The Latest
وحدت نیوز(لاہور) مرکزی سیکرٹری جنرل مجلس وحدت مسلمین پاکستان شعبہ خواتین اور رکن پنجاب اسمبلی محترمہ سیدہ زھرا نقوی نےجامعہ خدیجة الکبریٰ لاہورمیں یوم شھداء کی تقریب سے خطاب کیا،اپنے خطاب میں انہوں نے شھدائے ملت تشیع کو خراج تحسین پیش کرتے ہوےکہاکہ “ شھدا ہمارا افتخار ہیں ان کی عزت و تکریم کرنا اور ان کی یاد منانا ایک عظیم عبادت ہےہماری ناقص عقلیں اِن شہداۓ کرام کے اُس مقام و منزلت کو سمجھنے سے قاصر ہیں ، جو وہ خدا کے ہاں رکھتے ہیں۔ خداوند کریم اُن ہستیوں کو ہی شہادت کا رتبہ عطا کرتا ہے جو اُسکے نزدیک معتبر و مقرب ہوں۔ شھداء اپنے حصے کا کام کر گئے اب ہمیں اپنا کام انجام دینا ہے ،زندہ قومیں اپنے شھداء کی یاد کیساتھ ان کے ہدف کو بھی زندہ رکھتی ہیں۔
وحدت نیوز(لاہور) مجلس وحدت مسلمین پاکستان شعبہ خواتین کی مرکزی سیکرٹری تنظیم سازی محترمہ معصومہ نقوی اور ضلعی سیکرٹری جنرل لاہورمحترمہ لبنی زیدی نے ایم ڈبلیو ایم پاکستان کے مرکزی رہنما مولانا حسن ظفر نقوی سے لاھور میں ملاقات کی،اس موقع پر مولانا حسن ظفر نقوی نے شعبہ خواتین کی تنظیمی فعالیت کو سراہا اور انکی کارکردگی کو مزید بہتر بنانے کے لیے مختلف تنظیمی امور اور شعبہ جات کے حوالے سے ان کی رہنمائی بھی کی۔ علامہ صاحب نے مجلس وحدت مسلمین پاکستان کے حوالے سے گفتگو کرتے ہوۓ کہا کہ ھم سب کو مل کر اللہ کی رضا کی خاطر سربراہ ایم ڈبلیو ایم پاکستان راجا ناصر عباس جعفری کا بھر پور ساتھ دینا چاہئے کیونکہ میں جانتا ہوں کہ وہ اپنے مشن اور ہدف میں صادق اور خالص ہیں۔
وحدت نیوز(کمالیہ) مجلس وحدت مسلمین شعبہ خواتین کی مرکزی سیکرٹری شعبہ ورکنگ وومن محترمہ ڈاکٹر ردا فاطمہ نے مختلف شعبہ جات زندگی سے تعلق رکھنے والی، پیشہ ورانہ مہارت کی حامل خواتین سے ملاقات کا سلسلہ جاری رکھتے ہوے ڈاکٹر عبیرہ بخاری سے تنظیمی حوالے سے ملاقات کی، ڈاکٹر عبیرہ بخاری کمالیہ تحصیل ھیڈ کوارٹر میں سرکاری ملازمت کر رہی ہیں، انھوں نے اپنے شعبے کے حوالے سے ہر ممکن تعاون کا اظہار کیا ہے اور اس بات کی مکمل یقین دھانی کروائی کہ ایم ڈبلیو ایم شعبہ ورکنگ وومن کے پلیٹ فارم سے مومنین و مومنات کی خدمت کے لیے جب بھی ضرورت پڑی وہ اپنی خدمات پیش کریں گی، علاوہ ازیں ڈاکٹر عبیرہ بخاری نے تحصیل گوجرہ اور کمالیہ کے تمام پروفیشنلز کی تفاصیل حاصل کرنے کی ذمہ داری اپنے ذمے لی ہے ۔
وحدت نیوز(لاہور) مجلس وحدت مسلمین پاکستان شعبہ خواتین کی مرکزی سیکرٹری تنظیم سازی محترمہ سیدہ معصومہ نقوی نے مریدکے (لاھور) کے مقام پر ایک تنظیمی نشست کے دوران نئے یونٹ کا افتتاح کیا ،اس نشست سے خطاب کے دوران محترمہ معصومہ نقوی نے یونٹ سازی کی اہمیت اور ھدف کو بیان کرتے ہوے کہا مجلس وحدت مسلمین پاکستان کی طرف سے ملک کے مختلف علاقوں میں یہ یونٹ سازیاں دراصل عوامی پلیٹ فارم پر سپاھیان امام زمانہ عج کی تیاری ہے،انھوں نے یونٹ کو فعال و متحرک بنانے کے لیے ممبران کو ہفتہ وار دروس اور دعا ومناجات کے پروگرام رکھنے کی تاکید کی، اس سے پہلے بھی مرکزی مسئولِ تنظیم سازی ایم ڈبلیو ایم (شعبہ خواتین )ضلع لاھور میں آٹھ یونٹ قائم کر چکی ہیں۔
