وحدت نیوز(لاہور)11 مئی کو پاکستان کے باشعورعوام نے سڑکوں پر نکل کر اقتدار پر دھاندلی کے ذریعے قابض حکمرانوں کیخلاف اظہار بیذاری کر کے ثابت کیا کہ موجودہ حکمران عوامی حق رائے دہی سے نہیں بلکہ چور دروازے سے اقتدار پر قابض ہوئے ان خیالات کا اظہار مجلس وحدت مسلمین پاکستان کے مرکزی سیکرٹری سیاسیات سید ناصر شیرازی نے مرکزی پولیٹکل کونسل کے اراکین سے گفتگو کرتے ہوئے کیا اُن کا کہنا تھا کہ پاکستان میں غیر جانب دار اور آزاد الیکشن کمیشن قیام، ملک میں جاری بیرونی و عرب ممالک کے مداخلت،ملک بھر اورکراچی میں جاری ٹارگٹ کلنگ،11مئی 2013 کے الیکشن میں ہونے والی دھاندلیوں کیخلاف شفاف تحقیقات اور اس گھناوُنے جرم میں شریک مکروہ لوگوں کو بے نقاب و قرار واقعی سزا دلانے تک ہماری جدوجہد جاری رہے گی  مجلس وحدت مسلمین ملک بھر میں اس کرپٹ نظام اور سیاسی اشرافیہ کیخلاف عوامی جدوجہد جاری رکھے گی 18مئی کو یاد گار شہداء سکردو پر ہونے والا تاریخی اجتماع ان استحصالی فرعونوں کیخلاف  عوامی ریفرنڈم ثابت ہوگا۔

وحدت نیوز(اسلام آباد) 11 مئی ملکی تاریخ کا وہ سیاہ دن ہے، جس دن جمہوریت کے نام پر موجودہ حکمران مینڈیٹ چرا کر اقتدار پر قابض ہوئے، نواز شریف نے ایک سال کے دور حکومت میں ملک کو مذاکرات کے نام پر طالبان کے حوالے کردیا ہے، وطن عزیز میں بڑھتی ہوئی امریکی و سعودی مداخلت نے ہماری قومی سلامتی کو خطرے میں ڈال دیا ہے، پاک فوج ملکی سلامتی کو مدنظر رکھتے ہوئے دہشت گردوں کے خلاف فی الفور آپریشن کا آغاز کرے۔ ان خیالات کا اظہارمجلس وحدت مسلمین پاکستان کے سربراہ علامہ ناصر عباس جعفری نے 11 مئی کو یوم سیاہ کے طور پر مناتے ہوئے فیض آباد انٹر چینج پر احتجاجی مظاہرے سے خطاب میں کیا۔ مجلس وحدت مسلمین کے ڈپٹی سیکرٹری جنرل علامہ امین شہیدی،علامہ اعجاز بہشتی ، ایم ڈبلیو ایم پنجاب کے ترجمان علامہ اصغر عسکری، علامہ اکبر کاظمی، ملک اقرار حسین ، نثار فیضی ، راحت کاظمی سمیت دیگر نے بھی مرکزی مظاہرے سے خطاب کیا۔ رہنماؤں نے طالبان سے مذاکرات اور امریکی و سعودی مداخلت کو ملک کی عوام کے لئے زہر قاتل قرار دیا۔ اپنے خطاب میں مقررین کا کہنا تھا موجودہ حکومت انتظامی امور کے ہر شعبے میں ناکام ہے، موجودہ حکمران توانائی کی ضروریات پوری کرنے کے نعرے کو بنیاد بنا کر اقتدار میں آئے تھے لیکن آج توانائی کا بحران بدترین سطح پر پہنچ گیا ہے، ستم بالائے ستم یہ کہ توانائی بحران کے حل کی واحد اْمید پاک ایران گیس پائپ لائن منصوبے کو بھی ملک دشمن عالمی طاقتوں کے دباؤ میں آ کر پس پشت ڈال دیا گیا ہے۔

مقررین نے کہا کہ طالبان دہشت گردوں سے مذاکرات کے نام پر پورے ملک کو دہشت گردوں کے حوالے کر دیا گیا ہے، لاقانونیت عروج پر پہنچ گئی ہے، تاریخ میں پہلی بار پاکستانی شہریوں پر عالمی سفری پابندیاں عائد کر دی گئی ہیں۔ اْن کا کہنا تھا کہ ملک کا سب سے بڑا شہر کراچی دہشت گردوں کی جنت بن چکا ہے، امریکہ اور سعودی عرب سمیت دیگر خلیجی ملکوں کی دہشت گردانہ خارجہ پالیسی کی بےجا حمایت کی وجہ سے پاکستان عالمی سفارتی تنہائی کا شکار ہو گیا ہے، اداروں کے درمیان تصادم کی فضا ہے جبکہ خود حکومتی صفوں میں گروہ بندی عروج پر ہے۔ مقررین کا کہنا تھا کہ ملک کے محروم علاقے بدترین تنہائی کا شکار ہیں جبکہ ریاستی کنٹرول ملک میں کہیں نظر نہیں آتا، اقتدار ایک گھر کے اندر تقسیم کر دیا گیا ہے، جبکہ لیپ ٹاپ سکیم اور یوتھ فیسٹول کے نام پر کرپشن اور سیاسی رشوت کا بازار گرم ہے۔

