وحدت نیوز(اسلام آباد) مرکزی ڈپٹی سیکرٹری جنرل مجلس وحدت مسلمین پاکستان علامہ سید احمد اقبال رضوی نے تمام مرکزی ،صوبائی اور ضلعی مسئولین اور کارکنان کا شکریہ ادا کرتے ہوئے اپنے پیغام میں کہا ہے کہ قائد وحدت علامہ راجہ ناصر عباس جعفری کے حکم پرلبیک کہتے ہوئے، عالم اسلام اورپاکستان کے ازلی دشمن امریکہ کے خلاف علامہ محمد اقبال ؒ اور قائد اعظم ؒکے غیور فرزندوں نے پاکستان میں 25 اگست کے ملک گیر یوم مردہ باد امریکہ سے یہ ثابت کردیا کہ ملک دشمن قوتوں کے مقابلے میں ہم سب ایک ہیں  اورپنجاب ، سندھ ،خیبرپختونخواہ ، بلوچستان ،آزاد کشمیر ، گلگت بلتستان اور پاراچنارمیں امریکہ کے خلاف صدائے احتجاج کی صورت میں جس نفرت  کا اظہارکیااور وطن عزیز سے جس وفاداری کا ثبوت دیاہے ،وہ قابل تحسین ہے،میں ایک بار پھر آپ تمام برادرا ن اور خصوصاً میڈیا ٹیم کے تمام دوستوں کا جنہوں اپنی بھرپور کاوش سے اس احتجاج کو کامیاب بنانے میں اپنا بہترین رول ادا کیا ہے ،کا تہہ دل سے شکریہ ادا کرتا ہوں۔ اللہ تعالی آپ سب کی توفیقات خیر میں اضافہ فرمائے۔آمین

وحدت نیوز(کراچی) مجلس وحدت مسلمین سندھ کے سیکریٹری سیاسیات سید علی حسین نقوی نے کہا کہ نوجوانوں کے ذریعے ہی ملک میں تبدیلی لائیں گے، نوجوان ایک بڑی قوت ہیں، سازش کے تحت نوجوانوں کو قتل و غارت گری کی سیاست میں دھکیلا گیا، پاکستانی نوجوانوں میں بہت ٹیلنٹ موجود ہے، سیاست دانوں نے نوجوانوں کو اپنی بھٹی کا ایندھن بنایا، ایم ڈبلیو ایم نوجوانوں کی صلاحیتوں کا تعمیری کاموں میں استعمال کرے گی، ان خیالات کا اظہار انہوں نے شہید حسینی ہال ملیر جعفر طیار میں یوتھ کنونشن میں خصوصی خطاب کرتے ہوئے کیا۔ اس موقع پر ایم ڈبلیو ایم کراچی کے سیکرٹری جنرل میثم عابدی، سیکرٹری یوتھ کراچی عباس حیدری، علی عابدی، سید علی نے بھی خطاب کیا، جبکہ اس موقع پر مختار منگی، رضا رضوی، حامد حسین و دیگر موجود تھے۔ علی حسین نقوی نے کہا کہ نوجوانوں نے ہمیشہ تبدیلی کیلئے اہم کردار ادا کیا ہے، پاکستان میں نوجوانوں کی تعداد 50 فیصد سے زیادہ ہے، نوجوانوں کی اتنی بڑی تعداد اور قوت ملکوں میں انقلاب برپا کر دیتی ہے۔ انہوں نے کہا کہ وحدت یوتھ پُرعزم، بہادر اور جرأت مند نوجوانوں کا قافلہ ہے۔ انہوں نے مزید کہا کہ نوجوانان ملت جعفریہ اپنے اور قوم کے حقوق کیلئے متحد ہو جائیں اور ظالم قوتوں ڈٹ کر مقابلہ کریں۔

وحدت نیوز(راولپنڈی) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری کے فرمان پر شیطان بزرگ امریکہ کے اسلام و پاکستان دشمن صدر ڈونلڈ ٹرمپ کی مملکت عزیز پاکستان کو دی جانے والی دھمکیوں اور سازشوں کہ خلاف ملک گیر " یوم مردہ باد امریکہ " کےموقع پر مجلس وحدت مسلمین ضلع راولپنڈی کے زیر اہتمام امام بارگاہ یادگار حسین سٹلائٹ ٹاؤن سے ریلی نکالی گئی جس کی قیادت ضلع سیکرٹری جنرل علامہ سید اکبر کاظمی نے کی شرکاء ریلی نے امریکی پرچم نذر آتش کئیے ۔

