وحدت نیوز (جعفرآباد) مد رسہ خاتم النبیینﷺ کے زیر اہتمام بزرگ عالم دین علامہ یعقوب علی توسلی کے ایصال ثواب کیلئے مجلس عزا منعقد ہوئی۔اس موقع پر مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے خطاب کرتے ہوئے کہا ہے کہ علامہ یعقوب علی توسلی نے تبلیغ دین اور اتحاد بین المسلمین کیلئے گرانقدر خدمات انجام دیں۔ملک وملت کیلئے انکی خدمات کو کبھی نہیں بھلایا نہیں جا سکتا۔
در ین اثناء علامہ مقصود علی ڈومکی نے کہا ہے کہ نوازشریف بحرین میں کرائے کے قاتل بھیجنے سے اجتناب کریں،دہشت گردی ،ہیروئن اور کلاشنکوف کلچر افغانستان میں مداخلت کا تحفہ ہے،نواز شریف ماضی کی غلطیوں سے سبق سیکھیں اوربحرینی ڈکٹیٹر کے غیر جمہوری اقتدار کو بچانے کیلئے بحرین کے معصوم نہتے انقلابی عوام پر ظلم وتشدد کا حصہ نہ بنیں،ہمیں ایک آزاد ،خود مختار اور غیرت مند قوم کی حیثیت سے اپنے آپ کو منوانا ہوگا، جو اپنے فیصلے اصولوں کی بنیاد پر کرتے ہیں ۔ جو جز وقتی مفادات اور زر و زور کے بدلے اپنے ضمیر نہیں بیچتے۔ہم اگر کسی مظلوم نہتی قوم کا ساتھ نہیں دے سکتے تو کم ازکم کرائے کے قاتل بننے سے اجتناب کریں۔
انہوں نے کہا کہ انتخابات میں دھاندلی کسی ایک پارٹی کا نہیں بلکہ ملک و ملت کی بقا اور سربلندی کا مسئلہ ہے، انتخابات میں دھاندلی کے مجرموں کو قانون کے کٹہڑے میں کھڑا کرنا از بس ضروری ہے جس کے لئے ہم تحریک انصاف کے اصولی موقف کے حامی ہیں۔ شفاف انتخابات کے بغیر جمہوریت ایک دھوکا ہے، نواز حکومت با اختیار جوڈیشل کمیشن کے سلسلے میں اپنی ذمہ داریاں پوری کرے۔
وحدت نیوز ( کراچی) گذشتہ ایک ہفتہ میں ڈاکٹر یاور زیدی سمیت اہم شیعہ افراد کی ٹارگٹ کلنگ کی مذمت کرتے ہیں شہر کے مختلف علاقو میں تنظیمی کا رکنان ،ڈاکٹرز ،تاجروں سمیت خواتین کو دہشت گردی کا نشانہ بنایا جا رہا ہے ۔شہرقائد کو دہشتگردوں کے رحم وکرم پر چھوڑدیا گیا ہے،قانون نافذ کرنے والے ادارے پولیس اور رینجرز کن دہشتگروں کے خلاف کاروائی کر رہے ہیں۔ ان خیالات کا اظہار مجلس وحدت مسلمین سندھ کے سیکر ٹری جنرل علامہ مختار امامی نے مذمتی بیان میں کیا اُن کا کہنا تھا رواں ماہ میں اب تک روزانہ شیعہ افراد کو ٹارگٹ کلنگ کا نشانہ بنایا جا رہا ہے مگر حکومت سمیت قانون نافذ کرنے والے اداروں کی جانب سے تا حال کو ئی ایکشن نہیں لیا گیا اُن کہنا تھا کہ معصوم انسانوں کو اپنی دہشتگردی کا نشانہ بنا نا اور اس طرح پوری قوم کو اندرونی مسائل میں الجھا دیا جانا ملک میں انارکی کی فضا پیدا کر کے افواج پاکستان کے آپریشن ضرب عضب کو بھی کمزور کرنے کی کو شش کی جارہی ہے ۔ہم واضح طور پر یہ سمجھتے ہیں کہ پاکستان میں جاری دہشت گردی اور بالخصوص ملت جعفریہ کے عمائدین کی مسلسل ٹارگٹ کلنگ اور نسل کشی کا سلسلہ عالمی سامراجی اور صیہونی سازشوں کا نتیجہ ہے ، اور اس دہشت گردی اور ٹارگٹ کلنگ کو انجام دینے کے لئے پاکستان میں موجود ان سامراجی اور صیہونی قوتوں کے ایجنٹ موجو دہیں جو چند ڈالروں کے عوض اپنے ہی ملک کے معماروں اور دانشوروں سمیت نوجوانوں کو ٹارگٹ کلنگ کا نشانہ بنا رہے ہیں۔