مقررین کا مزید کہنا تھا کہ نوازشریف کے دور حکومت میں شیعہ نسل کشی میں اضافہ اس بات کی غمازی کررہا ہے کہ میاں صاحبان نے کالعدم جماعتوں کو کھلی چھٹی دی ہوئی ہے، پاک فوج ملکی سلامتی کو مدنظر رکھتے ہوئے دہشت گردوں کے خلاف فی الفور آپریشن کا آغاز کرے۔ انہوں نے کہا کہ ملک میں خودکشیوں کی شرح بلند ترین سطح پر ہے، جو عوام کی ناگفتہ بہ حالت کی عکاس ہے، ایسے حالات میں کوئی بھی محب وطن خاموش نہیں رہ سکتا۔ انہوں نے کہا حکمرانوں نے ایک سال میں سوائے دلاسوں اور جھوٹے وعدوں کے کچھ نہیں دیا، ایسے حکمرانوں کو اقتدار میں رہنے کا کوئی حق نہیں، جو مظاہرے اور دھرنے کے سوا کوئی اور زبان سمجھتے ہی نہیں۔ انہوں نے کہا کہ عوام کو اپنا حق لینے کے لئے احتجاج کا راستہ اختیار کرنا پڑتا ہے، جس سے واضح ہوتا ہے کہ یہ حکمران نااہل ہیں، انہیں فوری طور پر اقتدار چھوڑ دینا چاہیئے۔ مظاہرے میں خواتین و بچوں سمیت کارکنان کی بڑی تعداد موجود تھی۔ مظاہرین نے الیکشن کمیشن اور نواز حکومت کے خلاف شدید نعرے بازی بھی کی۔

وحدت نیوز(اسلام آباد)نظم و وحدت کے بغیر مشترکہ اہداف کا حصول ممکن نہیں۔ بدی کی قوتیں متحد ہوچکی ہیں، عقل کا تقاضا ہے کہ نیکی کی طاقتیں بھی اکٹھی ہوجائیں۔ ظلم و فرعونیت کا مقابلہ کرنے کے لئے افراد کی تربیت کرنا ہوگی۔ 50 منظم و تربیت یافتہ افراد 1500 غیر تربیت یافتہ کو شکست دے سکتے ہیں۔ ہمیں مرکز امامت و ولایت کے گرد اکٹھا ہونا ہوگا۔ ان خیالات کا اظہار مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے اسلام آباد میں منعقدہ معرفت ولایت تنظیمی و تربیتی ورکشاپ برائے مسئولین سے خطاب کرتے ہوئے کیا۔

علامہ ناصر عباس جعفری نے کہا کہ کربلا میں 72 امامت کے گرد اکٹھے ہوئے اور حزب اللہ کہلائے۔ غیبت کبریٰ میں ہمارے نظم کا محور ولی فقیہ ہوگا۔ امام و ولی کی مثال کعبہ کی طرح ہوتی ہے۔ یہی نظام (نظام ولایت فقیہ) ہمیں مکتب محمد و آل محمد (ع) سے متصل کرتا ہے۔ اگر ہم ولایت سے متصل نہ رہے تو ہمارا شمار حزب شیطان سے ہوگا۔ ولایت فقیہ کا انکار کرنے والوں کو ولایت زرداری و نواز شریف کا تابع فرمان ہی رہنا پڑے گا۔ پاکستانی سیاست پر بات کرتے ہوئے سیکرٹری جنرل ایم ڈبلیو ایم کا کہنا تھا کہ آج کی سیاسی جماعتیں فرعونی جماعتیں ہیں ان کے خلاف ہمیں آزادی کی جنگ لڑنا ہوگی۔ عالمی قوتوں نے پاکستان کو اکھاڑہ بنا کر ہماری قوم و ملت کی توہین کی۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی نے کہا ہے کہ تکفیریت اس وقت دنیا بھر میں تشیع کے خلاف صف آراء ہے، طالبان امریکہ کی پیداوار ہیں۔ نائن الیون، سیون سیون یا دیگر دہشت گردی کے کسی بھی واقعہ میں مکتب آل محمد کے پیروکاروں کا نام آج تک سامنے نہیں آیا۔ ان خیالات کا اظہار انہوں نے اسلام آباد میں منعقدہ معرفت ولایت تنظیمی و تربیتی ورکشاپ سے خطاب میں کیا۔ مرکزی سیکرٹری سیاسیات نے کہا کہ دشمن عالمی سطح پر مہدویت کو ایک چیلنج کے طور پر لیکر اس کے خلاف کام کر رہا ہے۔ دشمن تشیع کا خاتمہ کرنا چاہتا ہے، تاکہ امام مہدی (عجل) کے ظہور کے لئے زمینہ سازی نہ ہوسکے۔ ہمیں اپنی فکر کو جہانی بنانا ہوگا، تاکہ جہانی امام (عجل) کے لئے کام کرسکیں۔ مشرق وسطٰی کی اہمیت پر روشنی ڈالتے ہوئے سیکرٹری سیاسیات کا کہنا تھا کہ مشرق وسطٰی ہر اعتبار سے ایک اہم خطہ ہے، جسے دنیا کی چھت سے تعبیر کیا جاسکتا ہے۔

