The Latest
وحدت نیوز(سکردو)مجلس وحدت مسلمین شعبہ خواتین ضلع گنگچھے کی سیکریٹری جنرل، سیاسی و سماجی رہنما محترمہ حنا کلثوم نے حلقہ نمبر دو ضلع گنگچھے سے مجلس وحدت مسلمین گلگت بلتستان کی ٹکٹ پر الیکشن لڑنے کا اعلان کردیا۔ اتوار کے روز ڈویژنل سکریٹریٹ سکردو میں ایم ڈبلیو ایم گنگچھے کے رہنما سید یاور عباس کاظمی نے محترمہ حنا کلثوم کیلئے انتخابی فارم سکریٹری سیاسیات کاچو ولایت علی خان سے وصول کیا۔
اس دوران مجلس وحدت مسلمین گلگت بلتستان کے صوبائی رہنماوں سمیت مختلف حلقوں کے متوقع امیدوار بھی موجود تھے۔محترمہ حنا کلثوم نے اپنے بیان میں اس عزم کا اعادہ کیا کہ مجلس وحدت مسلمین گلگت بلتستان کی ٹکٹ پر بھرپور انداز میں الیکشن لڑینگی۔
سیکریٹری جنرل ایم ڈبلیو ایم گلگت بلتستان آغا علی رضوی گلگت بلتستان کی توانا ترین آواز ہیں، ہم انکے دست و بازو بنتے ہوئے علاقے کے حقوق اور عوامی مسائل کیلئے دن رات ایک کروں گی۔ الیکشن جیت کر علاقے اور عوام کے حقوق کیلئے بھرپور اور ہر ممکن کوشش کرونگی۔
وحدت نیوز(سکردو) گلگت بلتستان میں جنرل الیکشن 2020 کی تیاریوں کا سلسلہ عروج پر ہے۔ اس سلسلے میں مجلس وحدت مسلمین پاکستان گلگت بلتستان چیپٹر کی ٹکٹ پر الیکشن لڑنے کیلئے مختلف حلقوں سے درجنوں امیدوار میدان میں نکل آئے ہیں۔ دیگر حلقوں کے علاؤہ حلقہ نمبر 12 ضلع کھرمنگ سے ایم ڈبلیو ایم کی ٹکٹ پر الیکشن لڑنے کیلئے ضلعی سکریٹری جنرل شیخ اکبر رجائی سمیت آدھ درجن معروف سیاسی و سماجی شخصیات پارٹی سکریٹریٹ سکردو سے فارمز وصول کرچکے ہیں۔
ان امیدواروں میں جی جی اویرنس فورم کے روح رواں معروف سیاسی و سماجی رہنما انجنئیر شبیر حسین بھی شامل ہیں جنہوں نے جمعے کے روز سکریٹری سیاسیات کاچو ولایت علیخان کے ہاتھوں سے انتخابی فارم وصول کئے، جبکہ اس دوران صوبائی سکریٹری جنرل آغا علی رضوی سمیت دیگر مرکزی رہنما اور عہدیداران بھی موجود تھے۔ اس سلسلے میں قابل ذکر اور قابل قدر بات یہ ہے کہ پارٹی ٹکٹ پر الیکشن لڑنے کے خواہشمند شخصیات سیاسی کونسل کے فیصلے کو من و عن تسلیم کرنے اور ہر صورت میں پارٹی پالیسیوں اور قائدین کی رہنمائی میں بھرپور دلجمعی کیساتھ کام کرنے پر آمادہ ہیں۔
ہفتے کے روز اویرنس فورم کے معروف رہنما انجنئیر شبیر حسین کے ہمراہ اپنے آبائی علاقے کے درجنوں بزرگان اور نوجوان پارٹی آفس آئے اور حلقے کی سیاست اور ایم ڈبلیو ایم کی پالیسیوں کے متعلق صوبائی سکریٹری جنرل آغا علی رضوی اور ضلعی سکریٹری جنرل شیخ اکبر رجائی سمیت دیگر رہنماؤں سے تفصیلی گفتگو کی اور مختلف امور پر پارٹی پالیسیوں اور دیگر معاملات پر اپنے عرائض پیش کئے۔
