دیا جاتا ہے تو جمہوریت کو خطرے کا جواز تلاش کرکے پیپلز پارٹی نواز لیگ کے ساتھ کھڑی ہوجاتی ہے۔پیپلز پارٹی کے رہنمائوں کی جھوٹی تقاریر محض عوام کو بیوقوف بنانے کا حربہ ہے اور تاریخ گواہ ہے کہ پیپلز پارٹی ہی دہشت گرد ٹولہ طالبان کی خالق جماعت ہے اور آج تک گلگت بلتستان سمیت پاکستان بھر میں طالبان کے ہاتھوں ہزاروں بیگناہ عوام شہید ہوچکے ہیں اور طالبان کے ہاتھوں قتل ہونے والے ہزاروں پاکستان عوام کے کشت و خون کی ذمہ داری پیپلز پارٹی ہی پر عائد ہوتی ہے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری اطلاعات سید علی احمر زیدی نے صحافت کے عالمی دن کے موقعہ پر میڈیا سیل سے جاری اپنے بیان میں کہا ہے کہ مہذب معاشروں میں میڈیا کی آزادی کو مسلمہ حیثیت حاصل ہے۔صحافت ریاست کا چوتھا ستون ہے ۔اظہار رائے کی آزادی کا آئینی حق ہر ایک کو حاصل ہے۔ مگر ہمارے صحافیوں کو مختلف طریقوں سے دبایا جا رہا ہے۔دنیا میں صحافتی آزادی کے لیے جدوجہد کرنے والی تنظیم’’رپورٹرز ود آؤٹ بارڈرز ‘‘ کی گزشتہ سال کی رپورٹ کے مطابق پاکستان میڈیا کی آزادی کے اعتبار سے 180 میں سے 159 ویں نمبر تھاجو کہ تشویش ناک ہے ۔الیکٹرانک جرائم کے انسداد کے بل 2016 میں بھی اظہار رائے کی آزادی کو سلب کرنے کی کوشش کی گئی ۔پاکستان میں صحافتی ذمہ داریاں ادا کرنے کے دوران دہشت گردی کی بھینٹ چڑھنے والے میڈیا پرسنزکو اس موقعہ پر سلام پیش کرتے ہیں۔ حکومت کو چاہیے کہ وہ میڈیا ورکرز کو ذمہ داریوں کی بے خطر ادائیگی کے لیے سازگار اور محفوظ ماحول فراہم کرے۔انہوں نے کہا مختلف اداروں میں صحافی تنخواہوں کی طویل عدم ادائیگی اور ملازمتوں کے عدم تحفظ سمیت مختلف مشکلات کا شکار ہیں۔ان کے معاشی مشکلات کا ازالہ ہونا چاہیے ۔اس سلسلے میں حکومتی سطح پر اقدامات کی ضرورت ہے۔صحافیوں کے حقوق کے تحفظ کے لیے تمام صحافتی تنظیموں کو بھی مشترکہ جدوجہد کرنا ہو گی۔انہوں نے کہا ملک کی ترقی میں صحافتی شخصیات کے مثبت کردار کو نمایاں حیثیت حاصل ہے۔انہوں نے بول ٹی وی کے لائسنس کی منسوخی پر ردعمل ظاہر کرتے ہوئے اسے آزادی صحافت کے تقاضوں کے برعکس قرار دیا ۔

وحدت نیوز(حیدرآباد) امام بارگاہ امامیہ ٹرسٹ یونٹ نمبر 9حیدرآباد میں جشن ولادت باسعادت جناب زینب (س) کے سلسلے میں مجلسِ وحدت مسلمین شعبہ خواتین حیدرآباد کی جانب سے ایک پروگرام جشن ثانی زہرا( س) کا انعقاد کیا گیا۔ جس میں حیدرآباد کے مختلف مدارس اور تنظمیں جن میں مدرسہ معصومہ ،مدرسہ اصغریہ علم وعمل تحریک،مدرسہ فاطمیہ،مدرسہ معرفت اسلامی،امامیہ آرگنائزیشن ،مکتب زینبیہ،محفل حسینی،پیام اسلامی فاؤنڈیشن،پیام ولایت اسکاوٹ،عزم زینب،عقیلہ بنی ہاشم اکیڈمی کی خواہران اور بچیوں نے بھر پور طور پہ شمولیت اور شرکت کی،پروگرام میں نظامت (میزبانی) کے فرائض خواہر کنول بتول اور خواہر شگفتہ علی نے با احسن و خوبی انجام دیئے پروگرام کا باقاعدہ آغاز مدرسہ جمران حیدرآباد کی طالبات نےتلاوت قرآن پاک سے کیا۔