وحدت نیوز(نوشہروفیروز) مجلس وحدت مسلمین پاکستان کے سیکریٹری جنرل علامہ راجا ناصرعباس جعفری کے اپیل پر پوری پاکستان کی طرح ضلع نوشہروفیروز میں بھی یوم سیاہ منایا گيا اس موقع پر وحدت آفس سے پریس کلب تک احتجاجی مظاہرہ کیا گیا جس کی قیادت اظہرعلی بلوچ، اعجازعلی ممنائی ،مشتاق حسین بلوچ نے کی بھریا سٹی میں سیکریٹری جنرل محمد مٹھل شکیل احمد جعفری کنڈیارو میں مولانا شہزاد عارفی اسد حسینی ہالانی میں مولانا لقمان علی اور صداحسین سہتو تہاروشاہ ناظم حسین اور امتیاز بخاری کی قیادت میں ریلی نکالی گئي اس کے علاوہ پڈعیدن، خانواہن، بھریا روڈ، فل سٹی، مورو، مٹھیانی، ابڑان، مہراب پور، اور دیگر شھروں میں یوم سیاھ منایا گيا اس موقع پر رہنمائوں نے کہا کہ دھاندہلی کے ذریعے برسر اقتدار میں آنے والی نواز حکومت طالبان دہشتگردوں کی بار بار حمایت کرکے مظلوم پاکستانی عوام پر ظلم کے پہاڑ گرا رہی ہے کراچی میں شیعہ ٹارگٹ کلنگ حکومت کی نااہلی کا کھلا ثبوت ہے پنجاب کے وزیراعلی رانا ثناءاللہ خود دہشتگردوں کی  نہ  صرف حمایت کررہے ہیں بلکہ انکو دہشتگردی کرنے کی کھلی اجازت دی رکھی ہے جس کو کسی صورت میں برداشت نہیں کرینگے یہ ملک ہم نے لیا تھا اور ھم ہی اس کو بچائینگے۔

وحدت نیوز(لاہور) مجلس وحدت مسلمین پاکستان شعبہ خواتین کی سیکریٹری جنرل خانم سکینہ مہدوی نے کہا ہے کہ پاکستان میں بیرونی امداد اور ایجنڈے پر ایوان اقتدار پر قابض نواز حکومت کے خلاف 11مئی کو خواتین بھی اپنا قومی کردار ادا کرتے ہو ئے سڑکوں پر نکل آئیں ، گذشتہ ایک سال میں ہونے والے مظالم نے دس سالہ ظلم کے رکارڈ توڑ ڈالے ہیں ، مریم نواز صاحبہ اپنے شاہی محلات سے نکل کر دیکھیں کہ پاکستانی معاشرے میں خواتین کس ذلت اور پسماندگی میں زندگی بسر کر رہی ہیں ،ان خیالات کا اظہار انہوں نے 11مئی کو نواز حکومت کی تشکیل کے ایک سال مکمل ہونے پر ملک گیر یوم احتجاج کے حوالے سے جاری بیان میں کیا ۔

ان کا کہنا تھا کہ مسلم لیگ نواز کی موجودہ حکومت پاکستان پیپلز پارٹی کی سابقہ حکومت کی  روش پر ہی کار فرما ہے، بظاہر عوامی حقوق کی بحالی کا نعرہ لگانے والی اور آزادی نسواں کا ڈھول پیٹنے والی نام نہاد جمہوری حکومتیں عوام کو بجلی ، پانی ، گیس اور سستی روٹی تک دینے کی اہلیت نہیں رکھتے ، اب تو حال یہ ہے کہ حوا کی بیٹیوں کی عزتیں روز سر بازار پامال ہو رہی ہیں اور حکمران اپنے محلات میں عیش و عشرت کی زندگی میں مگن ہیں ، انہوں نے مجلس وحدت مسلمین کی شعبہ خواتین کی تمام ذمہ داران نے اپیل کی کے 11مئی کو ملک بھر میں ہو نے والے احتجاجی پروگرامات میں بھر پور شرکت کریں ۔