وحدت نیوز( بھلوال) مجلس وحدت مسلمین شمالی پنجاب کی ورکنگ کمیٹی کے رکن اور ضلع سرگودھا کے ضلعی صدر، حجت الاسلام والمسلمین علامہ استاد ذوالفقار اسدی صاحب نے تحصیل بھلوال کا تنظیمی دورہ کیا۔
اس دورے کے دوران انہوں نے مجلس وحدت مسلمین تحصیل بھلوال کے ماہانہ اجلاس میں خصوصی شرکت کی اور تحصیل کابینہ کے اراکین سے خطاب کیا۔ اپنے خطاب میں انہوں نے تنظیمی فعالیت، دینی شعور کی بیداری اور مدارس دینیہ کے کردار پر روشنی ڈالی۔علامہ ذوالفقار اسدی نے بھلوال میں واقع مختلف دینی مدارس کا بھی دورہ کیا۔
انہوں نے مدرسہ معارف اسلامی لالہ زار بھلوال، مدرسہ دارالحسینین بھلوال اور پھلروان میں مدرسہ بصائر کا وزٹ کیا، جہاں انہوں نے مدارس کے بانیان، سربراہان اور مدرسین سے ملاقاتیں کیں اور ان کی خدمات کو سراہا۔
واضح رہے کہ علامہ ذوالفقار اسدی صاحب نے ضلع سرگودھا کی تمام تحصیلوں میں مجلس وحدت مسلمین کے یونٹس کے قیام میں کلیدی کردار ادا کیا ہے، اور شمالی پنجاب میں ضلع سرگودھا کو ماڈل ضلع بنانے کی جانب ان کی ضلعی ٹیم کی کوششیں قابلِ تحسین ہیں۔
