The Latest
وحدت نیوز (اسلام آباد) وفاقی وزیر داخلہ چوہدری نثار علی خان نے مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری سے دو روز میں مسلسل چوتھی بار رابطہ کیا ہے اور 2 ستمبر کو وزیراعلٰی ہاوس لاہور کے باہر دھرنے کا اعلان واپس لینے کی درخواست کی ہے۔ ذرائع کا کہنا ہے کہ وفاقی وزیر داخلہ چوہدری نثار علی خان ایم ڈبلیو ایم کے سیکرٹری جنرل علامہ ناصر عباس جعفری کو مسلسل یقین دہانی کروا رہے ہیں کہ ان کے مطالبات پر عمل درآمد ہو جائے گا، تاہم کچھ مزید وقت درکار ہے، لہٰذا وہ اپنے دھرنے کا اعلان واپس لے لیں۔ چوہدری نثار کا کہنا تھا کہ وہ اس پر دو سو فیصد متفق ہیں کہ مجلس وحدت مسلمین کے تمام مطالبات آئینی و قانونی ہیں۔ دوسری جانب علامہ ناصر عباس جعفری نے اعلان کیا ہے کہ 2 سمبر کو ہر صورت دھرنا دیا جائیگا، تاہم اگر مطالبات پر عمل درآمد شروع ہو جاتا ہے تو وہ اپنا اعلان واپس لے لیں گے۔ یاد رہے کہ سات اگست کو ایم ڈبلیو ایم کے سربراہ نے اپنی بھوک ہڑتال ختم کرتے ہوئے 2 سمبر کو وزیراعلٰی پنجاب ہاوس کے سامنے دھرنا دینے کا اعلان کیا تھا۔
وحدت نیوز(قم) مجلس وحدت مسلمین پاکستان کے ڈپٹی سیکرٹری جنرل و سیکرٹری امور خارجہ نے اپنے ایک بیان میں کہا کہ ہماری اسٹبلشمنٹ کے پالے ہوئے مذہبی اثاثے ہوں یا سیاسی، قومی ہوں یا لسانی، سب کے سب ایکسپوز ہوچکے ہیں، انکی وطن دشمنی، قومی سرمایہ کی لوٹ مار، بیگناہ عوام کی بے دریغ قتل و غارت، دشمن ممالک کی ایجنٹی اور عدالت وانصاف کے قتل کی داستانیں کھل کر پوری قوم کے سامنے آچکی ہیں، فصلیں پک چکی ہیں، اب کٹائی کا موسم ہے اور اتنا بڑا قدم حکمرانوں کیلئے محب وطن عوام کی حمایت کے بغیر ممکن نہیں۔ اب وقت آن پہنچا ہے کہ ہر خائن کا احتساب ہو۔ قانون نافذ کرنے والے اداروں کے ذمہ داران کیا نہیں دیکھ رہے کہ دہشتگردوں کے سہولت کار اور ملک دشمن عناصر حکومتی مشینری کا حصہ ہیں، بعض اعلٰی سیاسی مناصب اور حکومتی عہدوں پر فائز ہیں۔ ہونا تو یہ چاہییے تھا کہ ان مگرمچھوں پر ہاتھ ڈالا جاتا اور قانون کو نافذ کرنے والے پسی ہوئی مظلوم عوام کو ریلیف دیتے۔ ہمارے اداروں اور نیشنل ایکشن پلان کی ڈائریکشن با اثر لوگوں نے تبدیل کر دی ہے اور آج وہ محب وطن عوام کو ستانے میں مصروف ہیں۔ کبھی علماء کو اذیت دی جاتی، کبھی تنظیمی کارکنان کو اور اسی طرح زائرین و مسافرین سے معاندانہ رویہ اختیار کیا جاتا ہے اور انھیں لوٹا جاتا ہے۔
