وحدت نیوز (اسلام آباد) مجلس وحدت مسلمین پاکستان کے مرکزی سیکرٹری فلاح بہبود و چیئر مین خیر العمل فائونڈیشن پاکستان نثار علی فیضی نے کہا  ہے کہ سیلاب سے متاثرہ علاقوںمیں امدادی کام جاری ہے مجلس وحدت مسلمین متاثرین کو تنہا نہیں چھوڑے گی لیکن افسوس کا مقام ہے کہ حکومت ان سیلاب کی روک تھا م کے حوالے سے کوئی منصوبہ بندی نہیں کررہی ہر سال عوام کو اپنی بیڈ گورننس کا تحفہ دیتی ہے جس سے غربت سے تنگ آئے ہوئے عوام مزید ابتر زندگی گزارنے پر مجبور ہوتے جارہے ہیں۔ان خیالات کا اظہار انہوں نے سیلاب کی صورتحال اور متاثرہ علاقوں میں امدادی سرگرمیوں کا جائزہ لینے کے حوالے سے خیر العمل فائونڈیشن کی کور کمیٹی کے اجلاس سے خطاب کرتے ہوئے کیا۔نثار علی فیضی نے کہا کہ اس وقت مجلس وحدت مسلمین کی جانب سے لیہ ، مظفر گڑھ اور بلتستان میں امدادی کام جاری ہے جس میں خوراک لباس ادویات اور پانی کی سپلائی لائینوں کے سلسلے میں کام ہور ہا ہے ۔ مجلس کے کارکنان اور مسئولین نے سیلابی علاقوں کے تفصیلی دورہ جات بھی کیے ہیں ۔ انہوں نے مزید کہا کہ سیلاب کی صورتحال پر پاکستان اور پاکستان سے باہر مخیر حضرات اور اداروں سے ورابط بھی جاری ہیں تاکہ ابتدائی ریلیف و ریسکیوکا کام اور بہتر انداز میں چلایا جا سکے۔ اجلاس میں فلڈ کی موجودہ صورتحال پر تفصیلی گفتگو کی گئی اور اس حوالے سے حکمت عملی بھی مرتب کی گئی۔

وحدت نیوز (کراچی) ملک بھر میں ملت جعفریہ پاکستان کے عظیم اور محبوب قائد ،فرزند امام خمینی (ر)شہید قائد علامہ عارف حسین الحسینی (رح)کی ستائیسویں برسی انتہائی عقیدت و احترام اور مذہبی جوش وخروش سے منائی گئی ہے۔مجلس وحدت مسلمین صوبہ سندھ کی جانب سے ،سکھر،شکار پور،لاڑکانہ،جیکب آباد،سہیون، دادو، نواب شاہ،خیر پور،حیدر آباد ،کوئٹہ،سمیت کراچی اور ملک کے مختلف چھوٹے بڑے مقامات پر فرزند رہبر کبیر امام خمینی (ر)اور ملت جعفریہ کے محبوب اور عظیم قائد شہید علامہ عارف حسین الحسینی (رح)کی ستائیسوی برسی کی یاد میں پیروان شہید قائد علامہ عارف حسینی(رح)کی جانب سے مجالس ترحیم اور سیمینارز کا انعقاد کیاگیا،جبکہ ملک بھر میں لاکھوں پیروان قائد شہید 5اگست روز شہادت قائد شہید کی مناسبت سے اپنے ہر دل عزیز اورمحبوب ترین قائد علامہ عارف حسین الحسینی (رح)شہید سے تجدید عہد وفاکے ساتھ منایا۔

