وحدت نیوز (اسکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ یوم یکجہتی کشمیر جہاں اپنے مظلوم کشمیری بھائیوں کے ساتھ یکجہتی کا دن ہے وہاں دنیا بھر کی نام نہاد انسانی حقوق کی تنظیموں کی بے بسی اور ناکامی کا دن ہے۔ انہوں نے کہا کہ اقوام متحدہ اس وقت امریکہ کی لونڈی کا کردار ادا کر رہی ہے اور اقوام عالم کا ان سے اعتماد اٹھ گیا ہے ۔ اقوام متحدہ تمام ممالک اور تمام مذاہب کی نمائندہ جماعت نہیں بلکہ کلیسائی اور کنیسائی سازشوں کی تجربہ گاہ بنی ہے یہی وجہ ہے چھ عشرہ سے زائد کا عرصہ گزرنے کے باوجود اقوام متحدہ سے نہ فلسطین کا مسئلہ حل ہوا اور نہ کشمیر کا جبکہ اسی اقوام متحدہ کے ذریعے مشرق تیمور میں ریاست راتوں رات بنتی ہے۔انہوں نے کہا کہ چھ عشرہ سے زائد کا عرصہ گزرنے کے باوجود کشمیری مظلوم عوام کو حق خود ارادیت نہ دینا اقوام متحدہ کی بدترین ناکامی ہے۔ دنیا بھر کی انسانی حقوق کی تنظیمیں اس وقت صرف مگر مچھ کی آنسو بہانے اور عالم انسانیت کو دھوکہ دینے پر اکتفا کر رہی ہے اور انسانی حقوق کی تنظیموں کا کام میڈیا میں کپین چلانا اور حقوق سے محروم اقوام کے نام پر اپنی جیبیں بھرنا ہو گیا ہے اگر عالمی انسانی حقوق کی تنظیمیں اپنا صحیح کردار ادا کرتی تو نہ فلسطین کا مسئلہ پیش آتا اور کشمیر مقبوضہ رہتا ۔انہوں نے کہا کہ عالم اسلام کو اپنی عظمت رفتہ کی حصول اور کشمیر و فلسطین کی بازیابی کے لیے متحد ہونے کی ضرورت ہے مغربی تنظمیوں اور اقوام متحدہ کی بیساکھی چھوڑ کر قوت ایمانی سے آگے بڑھیں توعالم اسلام کا کوئی مقابلہ نہیں کر سکتا۔

وحدت نیوز (کراچی) شکار پور جامع مسجد کربلائے معلیٰ میں ہونے والے خودکش بم دھماکے ، ساٹھ سے زائد نمازیوں کی شہادت اور قاتلوں کی عدم گرفتاری کے خلاف  کراچی سمیت  سندھ بھر میں  مجلس وحدت مسلمین کی اپیل پر   یوم شہدائے شکارپور منایا گیا، اس حوالے سے کراچی سمیت حیدرآباد، لاڑکانہ ، نوابشاہ،ٹنڈومحمد خان، نصیر آباد، بدین، تلہار، شہداد کوٹ، ٹنڈوالہیار،نوشہروفیروز، سجاول ، ٹھٹھہ، دادو، شکار پوراور دیگر اضلاع میں حتجاجی مظاہرے کیئے گئے، ریلیاں نکالی گئیں اور شہداء کی یاد میں چراغاں کیا گیااور قرآن خوانی کی گئی، جبکہ مرکزی احتجاجی مظاہرہ خوجہ مسجد کھارادر کے باہر بعد نماز جمعہ کیا گیا، جس سے مجلس و حدت مسلمین کے رہنما ،علامہ مبشر حسن ،آصف صفوی،نا صر الحسینی ،،شبیر حسین نے خطاب کیا ،اس موقع پر مظاہرین کی بڑی تعداد موجود تھی، مظاہرین نے سندھ حکومت اور وزیر اعلیٰ سندھ کے خلاف نعرے بازی کی اور وزیر اعلیٰ سندھ کی بر طر فی کا مطالبہ کیا ، صوبہ میں سندھ حکومتی سر پرستی میں دہشتگرد تکفیری کالعدم گروہوں کے دارالعلوم کھولے جا رہیں ہیں، صوبہ بھر میں دہشتگردوں کا نیٹ ورک مضبوط ہو گیا ہے غلطی سے اگر کوئی  دہشتگرد پکڑ بھی لیا جاتا ہے تو انہیں کالعدم تکفیری گروہوں کی جانب سے خطیر رقم خرچ کر کے عدالتوں سے چھوڑا لیا جاتا ہے ، دہشتگردوں کے نیٹ ورک چلانے کے وہی پرانے طریقہ کار ہیں، سکیورٹی ادارے اور حکومت خود دہشتگردوں کو راستہ فراہم کرتی ہے ،سعودی امدار سے دہشتگردی کے مدارس قائم ہوتے ہیں اورانہیں مدارس سے کالعدم گروہوں کو پروٹیکشن  دی جاتی ہے۔

