The Latest
وحدت نیوز(حیدر آباد) حکومت پنجاب پوری طرح ناکام ہو چکی ہے ۔ کراچی سے خیبر تک دہشت گردوں نے کھلے عام دہشت گردی کر رکھی ہے حکومت پاکستان اور حکومتی ادارے آخر کر کیا رہے ہیں ان دہشت گردوں کو کیوں نہیں پکڑ تے حکومت ہر واقع کے بعد کہہ دیتی ہے کہ کمیٹی بنا دی ہے پر وہ کمیٹیاں پتہ نہیں کون سی رپورٹ دیتی ہیں جو نا منظر عام پر آتی ہیں اور نہ ہی دہشت گردوں کی کوئی گرفتاری عمل میں آتی ہے ہم مطالبہ کرتے ہیں کہ شہید علامہ ناصر عباس ملتانی اور شہید علامہ دیدار علی جلبانی کے قاتلوں کو فوراً گرفتار کر کے سر عام پھانسی دی جائے اور دوسرا مطالبہ یہ کرتے ہیں کہ حکومت پنجاب ، پنجاب کے وزیر قانون رانا ثناء اللہ کو فوری طور پر وزارت سے ہٹایا جائے۔ ان خیالات کا اظہار مجلس وحدت مسلمین ضلع حیدرآباد کے سیکریٹری جنرل علامہ امداد نسیمی ، مولانا گل حسن مرتضوی،سید عروج تقوی،سید وقار زیدی اور سید دانش زیدی نے حیدرآباد پریس کلب کے سامنے احتجاجی مظاہرے سے خطاب کرتے ہو ئے کیا۔
وحدت نیوز(جعفر آباد) مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی نے صوبائی سیکریٹری جنرل علامہ مقصود علی ڈومکی کے ہمراہ بلوچستان کے مختلف اضلاع کا دورہ کیا۔ اس موقع پر پارٹی کے کونسلرز، سیاسی سیل کے اراکین اور تنظیمی شخصیات کے اہم اجلاس میں شرکت کی۔ پاکستان پیپلز پارٹی کے صوبائی صدر میر محمد صادق عمرانی، صوبائی مشیر مذہبی امو اور رکن صوبائی اسمبلی میر عبدالماجد جاموٹ و دیگر سے بھی ملاقاتیں کی گئیں۔ اس موقع پر تحصیل تمبو میں منعقدہ اجتماع سے خطاب کرتے ہوئے ناصر عباس شیرازی نے کہا کہ بلوچستان محبان اہل بیت (ع) کی سرزمین ہے ، بلوچستان کو امن و محبت کا گہوارہ بناناایم ڈبلیو ایم کا بنیادی ہدف ہے، جس کے لئے ہم تمام محب وطن سیاسی قوتوں اور قبیلوں کے ساتھ برادرانہ تعلقات کا قیام چاہتے ہیں ۔ بلوچستان کےبے گناہ لاپتہ افراد کے اہل خانہ کا دکھ ہمارا دکھ ہے ، سپریم کورٹ اپنا عادلانہ کردار ادا کر تے ہو ئے جلد از جلد لاپتہ افراد وک بازیاب کروائے۔
وحدت نیوز(مظفرآباد) کراچی کے بعد اب لاہور بھی غیر محفوظ، علامہ ناصرعباس کی المناک شہادت ، قاتلوں کو فوری گرفتار کیا جائے، مجلس وحدت مسلمین آزاد جموں و کشمیر تین روزہ سوگ کا اعلان کرتی ہے، گڈ گورننس کاڈنڈورا پیٹنے والے بتائیں کہ علامہ کے قاتل اب تک گرفتار کیوں نہ ہوئے، کس طرح پاکستان کے دل لاہور میں دہشت گرد ٹارگٹ کلنگ میں مصروف ہیں، کیا انہیں لاہور میں قتل عام کے لیئے کھلی چھٹی دے دی گئی ہے، ان خیالات کا اظہار سیکرٹری جنرل مجلس وحدت مسلمین آزاد جموں و کشمیر