شہیدقائد عارف حسین الحسینی کی ستائیسوی برسی کا مرکزی پروگرام محفل شاہ خراسان میں منعقد ہو جس سے ایم ڈبلیو ایم کے مرکزی رہنما مولانا احمد اقبال ،علامہ مختار امامی،مولانا نشان حیدر ساجدی ،علامہ مبشر حسن ،مولانا علی انورنے خطاب کرتے ہوئے کہا ملک اور امت کو درپیش مسائل سے نکالنے کے لئے شہید عارف حسین الحسینی کی زندگی کو اپنانا ہوگا،شہید نے اپنی مختصر زندگی میں مسلم امہ کے لئے بے پناہ خدمات سرانجام دیں یہی وجہ ہے کہ اپنے ہوں یا پرائے سب ان کی تعریف کیے بغیر نہیں رہ سکتے انہوں نے کہاکہ عارف حسینی صرف ایک مذہبی رہنما کا نام نہیں بلکہ ایک سوچ اور فکر کا نام ہے جو کہ آج بھی زندہ ہے ،شہید نے نہ صرف داخلی چیلنجز کا مقابلہ کرنے کے لئے اپنی جدو جہد جاری رکھی بلکہ بین الاقومی سطح پر پاکستان کے حقیقی دشمنوں کیخلاف بھی آواز بلند کرتے رہے، علامہ عارف عارف الحسینی نے سب سے پہلے مسئلہ فلسطین ہو یا روس کا افغانستان پر قبضہ عالمی سطح پر بھر پور احتجاج کیا اور باقی تمام جماعتوں کو قائل کرکے ان کی حمایت حاصل کی ،آج کے مسائل سے نکلنے کے لئے بھی اس وقت قوم کو ایسی قیادت کی ضرورت ہے۔

وحدت نیوز (لاہور) مجلس وحدت مسلمین کے سربراہ علامہ راجہ ناصرعباس کا کہناہے کہ سپریم کورٹ نے فوجی عدالتوں کے حق میں ایک تاریخی فیصلہ دیا ہے جس کے ذریعہ ہی دہشت گردی کے نا سور کا خاتمہ ممکن ہے، فوجی عدالتوں کا قیام اور ان کے اختیارات میں اضافہ شہدا کے خاندانوں کا درینہ مطالبہ تھا ملٹری کورٹس کے ذریعہ ہی خطرناک ترین دہشت گردوں کو کیفر کردار تک پہنچایا جا سکتا ہے ۔

علامہ راجہ ناصر کا مزید کہنا تھا کہ تاریخ اس بات کی گواہ ہے کہ ہزاروں افراد کے قاتلوں نے موجودہ عدالتی نظام کی کمزوریوں کا فائدہ اٹھاتے ہوئے آزادی حاصل کی اور اپنے مراسم عالمی دہشت گرد تنظیموں سے قائم کیے اور ملک کو پہلے سے زیادہ نقصان پہنچایا، موجودہ حالات میں ملک اس بات کا متحمل نہیں ہو سکتا کہ دہشت گرد مزے سے آزاد پھریں اور پوری قوم کو سیکیورٹی کے نام پر ان کے گھروں میں یر غمال بنا دیا جائے۔

 انہوں نے کہا کہ دہشت گردی کے خلاف جنگ میں فوجی عدالتی کلیدی حیثیت رکھتی پاکستان میں ایسے دہشت گردوں کی کمی نہیں جن کے خوف سے جج انہیں سزا سناتے ہیں اور نہ ہی کوئی ان کے خلاف گواہی دینے کی جرات کرتا ہے، پاکستانی عوام دہشت گردی کے خلاف جنگ میں افواج پاکستان کے شانہ بشانہ ہے ،انشااللہ وہ دن دور نہیں جب پاکستان سے ان وحشی درندہ صفت دہشتگردوں کا خاتمہ ہوگاانہوں نے کہا کہ سپریم کورٹ کے اس فیصلہ نے ان افراد کو بھی بے نقاب کردیا ہے جو کہ چند روپوں کو ملکی مفاد سے زیادہ عزیز رکھتے ہیں، قوم جان لے کہ ان حالات میں فوجی عدالتوں کی مخالفت کرنے والے ملک و قوم سے مخلص نہیں ملٹری کورٹس کے حق میں فیصلہ کے بعد اس بات کی قوی امید ہے کہ ان خطرنات دہشت گردون کوان کے انجام تک پہنچایا جائے گا جنہیں کل تک کسی کا خوف نہیں تھا۔ اب ملک دشمن عناصر کو بھی سمجھ جانا چاہئے کہ وہ انصاف کو یرغمال بناکر اپنے دہشت گرد ساتھیوں کو نہیں بچا سکتے۔

