وحدت نیوز(کوئٹہ) مجلس وحدت مسلمین کو ئٹہ ڈویژن کے سیا سی کمیٹی نے بلدیا تی انتخا با ت کے سلسلے میں اپنے جا ر ی کر دہ بیا ن میں حلقہ نمبر 10سے اُمید وار برائے بلدیاتی انتخا با ت سا بق نا ئب نا ظم عبا س علی کی حما یت کا اعلا ن کر تے ہو ئے تما م اہلیان حلقہ نمبر 10 مجلس وحدت مسلمین کے عہدے دا ران اور ہمدر دوں سے اپیل کی ہے کہ 7 دسمبر کو بلدیا تی انتخا با ت میں حلقہ نمبر 10میں اپنا حق ر ائے دہی عبا س علی جنکا انتخا بی نشان ٹو کر ی ہے کے حق میں استعما ل کریں۔

اس سے قبل حلقے کے معتبرین نے مجلس وحدت مسلمین کے آفس میں عہدہ داران سے ملا قات کی جس میں حلقے کی مجموعی صو رت حا ل پر تبا دلہ خیال کیا گیاجس کے بعد پارٹی کی سیا سی کمیٹی کے اجلا س میں حلقہ نمبر 10کے زمینی حقا ئق عوامی جذبا ت اور اُمنگوں کو مد نظر رکھتے ہو ئے غور و فکر کے بعد اس نتیجے پر پہنچے کہ حلقہ نمبر 10سے آزاد اُمید وار عبا س علی کی حمایت اور مجلس وحدت مسلمین کی جا نب سے بلدیا تی انتخا بات میں بھر پور تعا ون کا اعلان کیا گیا ۔کمیٹی نے اجلاس اس با ت کا بھی جا ئزہ لیا کہ عبا س علی نے اپنے سا بقہ دور میں حلقے کے مسا ئل اور عوام کو در پیش مشکلات کے حل کیلئے اپنی استطا عت کے مطا بق اقدا مات اُٹھا ئے جسکی وجہ سے عوام کی اکثر یت اُن کے سا تھ ہے اور مجلس وحدت مسلمین عوامی رائے کو انتہا ئی احترا م کی نظر سے دیکھتی ہے۔

وحدت نیوز(راولپنڈی) مجلس وحدت مسلمین پاکستان ( ایم ڈبلیوایم ) ضلع راولپنڈی کی مقامی حکومت کے انتخابات میں حصہ لے  گی  ضلع راولپنڈی کے 130 دیہی ، 85 شہری اور 24 نشستوں پر شہر کی چھاؤنی علاقوں بورڈز سمیت 215 یونین کونسلوں پر مشتمل ہے. اصغر علی مبارک ایڈووکیٹ سابق امیدوارراولپنڈی کینٹ حلقہ این اے 54 راولپنڈی نے  میڈیا کے نمائندوں سے گفتگو کرتے ہوئے  کہا کہ خیمہ کے نشان کے ساتھ مجلس وحدت مسلمین پاکستان کے امیدوار  انتخاب لڑیں گے. انہوں نے کہا کہ . "ہم ملک میں اسلامی نظام حکومت  کی تشکیل اور دہشت گردی اور بدعنوانی کا خاتمہ چاہتے ہیں. ہماری کمیونٹی کے بہترین لوگوں کو نشانہ بنایا ، اب ہم اپنے حقوق کے لئے اور مسلم کمیونٹی کے تحفظ کے لئے کھڑے ہو رہے ہیں، " اصغر علی مبارک ایڈووکیٹ نے کہا کہ ایم ڈبلیو ایم نے دہشت گردی کے جرائم اور کارروائیوں میں ملوث جماعتوں، گروپوں اور افراد کی مخالفت کی.