 علامہ مبشر حسن نے گزشتہ روز وزیر اعلیٰ ہاؤس پر سول سو سائٹی کی جانب سے سانحہ شکار پور ،کالعدم جماعتوں کے رہنماؤں کو حکومت کی جانب سے دی جانے والی سکیورٹی اور ان کی عدم گرفتاری کے خلاف مظاہرے میں شامل عورتوں ،بچوں پر ریاستی اداروں اور حکومت سندھ کی جانب سے تشدید کی مذمت کرتے ہوئے کہا کہ حکومت سندھ دہشتگردوں کو پکڑنے میں ناکام مگر دہشتگردوں کی گرفتاری کیلئے کئے جانے والے پر امن احتجاجی مظاہرین کو پکڑنے میں کامیاب ہو گئی جس پر وزیر اعلیٰ سندھ اور ان کی کابینہ کو مبارکباد دینی چاہیے عوام نے حکمرانوں مسترد کرتی ہے اگر صوبہ میں شفاف الیکشن کرائے جائیں تو ان حکمرانوں کی قلعی کھل جائے گی ،رہنماؤں نے آرمی چیف جنرل راحیل شریف اور کور کمانڈر کراچی سے مطالبہ کیا کے دہشتگردی کت خاتمہ کیلئے وام کی امیدیں آپ سے وابسطہ ہیں کراچی سمیت صوبہ بھر میں کالعدم دہشتگردگرہوں کے خلاف آپریشن کیا جائے اور سندھ حکومت میں شامل کالی بھٹروں کے خلاف بھی ایکشن لیا جائے ،شہر میں جزوی مارشل لاء اور دہشتگردی کی عدالتوں میں ان تمام کے خلاف بھی مقدمات قائم کئے جائیں اور انہیں تختہ دار پر لٹکا یا جائے۔دریں اثناء ایم ڈبلیو ایم کی جانب سے سانحہ شکار پوردہشتگردی کے خلاف جامعہ مسجد نور ایمان، جامعہ مسجد دربار حسینی ملیر،جامعہ مسجد ابو الفضل عباس لانڈھی،جامعہ مسجد امامیہ سادات کالونی جامع مسجد مصطفی عباس ٹاون ،حسینی مسجد سچل گوٹھ،میں مولانا علی نوار ،مہدی کریمی ،محمد حسین جعفری،احسن عباس میں علماء کرام نے سانحہ شکارپور دہشتگردی کے خلاف خطبات اورشہداء کے بلندی درجات کیلئے دعاء کرائی اور نماز جمعہ کے بعد احتجاجی مظاہرے کئے گئے جس میں حکومتی نا اہلی اور دہشتگردوں کی گرفتاری کا مطالبہ کیا گیا۔

وحدت نیوز (لاڑکانہ) مجلس وحدت مسلمین لاڑکانہ کی جانب سے مرکزی امام بارگاه جعفریہ سے نماز جمعہ کے بعد شکارپور کے المناک سانحے کے خلاف احتجاجی ریلی نکالی گئی. جس کی قیادت ضلعی سیکریٹری جنرل طارق حسین بدوی, دیگر ضلعی مسعولین اور جعفری امام بارگاه کے متولی سجاد جعفری نے کی. ریلی پاکستان چوک سے ہوتی ہوئی پریس کلب لاڑکانہ تک آئی, جہاں مقررین نے واقعے کی سخت مذمت کرتے ہوئے اپنے خطابات میں کہا کہ اس دھشتگردی میں ملوث تمام عناصر کو بے نقاب کر کے کیفر کردار تک پهنچایا جائے, انهوں نے مزید کہا کہ ہماری تمام امام بارگاہوں اور مساجد کو خاطر خواه سیکیورٹی فراہم کی جائے دوسری صورت میں حکومت خود ذمہ دار ہوگی۔

