آئین آئین کی رٹ لگانی والی حکومت کا خود غیر آئینی کام کرنا افسوسناک فعل ہے، جس خطے کو موجودہ حکومت آئینی طور پر صوبے میں شامل کرنے کے تیار نہیں، اسی خطے کے غریب ملازمین پر ٹیکس کا نفاذ عوام کے حقوق پر شب خون مارنے کے مترادف ہے۔ اس زیادتی پر کبھی خاموش نہیں رہیں گے، ٹیکس کے نفاذ کے خلاف لائحہ عمل طے کیا جائے گا۔ ان خیالات کا اظہار مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کیا۔ انہوں نے کہا کہ گلگت بلتستان کے غریب اور حقوق سے محروم عوام پر ٹیکس کے نفاذ سے موجودہ حکومت کی غریب پروری اور عوام دوستی کے نعروں کا جنازہ نکل گیا۔
انہوں نے مزید کہا کہ وفاقی حکومت کس آئین کے تحت گلگت بلتستان پر ٹیکس نافذ کر رہی ہے۔ وفاق ہمیں نمائندگی اور آئینی حقوق دینے کے بعد ٹیکس کی باتیں کرے۔
علامہ آغا علی رضوی نے کہا کہ وفاقی حکومت کو اگر گلگت بلتستان کے حکومتی بجٹ کی فکر ہے تو یہاں کی عوام جنرل سیلز ٹیکس کے مد میں سالانہ کھربوں روپے حکومت پاکستان کو ادا کرتی ہے، اس کے علاوہ وفاق سست بارڈر سے سالانہ اربوں روپے کسٹم کی مد میں وصول کرتا ہے اور سیاحت کی مد میں گلگت بلتستان آنے والے سیاحوں سے کروڑوں روپے جبکہ معدنیات بالخصوص سونے اور تانبے کی ایکسپلورنگ کے ذریعے جو رقوم حاصل کی جاتی ہیں، اگر ان کو گلگت بلتستان حکومت کو بخش دیا جائے تو کسی قسم کی مالی پریشانی نہیں ہوسکتی۔ علامہ علی رضوی نے کہا کہ وفاق کو کوئی حق نہیں پہنچتا کہ وہ گلگت بلتستان کی آمدنیوں کو ہتھیا لے۔ وفاقی حکومت کو دریائے سندھ کی رائیلٹی سمیت گلگت بلتستان سے حاصل ہونے والی وصولیوں کا حساب چکانا ہوگا۔ انہوں نے کہا کہ یہ سب گلگت بلتستان کے نمائندوں کی کارستانی ہے، جن کی ناہلی اور عاقبت نااندیشی سے ٹیکس نافذ ہوا۔

پاک فوج نے ہیومن رائٹس واچ کی پاکستان میں امن و امان کی صورتحال سے متعلق حالیہ رپورٹ کو مسترد کرتے ہوئے اسے بے بنیاد اور جھوٹ کا پلندہ قرار دیا ہے۔
آئی ایس پی آر سے جاری پریس ریلیز کے مطابق ترجمان آئی ایس پی آر نے ہیومن رائٹس واچ کی حالیہ رپورٹ تعصب پر مبنی اور پاکستان کے خلاف پراپیگنڈہ قرار دیا۔
ترجمان کے مطابق رپورٹ پاکستان اور اس کے اداروں کو بدنام کرنے کی کوشش ہے جس کے ذریعے پاکستان دشمن ایجنڈے کو سپورٹ کیا گیا ہے اور اس سے پاکستان میں پرتشدد فرقہ وارانہ فسادات میں اضافے کا خدشہ ہے۔
آئی ایس پی آڑ کے مطابق پاکستان میں بدامنی اور انتشار پیدا کرنے کا باعث بنے گی، ہیومن رائٹس واچ قابل اعتماد ادارہ نہیں اور اس کی رپورٹ اس سے قبل متعدد ممالک مسترد کر چکے ہیں۔

یاد رہے کہ ہیومن رائٹس واچ نے اپنی رپورٹ میں حکومت پر الزام لگایا تھا کہ وہ سیکیورٹی اور انٹیلی جنس اداروں کی جانب سے انسانی حقوق کی خلاف ورزیوں پر کارروائی کرنے میں ناکام ہو چکی ہے جو انتہاپسندوں گروہوں کو مذہبی اقلیتوں پر حملہ کرنے دے رہی ہیں۔

رپورٹ میں کہا گیا تھا کہ حکام صحافیوں اور انسانی حقوق کا دفاع کرنے والوں پر حملہ کرنے والوں سے نمٹنے کیلیے کوئی کام نہیں کر رہے اور انسداد دہشت گردی کیخلاف آپریشن میں انسانی حقوق کی سنگین خلاف ورزیاں کی جارہی ہیں۔