پارٹی قائدین کیجانب سے مجلس وحدت مسلمین کی سرگرمیوں ، پالیسیوں اور مستقبل کے لائحہ عمل پر شرکاء نے مکمل اعتماد اور بھرپور انداز میں کام کرنے کے عزم کا اعادہ کیا۔ آغا علی رضوی اور دیگر رہنماؤں نے جوانوں کے جوش و ولولے اور پارٹی پالیسیوں، سرگرمیوں، سیاسی فیصلوں اور قائدین پر اعتماد پر انکا شکریہ ادا کرتے ہوئے اس امید کا اظہار کیا کہ ہر حالت میں اقدار کی سیاست کا بول بالا کرنے میں قائدین کے دست و بازو بنتے ہوئے من محبت و بھائی اور علاقے کی تعمیر و ترقی ، علاقائی حقوق اور مسائل کے حل کیلئے ہر ممکن جدوجہد کرینگے۔
وحدت نیوز(اسلام آباد)مجلس وحدت مسلمین ڈیرہ اسماعیل خان کی ضلعی کابینہ کا ایک اہم اجلاس ایم ڈبلیو ایم کے مرکزی سیکرٹریٹ اسلام آباد میں منعقد ہوا۔ اجلاس کی صدارت مرکزی ڈپٹی سیکرٹری جنرل سید ناصر عباس شیرازی نے کی۔مجلس وحدت مسلمین خیبر پختونخوا کے صوبائی سیکرٹری جنرل علامہ وحید کاظمی بھی اجلاس میں خصوصی طور پر شریک ہوئے۔شرکا نے ڈیرہ اسماعیل خان کی مجموعی صورتحال اور موجودہ مسائل پر تفصیلی گفتگو کی۔صوبے میں ملت تشیع کو درپیش مشکلات اور عزاداری کی راہ میں حائل ممکنہ رکاوٹوں اور ان کے ازالے کے لیے بہترین اور مربوط لائحہ عمل طے کرنے پر زور دیا گیا۔اجلاس میں فیصلہ کیا گیا کہ محرم الحرام کے دوران ڈی آئی خان میں ایک فعال کنٹرول روم قائم کیا جائے گا تاکہ عزاداروں اور بانیان مجالس کو درپیش مسائل کو بلاتاخیر حل کیا جا سکے۔ڈیرہ اسماعیل خان کی کابینہ کو مزید فعال کرنے کے لیے کچھ نئے متحرک اور بیدار افراد بھی شامل کیے جائیں گے۔اجلاس میں کہا گیا کہ بہت جلد مرکز کی جانب سے صوبائی سیکرٹری جنرل کے ہمراہ ڈی آئی خان کا دورہ بھی کیا جائے گا۔
وحدت نیوز(کراچی) جعفرطیارسوسائٹی، غازی ٹاؤن ، عمار یاسر اور دیگر علاقوں سے مختلف شعبہ ہائے زندگی سے تعلق رکھنے والے 2درجن سے زائدمعزز بزرگان اور جوانوں نے ایم ڈبلیوایم کی قیادت پر بھرپوراعتماد کا اظہار کرتے ہوئےمجلس وحدت مسلمین ضلع ملیر میں شمولیت کا اعلان کردیا۔
ضلعی سیکریٹریٹ میں ایس اوپی کے مطابق منعقدہ سادہ سی تقریب میں تمام نئے شامل ہونے والے اراکین کو پھولوں کے ہار پہنچاکر خوش آمدید کہا گیا۔ضلعی سیکریٹری جنرل سید احسن عباس رضوی نے ایم ڈبلیوایم کے الہیٰ کاروان میں شامل ہونے والے تمام نئے اراکین سے حلف لیا۔
ایم ڈبلیوایم میں باقائدہ شمولیت کا اعلان کرنے والوں میں محمد اسماعیل،سید ابوالحسن نقوی،حسن زیدی،حسین،مزمل مرزا،تجمل مرزا،طاہر مرزا،شعیب حسن،علی رضا،ظفر مہدی،محمد علی،حسین رضا،علی،محسن،زین علی،شجاعت علی،وجاہت علی،قمر زیدی،شعیب حسن،محمد کامران،حسنین باقری،محمد رضا،ذوالفقار رضوی ، ظہیرعباس ، فرازعباس شامل ہیں ۔ اس موقع پر ایم ڈبلیوایم کراچی ڈویژن کے پولیٹیکل سیکریٹری میرتقی علی ظفر ، سید عارف رضا زیدی، علی احمر زیدی ، ضلعی کابینہ اور جعفرطیار یونٹ کے اراکین بھی بڑی تعداد میں موجود تھے ۔