حقیقی دہشتگردوں کو چھوڑ کر فرضی دہشت گرد پکڑے جا رہے ہیں۔ بے بنیاد اور تعصب کی بنا پر جھوٹے مقدمات بنائے جاتے ہیں اور پھر 90 دن مسلسل انھیں اور انکے غریب خاندانوں کو اذیت دینے کے بعد ثبوت نہ ملنے پر مجبوراً بری کر دیا جاتا ہے، لیکن اسٹیٹ کی رٹ کو چیلنج کرنے والے اور مقتدر اداروں کے سربراہان کو دھمکیاں دینے والے، پاکستان مردہ باد کہنے والے، ملک توڑنے کے لئے انڈیا سے روابط کرنے والے، شہر شہر قتل و غارت، دھماکے اور خودکش حملے کرنے والے، انکی برملا حمایت اور مدد کرنے والے آزاد پھرتے ہیں۔ بیگناہ عوام کو بیجا تنگ کرنے والے اداروں کے سربراہان، بااثر محب وطن افسران اور حکومت وقت سے مطالبہ کرتے ہیں کہ ہمارے بیگناہ تمام علماء کرام و کارکنان بالخصوص مجلس وحدت مسلمین شعبہ مشہد کے مسئول علامہ عقیل حسین خان جو تقریباً ڈیڑھ ماہ سے اداروں کی تحویل میں ہیں، انہیں فی الفور رہا کریں، پورے ملک بالخصوص پنجاب میں شیعہ اور سنی جماعتوں کے کارکنان اور بانیان مجالس عزاء کے خلاف بنائے گئے کیسسز واپس لئے جائیں۔ تعصب و سیاسی انتقام کے تحت جو نام فورتھ شیڈول میں ڈالے گئے، انھیں خارج کیا جائے اور مذہبی و شخصی آزادیوں پر عاید پابندیاں اٹھا کر عوام کو سکھ کا سانس لینے دیا جائے۔ وطن عزیز جس نازک دور سے گزر رہا ہے، اس وقت عوام کو اسٹیٹ سے متنفر کرنا اور مایوس کرنا ملک دشمن قوتوں کی خدمت ہوگی۔ حکمران اگر ملک کو بحرانوں سے نکالنے کے لئے مخلص ہیں تو انہیں بیلنس پالیسی ترک کرنا ہوگی۔ مخلص اور محب وطن عوام کی حمایت اور پشت پناہی کے ساتھ ہی وطن کے خائن عناصر کا خاتمہ ممکن ہے، اب ان جیانتکاروں اور خیانتکاروں کا مقابلہ کرنا اور وطن کی حفاظت کرنا ہر غیرتمند پاکستانی پر فرض ہے۔
وحدت نیوز(ڈی آئی خان) مجلس وحدت مسلمین کے مرکزی سیکرٹری جنرل و قائد وحدت علامہ راجا ناصر عباس جعفری ڈیرہ اسماعیل خان پہنچ چکے ہیں۔ کوٹلی امام حسین (ع) میں چہلم سید شاہد شیرازی اور برسی شہدائے ڈیرہ (ہسپتال بم دھماکہ) کی مناسبت سے جلسہ کا باقاعدہ آغاز ہوچکا ہے، ہزاروں افراد جلسہ گاہ میں ایم ڈبلیو ایم کے مرکزی سیکرٹری جنرل کے خطاب کے منتظر ہیں۔ قبل ازیں سینکڑوں موٹرسائکلیوں و گاڑیوں پر مشتمل قافلے نے مجلس وحدت مسلمین کے وفد کا استقبال کیا۔ اس موقع پر نوجوانوں نے خیر مقدمی بینر اور کتبے اٹھا رکھے تھے۔ جلسہ گاہ میں خواتین کیلئے الگ حصہ مختص کیا گیا ہے۔ کوٹلی امام حسین (ع) کا مرکزی پنڈال (گنج شہیداں) سرزمین شہداء کے باوفا باسیوں سے بھر چکا ہے۔ پرجوش شرکاء کے جم غفیر سے یوں محسوس ہوتا ہے کہ پورا شہر قائد وحدت کی ایک جھلک پانے کو کوٹلی امام (ع) میں امڈ آیا ہے۔ ذاکرین کے بعد باقاعدہ خطابات کا سلسلہ شروع ہے اور کچھ ہی دیر میں شہید قائد علامہ عارف حسین الحسینی کے فرزند علی حسین الحسینی کا خطاب متوقع ہے۔
