The Latest
مجلس وحدت مسلمین گلگت بلتستان کے زیر اہتمام محرم الحرام کے استقبال کے حوالے سے یوتھ کنونشن بعنوان لبیک یا حسین (ع) کنونشن وحدت ہاؤس گلگت میں منعقد کیا گیا۔ کنونشن سے خطاب ایم ڈبلیو ایم گلگت کے رہنما علامہ شیخ بلال سمائری اور گلگت کے سیکریٹری جنرل سعید الحسنین نے کیا جبکہ اس موقع پر ایم ڈبلیو ایم شعبہ جوان کے مرکزی سیکریٹری علامہ اعجاز بہشتی نے شرکائے کانفرنس سے خصوصی طور پر ٹیلیفونک خطاب کیا۔ علامہ اعجاز بہشتی نے ٹیلی فونک خطاب کرتے ہوئے کہا کہ ہم کربلا والے ہیں اور حضرت امام حسین ؑ کے پیغام کو دنیا کے کونے کونے تک پہنچاتے ہیں، حکومت کراچی، کوئٹہ، پارہ چنار اور گلگت بلتستان میں ملت تشیع کو تحفظ فراہم کرے ورنہ یوم عاشور کے جلوسوں کو روکا جائے گا، جس کی تمام تر ذمہ داری حکومت پر عائد ہوگی۔
وفاقی دارالحکومت میں منعقدہ عالمی اتحاد امت کانفرنس سے خطاب کرتے ہوئے ایم ڈبلیو ایم کے ڈپٹی سیکرٹری جنرل نے کہا کہ آج کا اجتماع ان طاقتوں کی شکست ہے جو امت مسلمہ کو عالمگیر قوت بننے سے روکنا چاہتے ہی
عالمی اتحاد امت کانفرنس سے خطاب کرتے ہوئے مجلس وحدت مسلمین پاکستان کے ڈپٹی سیکرٹری جنرل
علامہ امین شہیدی نے کہا ہے کہ آج امت اپنے تمام امتیازات کے باوجود اس عظیم الشان اجتماع میں جمع ہے۔ یہ اجتماع ان قوتوں کے منہ پر طمانچہ ہے جو امت مسلمہ کو عالمگیر قوت بننے سے روکنا چاہتے ہیں۔
مجلس وحدت مسلمین پاکستان کے مرکزی سیکریٹری جنرل علامہ ناصر عباس جعفری نے محرم الحرام سے قبل کراچی میں ٹارگٹ کلنگ کے واقعات میں اضافہ پر تشویش کا اظہار کرتے ہوئے کہا ہے کہ یہ واقعات محرم الحرام سے قبل ملک میں امن امان کی صورتحال کو مزید خراب کرنے اور مختلف مکاتب فکر کے درمیان فرقہ وارانہ منافرت پھیلانے کی ایک گھناونی سازش ہے۔ایم ڈبلیو ایم کے مرکزی دفتر سے جاری ایک بیان میں انھوں نے کہا ہے کہ قانون نافذ کرنے والے اداروں کے اہلکاروں کی موجودگی میں دن دیہاڑے ٹارگٹ کلنگ کے ان واقعات نے عوام میں موجود خوف وہراس میں مزید اضافہ کردیا ہے ،ٹارگٹ کلنگ کے ان واقعات سے یہ ثابت ہوتا ہے کہ قانون نافذ کرنے والے ادارے یا تو ان دہشتگردوں کی پشت پناہی کررہے ہیں
مجلس وحدت مسلمین کوئٹہ کے زیر اہتمام بعد از نماز جمعہ مسجد و امام بارگاہ کلاں میکانگی روڈ پر اتحاد بین المسلمین کے داعی اور مجلس وحدت مسلمین کے رہنماء شہید آفتاب حیدر جعفری سمیت کوئٹہ اور کراچی میں ملت جعفریہ کی مسلسل ٹارگٹ کلنگ کے خلاف ایک احتجاجی ریلی نکالی و پر امن مظاہر ہ کیا گیا۔ جس میں لوگوں کی بڑی تعداد نے شرکت کی، جلسے کے شرکاء نے پلے کارڈز اور بینر اٹھا رکھے تھے۔ جس پر دہشت گردوں اور حکومتی نااہلی کے خلاف نعرے درج تھا۔ مظاہرین نے اپنے غصے کا اظہار کرتے ہوئے دہشت گردوں اور وفاقی، صوبائی حکومت کے خلاف شدید نعرہ بازی کی اور اتحادبین المسلمین کے شعار بھی بلند کئے۔ مظاہرین سے امام جمعہ کوئٹہ اور رکن شوریٰ عالی مجلس وحدت مسلمین علامہ سید ہاشم موسوی اور علامہ ولایت حسین جعفری نے خطاب کیا۔