علامہ سید تصور حسین نقوی الجوادی نے وحدت سیکرٹریٹ مظفرآباد سے جاری ایک بیان میں کیا، انہوں نے کہا کہ علامہ ناصر عباس کا قتل کھلی دہشت گردی، چند گھنٹے پہلے وفاقی وزیرداخلہ نے اپنی پریس کانفرنس میں کہا کہ قومی سلامی آرڈیننس تیار کر لیا گیام، انتہاء پسندوں سے پہلے مذاکرات کریں گے،اور ان کی پریس کانفرنس کے کچھ گھنٹوں بعد لاہور کی مصروف سڑک پر ایف سی کالج کے قریب علامہ ناصر کی گاڑی پر فائرنگ کر کے انہیں شہید کر دیا جاتا ہے، کیا اب بھی حکومت کاروائی کے بجائے مذاکرات مذاکرات کا راگ الاپے گی، لاہور میں پروفیسر شبیر شاہ کا قتل ہو یا کوئی اور فرقہ ورانہ قتل،سمجھ سے بالا تر ہے کہ لاہور میں کراچی جیسا ماحول کیوں بنایا جا رہا ہے؟ علامہ تصور جوادی نے کہا کہ وزیراعلی جو خود کو خادم اعلیٰ کہتے ہیں کیا عوام و بے گناہ پاکستانیوں کی یہی خدمت ہے ؟ جس ریاست میں علماء، ڈاکٹرز، وکلاء ، سیاست دان، عوام اور ان کے جان و مال محفوظ نہ ہوں اس ریاست کے قومی سلامتی کے لیئے بنائے گئے ادارے کیا کر رہے ہیں؟ ان اداروں پر عوام کو کیا اعتبار رہے گا، جو ادارے قومی خزانوں سے بھاری معاوضے کے عوض بھی قوم و ملت کی جان و مال کی حفاظت نہ کر سکیں، علامہ تصور جوادی نے کہا کہ ہم مطالبہ کرتے ہیں کہ علامہ کے قاتلوں کو فوری گرفتار کیا جائے ، اور دہشت گرد عناصر سے آہنی ہاتھوں سے نبٹا جائے۔
وحدت نیوز(کوئٹہ) اہلیان کوئٹہ اور مجلس وحدت مسلمین کے ورکرز کی شب و روز محنت کے نتیجے میں ۲۴ سال بعد حلقہ ۱۲ سے شیعہ کونسلر فتحیاب ہوا،سابق چیف جسٹس افتخارمحمد چوہدری عوامی توقعات کے برعکس عام عوام کو فوری انصاف فراہم کرنے میں ناکام رہے۔ سپریم کورٹ ایک سپریم ادارہ ہے لیکن افتخار محمد چوہدری صاحب کے بزدلانہ فیصلوں سے عدلیہ کے وقار کو نقصان پہنچا۔ انہوں نے کہا کہ سابق چیف جسٹس، پاکستان میں دہشتگردوں کی سرکاری پشت پناہی میں مصروف عمل رہے اور اپنے دور اقتدار میں ہزاروں پاکستانیوں کا خون بہانے والے دہشتگردوں کو کُھلی آزادی دی، تاہم عدلیہ کے نئے چیف جسٹس جناب تصدق حسین جیلانی سے توقع ہے کہ وہ افتخار محمد چوہدری کے برعکس دہشتگردوں اور انکی سرپرستی کرنے والے عناصر سے آہنی ہاتھوں سے نمٹیں گے۔۔ ان خیالات کا اظہار مجلس وحدت مسلمین پاکستان کے مرکزی رہنما اورامام جمعہ کوئٹہ علامہ سید ہاشم موسوی نے بلدیاتی انتخابات کے دوران خدمات انجام دینے والے بلند حوصلہ مومنین اور مومنات رضاکاروں ،نامزد و حمایت یافتہ امیدواروں اور مجلس وحدت مسلمین کے حمایتی شخصیات کے اعزاز میں ایم ڈبلیوایم کوئٹہ ڈویژن کی جانب سے دیئے جانے والے عشائیے سے خطاب کر تے ہو ئے کیا۔