وحدت نیوز(ڈیرہ اسماعیل خان) میڈیا سیل مجلس وحدت مسلمین سے جاری پریس ریلیز کےمطابق مجلس وحدت مسلمین کے سربراہ علامہ راجہ ناصر عباس جعفری 87 دن کی بھوک ہڑتال کے بعد کمزوری اور مخدوش صحت کے باوجود شہدائے ڈی آئی خان کی چہلم میں شرکت کے لئے ڈیرہ اسماعیل خان کوٹلی امام حسین پہنچ گئے،راستے میں جگہ جگہ عوام کی جانب سے استقبال،علامہ راجہ ناصر عباس جعفری کے جلسہ گاہ پہنچنے سے پہلے ہی پنڈال بھر گیا،پنڈال میں آمد پر خانودگان شہدائے ڈی آئی خان نے لبیک یاحسین کے نعروں کیساتھ استقبال کیا اس موقع پر ہر آنکھ اشک بار تھی،علامہ راجہ ناصر عباس جعفری کے ہمراہ مرکزی ڈپٹی سیکرٹری جنرل علامہ احمد اقبال رضوی،مرکزی رہنما مجلس وحدت مسلمین علامہ اقبال بہشتی،مرکزی سیکرٹری سیاسیات سید اسدعباس نقوی موجود تھے۔
علامہ راجہ ناصر عباس جعفری نے اپنے خطاب میں کہا کہ میں آج خدا کا شکر ادا کرتا ہوں اللہ نے مجھے اپنے عظیم شہداء کے خانوادگان کی زیارت نصیب کی،انشااللہ ہم اپنے شہداء کی پاکیزہ لہو کو رائیگان جانے نہیں دینگے،پاکستان بنانے میں ہمارے آباو اجداد نے جانی و مالی قربانیاں دیں،اور آج پاکستان بچانے کے لئے بھی ہم اپنی جانوں کے نذرانے دے رہے ہیں،ضیاء الحق کے دور میں پالے تکفیری دہشت گردوں نے اس وطن کی خوبصورت گلشن کو تباہ کر کے رکھ دیا ہماری نسل کشی انہوں نے کی جن کو ضیاء کی اسٹبلشمنٹ نے طاقت ور کیا،یہ گروہ وہی پاکستان کے دشمن ہیں جن کا بیس کیمپ انڈیا میں ہے،میں آج حکمرانوں اور ریاستی اداروں سے یہ کہتا ہوں کہ اگر پاکستان کو امن کا گہوارہ بنانا ہے تو اپنی پالیسیوں پر نظرثانی کریں،نیشنل ایکشن پلان کو مذاق بنایا جارہا ہے،اور اس نیشنل ایکشن پلان کو دہشت گردوں کے بجائے مظلوموں کے خلاف استعمال کیا جارہا ہے،ڈی آئی خان کے ہمارے مظلومین پر ظلم کیے گئے،ہمارے لوگ اٹھا کر غائب کر دیے اور چند دنوں بعد ان مظلوموں کی لاشیں سڑکوں پر پھینک دی گئیں،ہم یہ مظالم کبھی نہیں بھولیں گے،انہوں نے پاکستان تحریک انصاف کی حکومت اور عمران خان سے مخاطب ہوتے ہوئے کہا عمران خان صاحب آپ نے اسلام آباد نیشنل پریس کلب کے سامنے بھوک ہڑتالی کیمپ میں آکر جو ہم سے وعدے کیے تھے اس پر عمل نہیں ہو رہا،ہم آپ کو یہ آج اس اجتماع کے ذریعے پیغام دے رہے ہیں آپ لاہور کی طرف لانگ مارچ کریں ہم پشاور کی طرف لانگ مارچ سکتے ہیں،حکمران سن لیں ملت تشیع اب کسی بھی ظلم زیادتی کو برداشت نہیں کریں گے اور ہم اپنے حقوق کی دفاع کے ہر وہ آئینی و قانونی راستہ اپنائیں گے جو آئین و قانون نے ہمیں دیا ہے۔انشااللہ پنجاب کے حکمرانوں کے ضمیر کو جھنجوڑنے کے لئے دو ستمبر کو وزیر اعلیٰ ہاوس کے سامنے میں ہر حال میں دھرنا ہوگا۔