علامہ سید ہاشم موسوی نے کہا کہ علامہ سید آفتاب حیدر جعفری اتحاد بین المسلمین کے علمبردار اور مجلس وحدت مسلمین کے بے لوث رہنماء تھا۔ علامہ آفتاب حیدر جعفری کی خدمات رہتی دنیا تک یاد رکھی جائینگی۔ دہشت گردوں کے ہاتھوں ان کا قتل کسی المیہ سے کم نہیں ہے۔ جس کی جتنی بھی مذمت کی جائے کم ہے۔ انہوں نے کہا کہ امریکہ اور اسرائیلی دہشت گرد ایجنٹ مسلمانوں کے درمیان تفرقہ اور نفرتیں ڈالنے کی سرتوڑ کوشش کر رہے ہیں۔ ان کہنا تھا کہ اس گھناؤنی سازش کی تمام زی شعور مسلمان، محب وطن پاکستانی شدید مذمت کرتے ہیں۔ انہوں نے کہا کہ امریکی مداخلت کی وجہ سے پاکستان تباہی کی طرف جا رہاہے، ہمار ے حکمرانوں کو چاہیے کہ وہ ہوش کے ناخن لیتے ہوئے امریکہ سے اپنے تعلقات کو فوری طور پر ختم کریں۔
ان کا کہنا تھا کہ جس ملک یا خطہ میں امریکہ کا اثر و رسوخ ہوتا ہے وہاں امن و امان نام کی کوئی چیز نہیں ہوتی۔ ہم اتحاد بین المسلمین کے داعی اور علم بردار ہے۔ کوئٹہ سمیت پورے پاکستان میں کوئی سنی، شیعہ اختلاف نہیں، جس کا بین ثبوت ہمار ا اہل سنت کے علماء کے ساتھ اتحاد اور میل جول ہے۔ انہوں نے کہا کہ ہم اسلام دشمن امریکی، اسرائیلی شیطانی سازشوں کا ڈٹ کر مقابلہ کرینگے اور مسلمانوں کے خلاف ہر قسم کی سازشوں کو انشاء اللہ ناکام بنائیں گے۔ انہوں نے کوئٹہ اور کراچی میں دہشت گردی کے واقعات میں بے گناہ اہل تشیع کی بے دردی کے ساتھ قتل کی شدید مذمت کرتے ہوئے کہا کہ دہشت گردوں کو حکومتی پشت پناہی حاصل ہے۔
انہوں نے کہا کہ صوبائی حکومت پوری طرح ناکام ہوچکی ہے۔ صوبائی حکومتی فوری طور مستعفی ہوجائے۔ انہوں نے کہا کہ ہمارا نہتے بے گناہ کوئٹہ کے اہل تشیع کا خون کسی بھی صورت رائیگاں نہیں جائے گا۔ انہوں نے شہداء کے لواحقین سے اظہار ہمدردی کا اظہار کرتے ہوئے کہا کہ ہم شہداء کے غم میں برابر کے شریک ہیں۔
مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے کہا ہے کہ پاکستان اسلام کے نام پر معرض وجود میں آیا تھا لیکن شروع دن سے ہی پاکستان مخالف قوتیں اس کے خلاف سازشیں کرنے میں مصروف ہیں، ملک دشمن عناصر کبھی ملک میں فرقہ واریت کو ہوا دیتے ہیں تو کبھی لسانیت کو ہوا دیتے ہیں، آج پاکستان کا ہر شہر کربلا کا منظر پیش کر رہا ہے۔ ملت جعفریہ کے لوگوں کو چُن چُن کو شہید کیا جارہا ہے، ان خیالات کا ظہار اُنہوں نے مظفر گڑھ میں پریس کانفرنس سے خطاب کرتے ہوئے کیا، اس موقع پر مرکزی سیکرٹری تعلیم مجلس وحدت مسلمین یافث نوید ہاشمی ایڈووکیٹ، ضلعی سیکرٹری جنرل مجلس وحدت مسلمین علی رضا طوری اور دیگر رہنماء بھی موجود تھے۔