علامہ سید ہاشم موسوی کا مزید کہنا تھا کہ کوئٹہ میں چند روز قبل قرآنی آیات کی توہین کا ازخود ڈرامہ رچانے والے دہشتگرد تکفیری ٹولے کی شہر بھر میں ہنگامہ آرائی قابل مذمت ہے۔ انہوں نے کہا کہ ملک بھر میں بیرونی قوتوں کے اشاروں پر کام کرنے والا تکفیری ٹولہ مختلف حربوں کو استعمال کرتے ہوئے فرقہ واریت اور خانہ جنگی پھیلانے کی مزموم کوششوں میں مصروف عمل ہے۔ کوئٹہ میں چند افراد پر مشتمل دہشتگرد ٹولے نے پورے شہر کو دو گھنٹوں تک مفلوج رکھا، معصوم اور پرامن شہریوں کو تشدد کا نشانہ بناتے رہے، جبکہ اس موقع پر انتظامیہ اور حکومت خاموش تماشائی بنی رہی۔ انہوں نے مطالبہ کیا کہ صوبائی حکومت سمیت وفاقی سطح پر ملک میں فرقہ واریت پھیلانے والے ان نام نہاد غیر ریاستی قوتوں کیخلاف فیصلہ کن کارروائی کی جائے، تاکہ ملک بھر میں حقیقی معنوں میں امن و امان کو یقینی بنایا جاسکے۔
وحدت نیوز(ماتلی) شہید راہ ولایت علامہ ناصرعباس کی شہادت کے زمہ دار نا اہل اور ڈرپوک حکمران ہیں ، ملک کو دہشت گردوں کی جنت اور محب وطن عوام کی جہنم بنایا جا رہا ہے ، دشمنان اسلام جتنی سازشیں کر لیں، جتنے حسینی شہید کر نا چاہتے ہیں کر لیں ، کربلا والوں کا راستہ ترک نہیں کر یں گے ، ان خیالات کا اظہار مجلس وحدت مسلمین تعلقہ ماتلی کے سیکریٹری جنرل آغا نقی کھوسواور صوبائی معاون سیکریٹری امور تنظیم سازی برادر کاظم عباس نے معروف ذاکر اہل بیت (ع) شہید علامہ ناصرعباس آف ملتان کی ٹارگٹ کلنگ کے خلاف مرکزی امام بارگاہ تا ماتلی پریس کلب تک نکالی جانے والی احتجاجی ریلی سے خطاب کر تے ہو ئے کیا۔
وحدت نیوز(لاہور) طویل جلوس کی شکل میں شہید علامہ ناصرعباس کی میت گورنر ہائوس کے باہر مال روڈ پر پہنچ گئی، جہاں مجلس وحدت مسلمین، عزاداری کونسل پاکستان، امامیہ اسٹوڈنٹس آرگنائزیشن اور دیگر شیعہ تنظیموں کے ہزاروں کارکن جمع ہوچکے ہیں جبکہ مظاہرین کی آمد کا سلسلہ جاری ہے۔ شیخ زید ہسپتال سے گورنر ہائوس آنے والے جلوس کی قیادت مجلس وحدت مسلمین کے مرکزی رہنما علامہ ابوذر مہدوی اور علامہ امتیاز کاظمی کر رہے تھے۔ کارکنوں نے میت گورنر ہائوس کے باہر رکھ کر روڈ کو چاروں طرف سے بلاک کر دیا ہے جبکہ اس موقع پر پولیس کی بھاری نفری بھی تعینات ہے۔ کارکن پنجاب حکومت، رانا ثناءاللہ اور دہشتگردوں کے خلاف نعرے لگا رہے ہیں۔ لاہور کی فضا اس وقت لبیک یاحسین، لبیک یاحسین کے نعروں سے گونج رہی ہے۔ سخت سردی کے باوجود مظاہرین کی ایک بڑی تعداد گورنر ہائوس کے باہر جمع ہو رہی ہے جبکہ مزید افراد کی آمد کا سلسلہ جاری ہے۔ مظاہرین میں مرد، خواتین، بچے اور بزرگ شامل ہیں اور سب کی زبان پر ایک ہی نعرہ ہے کہ علامہ ناصر عباس کے قاتلوں کو فوری طور پر گرفتار کیا جائے۔ مظاہرین وزیر قانون پنجاب رانا ثناءاللہ کی معزولی کا بھی مطالبہ کر رہے ہیں۔