وحدت نیوز (کراچی) مجلس وحدت مسلمین سندھ کے سیکریٹری جنرل علامہ مختار امامی کی اپیل پر آج سندھ بھر میں یوم شہدائے شکارپور منایا گیا، اس حوالے سے مجلس وحدت مسلمین  ضلع ملیر کے زیر اہتمام حسینی جامع مسجد برف خانہ ملیر کے باہر بعد نماز جمعہ احتجاجی مظاہرہ کیا گیا جس میں نمازیوں کی بڑی تعداد نے شرکت کی جب کہ مظاہرین سے ایم ڈبلیوایم کراچی کے رہنماعلامہ علی انور جعفری اور ایم ڈبلیوایم ضلع ملیرکے سیکریٹری جنرل سید احسن عباس نے خطاب کیا، اپنے خطاب میں مقررین کا کہنا تھا کہ سانحہ شکار پور کو ایک ہفتہ گذر جانے کے باوجودحکومت نے قاتلوں کی گرفتاری کے لیئے کوئی ٹھوس اقدام نہیں اٹھایا، سندھ بھر میں کالعدم تکفیری گروہوں کےمحفوظ مراکز موجود ہیں ، پیپلز پارٹی اور ن لیگ اقتدار کی بقاء کی خاطر کالعدم تکفیری گروہوں کے خلاف کسی قسم کی کاروائی سے گریزاں ہیں ، رہنماوں نے شہداء کمیٹی شکارپور کی جانب سے قاتلوں کی عدم گرفتاری اور سندھ میں فوجی اپریشن نہ ہونے کے سبب شکار پور سے کراچی کی جانب لانگ مارچ کی مکمل حمایت کا اعلان کرتے ہوئے کہا کہ کراچی کے غیور عوام خانوادہ شہدائے شکارپورکو انصاف دلوانے کیلئے لانگ مارچ میں بھر پور شرکت کریں گے۔

وحدت نیوز( شکارپور) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے شہدائے شکارپور کے خانوادوں کی جانب سے شکارپور تا وزیراعلیٰ ہاؤس کراچی تک کئے جانے والے لانگ مارچ کی حمایت کا اعلان کردیا۔ یہ اعلان انہوں نے شکارپور میں  نماز جمعہ کےاجتماع کے  موقع پر ہزاروں شرکاء کے عظیم الشان اجتماع سے خطاب کرتے ہوئے کیا۔ اس موقع پر علامہ مختار امامی،علامہ مقصود ڈومکی، عالم کربلائی،عبد اللہ مطہری ،علامہ نشان حیدر ساجدی، علی حسین نقوی، یعقوب حسینی سمیت بڑی تعداد میں اہل سنت برادران  بھی موجود تھے۔