علامہ مختار امامی نے حکومت سے مطالبہ کیااسرائیلی ایجنٹ دہشت گرد وں کے خلاف جاری آپریشن ضرب عضب کا دائرہ کار وسیع کیا جائے اور شہر کراچی میں موجود دہشت گردوں کے مراکز اور ان کے مدد گاروں کے خلاف سخت کریک ڈاؤن شروع کیا جائے تا کہ شہر کو امن نصیب ہو اور شہر میں بسنے والوں کی جان و مال کا تحفظ یقینی بنایا جا سکے۔ حکومت شہر میں قائم کالعدم دہشت گرد گروہوں کے مراکز کے خلاف کریک ڈاؤن کا سلسلہ شروع کیا جائے اور ملت جعفریہ کے عمائدین کی نسل کشی میں ملوث ملک دشمن اور اسلام دشمن دہشت گردوں کے سرغنہ افراد کو منظر عام پر لایا جائے اور سخت سے سخت سزائیں دے کر شہر میں امن و امان اور شہریوں کے جان ومال کے تحفظ کو یقینی بنایا جائے۔سندھ پولیس ، رینجرز سمیت قانون نافذ کرنے والے اداروں سے مطالبہ کرتے ہیں کہ وہ اپنی ذمہ داریوں کو انجام دیں اور شہر کراچی میں ان ملک دشمن دہشت گردوں کا قلع قمع کرنے میں اپنا کردار کریں۔ گذشتہ کئی سالوں سے کالعدم دہشت گرد گروہوں کے دہشت گردانہ حملوں میں شہید ہونے والے تمام کراچی کے شہریوں، پولیس، رینجرز اہلکاروں سمیت دیگر شہداء کے اہل خانہ سے ہمدردی اور یکجہتی کا اظہار کرتے ہیں اور حکومت کو ایک مرتبہ پھر متنبہ کرتے ہیں کہ اگر ان دہشت گردانہ کاروائیوں میں ملوث دہشت گردوں کے خلاف فی الفور کاروائی عمل میں نہ لائی گئی تو ملت جعفریہ احتجاج کا حق محفوظ رکھتی ہے۔
وحدت نیوز (اسکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے وحدت ہاؤس اسکردو سے جاری اپنے ایک بیان میں کہا ہے کہ نگران حکومت ہوش کے ناخن لے اور اپنی کابینہ میں غیرجانبدار اور اہل افراد کو لے کر غیرجانبداری کا ثبوت دے اگر بلتستان سے غیرجانبدار اور اہل افراد کو نگران حکومت نہیں لیا گیا تو بھرپور عوامی تحریک کا آغاز کیا جائے گیا۔ انہوں نے کہا ہے کہ گلگت بلتستان کی عوام زبان اور مسلک سے بالاتر ہو کر آئندہ انتخابات کے حوالے سے آمادہ رہیں وفاقی حکومت گلگت بلتستان کے انتخابات میں بھی عام انتخابات کی طرح پنکچر لگانے کی تیاری میں مصروف ہے۔ اگر وفاقی حکومت نے اس سلسلے میں اب بھی غیر جانبدار افراد کو سامنے نہیں لایا تو عدالت جانے اور عوامی تحریک چلانے پر مجبور ہونگے۔ نگران وزیر اعلی کا بھی انتخاب پس پردہ ہونے والی ڈیلنگ کا نتیجہ ہے ان کی تقرری کے وقت کسی بھی پارٹی کو اعتماد میں نہیں لیا گیا اس سے ثابت ہوتا ہے کہ پس منظر میں بڑی تیاریاں ہورہی ہیں اور الیکشن کو ہائی جیک کرنے کی کوشش ہو رہی ہے اس سلسلے میں چیف الیکشن کمشنر کا انتخابات بھی مکمل جانبدار غیرقانونی عمل ہے۔ چیف الیکشن کمشنر کی سابقہ نون لیگ کے حوالے سے خدمات اور باقاعدہ حصہ ہے ۔ انکو اس عہدہ پر رکھنا افسوسناک اور مسلم لیگ نون کی خیانت کا بین ثبوت ہے۔ ہم ہر وقت کہہ رہے ہیں کہ مسلک و مذہب سے بالاتر ہو کر اہل او رغیر جانبدار کو آگے لایا جائے لیکن معاملہ اس کے برعکس ہو رہا ہے۔انہوں نے کہا کہ حکومت اگر کسی شخص کی خدمات لینے سے انکار کرے تو اس کا مطلب ہے کہ وہ کوئی ذمہ داری نبھانے کی پوزیشن میں نہیں ہے ریٹائرڈ افراد وکوکابینہ میں لینا نگران حکومت کی بدترین جانبداری ہے ۔ کابینہ میں غیرجانبدار ،بے داغ اور اہل افراد کو نہیں لیا گیا تو نگران حکومت کو واضح کر دیں گے کہ عوامی طاقت کیا ہے۔
وحدت نیوز (لاہور) مجلس وحدت مسلمین پاکستان کے سربراہ علامہ ناصر عباس جعفری نے لاہور میں عمائدین اور کارکنان سے خطاب میں کرتے ہوئے کہا کہ بزدل دہشتگردوں نے آج پھر ریاست پر وار کیا ہے، دہشت گردی کے خلاف پوری قوم متحد ہے لورالائی کے شہداء کا خون رائیگاں نہیں جائے گا، آپریشن ضرب عضب کو کامیابی سے ہمکنار کرنے کے لئے دہشت گردوں کی سیاسی، معاشی طاقت اور مذہبی جنونیت کو ختم کرنا ہوگا، سکیورٹی فورسز کے اہلکاروں کی شہادت پر جہاں ہمیں فخر ہے، وہاں ہر پاکستانی کا دل رنجیدہ ہے۔ انہوں نے لورالائی میں سکیورٹی فورسز پر طالبان درندوں کے بزدلانہ حملے کی شدید مذمت کرتے ہوئے کہا کہ پاکستان میں دیرپا امن اور ملکی سلامتی و استحکام کے لئے طالبان اور طالبان مائنڈ سیٹ کا خاتمہ ناگزیر ہوچکا ہے، وزیرستان کے طالبان سے زیادہ ملک کو پارلیمنٹ میں بیٹھے طالبان مائنڈ سیٹ سے خطرہ ہے، شیعہ کے مدارس کے دروازے ہر لمحہ جانچ پڑتال کیلئے کھلے ہیں ، خوف انہیں ہے جن کی داڑھی میں تنکا ہے۔
انہوں نے کہا کہ ہم بارہا اعلان کرتے رہے کہ طالبان اور ان کے حامی پاکستان کو ایک دلدل کی طرف دھکیل رہے ہیں لیکن افسوس ریاستی اداروں اور حکمرانوں کے کان پر جوں تک نہیں رینگی، آج حکمران اعتراف جرم کر رہے ہیں کہ ہم نے ان شیطانوں سے مذاکرات کی بڑی غلطی کی، دراصل مذاکرات کا بہانہ بنا کر پاکستانیوں کا قتل عام کیا گیا اور اس سازش میں طالبان مائنڈ سیٹ کا بڑا کردار ہے۔ علامہ ناصر عباس جعفری کا کہنا تھا کہ آج ہمارے وزیر داخلہ تذبذب کا شکار ہیں، دس فیصد دہشت گرد مدارس کا اعتراف قوم کے سامنے کرنے کے باوجود انہی مدارس کو یقین دہانی کروا رہے ہیں کہ ہم آپ کے خلاف کوئی آپریشن نہیں کر رہے، پاکستان کو دہشت گردی اور مٹھی بھر دہشت گرد گروہ سے نجات دلانے کے لئے نڈر قیادت کی ضرورت ہے، ہمارے حکمران دہشت گردوں کے سیاسی اتحادیوں کے ہاتھوں یرغمال ہیں اور ان حکمرانوں کی قیادت میں دہشت گردوں کو شکست دینا ممکن نظر نہیں آرہا۔