وحدت نیوز(سکھر)پاکستان کی موجودہ سیاسی معاشی اور مذہبی صورت حال ابتری کا شکار ہوتی جارہی ہے ۔ فرقہ واریت کا ڈرون عرب ممالک کے ایندھن کے بل بوتے پر مسلمانوں کی صفوں میں اتحاد اور یگانگت کو تہس نہس کرنا چاہتاہے ۔ لیکن سنی شیعہ وحدت کی مضبوط طاقت کے ذریعہ سے اس ڈرون کو آسانی سے گرایا جاسکتاہے ۔ افسو س کا مقام یہ ہے کہ عوام کے ووٹوں سے پارلیمنٹ میں پہنچے کا جھوٹا دعوی کرنے والی ضیاء الحق جیسے عامر ڈکٹیٹرکی باقیات مسلم لیگ ن معاشی بدحالی سے تنگ آئے ہوئے مظلوم عوام کو سوچنے سمجھے منصوبہ کے تحت فرقہ واریت کی آگ میں جھونکا جارہاہے ۔مجلس وحدت بلاتفریق انسانی خدمت پر یقین رکھتی ہے ، عوام الناس کی فلاح و بہبود کے لئے مختلف بروجیکٹس پر کام تیزی سے جاری ہے ۔ ان خیالات کا اظہار مجلس وحدت مسلمین پاکستان کے مرکزی سیکریٹری امور فلاح و بہبود اور خیر العمل فاؤنڈیشن پاکستان سربراہ نثارعلی فیضی نے سکھر میں منعقدہ پریس کانفرنس سے خطاب کرتے ہوئے کیاان کے ہمراہ علامہ مختار امامی(صوبائی سیکریٹری جنرل سندھ)، سیدامتیاز حسین بخاری (صوبائی سیکریٹری فلاح و بہبود سندھ)، مولاناسہیل اکبر شیرازی(صوبائی سیکریٹری فلاح و بہبود بلوچستان)، برادر آفتاب میرانی (سابق صوبائی سیکریٹری سندھ) اور چوہدری اظہر حسین(سیکریٹری جنرل سکھر)بھی موجود تھے۔
مجلس وحدت مسلمین پاکستان انسان اور وطن دوست جذبے سے سرشار آج بھی مشکلات میں گھرے عوام کی خدمت کو جاری رکھے ہوئے ہے ۔ خیرالعمل فاونڈیشن ۲۰۱۰ء کے متاثرین کی آج بھی خدمت کررہی ہے ۔بلاتفریق انسانیت کی خدمت خیر العمل فاؤنڈیشن کا شعار ہے، الحمد اللہ عوامی خدمت کے مختلف پروجیکٹس پر سندھ کے مختلف اضلاع میں تیزی کے ساتھ کام جاری ہے ، مذید پروجیکٹس پر جلد کام کا آغاز کر دیا جائے گا۔ ایم ڈبلیو ایم رہنماؤں نے وزیراعلیٰ سندھ سے مطالبہ کیا کہ وہ علامپ دیدار جلبانی اور ان کے مخافظ کے قاتلوں گرفتاری کے حوالے سے کیے گئے وعدوں کو پورا کرے ،سانحہ راولپنڈی میں رانا ثناء اللہ کل عدم تنظیموں کی معاونت اور اس واقعہ کے بہانے سے پاکستان بھر میں عزاداری کو محدود کرنے کی ساز ش ن لیگ کی حکومت کے منفی عزائم کو ظاہر کرتی ہے ۔ جبکہ دوسری طرف سیکورٹی ادارے خفیہ ایجنسیوں کی رپورٹ کے مطابق پاکستان میں مدارس دہشت گردوں کو پالنے اور تکفیری سوچ کو پروان چڑھانے کے اصل ذمہ دارہیں ۔ جن کے خلاف آپریشن ناگزیر ہو چکاہے ۔ پاکستان کے باہمت اور دین پسند سنی شیعہ عوام اس تکفیری اور سلفی سوچ کو کبھی کامیاب نہیں ہونے دے گی ۔