انہوں نے کہا کہ ایم ڈبلیو ایم کے امیدواروں نے پہلے سے ہی قومی اور صوبائی اسمبلیوں کے انتخابات 2013 میں حصہ لیا ہے. انہوں نے کہا کہ ضلع راولپنڈی کے 130 دیہی اور 85 شہری سمیت 215 یونین کونسلوں پر مشتمل ہے. شہر کی چھاؤنی کے علاقوں میں مقامی حکومت کے انتخابات کے لئے وارڈوں کی تشکیل کا عمل مکمل کر لیا  . گزشتہ مقامی حکومت کے انتخابات اکتوبر 1998 میں منعقد کیا اور صرف راولپنڈی کینٹ کرتے تھے وہاں وقت میں مقامی حکومت کے آخری انتخابات غیر جماعتی بنیادوں پر 1998 ء میں منعقد کی لیکن مسلم لیگ ن کی حمایت چوہدری تنویر خان نائب صدر کے طور پر منتخب کیا گیاانہوں نے کہا کہ2001 سے  مقامی حکومت کے انتخابات نہیں ہو رہے چھاؤنی بورڈ کے معاملات عوامی نمائندوں کے بغیر ہیں .انہوں نے کہا کہ  سپریم کورٹ آف پاکستان چھاؤنی بورڈ میں مقامی حکومت کے انتخابات کے انعقاد کے لئے وفاقی حکومت کو ہدایت کی تھی.راولپنڈی میں چھاؤنی ایکٹ 1924 کی تعداد کو حتمی شکل دی تھی ، چھاؤنی بورڈ کے منتخب ارکان کے نائب صدر منتخب کرے گی . . منتخب چھاؤنی بورڈ کے ارکان اور ایک خاتون اور اقلیتی مخصوص نشست کے لئے کل 12 نشستیں مختص کی جائے گی ." عورت اور اقلیتی نشست پر 12 منتخب ارکان کے ووٹوں سے بھر جائے گی ،" 12 وارڈوں میں کل ووٹروں 259.126 ہیں. "  ہر وارڈ میں ووٹروں سے زائد 15،000 ووٹروں کے توازن کو برقرار رکھنے کے لئے ایک طرح سے بنائی گئی ہیں

وحدت نیوز(لاہور) مجلس وحدت مسلمین پاکستان کے مرکزی ڈپٹی سیکرٹری جنرل علامہ سید شفقت حسین شیرازی اور علامہ سید مہدی حسن کاظمی نے پنجاب آفس میں  پریس کانفرنس کرتے ہوئے کہا کہ ماہ محرم الحرام نواسہ رسول حضرت امام حسین(ع) اور ان کے اہلبیت (ع) کی دشتِ کربلا میں شہادت کی یاد دلاتا ہے اور اسی سلسلے میں ملک بھر کی طرح پنجاب میں بھی عاشقانِ اہل بیت نواسہ رسول حضرت امام حسین (ع) کا غم منا رہے ہیں اور اسی سلسلے میں مجالس ہائے عزا اور جلوس ہائے عزا کا انعقاد بھی کیا جا رہا ہے، تاکہ نواسہ رسول (ع) کی قربانی جو کہ اسلام کی بقا کیلئے دی گئی تھی، کو یاد رکھا جاسکے۔ انہوں نے کہا کہ ہم گوجرانوالہ میں نمازِ فجر کے وقت بے گناہ معصوم نمازیوں کی تکفیری دہشت گردوں کے ہاتھوں دل خراش شہادت کی پرزور مذمت کرتے ہیں اور اپنے موقف کا اعادہ بھی کرتے ہیں کہ وفاقی حکومت نے جب سے طالبان دہشت گردوں سے مذاکرات کے نام پر ان کے آگے سرنڈر کیا ہے، تب سے مملکت خداداد پاکستان میں دہشت گردی اور بانیانِ پاکستان قائدِاعظم محمد علی جناح کی اولادوں (شیعہ مسلمانوں) کی نسل کشی کے واقعات میں بھی تیزی آگئی ہے۔

انہوں نے کہا کہ حکومت پنجاب کو بارہا سکیورٹی معاملات پر خدشات کے اظہار کے باوجود آج گوجرانوالہ کے واقعے نے پنجاب حکومت کی نااہلی ثابت کر دی ہے اور واضح ہوگیا ہے کہ طالبان کے ساتھ مذاکرات کے نتیجہ میں ہمیں لاشوں کے تحفے ہی ملیں گے۔ انہوں نے کہا کہ دہشت گردوں کیساتھ آہنی ہاتھوں سے نمٹنا ہوگا، پنجاب انتظامیہ چار دیواری کے اندر مجالس کو روکنے اور ذاکرین و علمائے کرام پر پابندی لگانے میں مصروف ہے، جبکہ نمازیوں اور عزاداروں کو دہشت گردوں کے رحم و کرم پر چھوڑ دیا گیا ہے۔ انہوں نے کہا کہ تکفیری گروہوں کے مٹھی بھر دہشت گرد کافر کافر کے نعرے لگا رہے ہیں اور انتظامیہ ان کی سرپرستی کرتی نظر آتی ہے۔ علامہ سید شفقت حسین شیرازی نے مزید کہا کہ اگر کالعدم تنظیموں کے خلاف کریک ڈاؤن نہ کیا گیا تو ایسی تحریک چلائی جائے گی جو حکومت کو خس و خاشاک کی طرح بہا کر لے جائے گی، پنجاب میں دفعہ 144 کے نام پرعزاداری کو محدود کرنے کی سازش کی جا رہی ہے، حکومت پنجاب ہمارے علمائے کرام اور عزاداروں کو دفعہ 144، پرمٹ، لائسنس کے نام پر ہراساں کر رہی ہے، جبکہ صوبے بھر میں تکفیری دہشت گردوں کو کھلی چھٹی دیدی گئی ہے۔ انہوں نے کہا کہ پنجاب انتظامیہ کا یہ متعصبانہ رویہ اس بات کی غمازی ہے کہ عزاداری کے خلاف دہشت گردوں اور پنجاب حکومت کی سوچ ایک ہے۔