قبل ازیں ایم ڈبلیوایم کراچی ڈویژن کے ڈپٹی سیکریٹری جنرل علامہ مبشرحسن اور ضلعی سیکریٹری جنرل سید احسن عباس رضوی نے تعرفی نشست سے خطاب کیا، اس موقع پر ایم ڈبلیوایم کراچی ڈویژن کے پولیٹیکل سیکریٹری میرتقی علی ظفر ، سید عارف رضا زیدی، علی احمر زیدی ، ضلعی کابینہ اور جعفرطیار یونٹ کے اراکین بھی بڑی تعداد میں موجود تھے ۔
وحدت نیوز(کوئٹہ) مجلس وحدت مسلمین پاکستان کے مرکزی ترجمان علامہ مقصود علی ڈومکی نے بی ایم سی بحالی تحریک کے سلسلے میں منعقدہ احتجاجی دھرنے میں شرکت کی۔ اس موقعہ پر احتجاجی دھرنے سے خطاب کرتے ہوئے ہوئے علامہ مقصود علی ڈومکی نے کہا ہے کہ گذشتہ 9 ماہ سے احتجاج پر بیٹھے ہوئے ملازمین کے مسائل حل نہ ہونا افسوسناک ہے۔ ملازمین اپنی مشکلات بتانے کے لئے اب صوبائی اسمبلی کے سامنے آئے ہیں۔ شدید گرمی میں گذشتہ 15 دن سے صوبائی اسمبلی کے سامنے احتجاج پر بیٹھے ہوئے ملازمین کے مسائل حل کئے جائیں۔
انہوں نےکہا کہ عدالت عالیہ حکومت بلوچستان کو احتجاجی ملازمین سے کئے گئے وعدوں پہ عمل در آمد کا پابند بنائے۔ حکومت نے عوام سے روزگار دینے کا وعدہ کیا تھا مگر آج ملازمین کو بے روزگار کیا جا رہا ہے۔انہوں نےکہا کہ بلوچستان کی سیاسی اور مذہبی جماعتیں ملازمین کی آواز بنیں اور مظلوموں کا ساتھ دیں۔ منگل 7 جولائی کے احتجاج کی حمایت کرتے ہیںاس موقعہ پر پر خطاب کرتے ہوئے بی ایم سی بحالی تحریک کے رہنما حاجی عبداللہ نے کہا کہ مطالبات کے حصول تک ہماری جدوجہد جاری رہے گی۔
وحدت نیوز(اسلام آباد) مجلس وحدت مسلمین پاکستان نے وفاقی حکومت کی جانب سے تشکیل کردہ زیارت پالیسی کی قابل اعتراض شقوں اور زائرین کی مشکلات میں اضافے پر مبنی شرائط کے اخراج کیلئے متعلقہ حکام سے رابطے کا فیصلہ کیا ہے۔
ایم ڈبلیوایم پولیٹیکل سیل کی جانب سے وحدت نیوز کو جاری اطلاعات کے مطابق وزارت مذہبی امورنے زیارات پالیسی کے حوالے سے صرف ایک مجوزہ مسودہ تشکیل دیاہے اب تک کوئی باقائدہ نوٹیفکیشن جاری نہیں ہوا ۔
مزید بتایاگیاکہ آج ہی قافلہ سالاروں کی نمائندہ تنظیموں کے وفد سے مرکزی سیکرٹری سیاسیات سید اسد عباس نقوی کی ملاقات ہوئی ہے اور اس میں منتشر پالیسی پر اعتراضات اور ان کے حل کے حوالے سے ایک دستاویز کی تیاری شروع ہوچکی ہے جو کہ وزارت مذہبی امور کوبھیجا جائے گا۔