ریلی سے خطاب کرتے ہوئے سید اکبر کاظمی نے کہا امریکہ دہشت گردوں کا سرپرست ہے دنیا بھر میں دہشت گردی امریکہ کروا رہا ہے۔ مظاہرین کا پاک فوج کی جانب سے انکار کو غیرت مندانہ موقف قرار اگر امریکہ نے کسی قسم کا حملہ کیا تو سنی شیعہ سب ملکر پاک فوج کے شانہ بشانہ کھڑے ہوں گے۔ پاک فوج کے ملک بھر میں دہشت گردوں کے خلاف آپریشن کی پرزور حمایت مظاہرین نے مطالبہ کیا کہ اب جبکہ سانحہ راولپنڈی کے اصل مجرم گرفتار ہوگئے ہیں اور سازش بے نقاب ہوچکی ہے تو ملت کے بے گناہ افراد پر مقدمات ختم کیے جائیں۔علاوہ ازیں مجلس وحدت مسلمین کوہالہ یونٹ راولپنڈى کے زیر انتظام جامع مسجد باب الحوائج (ع) سے دربار پیر سید گل داؤد بادشاہ تک مردہ باد امریکہ کی مناسبت سے احتجاجی ریلی مؤمنین کی بھرپور شرکت۔

وحدت نیوز(ٹھٹہ) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری کے فرمان پر شیطان بزرگ امریکہ کے اسلام و پاکستان دشمن صدر ڈونلڈ ٹرمپ کی مملکت عزیز پاکستان کو دی جانے والی دھمکیوں اور سازشوں کہ خلاف ملک گیر " یوم مردہ باد امریکہ " کےموقع پر بعد نماز جمعہ ایم ڈبلیوایم ضلع ٹھٹھہ کے زیر اہتمام سیکریٹری جنرل سید اسداللہ شاہ کاظمی اور سیکریٹری سیاسیات ڈاکٹر عبدالحسین شاہ کی زیر قیادت ایدھی سینٹر تا پریس کلب ٹھٹھہ تک احجتاجی ریلی کی گئی اور پریس کلب ٹھٹھہ کے سامنے دہرنا دیا، جس میں امریکی صدر ڈونلڈ ٹرمپ کا پتلہ اور امریکی جھنڈانذر آتش کیا گیا۔جب کہ اس احتجاجی مظاہرے میں صوبائی سیکریٹری روابطہ سید حفیظ شاہ، جماعت اسلامی یوتھ کے صوبائی صدر سردار گل اور پیس ایمبیسیڈرویلفیئرآرگنائیزیشن کے رہنما سید الطاف شاہ، کنگز یوتھہ ٹھٹھہ، سول سوسائٹی اور مجلس وحدت مسلمین پورے ضلعہ کے یونٹس ، گجو، گھارو، دہابیجی، ٹنڈوحافظ شاہ، ساکرو، گاڑھونے شرکت کی۔

وحدت نیوز(سانگھڑ) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری کے فرمان پر شیطان بزرگ امریکہ کے اسلام و پاکستان دشمن صدر ڈونلڈ ٹرمپ کی مملکت عزیز پاکستان کو دی جانے والی دھمکیوں اور سازشوں کہ خلاف ملک گیر " یوم مردہ باد امریکہ " کےموقع پر بعد نماز جمعہ ایم ڈبلیوایم ضلع سانگھڑکےزیراہتمام ضلعی سیکریٹری جنرل سید عمران علی شاہ کی زیر قیادت مرکزی جامع مسجد وامام بارگاہ حسینی سے پریس کلب شہداد پور تک احتجاجی ریلی نکالی گئی جس میں شہریوں کی بڑی تعداد نے شرکت کی اس موقع پر پولیس اور رینجرز کے اہلکاروں کی بڑی تعداد شرکاء کی سکیورٹی پر معمور تھی،ریلی کےاختتام پر امریکی صدر ڈونلڈ ٹرمپ کا پتلا بھی نذر آتش کیا گیا۔

وحدت نیوز(فیصل آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری کے فرمان پر شیطان بزرگ امریکہ کے اسلام و پاکستان دشمن صدر ڈونلڈ ٹرمپ کی مملکت عزیز پاکستان کو دی جانے والی دھمکیوں اور سازشوں کہ خلاف ملک گیر " یوم مردہ باد امریکہ " کےموقع پر بعد نماز جمعہ ایم ڈبلیوایم ضلع فیصل آباد کے زیر اہتمام مرکزی امام بارگاہ دھوبی گھاٹ جھنگ روڈسے ریلی نکالی گئی جس کی قیادت صوبائی ڈپٹی سیکرٹری جنرل ڈاکٹر سید افتخار حسین نقوی ،ضلعی سیکرٹری جنرل سید صفدر رضا ، برادر سید حسنین شیرازی نے کی ریلی جی سی یونیورسٹی چوک میں احتجاجی جلسہ میں تبدیل ھوگئی ، شرکاء ریلی نے امریکہ کے خلاف شدید نعرہ بازی کی جبکہ شرکاء ریلی سے سید صفدر رضا اور سید حسنین شیرازی نے خطاب کیااور امریکی پرچم نذرآتش کیا گیا۔