پاکستان کے لئے سب سے بڑا چیلنج قوم پرستی ہے۔ پاکستان کی سیاست، پاکستان کا میڈیا اور تمام پاکستانی ادارے لا الہ الا اللہ کو ختم کرنے کے درپے ہیں۔ ان خیالات کا اظہار ممتاز مذہبی شخصیت، بزرگ عالم دین اور قائد شہید کے باوفا ساتھی، مجلس وحدت مسلمین پاکستان کی مجلس نظارت کے رکن حجۃ الاسلام والمسلمین علامہ حیدر علی جوادی نے قم المقدسہ میں منعقدہ "پاکستان کو درپیش چیلنجز اور مبغلین کا کردار" سیمینار سے خطاب کرتے ہوئے کیا۔
یہ سیمینار مجلس وحدت مسلمین شعبہ قم ، جامع روحانیت سندھ، ادارہ امید، سخن ولایت، جامع روحانیت بلوچستان، بصیرت آرگنائزیشن، ادارہ تنزیل، اسلامک تھاٹ قم، رحمت للعالمین فاونڈیشن، المجتبٰی فاونڈیشن سندھ، المصطفٰی فائونڈیشن، موسسہ علمی پژوھشی ابو طالب، تعلیمات و تبلیغات اسلامی بلوچستان اور المجتبٰی فائونڈیشن پنجاب کی جانب سے منعقد کیا گیا۔ علامہ حیدر علی جوادی کا مزید کہنا تھا کہ پاکستان کو ان بحرانوں سے نکالنے کے لئے مبلغین، امر بالمعروف اور نہی از منکر کے ذریعے اپنا بہترین کردار ادا کرسکتے ہیں، جس کے لئے بنیادی شرط مبلغین کا اخلاص اور ان کا تقویٰ ہے۔ انہوں نے پاکستان کو درپش مختلف مشکلات کی طرف اشارہ کرتے ہوئے مبلغین کی دنیا داری کو پاکستان کے لئے ایک بہت بڑا چیلنج قرار دیا۔
کراچی میں معروف شیعہ اسکالر اور امامیہ اسٹوڈنٹس آگنائزیشن کراچی ڈویژن کی ذیلی نظارت کے رکن سید سعید حیدر زیدی ٹارگٹ کلنگ کی پرُزور مذمت کرتے ہیں۔ شہر قائد میں جاری شیعہ نسل کشی میں کالعدم گروہوں کے ساتھ حکومت اور اُس میں شامل اتحادی جماعتیں ملوث ہیں۔ شہید سعید حیدر زیدی کے قاتلوں کو فی الفور گرفتار کیا جائے۔ شیعیان حیدر کرار (ع) کی نسل کشی اور ملت جعفریہ کو تحفظ فراہم نہ کرنے پر ہم گورنر سندھ عشرت العباد اور وزیراعلیٰ سندھ قائم علی شاہ سے استعفیٰ کا مطالبہ کرتے ہیں۔ ان خیالات کا اظہار مجلس و حدت مسلمین پاکستان کے سیکرٹری جنرل علامہ ناصر عباس جعفری نے وحدت ہاؤس سے جاری اپنے مذمتی بیان میں کیا۔ اُن کا کہنا تھا کہ ملک میں حکومت نام کی کوئی شہ نہیں ہے اور دہشت گردوں کی عملی حکمرانی ہے، سعید حیدر زیدی کی پوری زندگی اتحاد بین المسلمین اور امریکہ مخالفت کیلئے وقف تھی، اس میں کوئی شک نہیں کہ سعید حیدر زیدی کی شہادت کے بعد ملت جعفریہ بالخصوص ملت اسلامیہ بالعموم عظیم مفکر اور دانشور سے محروم ہوگئی ہے۔
ان کا کہنا تھا کہ کراچی میں ملت جعفریہ سے تعلق رکھنے والے امریکہ مخالف علماء کرام و اکابرین کے قتل عام میں کالعدم گروہوں کے ساتھ حکومت وقت اور اُس کی اتحادی جماعتیں اور ریاستی ادارے بھی برابر کے ذمہ دار ہیں۔ گذشتہ 72 گھنٹے میں کراچی سمیت پورے پاکستان میں 30 سے زائد شیعہ علماء، جوانوں اور دانشوروں کا قتل عام حکومتی وجود پر سوالیہ نشان ہے۔ شہر کراچی میں تسلسل کے ساتھ شیعیان حیدر کرار (ع) کی نسل کشی اور ملت جعفریہ کو تحفظ فراہم نہ کرنے پر ہم گورنر سندھ عشرت العباد اور وزیراعلیٰ سندھ قائم علی شاہ سے استعفیٰ کا مطالبہ کرتے ہیں۔ ہم یہ سمجھتے ہیں کہ گورنر سندھ عشرت العباد اور وزیراعلیٰ سندھ قائم علی شاہ کا مسند حکومت پر مزید بیٹھنا ملت جعفریہ کے تحمل کی بات نہیں ہے۔