وحدت نیوز(کراچی) پاکستان پیپلز پارٹی کے وفد کی مجلس وحدت مسلمین صوبائی سیکر یٹریٹ سندھ آمد اور پی ایس 127 میں ہونے والے ضمنی انتخابات میں مجلس وحدت مسلمین سے تعاون کی درخواست۔ اس ملاقات میں مجلس وحدت مسلمین سندھ کے صوبائی رہنماء سید علی حسین نقوی، ناصر حسینی سینئر رہنماء علامہ مبشر حسن، کراچی ڈویژن کے سیکریٹری جنرل میثم عابدی، ڈپٹی سیکرٹری جنرل انجینئر رضا نقوی ،سیکریٹری سیاسیات کراچی تقی ظفر موجود تھے، جبکہ پیپلزپارٹی کے وفدکی قیادت سابق مشیر وزیر اعلیٰ سندھ وقار مہدی کررہے تھے وفد میں نجمی عالم، عبدالرزاق راجہ ، جان محمد بلوچ ،نعمان مراد بلوچ سمیت دیگر سینئر رہنما موجود تھے۔
وحدت نیوز(جعفرآباد) مجلس وحدت مسلمین بلوچستان کے ڈپٹی آرگنائزر علامہ سہیل شیرازی نے ملک دشمن نعرہ بازی ومیڈیا ہاوسزپر حملوں کی پرزور مذمت کرتے ہوئے کھا کہ پاکستان خدا داد مملکت ہے یہ ملک بڑی محنت و بزرگوں کی قربانیوں سے حاصل ہوا ہے ماضی میں بھی ملک دشمن عناصرنے ہمیشہ ملک عزیز کے خلاف زبان درازی کرتے رہے ہیں یہ وہی عناصر ہیں جنھوں نے پاکستان کا قومی پرچم قائد اعظم کے مزار کے احاطہ میں نذر آتش کیا تھا کسی بھی قیمت پر پاکستان مخالف نعرہ بازی قبول نہیں ایسے افراد کو متنبہ کرتے ہیں کہ اپنی زبان کولگام دیں ابھی اس ملک کے باوفافرزنداں زندہ ہیں اور ہم حکومت سے پر زور مطالبہ کرتے ہیں کہ اسے عناصرکے خلاف کاروائی کرکے انکو سخت سے سخت سزادی جائے۔
وحدت نیوز(کراچی ) مجلس وحدت مسلمین پاکستان صوبہ سندھ کے سیکرٹری جنرل جنرل علامہ مقصود ڈومکی نے کراچی سمیت سندھ بھر میں منتخب ہونے والے مئیرز کو مبارک باد پیش کرتے ہوئے کہا کہ ہم امید کرتے ہیں کہ نو منتخب میئرز عوامی مسائل کو فوری حل کریں گے، یہ بات علامہ مقصود ڈومکی نے ایم ڈبلیو ایم کے صوبائی سیکرئٹریت سے جاری اپنے ایک بیان میں کہی، انہوں نے کہا کہ کراچی اور سندھ گندگی اور ڈھیر بن گیا ہے، بلدیاتی اداروں کی کارکردگی بھی مکمل صفر رہی ہے لہذا نومنتخب میئر ز کی ذمہ داری ہے کہ وہ عوام کو صاف ستھرا ماحول مہیا کرنے میں اپنا بھر کردار ادا کریں گے، علامہ مقصود ڈومکی نے وزیر اعلیٰ سندھ مراد علی شاہ اور وزارت بلدیات کے ذمہ داروں سے بھی مطالبہ کیا کہ وہ منتخب ہونے والے عوامی نمائندگان(میئرز) کے ساتھ بھر پور تعاون کریں، انہیں فنڈز جاری کرنے سمیت مکمل سہولت فراہم کریں تاکہ یہ عوام کی خدمت کرسکیں بالخصوص کراچی و سندھ میں ماحولیاتی آلودگی، گندگی، سیوریج سمیت دیگر مسائل کو حل کرنے میں کامیاب ہوسکیں۔
وحدت نیوز(مظفرآباد) مجلس وحدت مسلمین آزاد کشمیر کے سیکرٹری جنرل علامہ سید تصور حسین نقوی الجوادی نے کہا ہے کہ مقبوضہ کشمیر میں سنگین ہوتی صورتحال اور خوارک کی قلت پر عالمی اداروں کو نوٹس لینا چاہیے ، انسانی حقوق کی عالمی تنظیمات کی خاموشی بھارتی جرائم میں شراکت کے مترادف ہے ، کسی طور پر بھی بھارت جدوجہد آزادی کو نہیں دبا سکتا ہے ، مجلس وحدت مسلمین مقبوضہ کشمیر کے غمزدہ بھاائیوں کے