انہوں نے کہا کہ ہمارا مطالبہ ہے کہ گوجرانوالہ واقعے میں ملوث دہشت گردوں اور ان کے سرغنوں کو فی الفور گرفتار کرکے عوام کے سامنے لایا جائے اور ان کو قرار واقعی سزا دی جائے کہ جن کے ہاتھ معصوم نمازیوں کے خون میں رنگے ہوئے ہیں، اللہ کے گھر میں نماز پڑھنے والے نمازیوں کو قتل کرنیوالے تکفیری دہشت گرد اسلام اور پاکستان کے دشمن ہیں۔ انہوں نے کہا کہ ہم حکومت پنجاب پر ایک بار پھر واضح کر دینا چاہتے ہیں کہ اس نے اگر عزاداری دشمن رویہ ترک نہ کیا تو صرف پنجاب ہی نہیں بلکہ ملک بھر میں اس کیخلاف احتجاجی دھرنے دیں گے اور اس انتہا پسند حکومت کے چہرے پر پڑا لبادہ اتار کر ہی دم لیں گے۔ انہوں نے کہا کہ ہم یہ واضح کرنا چاہتے ہیں کہ اگر عزاداری کو روکنے کی مذموم کوشش کی گئی تو عاشوراء محرم کے تمام جلوسوں کا رخ اسلام آباد کی طرف موڑ دیں گے، عزاداری سید الشہداء (ع) ہماری شہ رگِ حیات ہے، اس پر کسی قسم کی پابندی قبول نہیں کریں گے۔ انہوں نے کہا کہ پاکستان کے شیعہ اور سنی مسلمان تکفیری دہشت گردوں کی اسلام مخالف سازش کو جان چکے ہیں اور وہ اپنے باہمی اتحاد کے ذریعے انتہا پسندوں کی سازش کو ناکام بنا دیں گے، آج پورے ملک میں جاری مجالس عزا میں علماء اور ذاکرین اس واقعے کے خلاف بھرپور احتجاج کریں گے۔

وحدت نیوز(گلگت) مجلس وحدت مسلمین گلگت بلتستان کے صوبائی ترجمان سعید الحسنین نے اپنے ایک وضاحتی بیان میں کہا ہے کہ مقامی اخبارات میں قاسم علی نامی شخص نے اپنے آپکو ایم ڈبلیو ایم کا صوبائی سیکرٹری اطلاعات قرار دیتے ہوئے استعفی کا جو دعویٰ کیا ہے ہم اسکی سختی کیساتھ تردید کرتے ہیں، اور مذکورہ شخص کا ایم ڈبلیوایم سے کوئی تعلق نہیں اور موصوف کچھ عرصہ تک ایک کارکن کی حیثیت سے ایم ڈبلیو ایم میں فعال رہے مگر انکا کبھی کوئی تنظیمی عہدہ نہیں رہا، لہٰذا اسے ہم سستی شہرت حاصل کرنے کا ایک کھیل سمجھتے ہیں اور واضح کرتے ہیں کہ موصوف کا ایم ڈبلیو ایم سے کوئی تعلق نہیں اور وہ اس وقت آرمی پبلک اسکول گلگت میں مدرس کی حیثیت سے اپنی خدمات سرانجام دے رہیں۔