مجلس وحدت مسلمین ضلع سرگودھا تحصیل ساہیوال کے زیراہتمام عید غدیر کی مناسبت سے "ولایت کانفرنس" کا انعقاد کیا گیا۔ جس میں صوبائی ڈپٹی سیکرٹری پنجاب علامہ اصغر عسکری، ایم ڈبلیو ایم سرگودھا کے رہنماء علامہ باقر علی شیرازی، مولانا سبطین بھٹی، صوبائی سیکرٹری تنظیم سازی ذوالفقار علی اسدی، ایم ڈبلیو ایم سرگودھا کے سیکرٹری جنرل راجہ امجد حسین، ضلع خوشاب کے سیکرٹری جنرل مولانا سجاد مہدوی، صوبائی سیکرٹری مالیات برادر مسرت کاظمی، صوبائی سیکرٹری نشر و اشاعت ملک غلام شبیر جوئیہ، سید ظفر عباس ایڈووکیٹ سمیت ایم ڈبلیو ایم کے جھنگ، چکوال اور جہلم کے عہداداران سمیت علاقہ کی سیاسی اور سماجی شخصیات کی بڑی تعداد شریک تھی۔
حکومت اور قانون نافذ کرنے والے اداروں نے ایامِ عزاء سے قبل دہشت گردوں کے خلاف موثر قدم نہیں اٹھایا تو جوانوں کو سنبھالنا علماء کے بس سے باہر ہوگا۔(علامہ حسن ظفر نقوی )
کراچی (پ ر ) مجلس وحدت مسلمین کراچی کے رہنما علامہ ا?غا ا?فتاب حیدر جعفری کے مظلومانہ قتل اور پاکستان بھر میں جاری شیعہ نسل کشی کے خلاف مجلس وحدت مسلمین پاکستان کے سربراہ ناصر ملت علامہ راجہ ناصر عباس جعفری کی اپیل پربعد نماز جمعہ ملک گیر یومِ احتجاج منایاکیا گیا۔ اس سلسلے میں اسلام ا?باد ، لاہور، کوئٹہ ، اور کراچی سمیت ملک کے تمام چھوٹے بڑے شہروں میں احتجاجی مظاہرے منعقد ہوئے اور ریلیاں نکالی گئیں۔ کراچی میں مرکزی احتجاجی ریلی حسینی جامع مسجد برف خانہ ملیر سے نکالی گئی جو کہ نیشنل ہائی وے پر اختتام پذیر ہوئی سیکٹروں کی تعداد میں مظاہرین ہاتھوں میں بینر پلے کارڈ اور پرچم اٹھائے ہوئے تھے۔ مظاہرین امریکہ اسرائیل اوران کے مقامی ایجنٹ دہشت گردوں کے خلاف شدید نعرے بازی کر رہے تھے۔ احتجاجی مظاہرے سے مجلس وحدت مسلمین پاکستان کے مرکزی ترجمان علامہ سید حسن ظفر نقوی ، مجلس وحدت مسلمین کراچی ڈویڑن کے سیکریٹری جنرل علامہ صادق ر ضاتقوی اور مجلس وحدت مسلمین کے ضلعی رہنما مولانا اصغر علی جوادی کے خطاب کیا۔
اس موقع پر علامہ حسن ظفر نقوی کا کہنا تھا کہ دہشت گردی کسی بھی شکل میں ہو ہم نے اس کی ہمیشہ مخالفت کی ہے۔ ملک و ملت دشمن یہ سامراجی ایجنٹ کبھی مساجد میں ، کبھی امام بارگاہوں میں ، کبھی مزارات میں ، کبھی بازاروں میں بم دھماکے کر کے بیگناہ مسلمانوں کو ا?گ و خون میں غلطاں کر تے رہے ، ہم چلاتے رہے دہشت گردوں کو بے نقاب کرتے رہے لیکن کسی نہ ہماری ایک نہ سنی اور ا?ج ان دہشت گردوں کے ہاتھ پاکستان کی محافظ قوتوں تک پہنچ گئے۔محرم الحرام جوں جوں نزدیک ا?