ساتھ ہے ، مظلوموں اور محروموں کے لیے آواز اٹھانا ہی مجلس کا مشن و مقصد ہے ، کشمیریوں کی جدوجہد آزادی حقیقی معنوں میں کامیابی سے ہمکنار ہو گی ، مقبوضہ کشمیر کی عوام نے قربانیوں کی بے پناہ داستانیں رقم کیں ہیں ، مگر وہ اپنے مشن و مقصد یعنی حق خودارادیت کے لیے آواز اٹھانے سے پیچھے نہیں ہٹے ، انہوں نے ان خیالات اظہار مقبوضہ کشمیر کی صورتحال پر جاری ایک بیان میں کیا ، علامہ تصور جوادی نے کہا کہ اس وقت مقبوضہ کشمیر میں کرفیو کا سماں ، خوراک کی شدید قلت ، زخمیوں کے علاج معالجے کی سہولت نہ ہونے اور بچوں کا مستقبل داؤ پر ہے، مودی کہتا ہے کہ کشمیری امن قائم کریں ، وہ فوج سے کیوں نہیں کہتا کہ وہ ظلم بند کرے ، مقبوضہ کشمیر کی عوام اپنے حق کے لیے لڑ رہے ہیں جبکہ اس کی فوج یزید کردار بن کر نہتے لوگوں کو اپنے ظلم کا نشانہ بنا رہی ہے ، علامہ تصور جوادی نے کہا کہ ہم مطالبہ کرتے ہیں کہ حکومت پاکستان کشمیر کمیٹی کا چیئرمین کشمیری قیادت میں سے بنائے ، ایسا شخص جو کشمیر کی صورتحال سے واقف ہو ، سفارتی سطح پر اس مسئلے کو بھرپور انداز میں اٹھایا جائے ، اسلامی دنیا کو ایک پیج پر اکٹھا کرنے کی کوششیں کرتے ہوئے مسئلہ کشمیر کی حساسیت کے بارے انہیں آگاہ کیا جائے ، یمنی مسلمانوں کے خلاف تو اتحاد بنا دیا گیا ، اور پاکستان اس میں شامل ہوا ، اسی طرز پر ظالم و جابر بھارت کے خلاف بھی ایک اتحاد بنانے کے لیے سفارتی کوششیں کی جائیں ،بھارت کے چہرے کو پوری دنیا میں بے نقاب کرنے کے لیے ہنگامی بنیادوں پر اقدامات کیے جائیں ، تمام ممالک کو مقبوضہ کشمیر کی صورتحال سے آگاہ کیا ۔
وحدت نیوز(کوئٹہ) مجلس وحدت مسلمین کے مرکزی رہنماء اور آئمہ جمعہ فورم کے سیکریٹری علامہ سید ھاشم موسوی سے جماعت اسلامی کے صوبائی امیر مولانا عبدلالحق ھاشمی اور سینئر صوبائی رہنماء عطا الرحمان نے ملاقات کی، جس میں موجودہ صورتحال اور مذہبی روا داری کو فروغ دینے پر بات چیت ہوئی۔ مجلس وحدت مسلمین کوئٹہ ڈویژن کے سیکریٹریٹ سے جاری شدہ بیان میں تفصیلات بتاتے ہوئے کہا گیا ہے کہ مجلس وحدت مسلمین اور جماعت اسلامی کے رہنماؤں کی ملاقات ایم ڈبلیو ایم کوئٹہ کے مرکزی دفتر میں ہوئی، جس میں دونوں جماعتوں کے رہنماؤں نے اتحاد و اتفاق کا مظاہرہ کیا۔
علامہ سید ھاشم موسوی نے اپنے خیالات کا اظہار کرتے ہوئے کہاکہ ہم سب ایک ہیں اور ہماری کامرانی اور ہمارے ملک کی ترقی و کامیابی اسی میں ہے کہ ہم اپنے آپسی تفرقات کو ختم کرکے ایک دوسرے کے شانہ بشانہ کھڑے ہوکر آگے بڑھے۔ ایک دوسرے کا ہاتھ تھامے رکھنے سے ہم اپنے دشمنوں کے عزائم ناکام بناسکتے ہیں۔انہوں نے کہا کہ تفرقات نے آج تک ہمیں سوائے نفرتوں کے کچھ نہیں دیا اور اس سے آگے بھی اگر ہم یہی رویہ اختیار کئے رکھیں گے تو بھی اسکے نتائج مثبت نہیں نکلیں گے ، اتحاد سے منہ موڈنے کی مثال یوں ہے کہ ہم خود اپنے ہی دشمنوں کے مقصد کو پورا کرنے میں انکی مدد کر رہے ہیں اسی لئے بہترین قدم یہی ہے کہ اتحاد کو فروغ ملے۔
