وحدت نیوز(تہران) الحمدللہ رہبر معظم انقلاب  امام سید علی  خامنہ ای  ہسپتال سے اپنے گھر تشریف لے جاچکے ہیں،انہیں پیسٹاٹ نامی ایک معمولی سے آپریشن کے لئے تہران کے سرکاری اسپتال میں داخل کیا گیا تھا جہاں ان کا کامیاب آپریشن عمل میں آیااورڈاکٹرو ں کی ہدایات کے مطابق ایک ہفتہ ہسپتال میں قیام کے بعد وہ اپنے گھر تشریف لے گئے ہیں ، ہسپتال سے جاتے ہوئےانہوں نے ڈاکٹروں اور نرسوں سے مشترکہ ملاقات کی ان کی دیکھ بھال او ر علاج معالجہ میں بہترین تعاون پر ان کا شکریہ ادا کیا، ساتھ ہی انہوں نے سرکاری خبر رساں ادارے کو مختصر انٹرویو بھی دیا جس میں ان کاکہنا تھا کہ ابھی صحیح و سالم جسم اور اطمنان قلبی کے ساتھ اپنے گھر کی طرف جارہا ہوں، لیکن ان دنوں میں میری نسبت محبت و لطف جو انجام پایا اس سے ایک بھاری پن اور شرمندگی کا احساس لئے ہوں۔اپنے ملک کے لوگوں کے اظہار محبت کے علاوہ، دیگر ملتوں کی جانب سے بہت زیادہ اظہار لطف ہوا۔میں ان چند دنوں سے جو ہسپتال میں داخل تھا، ایک تفریح و شغل جو میرے پاس تھا وہ داعش سے لڑائی کے بارے میں امریکی اداروں کی باتیں تھیں، جو واقعال میرے لئے تفریح کا باٰعث بنیں۔

انہی دنوں میں کہ جب داعش کے سخت حملوں کے دن تھے تو عراق میں امریکی سفیر نے ہمارے سفیر سے درخواست کی اور چاہا کہ داعش کے حوالے سے ھماھنگی کے لئے ایران و امریکا کا ایک مزاکراتی جلسہ منعقد کیا جائے۔بعض مسئولین نے اس جلسے کی مخالفت نہیں کی لیکن میں نے مخالفت کی اور کہا کہ ہم اس معالمے میں امریکیوں کا ساتھ نہیں دینگے کیونکہ انکی نیت اور ہاتھ آلودہ ہیں اور اس حال میں ممکن نہیں کے ہم امریکا کا ساتھ دیں۔

اسی طرح امریکی وزیر خارجہ نے خود ڈاکٹر ظریف سے درخواست کی کہ آئیں اور داعش کے حوالے سے ہم آہنگی کریں لیکن ڈاکٹر ظریف نے اسکی درخواست کو رد کردیا۔
ابھی وہ جھوٹ بول رہے ہیں کہ ہم ایران کو اس الائنس میں شرکت کرنے نہیں دینگے جبکہ ایران نے شروع سے ہی ایسی الائنس میں شرکت کی مخالفت کردی تھی۔

خود امریکی حتی داعش بھی بہت اچھی طرح جانتے ہیں کہ جس تحریک نے عراق میں داعش کی کمر توڑی وہ امریکی اقدام نہیں تھا بلکہ عوامی طاقت اور عراق کی فورسز تھیں جنہوں نے داعش کا مقابلہ کیا اور ان پر پرزور وار کیا۔حقیقت یہ ہے کہ آمریکی بہانے کی تلاش میں ہیں کہ جو کام یہ پاکستان میں کر رہے ہیں اور ایک حکومت اور طاقتور ملٹری فورسز ہونے کے باوجود بغیر اجازت اس ملک کی حدود میں داخل ہوجاتے ہیں اور مختلف جگہ بم برساتے ہیں، یہی کام عراق و شام میں کریں۔بہر حال ان دنوں امریکی حکام کی یہ باتیں ہسپتال کے بستر پر میری لئے ایک تفریح تھیں۔

وحدت نیوز (اسلام آباد) مجلس وحدت مسلمین پاکستان کے سربراہ علامہ ناصرعباس جعفری کہا کہ حکمران ہمارے اعصاب کا امتحان لے رہے ہیں ، یہ حوصلوں کی جنگ تھی جسے ہم جیت چکے ہیں ، دھرنےشریف برادران کے  استعفوں تک جاری رہیں  گے، پی ٹی وی بلڈنگ میں گھس کر ایک شیشہ توڑنے والے تو قومی مجرم لیکن 14بے گناہوں کے قاتل آئینی حکمران یہ کھلا تضاد کیوں ہے، نواز حکومت سے دھرنوں کو سبوتاژ کرنے کے لئے بھارت سے پانی چھڑواکر ملک کو ڈبو دیا، نواز حکومت گرفتار کارکنان کو فوری رہا کرے، ان خیالات کا اظہار انہوں نے پارلیمنٹ ہاوس اسلام آباد پر جاری انقلاب دھرنے کے شرکاء سے خطاب کرتے ہوئے کیا۔

