وحدت نیوز(سکھر)مجلس علماء مکتب اھل بیت ع پاکستان سندھ ضلع سکھر کا تنظیم سازی اجلاس منعقد، صوبائی صدر علامہ عبداللہ مطھری نے اجلاس کی صدارت کی، علماء کرام کی کثیر تعداد میں شرکت ۔

صوبائی صدر عبداللہ مطھری نے کہا کہ مجلس علماء مکتب اھل بیت ع پاکستان ونگ سندھ بھر میں فعال ہے ملت کی خدمت کے لئے ہم سب کو مل کر کام کرنا ہوگا،ضلع سکھر کے تنظیم سازی اجلاس میں، صوبائی تبلیغات سیکریٹری مولانا غلام رضا کھوھارو، صوبائی رابط سیکریٹری مولانا نثار علی سمائر نے بھی شرکت کی ۔اکثریت رائے سے مولانا حاجی راشد علی چنہ کو مجلس علماء مکتب اھل بیت ع پاکستان ضلع سکھر کا صدر منتخب کیا گیا۔

مجلس علماء مکتب اھل بیت ع پاکستان ضلع سکھر کا اجلاس منعقد ہوا اجلاس میں صوبائی عہدیداران نے شرکت کی، اجلاس کی صدارت صوبائی صدر علامہ عبداللہ مطھری نے کی اجلاس سے خطاب کرتے ہوئے کہا کہ ملک بھر میں مجلس وحدت مسلمین کی ذیلی تنظیم مجلس علماء مکتب اھل بیت ع پاکستان کو فعال کردیا گیا ہے سندھ بھر تنظیمی سازی ہورہی ہے کثیر تعداد میں علماء کرام مجلس علماء مکتب اھل بیت ع  ونگ کا حصہ بن چکے ہیں۔

انہوں نے مزید کہا کہ قائد وحدت علامہ راجہ ناصرعباس جعفری حفظہ اللہ اس وقت شہید قائد کے نقش قدم پر چل رہے ہیں شہید قائد کے حقیقی پیروکار ہیں ہم سب کو علامہ راجہ ناصر عباس جعفری حفظہ اللہ کے ساتھ شانہ بشانہ کھڑا رہنا چاہیے۔

وحدت نیوز(اسلام آباد) چیرمین مجلس وحدت مسلمین پاکستان علامہ راجہ ناصر عباس جعفری سے جماعت اسلامی کے نائب امیر لیاقت بلوچ کی جامعہ الولایہ میں ملاقات اور ملکی صورتحال پر تبادلہ خیال، جس میں حکومت اور اپوزیشن کے درمیان ہونے والے مذاکرات کی کاوشوں اور اس میں پیدا ہونے والی رکاوٹوں پر بھی بات ہوئی، سربراہ مجلس وحدت مسلمین پاکستان نے کہا کہ ملک میں موجودہ سیاسی و معاشی صورتحال کی بہتری اور استحکام کی خاطر تمام کوششوں اور کردار کو ہم سراہتے ہیں اور ہر اس اقدام کی حمایت کرتے ہیں جس سے ملک میں آئین وقانون کی بالادستی اور عملداری کو یقینی بنایا جائے۔

چیئرمین ایم ڈبلیو ایم نے امیر جماعت اسلامی پاکستان سراج الحق پر ہونے والے خود کش حملے کی مذمت کرتے ہوئے اسے ملکی امن کے خلاف سازش قرار دیا جس میں بیرونی ہاتھ کے ملوث ہونے کو بھی نظر انداز نہیں کیا جا سکتا۔ دونوں رہنماؤں کے درمیان اس بات پر بھی اتفاق کیا گیا کہ پاکستان میں مذہبی حوالے سے کوئی ایسا بل یا قانون منظور نہیں ہونا چاہیے جس پر تمام مذہبی جماعتوں کے سربراہان یا مکاتب فکر کے جید علماء کرام کا اتفاق نہ ہو۔