انہوں نے مزید کہا کہ مجلس وحدت مسلمین ہمیشہ سے اتحاد و اتفاق کو فروغ دینے میں کوشاں نظر آئی ہے اور ہمارے جماعت کے خدمات پر بھی نظر ڈالی جائے تو ہم نے تمام طبقات ، مذاہب اور اقوام سے تعلق رکھنے والوں کی خدمت کی ہے۔ جب کوئی سیاسی قوت اتحاد بین المسلین کیلئے مسلسل کوششیں جاری رکھے گی تو اسکے نتائج ضرور نظر آئیں گے اور اسی طرح اگر تمام جماعتیں اور ادارے اتحاد کے فروغ کیلئے آگے بڑھے تو ملک میں جہاں تکفیریت کا خاتمہ ہوگی وہی ترقی اور خوشحالی کی راہ ہموار ہوگی۔ عوام الناس بھی کسی دوسرے مسلک، مذہب یا قوم کو آپ سے الگ نہ سمجھے، جتنا حق ہمارا ہے اتنا ہی حق دوسروں کا بھی ہیں۔
وحدت نیوز(کوئٹہ) مجلس وحدت مسلمین کوئٹہ کے میڈیا سیل سے جاری شدہ بیان میںڈویژنل سیکریٹری جنرل عباس علی نے شہر قائد کے ایک سیاسی اجتماع میں وطن عزیز پاکستان کے خلاف نعرے بازی کی شدید مذمت کرتے ہوئے کہا گیا کہ پاکستان ہمارا پیارا وطن ہے، یہ وہی ملک ہے جس کیلئے ہمارے بزرگوں نے قربانیاں دی، جوانوں نے جانوں کا نذرانہ پیش کیا اور کروڑوں افراد نے اپنے گھروں اور جائیدادوں کو پسِ پشت چھوڑ کر ہجرت کی پاکستان ہمیں اپنے جانوں سے زیادہ پیارا ہے۔
انہوں نے مزید کہا کہ بے حد افسوس کی بات ہے کہ ان تمام باتوں کے باوجود ایک سیاسی جماعت کے غیر ملکی لیڈر نے وطن عزیز کیلئے غلط الفاظ استعمال کئے اور اپنے تعصبانا تقریر سے تمام ہم وطنوں کی دل آزاری کرتے ہوئے دشمن ممالک کی زبان بن کر انکی ترجمانی کی۔ بیان میں کہا گیا کہ اجتماع میں سیاسی لیڈر نے اشتعال انگیز تقریر میں عوام کو غیر آئینی اعمال کیلئے ابھارا اور مختلف عمارات پر ھلا بولنے کی دعوت دی، جسکے نتیجے میں شہر قائد کو ایک بار پھر آگ نے گیر لیا اور چاروں طرف نفرتوں کی فضاء بحال ہو گئی۔
ان کامزید کہناتھا کہ قانون کے دائرے میں کسی بھی شخص کو کسی جگہ کو یرغمال بنانے یا کسی عمارت پر حملہ کرنے کی کوئی گنجائش موجود نہیں یہ افعال غیر آئینی اور غیر قانونی ہے۔ میڈیا نیٹ ورکز وہی ادارے ہیں جو ہمیں دنیا بھر کے نقاط و حرکات سے واقف رکھتے ہیں ، ان صحافیوں پر حملہ جو اپنے جان کی پروا کئے بغیر اپنا فرض نبھاتے رہتے ہیں، کسی طور معافی کے قابل نہیں۔ وطن عزیز سے نفرتیں مٹانے اور محبت کا اظہار کرتے ہوئے کہا گیا کہ پورا پاکستان ایسے مشکل وقت میں متاثر شدہ میڈیا گروپس کے ساتھ ہے اور ہمیں چاہئے کہ وطن عزیز کی ترقی کیلئے مثبت سوچ اپناتے ہوئے ایک دوسرے کا ساتھ دے اور نفرتوں کی جڑیں اکھاڑ دے۔
