وحدت نیوز(اسلام آباد) رہنما مجلس وحدت مسلمین و وزیرزراعت گلگت بلتستان محمد کاظم میثم نے وِزیراعلی گلگت بلتستان خالد خورشید خان سے اسلام آباد میں تفصیلی ملاقات کی۔ ملاقات میں گلگت بلتستان بھر کی تعمیر و ترقی بلخصوص ترقیاتی منصوبوں پر گفتگو ہوئی۔

 اس سلسلے میں بلتستان ریجن کے ترقیاتی منصوبوں بلخصوص شاتونگ نالے کی ڈائیورژن، سدپارہ پاور پروجیکٹ، شغرتھنگ روڈ، شغرتھنگ پاور پروجیکٹ، غواڑی پاور پروجیکٹ، پانچ سو بیڈ ہسپتال، حلقہ ایک اور دو کے لیے سیوریج سسٹم کی منظوری سمیت دیگر پی پی موڈ پر ہونے والے منصوبوں کی نگرانی اور خصوصی کاوشوں سے منظوری پر شکریہ ادا کیا۔

انہوں نے کہا کہ گلگت بلتستان کی تاریخ میں پہلی دفعہ بنیادی اور میگا پروجیکٹس پر کام جاری ہے جس سے خطے کی تقدیر بدل جائے گی۔ شغرتھنگ روڈ کی تعمیر کے بعد گلگت بلتستان میں سیاحت کی انڈسٹری پہ بڑا اثر پڑے گا۔ بلتستان ریجن کو ماضی میں دیوار سے لگایا گیا اب عوام کو موجودہ حکومت سے بہت زیادہ توقعات وابستہ ہیں۔ ماضی میں بنیادی کام ہوتا تو آج سکردو شہر بوند بوند۔پانی کو ترس نہ رہا ہوتا اور نہ بدترین لوڈشیڈنگ ہوتی۔ ان کا واحد حل شاتونگ منصوبے پر فوری کام ہے۔

 وزیراعلیٰ گلگت بلتستان نے کہا کہ پورے گلگت بلتستان کی ترقی کے لیے سنجیدہ جدوجہد اور جامع منصوبے پر کام کرنا ہماری ذمہ داری ہے۔ بلتستان ریجن میں شاتونگ نالہ پروجیکٹ غواڑی پروجیکٹ پانچ سو بیڈ ہسپتال اور شغرتھنگ روٹ سمیت دیگر منصوبوں کی نگرانی میں خود کروں گا اور منصوبوں میں کسی قسم کی کوتاہی اور غفلت برداشت نہیں کی جائے گی۔

انہوں نے کہا بلتستان ریجن میں سکردو سٹی پر بھاری بھر کم بوجھ ہے ہستپال اور تعلیمی اداروں پر بوجھ ہے انفراسٹرکچر ناقص ہے بدترین لوڈشیڈنگ اور پینے کے پانی کی فراہمی کا مسئلہ بھی ہے۔ آر ایچ کیو کی مسنگ فیسلیٹیز کو فوری طور پر پوری کی جائے گی پورے بلتستان ریجن میں ایم آر آئی مشین تک نا ہونا انتہائی افسوسناک ہے۔ بہت جلد ایم آر آئی مشین ہوگی اور تمام شعبوں کو اپ گریڈ کیا جائے گا۔

 انہوں نے مزید کہا کہ حلقہ دو سکردو کی آبادی بہت زیادہ اور مسائل گوناگوں ہیں۔ تعلیم، پینے کے پانی کی فراہمی رابطہ سڑکیں اور صحت کی سہولت کے لیے جامع منصوبہ بندی پہ کام ہوگا اور سیاحتی مقام ہونے کے ناطے بنیادی سہولیات کی فراہمی نہایت اہم ہے جسکے اثرات پورے گلگت بلتستان پہ مرتب ہوں گے۔

وحدت نیوز(لاہور) یوم تکبیر کے موقع پر مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے اپنے پیغام میں کہا کہ کسی بھی ملک کی سالمیت اور بقا اس کی جوہری صلاحیت میں پوشیدہ ہے پاکستان نے ایٹمی قوت حاصل کر کے اپنے دفاع کو ناقابل تسخیر بنایا ہے انہوں نے کہا ’یومِ تکبیر‘ جہاں پاکستانی قوم کے بے مثال جرات اور بہادری کی علامت ہے وہاں پاکستان کے دشمنوں اور بد خواہوں کے لیے بھی یہ پیغام ہے کہ پاکستان کے خلاف جارحیت کا مظاہرہ کرنے والوں کاانجام عبرت ناک ہوگا ۔