بعداز رقیہ جعفر نے حمد اور نعت رسول مقبول( ص) پیش کی۔بعد حمدو نعت خواہر فاطمہ نے جناب زینب کے حضور ہدیہ منقبت پیش کیا۔ منقبت کے بعد پابندی وقت کا خیال رکھنے والی خواہران کی حوصلہ افزائی  کے لیے بذریعہ قرعہ اندازی کیش انعامات اور گفٹس تقسیم کیے گئے۔اس کے بعد ملٹی میڈیا ویڈیو کلپ دکھائی  گئی اور سوال و جواب کے بعد انعامات دئیےگئے۔قائد وحدت آغا راجہ ناصر عباس اور آغا حسین شاہ موسوی کے ساتھ پینل ڈسکشن کے سیشن کا آغاز ہوا جسمیں بعنوان "جناب زہرہ (س)اور جناب زینب ( س) کی حیات کے علمی اور عملی پہلو سے دور حاضر کی خواتین کے لیے سبق " کے حوالے سے خواہر عظمٰی تقوی نے سوالات کیےجنکے بہترین انداز میں دونوں محترم علماء نے جوابات ارشاد فرمائے۔پینل کی گفتگو سے مجمع میں موجود خواتین سے عنوان کی مناسبت سے سوالات کئے گئے اور انھیں انعامات دئیے گئے۔

جس کےبعد خواہر سیمی نقوی ممبر سندھ ورکنگ کمیٹی شعبہ خواتین، مسؤل روابط و شعبہ اسکاؤٹ وحدت  نے " بنتِ حوا" کے عنوان سے نظم پیش کی۔جناب سیدہ(س)اور بیبی زینب (س)امام حسین ( ع ) کے ہم نام بچے بچیوں میں تحائف پیش کیے گئے ۔اس کے بعد بچیوں نے ٹیبلو" ظلمت سے نور کی طرف" پیش کیا۔پروگرام میں خواہر بنین مرکزی معاون خواہر زہرہ نقوی سیکرٹری جنرل مجلس وحدت مسلمین شعبہ خواتین پاکستان اور کراچی ڈسٹرکٹ کی خواہران خواہر ندیم زہرہ، خواہر نایاب اور خواہر بینش نے خصوصی شرکت کی۔ پروگرام میں مدارس کے جانب سے خانہ کعبہ کا ماڈل اور جناب سیدہ (س) کے جہیز کے مناظر پیش کیے گئے ۔اس کے علاوہ حجاب کارنر بھی لگایا گیا۔آخر میں خواہر عظمی تقوی( جی ایس حیدرآباد) نے تمام منتظمین مدارس اور تنظیموں کو کلمات تشکر پیش کرتے ہوئے ان کی توفیقات میں اضافے اور قبولیت کے لیے دعا کی،پروگرام کا باقائدہ اختیتام دعائے سلامتی امامِ زماں(ع) اور ملک و ملت کی کامیابی و کامرانی کی دعا سے ہوا۔

وحدت نیوز(فیصل آباد) مجلس وحدت مسلمین کے نمائندہ وفد نے صوبائی ڈپٹی سیکریٹری جنرل ڈاکٹر پروفیسر سید افتخار حسین نقوی کی سربراہی میں مئیرفیصل آباد ملک رزاق سے ان کے دفتر میں ملاقات کی ، اس موقع پر سید حسنین شیرازی ڈپٹی سیکرٹری جنرل مجلس وحدت مسلمین فیصل آباد اور دیگر بھی موجود تھے، ایم ڈبلیوایم کے وفد اور سٹی میئرکے درمیان  شہر کے امن و امان اور دیگر امور پر تبادلہ خیال ہوا۔

وحدت نیوز(ہری پور) مجلس وحدت مسلمین ضلع ہری پور کے زیر اہتمام جشن ولادت امام حسین ؑ، مولاعباس علمدار ؑ اور امام زین العابدینؑ کے موقع پر ایک پر وقار تقریب کا انعقاد کیا گیا جس میں ہزارہ جات کی مختلف مذہبی وسیاسی پارٹیوں کے رہنماؤں ،دانشوروں اور  شہریوں کی بڑی تعداد نے شرکت کی،اس تقریب سے  ایم ڈبلیوایم صوبہ خیبر پختونخواکے سیکریٹری جنرل علامہ اقبال بہشتی، قونصلیٹ جنرل ایران علی یوسفی، اعجاز علی خان درانی اور دیگر مقررین نے خطاب کیا، اس موقع پر مقررین نےامام عالی مقام کے حضور اپنی عقیدت کا اظھارکیا،مصباح الھدی وسفینۃ النجاۃوسفینۃنوح ہونے کے ناطے،آپکی عبادی، سیاسی واجتماعی سیرت کو اپنے لیۓ اسوہ ونمونہ، قرار دیتے ہوئے تاکید کی کہ موجودہ شیطانی استکباری اندھیروں وطوفانوں میں نجاۃ کاواحد ذریعہ حسینء واھلبیت ع کادامن تھامنا ہے۔