وحدت نیوز (اسلام آباد) طالبان دہشت گردوں اور اُن کے سیاسی سرپرستوں کو معاشرے سے تنہا کیے بغیر ملک میں امن کی بحالی ناممکن ہے آج مذہب کے نام پر قومی یکجہتی کو سبوتاژ کرنے کی سازش ہو رہی ہے دہشت گردوں کی پھانسیاں رکوانے کے لئے دہشت گردوں کے سرپرست سر گرم ہیں مسلم امہ کا المیہ یہ ہے کہ ان کو مذہب کے نام پر ہمیشہ لوٹا گیا ان خیالات کا اظہار مجلس وحدت مسلمین پاکستان کے مرکزی رہنما وسیکریٹری امور خارجہ ڈاکٹر علامہ شفقت شیرازی نے ورکرز اجلاس سے خطاب میں کیا، انہوں نے کہا کہ مذہب اسلام امن و آتشی کا دین ہے دین میں جبر نہیں اسلام میں اقلیتوں کے تحفظ کو یقینی بنانے کی تلقین کی ہے انسان کی جان کی حرمت کو بیت اللہ سے زیادہ اہم قرار دیا ہے انہوں نے کہا کہ اس وقت ملک نازک دور سے گذر رہا ہے عالمی دہشت گردوں نے ملک دشمن عناصر انڈیا،اسرائیل اور امریکہ کے اشارے پر ہماری سالمیت پر وار کرنے کی سازش تیار کر لی ہے آج وہ قوتیں جنہوں نے قیام پاکستان کی مخالفت کی تھی ایک دفعہ پھر پاکستان کی سالمیت کیخلاف سازشوں میں مصروف ہیں ہم قائد اعظم اور علامہ اقبال کے پاکستان کو خارجی طالبان اور طالبان مائند سیٹ کا ریاست نہیں بننے دینگے افواج پاکستان کے خلاف غلیظ پروپیگنڈا کیا جارہا ہے ان حالات میں قومی یکجہتی وقت کی اہم ضرورت ہے ،علامہ ڈاکٹر شفقت شیرازی کا کہنا تھا کہ اب ملک قوم کے ساتھ بہت ہو چکا مزید نقصانات سے بچنے کے لئے دہشت گرد طالبان اور اُن کے حامیوں کو بے نقاب کرنا ہوگا وفاقی حکومت سیاسی بلیک میلنگ کے شکار ہوئے بغیر دہشت گردوں کیخلاف کاروائی جاری رکھیں دارلحکومت سے عالمی دہشت گرد داعش کو مدد کے لئے پکارنے والے ملاوُں کو قرار واقعی سزا دینا چاہئے ۔
انہوں نے کہا آج سول سوسائٹی ،صحافی،دانشور،طلباء،وکلاء،ڈاکٹرز،انجنیئرز،مزدور،کسان،سیاسی مذہبی جماعتوں پر فرض ہے کہ وہ اپنی سکیورٹی فورسسز کی پشت پر کھڑے ہوں اور پاکستان کی سالمیت کی جنگ میں اپنا کردار ادا کریں اور مذہبی بلعم بعوروں کی سازشوں کو کامیاب نہ ہونے دیں بصورت دیگر ہماری نسلیں اس جرم کی سزا کو بھگتیں گی آج ہم نے پاکستان کے مستقبل کو محفوظ کرنا ہے وہ پاکستان جس کو لاالہ اللہ کے بنیاد پر حاصل کیا تھا ،علامہ ڈاکٹر شیرازی نے مجلس وحدت مسلمین کے کارکنان سے مخاطب ہوتے ہوئے کہا کہ آپ وحدت اور اتحاد کے سفیر بنیں اور معاشرے میں برداشت اور عدم تشدد کی فضا قائم کرنے میں کلیدی کردار ادا کریں یہ عالمی استعمار کی سازش ہے کہ شیعہ سنی دست گریباں ہوں لیکن آپ نے اس قول کو نہیں بھولنا کہ شیعہ اور سنی اسلام کے دوبازو ہیں اور اس کے درمیان تفریق ڈالنے والے نہ تو شیعہ ہے نہ سنی بلکہ وہ اسلام اور انسانیت کے دشمن ہیں پاکستان میں بسنے والے ہر پاکستانی چاہے وہ جس بھی مذہب سے تعلق رکھتے ہوں ہمارے بھائی ہیں اور اُن کی جان مال کی حرمت ہم پر فرض ہے یہی اسلام کا درس بھی ہے اور نسانیت کا تقاضا بھی۔