ان کا مذید کہنا تھا کہ ایک ماہ سے زائد عرصہ گزرجانے کےباوجوددھرنا اسی عزم و حوصلے سے جاری جو عوام میں چودہ اگست کو تھا، حکومتی ہتھکنڈے مکمل طور پر ناکام ثابت ہوئے، نواز حکومت اور اس کے آلہ کاروں نے اپنا پورا زور لگا لیا لیکن عوام کو دھرنوں سے بد زن نہ کر سکے، اسلام آباد کی شاہراہوں سے اٹھنے والی گو نواز گو کی آواز آج پوری ملت پاکستان کی دل کی آواز بن چکی ہے، میاں صاحب میں  زرہ برابربھی غیرت ہوتی تو سیلاب زدگان کی جانب سے لگنے والے گو نواز گو کے نعرے سن کر شرم سے ہی مستعفیٰ ہو جاتے، چوہدری نثار جیسا کم عقل وزیر داخلہ پاکستان کی عوام نے نہیں دیکھا، چوہدری نثار کے نزدیک پی ٹی وی بلڈنگ میں گھسنا اور ایک شیشہ توڑ دینا ، ماڈل ٹاون میں چودہ لاشیں گرادینے، نہتے خواتین اور بزرگوں پر آنسو گیس ، فاسفورس گیس اور شاٹ گن کی گولیاں برسانے اور سچ دکھانے اور سنانے والے صحافیوں کو گھسیٹ گھسیٹ کر لاتوں ، گھونسوں اور ڈنڈوں سے مارنے سے بھی زیادہ بڑا اور سنگین جرم ہے، نواز حکومت اپنےجعلی  اقتدار کی بقاء کی خاطر قومی سلامتی کے ساتھ کھلواڑ کرنے سے بھی بعض نہیں آئی، پاکستان کو درپیش سنگین سیلاب کا سامنا بھی نواز حکومت کی درخواست پر بھارت کی جانب سے پانی چھوڑنے کی بدولت ہے، جس کا بنیادی مقصد حکومت مخالف احتجاجی تحریک سے پاکستانی عوام کی توجہ ہٹانا مقصود تھا، انہوں نےنواز حکومت کی جانب سے ایم ڈبلیوایم ، پی اے ٹی اور پی ٹی آئی کے کارکنا کی بلاجواز گرفتاریوں کی پر زور مذمت کرتے ہوئے کہا ہے کہ گرفتار کارکنان کو فوری رہا کیا جائے، جب تک تمام اسیرکارکنان کی رہا نہیں ہوتے حکومت کے ساتھ دوبارہ مذاکرات کا آغاز نہیں کیاجائے گا۔

وحدت نیوز (لیہ) مجلس وحدت مسلمین کے ایک وفد نے ضلع لیہ کے علاقہ انگورا فارم کا دورہ کیا، جہاں ضلع جھنگ سے ہجرت کرکے آنے والے سیلاب ذدگان سے ملاقاتیں کیں، وفد میں ایم ڈبلیوایم خیبر پختونخوا کے سیکرٹری اطلاعات سید عدیل عباس زیدی، تحصیل چوبارہ کے سیکرٹری جنرل سید سیماب حیدر شاہ، چوک اعظم کے سیکرٹری جنرل مصور عباس بلوچ اور ڈاکٹر ناصر علی جعفری شامل تھے۔ وفد نے متاثرین کے مسائل اور مشکلات سنیں، اور ان کی ہر ممکن مدد کیلئے کردار ادا کرنے کی یقین دہانی کرائی۔ سیلاب ذدگان نے حکومت کی جانب سے سہولیات کی عدم فراہمی پر شدید برہمی کا اظہار کرتے ہوئے ایم ڈبلیو ایم کے مسئولین کو بتایا کہ کیمپ انتظامیہ سیلاب ذدگان کو سوکھی روٹی اور ناکافی خوراک فراہم کررہی ہے، ایک خاندان کو صرف 2 روٹیاں دی جاتی ہیں، پینے کا صاف پانی بھی دستیاب نہیں۔

وحدت نیوز(لاہور) مجلس وحدت مسلمین پنجاب کے ڈپٹی سیکرٹری جنرل اور حکومت کیساتھ مذاکراتی ٹیم کے ممبر سید اسد عباس نقوی سمیت چالیس سے زائد عہدیداران و کارکنان کی اسلام آباد آفس سے گرفتاری پراپنے ردعمل میں مجلس وحدت مسلمین پنجاب کے سیکرٹری جنرل علامہ عبدالخالق اسدی نے واقعہ کی شدید مذمت کرتے ہوئے کہا کہ حکمران پر امن مذاکرات میں سنجیدہ ہی نہیں، ان کی شاہانہ اور آمرانہ طرز عمل معاملات میں بگاڑ کا سبب بنے گا۔ علامہ اسدی نے کہا کہ ہم ایسے اوچھے ہتھکنڈوں سے گھبرانے والے نہیں، ہم نے وقت کے بدترین آمر ضیاء الحق کو گھٹنے ٹیکنے پر مجبور کیا تھا، آج اُن کے روحانی فرزندوں کو بھی شکست دے کرہی رہیں گے۔

انہوں نے کہا کہ مجلس وحدت مسلمین کے کارکنان کو ہمیشہ حب الوطنی اور امن کا درس دیا گیا اور یہی وجہ ہے سینکڑوں لاشیں لے کر ہفتہ بھر سڑکوں پر بیٹھے رہے لیکن ایک پتہ بھی نہیں ٹوٹنے دیا ،آج مسلم لیگ ن کھل کر ہم سے سیاسی انتقام لے رہی ہے ،انشااللہ اس کا جواب بھی اُن کو سیاسی طور پر ہی دینگے ۔