ان کا کہنا تھا 28 مئی کے اس عظیم کارنامے کا سہرا افواج پاکستان ، ڈاکٹر عبدالقدیر خان اور ان تمام افراد کے سر جاتا ہے جنہوں نے ابتدا سے لے کر تکمیلی مراحل تک  اپنی جان خطرے میں ڈال کر وطن کا دفاع مضبوط کیا ان کا مزید کہنا تھا ملک کی ترقی اور استحکام کے لیے جہاں ایٹمی طاقت کو حصول ناگزیر ہے اسی طرح تعلیمی و معاشی ترقی بھی لازم ہے جس میں حکومت اور عوام دونوں کی محنت لگن اور جدوجہد درکار ہے۔

وحدت نیوز(آرٹیکل) ہمارا دشمن ہے یا نہیں ہے؟ کیا کوئی کہہ سکتا ہے کہ نہ ہمارا کوئی دشمن ہے اور نہ ہی ہمارے وطن کا دشمن ہے نہ مسلمانوں کا کوئی دشمن ہے اور نہ ہی اہل تشیع کا دشمن ہے؟اگر کوئی ہمارا، اس ملک کا، اس ملک میں بسنے والے پر امن شہریوں کا دشمن نہیں ہے تو پھر ہم پر حملے کیوں ہوتے ہیں؟ ہماری جلوسوں پر حملے کیوں ہوتے ہیں؟ ہماری کیوں ٹارگٹ کلنگ (target killing) ہوتی ہے؟ ہمیں آپس میں کیوں لڑایا جاتا ہے؟ ہمیںکیوں تقسیم کیا جاتا ہے ؟ یقینا کوئی ہے جو ہمیں کمزور کر رہا ہے؟ ہمیں ٹکڑوں میں بانٹ رہا ہے اور ہمارے خون کا پیاسا ہے۔

بلا شک کوئی ہے جو ہمیں نقصان پہنچانا چاہتا ہے ، ہمارے وطن کو توڑنا چاہتا ہے؟ہمیں کمزور رکھنا چاہتا ہے۔ اس ملک کو اپنی سازشوں کی آماجگاہ بنا کر اس کے اندر پلورالیزم (pluralism) پیدا کرنا چاہتا ہے؟ قوم، قبیلہ، علاقہ اور لسانی بنیادوں پر ہمیں ٹکڑوں میں بانٹنا چاہتا ہے؟ یقینا کوئی ہے جو اس ملک کے اندر پاپولر لیڈرشب (populer leader ship)کو ڈیولپ (develop)کرنے نہیں دینا چاہتا؟ عوامی لیڈرشب کو سامنے نہیں آنے دیتا ، جس کے پاس آگے آنے کی صلاحیت ہوتی ہے اسے مار دیتا ہے اور راستے سے ہٹا دیتا ہے۔ ان مسلمہ حقایق کو سامنے رکھتے ہوئے اس حقیقت تک پہنچنا بہت ضروری ہے کہ ہمارا دشمن کون ہے؟ یہ ایک مسلمہ حقیقت ہے کہ جب تک دشمن کی صحیح پہچان نہ ہو لوگ سایوں کے پیچھے دوڑیں گے۔ اس طرح دشمن کا مقابلہ تودور اس کی سازش کا شکار ہو جائیں گے۔

بعض لوگ یہ کہتے ہیں ہمارا دشمن اس ملک میں وہ طبقہ ہے جو تکفیری کہلاتا ہے، یعنی وہ لوگ جو ان کی بات نہ مانے ان کو کافر کہتے ہیں۔ یہ طبقہ شیعوں اور اہل سنت بریلویوں کو کافر کہتا ہے۔ ان کے نزدیک ہر وہ شخص یا گروہ کافر ہے جو ان کی بات نہیں مانتا ہے۔بنا برایں، بعض لوگوں کا نقطہ نظر یہ ہے کہ تکفیری اور انتہا پسند طبقہ ہمارا دشمن ہے کیونکہ دہشتگردانہ کاروائیوں میں براہ راست انہیں کو استعمال کیا جاتا ہے اور فرنٹ لائن پر یہی لوگ کاروائیاں کرتے نظر آتے ہیں۔