علامہ راجہ ناصر عباس جعفری نے کہا کہ دہشت گردوں سے خوف کھانے والے نہیں ہیں ۔اگر ہم نے استقامت نہ دکھائی ہوتی تو قوم ان دہشت گردوں کے سامنے ہتھیار ڈال چکی ہوتی ہم ظلم کے سامنے جھکنے والے نہیں ہم نے ارض پاک کی حظافت کے لیے اپنے جوان قربان کیے ہیں حکومت افسوس کرنے کی بجائے اقدامات کرے ہمیں قاتلوں کے خلاف آپریشن چاہیے۔اگر ان دہشت گردوں کے خلاف کاروائی نہ کی تو کل کوئی اور شہر شکارپور بن جائے گا۔شہداء کے قاتلوں کو انجام تک پہنچائے بغیر چین سے نہیں بیٹھیں گے،سندھ کے چھوٹے چھوٹے وزیرستاتوں کے خلاف فی الفور آپریشن شروع کیا جائے،انہوں نے کہا کہ سندھ میں آپریشن نہ ہوا تو لانگ مارچ کریں گے جمعہ 13 فروری کو اندرون سندھ میں سانحہ کے خلاف پرامن ہڑتال ہو گی اور اگر اس کے باوجود ان دہشت گردوں کیخلاف کاروائی نہ ہوئی تو 15 فروری کو شکار پور سے کراچی لانگ مارچ کریں گے جو وزیر اعلیٰ ہاوُس پہنچنے پر دھرنا دینگے ۔قائم علی شاہ ریئسانی کی حکومت کے زوال سے سبق سیکھے ،ہمارے خانوادہ شہداء کا لانگ مارچ سب سے بڑا لانگ مارچ ہو گا۔حکومت کے دن گنے جا چکے ہیں وقت آگیا ہے کہ پاکستان دشمنوں کی حکومت کا خاتمہ کردیا جائے۔ہمارے سامنے دو راستے ہیںاسلحہ اٹھائیں یا عوامی طاقت سے ظالم کو جواب دیں ہم عوامی جدوجہد پر یقین رکھتے ہیں اور عوامی جدوجہد سے ہی دشمنوں کا مقابلہ کریں گے،پولیس دہشت گردوں کو کھلی چھٹی دے چکی ہے علامہ راجہ ناصر کا کہنا تھا کہ عدلیہ کا کردار بھی دہشت گردوں سے متعلق شرمناک ہے سانحہ پشاور کے بعد سکولوں کو بند کرنا احمقانہ فعل تھا۔جن مدارس میں تکفیر کی تعلیم دی جاتی ہے وہاں کاروائی کی جائے۔وزیراعلیٰ سندھ جھوٹا انسان ہے کیا کبھی کسی شیعہ یا سنی نے ملکی سلامتی پر وار کیا ہے کیا کامرہ بیس ،مہران بیس ،جی ایچ کیو،سکولز ،مساجد،امام بارگاہوں ،اور درباروں پر حملے میں کوئی شیعہ یا سنی ملوث تھا۔مخصوص سوچ رکھنے والے اقلیتی مکتب فکر نہ صرف پاکستان کو نقصان پہنچا رہا ہے بلکہ دنیا میں اسلام کی بد نامی کا بھی سبب بن رہا ہے۔ریاستی اداروں نے اپنی پالیسی نہ بدلی توپاکستان سنگین بحران سے دوچار ہوجائے گا۔یہ دہشت گردگروہ  امریکہ،اسرائیل اورانڈیا کے ایجنٹ ہیں۔ہم اپنے پاکستانی شہداء کے خون سے کسی کو خیانت نہیں کرنے دیں گے۔جو شہداء کے کون سے خیانت کرے گا۔خدااسے ذلیل و رسوا کریگا۔

وحدت نیوز (کراچی) الہٰی جماعت کے رکن میں تقوی و انکساری کا عنصر بنیادی اہمت کا حامل ہے، معاشرے کو نیکی کی جانب سےبلانے والے کا خود برائی سے بچنا ضروری ہے،وقت بہت کم ہے اسے فضول افعال کے بجائے بندگی خدا میں صرف کریں ، اپنے نفس کو آزاد کروانے کیلئے واجبات کو انجام دینا ہو گا اور حرام سے بچنا ہوگا، پاکیزگی کی جانب سفر کرناجہاد اکبر ہے،تمام کارکنان کو انفرادی ریاضت ،عبادات اور مناجات کی جانب خصوصی توجہ دینی ہوگی،تکفیریت کو کمزور کیئے بغیر پاکستان میں امن کا قیام ممکن نہیں ،جمہوری اسلامی ایران کی جانب سے ملت عراق اور شام کادفاع آٹھ سالہ جنگ کے امتحان میں استقامت کا نتیجہ ہے،ان خیالات کا اظہار مجلس وحدت مسلمین پاکستان کے سربراہ علامہ ناصرعباس جعفری نے امام بارگاہ مدینتہ العلم کراچی میں جنرل ورکرز اجلاس سے خطاب کرتے ہوئے کیا، اس موقع پر تنظیمی کارکنان کی بڑی تعدادکے علاوہ حجتہ الاسلام علامہ شیخ غلام حر شبیری آف امریکہ، ذاکر اہل بیتؑ علامہ علی عرفان عابدی ، مرکزی سیکریٹری امور روابط اقرارحسین ملک بھی موجود تھے، جبکہ علامہ شیخ غلام حر شبیری نے بھی شرکاء سے مختصر خطاب کیااور نظامت کے فرائض ڈویژنل ڈپٹی سیکریٹری جنرل علامہ مبشر حسن نے انجام دیئے ۔