یہ ملک سنی شیعہ مسلمانوں نے مل کر بنایا ہے ۔ عزاداری اور عیدمیلادالنبی ؐ کے جلوس امن اور محبت اور اخوت کا درس دیتے ہیں ۔ نواسہ رسول ؐ سے عشق اور محبت رسول خدا ؐسے عشق و محبت کے مترادف ہے ۔ دنیا کی کوئی طاقت عزا داری اور میلاد کے جلوسوں کو محدود نہیں کرسکتی ۔ سانحہ راولپنڈی کے حوالے سے مجلس وحدت نے اپنا بھرپور قومی کردار ادا کرکے امن و وحدت کی فضا کو خراب ہونے سے بچایا ہے ۔ جبکہ دوسری جانب پنجاب پولیس کی بد انتظامی ، نااہلی پر پردہ ڈالنے کے لئے بے جرم نوجوانوں کی گرفتاریاں ، چادر اور چاردیواری کا تقدس پامال کرنے سے حالات کو مزید خراب کرنے کی کوشش کی جارہی ہے ۔ ہم حکومت پنجاب سے اس سلسلے کو فوارً روکنے کا مطالبہ کرتے ہیں ۔
شہر کراچی جہاں گزشتہ کچھ عرصے سے رینجرز اور پولیس دہشت گردوں کے خلاف نام نہاد آپریشن جاری رکھے ہوئے ہے لیکن اسی دوران شیعہ علماء و اکابرین کی ٹارگٹ کلنگ کی کھلی چھٹی دے دی گئی ہے ۔ جس کے نتیجے میں دو ماہ میں دو درجن سے زائد افراد شہید ہو چکے ہیں اور مجلس وحدت مسلمین سندھ صوبائی رہنما علامہ دیدار علی جلبانی او ران کے محافظ سرفراز بنگش کو شہید کیا گیا ۔ ہم پیپلزپارٹی کے ذمہ داران کو یہ بتانا چاہتے ہیں کہ جس طرح ان کے دور حکومت میں مظلوموں کے لہو بہنے کی اُنہیں بھاری قیمت چکانا پڑی آج بھی اگر انہوں نے اپنی غلطیوں سے سبق نہ سیکھا اور سندھ میں ان واقعات کے خلاف ٹھوس اقدامات نہ کیے تو عوام کے غیض و غضب سے سندھ حکومت سے بھی ہاتھ دھونا پڑیں گے۔
وحدت نیوز(لاہور) مجلس وحدت مسلمین پاکستان کے مرکزی رہنما علامہ ابوذر مہدوی نے کہا ہے کہ علامہ ناصر عباس آف ملتان کے قتل میں پنجاب حکومت اور بالخصوص وزیر قانون پنجاب رانا ثناء اللہ ملوث ہیں۔ شیخ زید ہسپتال میں میڈیا سے گفتگو کرتے ہوئے انہوں نے کہا کہ علامہ ناصر عباس کے قتل کا مقدمہ رانا ثناءاللہ کے خلاف درج کیا جائے کیونکہ پنجاب میں انہیں کی سرپرستی میں دہشتگرد دندناتے پھر رہے ہیں اور انہیں کوئی گرفتار کرنے کی جرات نہیں کرتا، اگر پولیس گرفتار کر بھی لے تو رانا ثناءاللہ فوری طور پر انہیں رہا کرا دیتے ہیں۔ انہوں نے کہا کہ ہم وزیراعظم سے مطالبہ کرتے ہیں کہ علامہ ناصر عباس کے قاتلوں کی گرفتاری فوری طور پر عمل میں لائی جائے اور اس کیس میں رانا ثناءاللہ کو گرفتار کرکے تفتیش کی جائے، اصل قاتل مل جائیں گے۔ انہوں نے مجلس وحدت مسلمین کی جانب سے تین روزہ سوگ کا بھی اعلان کیا۔