بات چیت میں ملی یکجہتی کونسل کے پلیٹ فارم کو مضبوط بنانے اور باہمی ہم آہنگی کے فروغ کے اس پلیٹ فارم سے مختلف پروگرامز کا انعقاد کیا جائے گا۔ سانحہ پارہ چنار کی آڑ میں تکفیری سوچ کو پھیلائے کی مذموم کوشش کی جا رہی ہے جسے باہمی وحدت کے ذریعے ناکام بنایا جائے گا۔ملاقات میں مجلس وحدت مسلمین پاکستان کے مرکزی جنرل سیکرٹری سید ناصر عباس شیرازی اور عزاداری ونگ کے مرکزی انچارج ملک اقرار حسین علوی بھی موجود تھے۔

وحدت نیوز(گلگت) پارلیمانی سیکریٹری برائے لوکل گورنمنٹ  و ضلعی صدر مجلس وحدت مسلمین شیخ اکبر علی رجائی کی جانب سے محکمہ تعلیم کے اسپیشل پےاسکیل (ایس پی ایس) کنٹریکٹ ملازمین کی مدت ملازمت میں بغیر کسی گیپ کے 40 ہزار روپے ماہانہ تنخواہ کے ساتھ توسیع کی قرار دادگلگت بلتستان اسمبلی میں پیش کی گئی ، ممبران اسمبلی نے اس قراردادکو متفقہ طور پر منظور کرلیا۔

 واضح رہے کہ ایس پی ایس ملازمین ٹیسٹ انٹرویو کے بعد ایک سال کے کنٹریکٹ پر متعین ہوگئے تھے اور دورانیہ ختم ہوچکا تھا۔ ان ملازمین کو 20 ہزار روپے فکس تنخواہ ملتی تھی۔ رکن مجلس وحدت مسلمین کی کوششوں سے اب 40 ہزار روپے ماہانہ تنخواہ کیساتھ مزید ایک سال کیلئے کام جاری رکھیں گے۔

اس موقع پر شیخ اکبر علی رجائی نے کہا کہ ہماری کوشش ہوگی کہ میرٹ کے تحت متعین ہونے والے ان ملازمین کو محکمے اور قوانین کے ضابطے کے تحت ریگولر کروایا جائے۔

وحدت نیوز(کراچی)حالیہ دونوں کراچی کے علاقے کورنگی میں ہونے والی ٹارگٹ کلنگ اور اسٹریٹ کرائم کی وارداتوں کے خلاف مجلس وحدت مسلمین پاکستان کراچی ڈویژن ضلع کورنگی کی جانب سے ضلع بھر میں بینرز لگائے گئے جس میں حکومت سندھ سے مطالبہ کیا کہ وہ ان جرائم میں ملوث عناصر کو بے نقاب کر کے فی الفور سزادیں اور مستقبل میں ان وارداتوں کی روک تھام کے لئے اپنا کردار ادا کرے۔

وحدت نیوز(لاڑکانہ) وحدت یوتھ ونگ پاکستان کا محبانِ وطن اجلاس 10/11 جون کو اسلام آباد میں منعقد ہورہا ہے ڈویژن لاڑکانہ سے تمام تحصیل عہدیداران شرکت کریں گے۔

تھوڑے عرصے میں مرکزی کواڈینیٹر برادر تصور علی مھدی نے ملک بھر میں آرگنائزر مقرر کردیئے، چاروں صوبوں کی ڈویژنل میں یوتھ کا سیٹپ بن گیا ہے۔

تفصیلات کے مطابق وحدت یوتھ ونگ ڈویژن لاڑکانہ کے صدر منصب علی کربلائی نے بیان جاری کرتے ہوئے کہا کہ 10/11 جون 2023 کو اسلام آباد میں محبانِ وطن جنرل یوتھ کونسل اجلاس منعقد ہورہا ہے جس میں ڈویژن لاڑکانہ کے تمام تحصیل کے صدور شرکت کریں گے۔