علامہ ناصر عباس جعفری نےکارکنان سے اخلاقی وعرفانی عنوان پر گفتگو کرتے ہوئے  کہا کہ جس طرح دنیا میں الہیٰ نمائندےموجود ہیں بلکل اسی طرح شیطانی نمائندے بھی وجود رکھتے ہیں، نہضت الہیہ سے وابسطہ افراد کا شیطانی نمائندوں کا بچنا انتہائی ضروری ہے، ایسے افراد جو لوگوں کو ایثار ، فدا کاری اور شجاعت کی تلقین کرتےہیں انہیں پہلے خود ان چیزوں پر عمل پیرا ہونا ہوگا، مجلس وحدت کے کارکنان عابد شب زندہ دار بنیں ، نماز کی اول وقت ادائیگی کو یقینی بنائیں  ،تلاوت قرآن کریم کو عادت بنائیں ، توسل با حضور امام زمان عج کو رواج دیں ، گناہ انسان کی باطنی آنکھ کو زخمی کر دیتے ہیں ، جس کی بناءپر وہ انوار الہٰیہ اور جمال خداوندی کا مشاہدہ کرنے کی صلاحیت کھو دیتی ہے،جمہوری اسلامی ایران کی جانب سے ملت عراق اور شام کادفاع آٹھ سالہ جنگ کے امتحان میں استقامت کا نتیجہ ہے، پاکستانی شیعہ ملت بھی بردار اقوام کی دادرس بن سکتی ہے، توسل و ارتباط با حضور امام زمان عج ہمیں سرزمین پاک پر حزب اللہ اور انصار اللہ کی طرح طاقتور بنا دے گا۔

قومی و بین الاقوامی حالات پر مختصر گفتگو کرتے ہوئے ان کاکہنا  تھا کہ پروردگار عالم نے سانحہ شکارپور کے نتیجے میں   ایک مرتبہ پھر ہماری قوم کو عظیم امتحان کیلئے منتخب کیا ہے، سید مقاومت حسن نصر اللہ نے  ایک ملاقات میں کہاکہ ملت یمن کے بعد ملت پاکستان سے خدا وند متعال نے بڑاکام لینا ہے، خدا وند کریم کسی قوم کو کبھی ایسے سنگین امتحان میں مبتلا نہیں کرتا جس میں  اس میں سرخرو ہونے کی صلاحیت نہ ہو، سانحہ شکارپور کے بعد ہم ایک نئے مرحلے میں داخل ہوچکے ہیں ،حکمرانوں اورر فوج کو اپنی روش تبدیل کرنا ہوگی، شہید مظلوم پشاور کا ہو یا شکارپور کاشریعت اور قانون میں  ایک ہی مقام و مرتبہ رکھتا ہے،اسی طرح مظلوموں کے قاتلوں میں بھی فرق نہیں ، قاتل پشاور کا ہو یا شکارپور کا شریعت اور قانون کی نگاہ میں انجام دونوں کا ایک ہی ہے، ہم عوامی طاقت سے حکمرانوں اور فوج کو ان ظالم و قاتل تکفیری دہشت گردوں کے خلاف فیصلہ کن اقدام اٹھانے پر مجبور کریں گے، تکفیریت کے خلاف ملک گیر سطح پرسیاسی ،مذہبی اور سماجی تنظیموں کا  اتحاد تشکیل دیں گے، ایک سوال کے جواب میں ان کاکہنا تھا کہ شیعہ علماء کونسل سمیت کسی بھی  ملی تنظیم یا جماعت کو کمزور کرنا یا ختم کرنا ہمارا ایجنڈا نہیں ، اگر کوئی جماعت قوم کے خدمت کے غرض سے میدان میں اترے گی تو ہم اس کے پیچھے کھڑے ہوں گے، گلگت بلتستان الیکشن میں اگر ہمیں کسی حلقے میں کھڑے شیعہ علماء کونسل کے امیدوار کی مضبوطی اور کامیابی کا یقین ہوگااور اس کے مقابلے میں اپنا امیدوار لانے سے اس کی فتح مشکوک ہو گی تو ہم اس کے مقابلے میں اپنا امیدوار کھڑا نہیں کریں گے۔