کچھ لوگ کہتے ہیں تکفیری اور انتہا پسند گروہ الۂ کار ہیں، اصلی دشمن کوئی اور ہے جو اس طبقہ کو استعمال کرتا ہے ۔ اس کی واضح دلیل نہ ختم ہونے والی دہشتگردانہ کاروائیاں ہیں۔ ایسا نہیں ہے کہ صرف یہ گروہ وار کرتا رہتا ہے ۔ جبکہ دیکھنے میں آیا ہے کہ ان پر بھی وار ہوتے رہتے ہیں، ان کا بھی نقصان ہوتا ہے اس طرح یہ لڑائی جاری رہتی ہے اور کمپرومائز (compromise)کی طرف کوئی نہیں آتا جس سے معلوم یہ ہوتا ہے کہ جو اصل پلینر (planer)ہوتا ہے ان کو نقصان نہیں پہنچتا۔ ہم ہزاروں کی تعداد میں مر بھی جائیں پھر بھی یہ سلسلہ نہیں رکے گا کیونکہ جو اصل پلینر(planer) ہے ان کو کوئی چھیڑتا ہی نہیں ہے اور نہ ہی کسی کی ان کی طرف توجہ ہے۔

بنا بر این، کچھ لوگوں کا نقطہ نظر یہ ہے کہ ہمارا اصلی دشمن امریکہ , عالمی صہیونیزم(zionism) ، ان کے اتحادی اور بعض وہ اسلامی ممالک ہیں جو ان کاروائیوں کے لئے گروانڈ(ground) فراہم کرتے ہیںاور باقاعدہ اس کے لئے انویسمنٹ(investment) کرتے ہیں۔ بعض کا خیال ہے انڈیا بھی اس میں شامل ہے وہ بھی اس طبقہ کو اپنے اہداف اور مقاصد کے لئے استعمال کرتا ہے۔

سوال یہ ہے کہ کیا امریکہ اور عالمی صہیونیزم ہمارا دشمن ہے؟ بعض لوگ اس کو قبول کرنے کے لئے کسی قیمت پر تیار نہیں ہیں۔ ان کا کہنا ہے کہ یہ کونسی منطقی بات ہے کہ جو بھی مسئلہ ہو وہ امریکہ کی گردن پر ڈال دیا جاتا ہے۔انسان تعصب کی عینک اتار کر افق بالا سے اگر دنیا کے بدلتے ہوئے حالات اور اس میں رونما ہونے والے واقعات کا جائزہ لے تو اسے معلوم ہوگا امریکہ ہی سب سے بڑا شیطان ہے۔ اس زمانے کے حکیم ، اس زمانے کے بت شکن ، جس نے اس صدی کا سب سے بڑا انقلاب لایا اس نے کہا تھا کہ تمہارا سب سے بڑا دشمن امریکہ ہے۔ ذرا سوچنے کی بات ہے ہمارے ملکوں کے اندر حکومت کون کرتا ہے؟

طالبان کس نے بنائے؟القاعدہ کس نے بنائی؟عراق میں بم دھاکے کون کرواتا ہے؟اسرائیل کو کون سپورٹ(support) کرتا ہے؟سیریا (syria)میں حالات کون خراب کر رہا ہے؟بحرین میں کون مسلمانوںکا قتل عام کر رہا ہے اور ان کی آواز دبانے کے لئے جو قوتیں کام اور سپورٹ کر رہی ہیں ان کے پیچھے کس کا ہاتھ ہے؟لاتینی امریکہ (latin america)میں کون مشکلات کھڑی کرتا ہے؟ پوری دنیا پر کو ن اپنی حکومت قائم رکھنا چاہتا ہے؟ ان سارے سوالات کا صرف ایک ہی جواب ہے، امریکہ اور عالمی صہیونیزم۔

امریکہ پوری دنیا پر اپنی چودھراہٹ قائم کرنا چاہتا ہے لہذا لیٹن امریکہ (latin america)، افریقاء ، ایشیاء اور دیگر ممالک کے لئے الگ الگ پلین(plan) رکھتا ہے۔