وحدت نیوز(لاہور) ممتاز ذاکر اہل بیت (ع)علامہ ناصرعباس آف ملتان کی نماز جنازہ آج دوپہر دو بجے گورنر ہائوس کے باہر ادا کی جائے گی۔ مجلس وحدت مسلمین کے صوبائی ترجمان مظاہر شگری کے مطابق علامہ ناصرعباس کی میت کا پوسٹ مارٹم ہوگیا ہے، شہید کا جسد خاکی غسل و کفن کے مراحل کی تکمیل کے بعد واپس گررنرہائوس پہنچ چکا ہے اور ان کے قتل کا مقدمہ بھی درج کر لیا گیا ہے، جس کے بعد نماز جنازہ ادا کرنے کا اعلان کر دیا گیا ہے۔ نماز جنازہ ٹھیک ۵بجے ادا کی جائے گی۔ دوسری جانب وزیراعلٰی پنجاب شہباز شریف نے بھی آئی جی پنجاب پولیس سے واقعہ کی رپورٹ طلب کر لی ہے۔ وزیراعلٰی نے ہدایت کی ہے کہ علامہ ناصر عباس کے قاتلوں کو 24 گھنٹوں کے اندر اندر گرفتار کیا جائے۔
وحدت نیوز(اسلام آباد) ملک میں حکومت نام کی کوئی شہ دکھائی نہیں دیتی ، شریف برادران نے دہشت گردوں کے سامنے عملی طور پر ہتھیار ڈال دیئے ہیں ، جو حکمران اپنے صوبے میں قیام امن کے لئے دہشت گردوں کو بھتہ دیتے ہوں وہ عوام الناس کی جان و مال کے تحفظ کی ذمہ داری کس طرح پوری کر سکتے ہیں ، علامہ ناصر عباس آف ملتان کی شہادت ملت تشیع کا مشترکہ نقصان ہے ، شہید کے اہل خانہ کے غم میں برابر کے شریک ہیں ۔ ان خیالات کا اظہار مجلس وحدت مسلمین پاکستان کے سربراہ علامہ راجہ ناصرعباس جعفری نے معروف ذاکر اہل بیت علیہ السلام علامہ ناصر عباس آف ملتان کی لاہور میں المناک شہادت پر مرکزی سیکریٹریٹ اسلام آباد سے میڈیا سیل کو جاری اپنے مذمتی بیان میں کیا ۔
ان کا کہنا تھا کہ وفاقی حکومت مسلسل دہشت گردوں کے ساتھ مذاکرات مذاکرات کا کھیل کھیلنے کی کوشش میں مصروف ہے ، جب کہ دہشت گرد مسلسل ہمیں لاشوں پر لاشوں کے تحفے بھیجے جا رہے ہیں ، اسٹیٹ دہشت گردوں اور دہشت گردوں دونوں پر قابو پانے میں یکسر ناکام ہو چکی ہے ، حالات اس نہج پر پہنچ چکے ہیں کہ عوام اب خود اپنے حقوق کے حصول کے لئے جدوجہد کا آغاز کریں ، ملک کے دیگر شہروں کی طرح آب لاہور جیسے پر امن شہر میں ٹارگٹ کلنگ کی کاروائیاں باعث تشویش ہیں ، اگر شریف برادران وطن عزیز کو اس کا امن نہیں لوٹا سکتے تو مسند اقتدار کو خیر باد کہ دیں ، عوام ان نا اہل حکمرانوں سے مایوس ہو چکے ہیں ۔
علامہ ناصر عباس آف ملتان کی المناک شہادت نہ فقط ذاکرین کا بلکہ تمام ملت تشیع کا مشترکہ عظیم نقصان ہے ، جس کی جتنی مذمت کی جائے کم ہے ، غم کی اس گھڑی میں مجلس وحدت مسلمین کے تمام علماء ، اکابرین ، ذمہ داران اور کارکنان علامہ ناصر عباس کے اہل خانہ کے غم میں برابر کے شریک ہیں ان کی جوار آئمہ معصومین علیہ السلام میں جگہ کے حصول کے لیئے دعا گو ہیں ۔