ہیومن رئٹس واچ کے پاکستان میں ڈائریکٹر علی دیان حسن نے کہا تھا کہ سال 2012 میں پاکستان میں انسانی حقوق کی صورتحال مزید بدتر ہو گئی جہاں مذہبی اقلیتوں کو ہلاک کیا گیا۔

رپورٹ میں مزید کہا گیا کہ فوج بلوچستان میں انسانی حقوق کی خلاف ورزیاں کرتی رہی، دہشت گرد اہل تشیع کو نشانہ بناتے اور اسی کے ساتھ ساتھ طالبان نے اسکول، طلبا اور اساتذہ کو نشانہ بنایا۔ شکریہ ڈان نیوز

مجلس وحدت مسلمین پاکستان اور امامیہ اسٹوڈنٹس آرگنائزیشن پاکستان ملتان کے زیراہتمام گزشتہ روز ہنگو میں جمعہ کی نماز کے بعد ہونے والے دھماکے کے خلاف جعفریہ بازار سورج میانی ملتان میں احتجاجی مظاہرہ کیا گیا۔ احتجاجی مظاہرے کی قیادت مجلس وحدت مسلمین ملتان کے سیکرٹری جنرل علامہ سید اقتدار حسین نقوی اور امامیہ اسٹوڈنٹس آرگنائزیشن ملتان کے ڈویژنل صدر تہور حیدری، محمد عباس صدیقی، جواد رضاجعفری اورثقلین نقوی نے کی۔ مظاہرین نے بینرز اور پلے کارڈز اُٹھا رکھے تھے جن پر دہشت گردی، فرقہ واریت اور امریکہ و اسرائیل کے خلاف نعرے درج تھے۔ مظاہرین سے خطاب کرتے ہوئے مقررین نے کہا کہ ہنگو میں خودکش دھماکہ انتظامیہ کی نااہلی اور ملی بھگت کا نتیجہ ہے۔ ملک میں ایک مخصوص مسلک کے لوگوں کو دیوار سے لگانے کی کوشش کی جا رہی ہے۔ جس کو کسی صورت برداشت نہیں کیا جائے گا۔ ان کا کہنا تھا کہ ہم جنازے اٹھا اٹھا کر تھک چکے ہیں۔ اب مزید جنازے اٹھانے کی طاقت نہیں رہی۔ اگر یہ سلسلہ بند نہ کیا گیا تو ہم بھی انتہائی قدم اٹھانے پر مجبور ہوجائیں گے۔ انہوں نے کہا کہ ہم حکومت وقت کو یہ بتا دینا چاہتے ہیں کہ اب قتل عام کا یہ سلسلہ رکنا چاہئے ورنہ مجبورا ہمیں کہیں اپنے دفاع میں ہتھیار اٹھانا نہ پڑجائے۔ انہوں نے کہا کہ ہم آج کے اس دلخراش واقعہ کے خلاف شدید احتجاج کرتے ہیں۔ مقررین کا کہنا تھا کہ بلوچستان میں گورنر راج کا خاتمہ کیا گیا تو اسلام آباد کی طرف لانگ مارچ کریں گے، گورنر راج کی مخالفت کرنے والے مظلوم انسانوں کے بہنے والے خون کی تذلیل کررہے ہیں۔ ملک بھرمیں جاری بم دھماکے اور ٹارگٹ کلنگ ملک دشمن اسلام دشمن عناصر کی ملک خداد پاکستان کو غیر مستحکم کرنے کی سازش کر رہے ہیں جس کو شیعہ و سنی پیروی رسول اکرم ﷺ پر چلتے ہوئے ناکام بنا دیں گے۔ اگر تمام مکاتب فکر کے علما متحد ہوجائیں تو آج بھی ہمارے اختلافات ختم ہوسکتے ہیں۔ آج معاشرے میں زمانہ جاہلیت کی نفرتیں پروان چڑھ رہی ہیں خون پانی کی طرح بہایا جا رہا ہے۔انہوں نے مزید کہا کہ استعماری طاقتیں ہماری ہمارے معمولی اختلافات کو ہوا دینے کیلئے دین فروشوں اور ضمیر فروشوں کو استعمال کر رہی ہیں اگر ہم نے سیرت نبویؓ کا دامن نہ تھا ما تو روز حشر ہم آقائے دو جہاں (ص) کی بارگاہ میں منہ دکھانے کے قابل نہیں ہونگے، کراچی سے خیبر تک اپنے آپ کو امت محمدی (ص) کہنے والے لوگ ایک دوسرے کا خون بہا کر کسی اور کی نہیں صرف اسلام دشمن طاقتوں کی خدمت کر رہے ہیں