انہوں نے مرکزی کوآڈینیٹر برادر تصور علی مھدی کے کارکردگی کو سراہتے ہوئے کہا کہ تھوڑے عرصے پورے ملک کے اندر وحدت یوتھ کا مظبوط سیٹ اپ بنا دیا ہے اور مرکزی اجلاس کے بعد پورے ملک میں یوتھ ونگ میں ممبر سازی کا آغاز ہوگا۔

وحدت نیوز(کشمور) مجلس وحدت مسلمین پاکستان کے مرکزی رہنماء علامہ مقصود علی ڈومکی نے کندھ کوٹ میں تین سالہ معصوم بچے ثمرت کمار سمیت تین درجن سے زائد معصوم شہریوں کے اغواء برائے تاوان پر شدید غم و غصے اور درد و تکلیف کا اظہار کرتے ہوئے کہا کہ ضلع کشمور میں تسلسل کے ساتھ اغوا برائے تاوان کی وارداتیں افسوس ناک ہیں۔ ضلع میں امن و امان کی ابتر صورتحال کو بہتر کرنے اور مغویوں کی بازیابی کیلئے سنجیدہ عملی اقدامات کی ضرورت ہے۔ مقام افسوس ہے کہ ایک مغوی کی بازیابی سے قبل اغواء کی مزید وارداتوں کے باعث اس وقت ایک ضلع میں مختلف وارداتوں میں 36 افراد اغواء ہو چکے ہیں، جو غریب گھرانے دو وقت کی روٹی نہیں کھا سکتے ان سے لاکھوں روپے تاوان طلب کیا جا رہا ہے۔

انہوں نے کہا کہ اغواء برائے تاوان کے بعد مغویوں پر تشدد، جنسی زیادتی اور اس زیادتی کی ویڈیوز کو سوشل میڈیا پر وائرل کرنے پر انسانیت کا سر شرم سے جھک گیا۔ اغواء کی وارداتوں کو ایک سو پچاس 150 دن گزر گئے، مگر پولیس اور انتظامیہ مجرموں کے سامنے بے بس اور بے حس نظر آتی ہے اور اغواء برائے تاوان ایک منافع بخش کاروبار بن چکا ہے۔ جس میں بااثر افراد ملوث ہیں۔ حال ہی میں ایس ایس پی نے 40 پولیس اہلکاروں اور افسروں کو ڈاکوؤں کے سہولت کار ہونے کے باعث محکمے سے فارغ کیا۔ علامہ مقصود ڈومکی نے کہا کہ تعجب ہے کہ کئی ماہ سے ڈاکے اغواء کی وارداتیں اور پولیس کے جوانوں کی شہادتیں جاری ہیں، مگر مجرموں کے خلاف فوجی آپریشن نہیں کیا جا رہا۔

آخر بتایا جائے کہ رینجرز سندھ میں کیا کر رہی ہے؟ پولیس کے پاس ڈاکوؤں سے لڑنے کے لئے نہ مطلوبہ اسلحہ اور وسائل موجود ہیں اور نہ ہی صلاحیت ہے۔ پیپلز پارٹی کے بااثر بر سر اقتدار وڈیرے پولیس کو فری ہینڈ دینے کے لئے تیار نہیں ہیں۔ لہٰذا اب ڈاکوؤں کے خلاف فوج اور رینجرز کا مشترکہ آپریشن ناگزیر ہو چکا ہے۔ ایم ڈبلیو ایم کے رہنماء نے کہا کہ ضلع کشمور، شکارپور اور گھوٹکی کے کچے کے علاقے میں ڈاکو کلچر نے ریاستی رٹ کو چیلنج کیا ہوا ہے۔ پولیس اہلکاروں کی شہادت اور اغواء کی وارداتوں کے سدباب کے لئے ضروری ہے کہ پولیس رینجرز اور پاک فوج کے تعاون سے آپریشن کلین اپ کا آغاز کرے۔