وحدت نیوز (اسلام آباد) پاکستان عوامی تحریک کے صدر ڈاکٹر رحیق عباسی نے مجلس وحدت مسلمین کے سربراہ علامہ ناصرعباس جعفری سے ان کی رہائشگاہ پر ملاقات کی ہے اور امام بارگاہ چٹیاں ہٹیاں میں ہونے والے دھماکے سے ہونے والی شہادتوں پر تعزیت پیش کی ہے۔ اس موقع پر شہداء کیلئے فاتحہ خوانی بھی کی گئی، ملاقات میں علامہ شفقت حسین شیرازی بھی موجود تھے۔ ڈاکٹر رحیق عباسی کا کہنا تھا کہ مجلس وحدت مسلمین اور پاکستان عوامی تحریک کا دہشتگردی کے معاملے پر ایک ہی موقف ہے اور انشاءاللہ ہم اپنے اتحاد سے دہشتگردی کے ناسور کو ختم کرکے دم لینگے۔ انہوں نے کہا کہ یہ شہادتیں ہمیں اپنے عزم سے پیچھے نہیں ہٹا سکتیں۔ شیعہ سنی اتحاد ہی تکفیریت کے خاتمے کا باعث بنے گا۔
اس موقع پر علامہ ناصر عباس جعفری کا کہنا تھا کہ پوری قوم دہشتگردی کیخلاف کارروائی میں پاک فوج کی پشت پر کھڑی ہے۔ اب ضرورت اس امر کی ہے کہ شہروں میں بھی دہشتگردوں کا صفایا کیا جائے اور ان کے حامیوں کو اپنے منطقی انجام تک پہنچایا جائے۔ انہوں نے کہا کہ دہشتگردی نے پاکستان کو ناقابل تلافی نقصان پہنچایا ہے۔ ایسے مدارس جو دہشتگردی میں ملوث ہیں انہیں فی الفور بند کیا جائے۔ علامہ ناصر عباس جعفری نے اپنے موقف کو ایک بار پھر دہراتے ہوئے کہا کہ سب سے پہلے ملت تشیع کے مدارس کو ہم اوپن کرتے ہیں اور حکومت سے کہتے ہیں کہ اگر ہمارا کوئی بھی مدرسہ جو دہشتگردی میں ملوث ہے یا لنک رکھتا ہے، اسے فوری طور پر بند کر دیں اور ملوث عناصر کو قوم کے سامنے لائیں۔ ہم دہشتگردی میں ملوث مدارس کو مسلک کے شلٹر کے پیچھے چھپنے نہیں دینگے۔
دریں اثناءپاکستان عوامی تحریک کے صدر ڈاکٹر رحیق عباسی نے اپنے وفد کے ساتھ راولپنڈی کی چٹیاں ہٹیاں امام بارگاہ کا دورہ کیا اور خودکش حملے کے متاثرہ خاندانوں سے ملاقاتیں کیں اور اظہار تعزیت کی۔ عوامی تحریک کے صدر رحیق عباسی نے متاثرہ خاندانوں کو قائد تحریک ڈاکٹر طاہرالقادری کا خصوصی پیغام پہنچایا اور انہیں اپنے مکمل تعاون کی یقین دہانی کرائی، رحیق عباسی نے متاثرہ خاندانوں کو مالی امداد کی فراہمی کا بھی یقین دلایا، رحیق عباسی کا کہنا تھا کہ حکمران عوام کے جان و مال کی حفاظت کرنے میں مکمل طور پر ناکام ہوچکے ہیں، حکومت کے پاس دہشتگردی کے خاتمے کا کوئی ویژن یا منصوبہ نہیں، انہوں نے کہا کہ دہشت گردی سے نمٹنے کیلئے طاہرالقادری کے چودہ نکاتی فارمولے پر عملدرآمد کیا جائے تو اس لعنت سے جلد چھٹکارہ ممکن ہے۔