وحدت نیوز(بھوانہ) مجلس وحدت مسلمین شعبہ خواتین تحصیل بھوانہ کی جانب سے 13 جمادی الاول سے مجالس فاطمیه(س) کا سلسلہ جاری ہے،یہ مجالس تحصیل بھوانہ کے مختلف علاقوں اور محلوں میں منعقد ہو رہی ہیں اور ان تمام مجالس عزا سے مجلس وحدت مسلمین شعبہ خواتین کی مرکزی سیکرٹری تعلیم محترمہ گلشن زیدی خطاب کررہی ہیں ،محترمہ گلشن زیدی نے آج کی مجلس سے خطاب کرتے ہوے معاشرہ سازی میں خواتین کے کردار کو تفصیلا ًپیش کیا۔ انھوں نے کہاکہ ایک زندہ و بیدار اور مہذب معاشرے جب ہی وجود میں آتے ہیں جب وہاں کی خواتین شعور و آگاہی رکھتی ہوں،یہ سلسلہ مجالس 3 جمادی الثانی روز شہادت جناب سیدہ سلام الله علیھا تک جاری رہیگا۔
وحدت نیوز(لاہور) مرکزی سیکرٹری جنرل مجلس وحدت مسلمین(شعبہ خواتین) و رُکن پنجاب اسمبلی محترمہ سیدہ زھرا نقوی کی زیر صدارت مجلس وحدت مسلمین (شعبہ خواتین) لاھور کے تمام یونٹس کا نمائندہ اجلاس وحدت ہاؤس لاھور میں منعقد ہوا۔ اس موقع پر مرکزی سیکرٹری تنظیم سای محترمہ سیدہ معصومہ نقوی بھی موجود تھیں۔ اس تنظیمی نشست سے خطاب میں محترمہ زھرا نقوی صاحبہ نے لاھور کے تمام یونٹس کو بھرپور فعالیت کیساتھ تنظیمی و تربیتی اور فلاحی امور انجام دینے اور ہر شعبے کو منظم اور مربوط بنانے کی ھدایات کیں۔ علاوہ ازیں ایام فاطمیه س کے حوالے سے مجالس کا انعقاد اور مجالس سے خطاب میں جناب سیدہ سلام الله علیھا کے سیاسی پہلو کو اجاگر کرنے اور اسوہ فاطمی س پر روشنی ڈالنے کی تاکید کی گئ۔ نشست میں 20 جمادی الثانی یوم ولادت جناب سیدہ (س) پر لاھور شھر کی سطح پر ایک بھرپور اور پروقار جشن سعید کا انعقاد بھی زیر غور رہا۔ جسکے حوالے سے مختلف انتظامی امور پر گفتگو کی گئی۔ اجلاس بی بی پاک دامن یونٹ، سمن آبادیونٹ، علی رضا آبادیونٹ ،اقبال ٹاؤن یونٹ، بھلہ سٹاپ یونٹ، بھاٹی گیٹ یونٹ، نشتر کالونی یونٹ اورگرین ٹاؤن یونٹ کی عہدیداران نے شرکت کی ۔
وحدت نیوز (لاہور) مجلس وحدت مسلمین پاکستان کی مرکزی سیکرٹری تنظیم سازی محترمہ معصومہ نقوی صاحبہ کی کوششوں سے ضلع لاھور میں آٹھ نئے یونٹس کا قیام عمل میں لایا گیاہے، مجلس وحدت مسلمین شعبہ خواتین پاکستان کے تحت مرکزی مسئول تنظیم سازی محترمہ معصومہ نقوی صاحبہ نے ضلع لاھور میں مختلف علاقوں کے دورہ جات اور تبلیغات کے بعد آٹھ جگہوں پر یونٹس قائم کیے اور گزشتہ ایک ماہ سے یہ تمام یونٹس تنظیمی امور انجام دینے میں سرگرم ہیں ، ان تمام یونٹس میں ہفتہ وار تفسیر قرآن ، احکام اور اخلاقی دروس کا اہتمام کیا جاتا ہے۔