وحدت نیوز(کراچی) نیپرا کی جانب سے بجلی کی قیمتوں میں مزید اضافہ کراچی کے شہریوں پر ظلم ہے بجلی کی قیمتوں میں اضافے سے عوام مذید مشکلات کا شکار ہوں گے۔کے الیکٹرک کی من مانیوں کے پیچھے وفاقی و صوبائی حکومتوں کا گٹھ جوڑ شامل ہے۔کے الیکٹرک کا ادارہ پرائیوٹ ہونے کے بعد اربوں ڈالر سالانہ کما رہاہے جو غریب عوام کی جیبوں سے چوری کیا جاتا ہے،بجلی کی قیمتوں میں مزید اضافہ کراچی کے شہریوں پر پیٹرول کے بعد بجلی بم گرانے کے مترادف ہے، ان خیالا ت کا اظہار مجلس و حدت مسلمین کے صوبائی سکر ٹری جنرل علامہ باقر عباس زیدی نے وحدت ہاؤس سے جاری اپنے مذمتی بیان میں کیا ۔
ان کا کہناتھا کہ وفاقی حکومت کی جانب سے بجلی کی قیمتوں میں مزیداضافہ کو مسترد کرتے ہیں، معاشی حب کراچی بحرانوں کی زد پر ہے شہر کی عوام ہر ماہ ایک نئے بحران کا سامنا کر تے ہیں،پانی و بجلی بندش،پیٹرول بحران کی شکار عوام اب مذید مشکلات جھیلے گی ساتھ ہی بجلی کی قیمتوں میں اضافہ غریب عوام کی کمرتوڑ دے گا۔ حکمران خوف خدا کریں شہر مختلف علاقوں میں اب بھی بے انتہا لو ڈشیڈنگ کے با وجود عوام پر بجلی کی قیمتوں میں اضافہ کرکے عوام پر بجلی بم گرا یا جا رہا ہے جو ہر گز قبول نہیں کیا جائے گا۔حکومت بجلی،پیٹرول کی قیمتوں اضافہ کو فوری واپس لے مزید بجلی کے نرخوں میں کمی کی جائے۔
انہوں نے کہا کہ حکومت کی نا اہلی کی وجہ سے مہنگائی بڑھنے کا جو لامتناہی تسلسل جاری ہے اس کی وجہ سے روزمرہ استعمال کی ہر چیز خوفناک حد تک مہنگی ہوچکی ہے اور غریب آدمی دو وقت کی روٹی کے حصول کے لئے ناجائز ذرائع اختیار کرنے پر مجبور ہے، وزیر اعظم سمیت تمام وزراء کے معاشی بہتری کے تمام تر دعوے طفل تسلی کے سوا کچھ نہیں۔
علامہ باقر زیدی نے کہا کہ حکومت نے عوام کو ریلیف دینے کی بجائے مزید ٹیکس کے پیئے میں کچل دیا ہے۔تنخواہ دار طبقہ پر بھاری ٹیکسس لگانا،بجلی،گیس اور پیٹرول کی قیمتوں میں اضافہ نے غریب عوام کی کمر توڑ دی ہے انہوں نے کہا کہ موجودہ حکمران اپنے عوام کو ریلیف دینے میں ناکام رہی ہے۔
وحدت نیوز(اسلام آباد) مجلس وحدت مسلمین پاکستان کے مرکزی ترجمان مقصود علی ڈومکی نے کہا ہے کہ گلگت بلتستان کے عوام کو مکمل آئینی حقوق دے کر جی بی کو پاکستان کا پانچواں آئینی صوبہ قرار دیا جائے۔ جی بی کے عوام محب وطن ہیں جنہوں نے ہمیشہ ملک و ملت کے لئے قربانیاں دی ہیں۔ گلگت بلتستان کے عوام کو قومی اسمبلی اور سینٹ میں نمائندگی دی جائے ایوان بالا اور ایوان زیریں میں ملک و قوم کی قسمت کے فیصلے ہوتے ہیں۔ جس میں جی بی کو مکمل نمائندگی دے کر جی بی کی محرومیوں کا خاتمہ کیا جا سکتا ہے۔
انہوں نےکہا کہ مجلس وحدت مسلمین پاکستان نے ہمیشہ جی بی کے عوام کی نمائندگی کا حق ادا کیا ہے۔ جی بی پاکستان کا حسین ترین خطہ ہے اپنے قدرتی حسن کے باعث جی بی سیاحت کا مرکز بن سکتا ہے حکومت جی بی کی تعمیر و ترقی پر بھرپور توجہ دے۔انہوں نےکہا کہ ایم ڈبلیو ایم جی بی کے عوام کی نمائندہ سیاسی جماعت ہے جس نے عوامی حقوق کے لئے قابل قدر جدوجہد کی ہے۔ اعلی تعلیم یافتہ بہتر کردار کے مالک بے داغ ماضی صالح اور دیانتدار قیادت کے ذریعے مجلس وحدت مسلمین پاکستان کا گلگت بلتستان کے آئندہ کی سیاست میں کلیدی کردار ہوگا۔