رہے ہیں کراچی سمیت پورے پاکستان میں منظم انداز میں دہشت گردی عروج پر پہنچ رہی ہے اور قانون نافذ کرنے والے اداروں کی دہشت گردوں پر گرفت کمزور ہورہی ہے۔ اگر وفاقی اور صوبائی حکومت اور قانون نافذ کرنے والے اداروں نے ایامِ عزا ء4 سے قبل دہشت گردوں کے خلاف کوئی موثر قدم نہیں اٹھایا تو جوانوں کو سنبھالنا علماء4 کے بس سے باہر ہوگا۔ اور حالات کی تمام تر ز مہ د اری حکومت وقت پر ہوگی۔ علامہ ا?غا ا?فتاب حیدر جعفری کی بیہمانہ شہادت ماہِ محرم الحرام سے قبل کراچی میں شیعہ سنی اتھاد کی مثالی فضاء4 کو سبوتاڑ کرنا ہے۔شہید علامہ ا?غا ا?فتاب حیدر جعفری تا دمِ شہادت مظلوموں کے حق کے لیئے ا?واز بلند کرتے رہے ان کی شہادت پاکستان میں فلسطین کاز کے لیئے بھی عظیم نقصان ہے۔
اس کے علاوہ کراچی کے دیگر مقامات خوجہ جامع مسجد کھارادر ،ابوالحسن اصفہانی روڈ ،عزاء خانہ صغریٰ کورنگی ، جامع مسجد ابو الفضل العباس (ع) لانڈھی ، جامع مسجد حسینی ماروی گوٹھ ، مرکزی جامع مسجد اسٹیل ٹاؤن میں احتجاجی مظاہرے منعقد کیئے گئے جن سے مولانا محمد حسین کریمی ، مولانا علی انور جعفری ، علامہ سلمان حسینی ،علامہ مبشر حسن ، اصغر عباس زیدی، مولانا شیخ رضا ثمائری ، مولانا یاور عباس زیدی ، مولانا رحمت علی سولنگی اور مولانا فتح علی نے خطاب کیا۔
دریں اثناء4 پاسبان عزا کے زیر اہتمام شیعہ ٹارگٹ کلنگ کے خلاف نکالی جانیوالی پر امن ریلی پر پولیس گردی پر مولانا صادق رضا تقوی نے پر زور مذمت کی۔ ان کا کہنا تھا کہ گذشتہ ۳ روز میں ۰۲ سے زائد شیعہ عمائدین کا قتل سیکورٹی ادارے اور حکومتی نااہلی کا ثبوت ہیں۔ حکومت بے گناہ شیعہ افراد کی ٹارگٹ کلنگ میں ملوث دہشت گردوں کو گرفتار کرنے کے بجائیشیعہ نسل کشی کے خلاف نکالی جانیوالی عوامی پْر امن ریلی کو خراب کرنے کیلئے اور محرم الحرام سے قبل شہر قائد میں بدامنی کیلئے کوشاں ہے۔
علامہ آفتاب حیدر جعفری شہید اور شاہد علی مرزا شہید کی شہادت کے خلاف ملک بھر کی طرح میں بھی آج نماز جمعہ کے بعد مختلف مقامات پر احتجاجی مظاہرے ہوئے،مجلس وحدت مسلمین کراچی ضلع ایسٹ اور امامیہ اسٹوڈنٹس آرگنائزیشن کراچی ڈویژن عباس ٹاؤن یونٹ کی جانب سے مسجد مصطفیٰ عباس ٹاؤن سے بعد از نماز جمعہ ایک احتجاجی ماتمی ریلی نکالی گئی جو ابولحسن اصفہانی روڈ پر اختتام پذیر ہوئی۔ احتجاجی ماتمی ریلی میں دستہ امامیہ کے صاحب بیاض وسیم الحسن عابدی نے نوحہ خوانی کے فرائض انجام دیئے جبکہ شرکائے ریلی سے خطاب مجلس وحدت کراچی کے رہنما برادر سلمان علی الحسینی نے کیا ریلی میں خواتین کی بھی ایک بڑی تعداد نے شرکت کی شرکا نے علامہ آفتاب جعفری سمیت ملک بھر میں ہونے والی شیعہ نسل کشی کے خلاف نعرہ بازی کی اور شیعہ نسل کشی میں ریاستی ہاتھ ہونے کے امکان کو ظاہرکرتے ہوئے کہا کہ ملک بھر میں یہ احساس بڑھتا جارہا ہے کہ ریاستی سرپرستی میں شیعہ نسل کشی کی جارہی ہے ۔