وحدت نیوز (اٹک) مجلس وحدت مسلمین (شعبہ خواتین) اٹک یونٹ کی جانب سے مکتبِ قرآن و اھلبیت میں ہفتہ وار “درسِ مفاھیم قرآن” منعقد ہوا ،جس میں ادارہ التنزیل کے صدر عالم دین ، محترم ڈاکٹر علی عباس نے خواتین اور مکتب کی طالبات سے قرآن شناسی کے موضوع پر خصوصی خطاب کیا “آپ نے امام خمینی رح کے قول کو نقل کرتے ہوۓ بیان کیا کہ امام خمینی نے فرمایا: مجھے افسوس ہے کہ میری تمام زندگی گزر گئی اور میں قرآن کے ساتھ وقت نہیں گزار سکا۔قرآن کی تلاوت کیساتھ اسکے مفاھیم کو سمجھنا اور ان پر عمل پیرا ہونے میں ہی ہماری نجات کا سامان پوشیدہ ہے ،درس کہ اختتام پر مہمان خصوصی ڈاکٹر علی عباس نے مکتبِ قرآن و اھلبیت کا دورہ کیا اور طالبات کے نظم و ضبط کو سراہا۔
وحدت نیوز(سرگودھا) مجلس وحدت مسلمین کی مرکزی مسئول تنظیم سازی محترمہ معصومہ نقوی نے ضلع سرگودھا میں یونٹ کا قیام عمل لایا گیا، مرکزی سیکرٹری تنظیم سازی(شعبہ خواتین) محترمہ معصومہ نقوی صاحبہ نے ضلع سرگودھا میں سیال موڑ کے مقام پر گزشتہ روز یونٹ کا افتتاح کیا ،سیال موڑ یونٹ کے تحت ہفتہ وار دعاومناجات اور اخلاقی دروس کا اھتمام کیا جائے گا۔
وحدت نیوز (چنیوٹ) مجلس وحدت مسلمین( شعبہ خواتین) کی مرکزی سیکریٹری تعلیم محترمہ گلشن زیدی نے تحصیل بھوانہ ضلع چینیوٹ میں شعبہ تعلیم کے فروغ کے لیے تحصیل بھوانہ میں مسز کنیز فاطمہ (ریٹائرڈ ٹیچر) سے ملاقات کی ، جس میں مختلف علاقوں میں تعلیم کو فروغ دینے اور اس شعبے کو فعال بنانے کے لیے مشاورت کی گئی، جسکے بعد محترمہ کنیز فاطمہ نے ضلع ملتان ، اسلام آباد، منڈی بہاؤالدین ، ضلع جھنگ ، چینیوٹ اور لاہور میں تعلیمی میدان میں پیشہ ورانہ خدمات انجام دینے والے ٹیچرز اور پروفیسرز سے رابطے کرنے کی ذمہ داری لی، محترمہ گلشن زیدی( مرکزی مسئول تعلیم) نے گزشتہ ہفتے تحصیل بھوانہ میں مختلف مقامی اسکولز کی خواتین ٹیچرز سے میٹنگ کی، جس میں آپس میں مربوط رہتے ہوے تعلیمی میدان میں نہ صرف بحیثیت روزگار بلکہ الہی فریضہ انجام دیتے ہوئے طلباء و طالبات کی بہترین رہنمائی اور اس مقدس فریضے کو دیانت داری سے انجام دینے کا عزم کیا گیا۔
علاوہ از یں تحصیل بھوانہ میں گزشتہ اتوارکو مقامی بچیوں کے لیے سنڈے کلاسز کے سلسلے کا باقاعدہ آغاز کیا گیا جس میں ابتدائی طور پر 15 سے زائد بچیوں نے شرکت کی ، سنڈے کلاس میں بچیوں کو حجاب، احکام اور سیرت معصومین علیھم السلام جیسے موضوعات پر درس دیے جائینگے، ایام فاطمیہ کے حوالے سے مقامی سطح پہ مجلس عزا منعقد کی گئیں جس میں مرکزی مسئول تعلیم مجلس وحدت مسلمین(شعبہ خواتین) محترمہ گلشن زیدی صاحبہ نے خطاب کیا ، انھوں نے سیرت جناب فاطمة زھرا سلام اللہ علیھا پر روشنی ڈالتے ہوئے کہاکہ جناب سیدہ (س) خواتین کےلئے اسوہ کاملہ ہیں، ان کی سیرتِ پاک کو اپنا کر ہی ہم اپنے لئے نجات کا سامان کر سکتے ہیں ، جناب زھرا (س) کی کنیزی میں آنے کے لیے ہمیں فقط اپنی ذات کی اصلاح نہیں کرنی بلکہ معاشرے میں بھی ایک اجتماعی کردار ادا کرتے ہوے دین کی تبلیغ اور خدمت کرنی ہوگی۔