وحدت نیوز(سکردو) کھرمنگ کے متحرک سیاسی و سماجی رہنما انجینئرشبیر کا حلقے کے عمائدین و بزرگان کے ہمراہ مجلس وحدت مسلمین گلگت بلتستان سکردو آفس آمد۔ مجاہد ملت آغا علی رضوی ، سکریٹری جنرل ضلع کھرمنگ شیخ اکبر رجائی ، سیکریٹری سیاسیات ایم ڈبلیو ایم کاچو ولایت علیخان ، رہنما ایم ڈبلیو ایم شیخ ذوالفقار عزیزی اور حلقے کے متوقع امیدوار و رہنما آغا مبارک موسوی و دیگر بھی موجود تھے۔رہنماؤں کے درمیان حلقے کی سیاست اور مستقبل کی سرگرمیوں کے حوالے سے گفتگو۔ انجینئر شبیر حسین اور معززین علاقہ نے مجلس وحدت مسلمین گلگت بلتستان کی تنظیمی پالیسیوں پر بھرپور اعتماد اور ہر حوالے سے تنظیمی قائدین کے دست و بازو بننے کا اعادہ کیا، سیاسی کونسل الیکشن کے حوالے سے جو فیصلہ کرے اس کو بھرپور انداز میں قبول کرنے کے عزم کا اظہار کیا گیا۔
ایم ڈبلیوایم راولپنڈی کے فلاحی شعبے ADMCکے رضاکارمسلسل کورونا متاثرہ میتوں کے غسل وکفن میں مصروف عمل
وحدت نیوز(راولپنڈی) مجلس وحدت مسلمین پاکستان ضلع راولپنڈی کے شعبہ فلاح و بہبود کی ضلعی کونسل کا ایک اہم اجلاس مولانا سید علی اکبر کاظمی ضلعی سیکریٹری جنرل کی زیر صدارت منعقد ہوا جس میں ضلعی سیکریٹری فلاح و بہبود محمد کاظم بلتی اور دیگر ممبران کونسل نے شعبے کی کارکردگی کا جائزہ لیا اور کام کو مزید بہتر بنانے کیلئے تجاویز پیش کیں اور اہم فیصلہ جات کئے۔
بعد ازاں کرونا وائرس کے شہداء کیلئے بنائی جانے والی "غسل و کفن ٹیم" نے بھی اپنی ورکنگ شیئر کی۔ ٹیم کے سربراہ شیخ حسن ممتاز نے بتایا کہ اس وقت تک راولپنڈی اور اسلام آباد میں پچاس سے زائد مومنین و مومنات کو احتیاطی تدابیر کے ساتھ غسل و کفن دیا جا چکا ہے اور بعض اوقات ایک ہی روز میں تین مرحومین کو بھی غسل و کفن دیا ہے جس کی وجہ سے بہت مشکلات پیش آ رہی ہیں کیونکہ یہ کام رضاکارانہ ہو رہا ہے ٹیم میں شامل افراد مختلف پرائیویٹ/سرکاری اداروں میں ملازمت بھی کرتے ہیں جس کی وجہ سے ان برادران کی ہر وقت دستیابی کا امکان نہیں ہوتا لیکن اگر ہر علاقے کے اہل درد یہ فریضہ سر انجام دیں تو کام تقسیم ہونے کی وجہ سے آسان ہو جائے گا۔
اس صورتحال کا مقابلہ کرنے کیلئے ٹیم کے سربراہ شیخ حسن ممتاز نے قوم سے اپیل کی ہے کہ ملت کے جوان اور علماء کرام، مشکل کی اس گھڑی میں قدم آگے بڑھائیں اور غسل و کفن دینے کیلئے اپنے اپنے علاقوں میں اس فریضہ کو سر انجام دیں اور اس کام کی ٹریننگ کیلئے رابطہ کریں،خواتین کی ٹریننگ کیلئے خواتین ٹرینرز موجود ہیں۔