وحدت نیوز(گلگت) مجلس وحدت مسلمین پاکستان، گلگت بلتستان کے صوبائی ترجمان سعید الحسنین نے اپنے ایک وضاحتی بیان میں بعض سیاسی و مذہبی جماعتوں کی جانب سے مقامی اخبارات میں ایم ڈبلیوایم کے دفاع وطن کنونشن میں سید فیصل رضا عابدی کے خطاب سے متعلق تحفظات پر موقف اختیار کیا ہے کہ ایم ڈبلیو ایم نے دفاع وطن کنونشن میں تمام سیاسی و مذہبی جماعتوں بشمول پاکستان مسلم لیگ نواز گلگت بلتستان کے چیئرمین حافظ حفیظ الرحمان کو بھی خصوصی دعوت دی تھی، جبکہ سید فیصل رضا عابدی کو بھی ایک ملکی سیاسی راہنما کی حیثیت سے دعوت دی گئی تھی اور انکا بعض سیاسی و مذہبی جماعتوں کے حوالے سے تنقیدی موقف انکا ذاتی ہے، جس کا مجلس وحدت مسلمین سے کوئی تعلق نہیں اور ایم ڈبلیو ایم تمام سیاسی و مذہبی قوتوں کو یکجا کرنے اور گلگت بلتستان میں محبت، امن اور جمہوری روایات کے فروغ پر یقین رکھتی ہے، لہٰذہ ایسے تمام عناصر کو ایم ڈبلیو ایم کیخلاف بیان بازی سے باز رہنا چاہئے۔

وحدت نیوز(لاڑکانہ) مجلس وحدت مسلمین صوبہ سندھ کی پولیٹیکل کونسل کا اجلاس مدرسۃ جامعہ خدیجتہ الکبریٰ لاڑکانہ میں ایم ڈبلیوایم کے مرکزی ڈپٹی سیکریٹری جنرل مولانا حسن ظفر نقوی کی زیر صدارت منعقد ہواجسمیں عبداللہ مطہری،سید علی حسین،ایڈوکیٹ غلام شبیر سومر،طارق بدوی ،سید الطاف حسین شاہ ،مولانا مشتاق حسین مشہدی،سید امتیاز حسین بخاری اور مولانا نشان حیدر ساجدی شریک تھے جبکہ مولانا سید قمر عباس نقوی ،مولانا دیدار جلبانی اورغلام سرور جوکھیونے بحیثیت مبصر اجلاس میں شرکت کی۔

کونسل کا اجلاس تلاوت قرآن پاک سے شروع ہوا تلاوت کا شرف جناب مولانا نشان حیدر ساجدی صاحب نے حاصل کیا۔ تلاوت قرآن پاک کے بعد ممبران کا تعارف کرایا گیا۔اجلاس میں بلدیاتی انتخابات ،پولیٹیکل کونسل کی فعالیت ،آئندہ کا لائحہ عمل اوروسائل اور انکی تقسیم کے نظام پرتفصیلی بحث کی گئی۔عبداللہ مطہری سیکریٹری سیاسیات سندھ نے اجلاس کو آنے والے بلدیاتی الیکشن سیاسی حالات، ایجنڈا اور اجلاس کے حوالے سے بریفنگ دی ایجنڈا کے متعلق تمام ممبران سے ان کی رائے لی گئی۔

مولانا حسن ظفر نقوی نے اجلاس سے خطاب کر تے ہو ئے کہا کہ صوبائی کونسل کی سفارشات کا مرکز لحاظ رکھے گا اور اگر مرکز کو صوبے سے کوئی اختلاف رئے ہوگی تو مرکز صوبے کو اعتماد میں لے گا اور مزید کہا کہ امیدوار کی اہلیت کو خصوصیت حاصل ہوگی لہذا امیدوار ہر طرح سے پارٹی کے فیصلے پر پابند ہوگا اور دیانتدار ہونا چاہیے۔

متفقہ طور پر فیصلہ کیا گیا کہ وسائل اور انکی تقسیم کار کے لئے مرکز ایک کمیٹی تشکیل دیگا جسکے خدو خال واضع ہونگے اور ذمہ داریاں معین ہونگی اور یہ کمیٹی صوبائی عہدیدار کی رائے لیئے بغیر وسائل کو تقسیم نہیں کریگی،اور فراہم کردہ وسائل کی ہر صورت میں مرکز آڈٹ کریگا۔

اور آخر میں مبصرین نے اپنی اپنی رائے دی،جناب مولانا قمر عباس نقوی ،مولانا دیدار جلبانی کراچی ،غلام سرور جوکھیہ صاحب نے کہا کہ الیکشن کی منصوبہ بندی ہونی چایئے ۔ یہ بھی دیکھا جائے کہ ہم نے عوام کی کیا خدمت کی ہے ماضی کے الیکشن سے متعلق تما م حالات و تجربات کو بھی نظر میں رکھا جائے اور اسی تجربہ کی بنیاد پر آگے قدم بڑھائے جائیں۔ جن افراد کو پارٹی ٹکٹ دی جائے انکی ہر زاویہ سے جانچ پڑتال کرنا ضروری ہوگی۔نااہل کوٹکٹ نہ دیا جائے۔