وحدت نیوز(کوئٹہ) مجلس وحد ت مسلمین پاکستان کے رکن بلوچستان اسمبلی آغا رضا نے کہا ہے کہ پاکستان بالخصوص کوئٹہ شہر کو تعلیم کے شعبے میں ترقی دینا ہمارا شعار ہے۔ ان خیالات کا اظہار انہوں نے مختلف وفود سے بات چیت کرتے ہوئے کیا ،انہوں نے کہا کہ ہر عام و خاص بالخصوص نوجوان نسل کی ترقی کیلئے ہم شروع ہی سے کوشاں ہیں۔انہوں نے کہا کہ ہم صوبے بھر میں تعلیم کو عوام الناس کیلئے عام کرنا چاہتے ہے،ہم چاہتے ہیں کہ اچھی اور معیاری تعلیم ہر ایک کے دسترس میں ہو ،انہوں نے کہا کہ ہمارے نوجوانوں میں تعلیم کے حصول کا ایک غیر معمولی جذبہ دیکھنے کوملتا ہے موجودہ نوجوان نسل تعلیم کی طرف زیادہ توجہ دے رہے ہیں جو ہمارے مستقبل اور قوم کی ترقی کیلئے ایک نیک شگن ہے۔

انہوں نے مزید کہا کہ طلبا کو تعلیم کے حصول کیلئے ہر روز دور دراز راستوں کا سفر کرنا پڑتا ہے ان کیلئے آمد و رفت کا تو انتظام کیا گیا ہے مگر انہیں مزید سہولتوں کی ضرورت ہے ۔اسکے علاوہ سیکورٹی کے باز مسائل کو مد نظر رکھتے ہوئے ہم نے بلوچستان یونیورسٹی علمدار کیمپس کا قیام علاقے میں ضروری سمجھا ۔انہوں نے کہا کہ یہ باتیں بلوچستان یونیورسٹی علمدار کیمپس کے قیام کے مقاصد میں سے چند یہ ہے جسکا کام پچھلے کئی مہینوں سے جاری ہے اور جلد ہی انشاء اللہ ہماری قوم بلوچستان یونیورسٹی علمدار کیمپس سے مستفید ہوگی ۔

انہوں نے کہا کہ اسکے بعد تعلیمی میدان میں مزید ترقی کے مواقع فراہم کئے جائینگے مختلف تعلیمی سرگرمیوں کا آغاز کیا جائیگا ۔بلوچستان یونیورسٹی کے اس سب کیمپس کے قیام سے ایک فائد ہ یہ بھی ہوگا کہ روزگار کہ مواقع میں اضافہ ہوگا بہت سے لوگوں کو نوکریاں ملینگی ،طلبا ء کے علاوۃ وہ قابل افراد جو بے روزگار ہیں ۔یونیورسٹی کا قیام انکے لئے بھی مفید ہے اسکے علاوہ علاقے کے مختلف اسکولوں میں طلباء کو جن چیزوں کی ضرورت تھی ہم نے انہیں وہ اشیاء فراہم کر دیں جن مقامی اسکولوں کو کتابیں بر وقت نہیں پہنچ سکی تھیں ہم نے انکو ساری کتابوں کی کاپیاں بنا کر تقسیم کی تاکہ ان طلباء کا قیمتی وقت ضائع نہ ہو اسکے علاوہ ہم نے اسکولوں کو کمپیوٹرز ، سکینرز،پرینٹرزاور جدید تقاضوں ہم آہنگ ملٹی میڈیا فراہم کیں۔

وحدت نیوز(گلگت) حکومت جھوٹے الزامات کے تحت مجلس وحدت مسلمین کے رہنماؤں کو گرفتارکرکے تصادم کی طرف لیجانا چاہتی ہے تاکہ گلگت بلتستان میں الیکشن کے دوران کئے گئے وعدوں سے عوام کی توجہ ہٹائی جاے۔ مجلس وحدت مسلمین مسلسل حکومت کو ان کے کئے گئے وعدوں کو یاد کراتی رہے گی اور جماعت کے خلاف ہر قسم کی سازشوں کا مقابلہ قانونی طریقے سے کرینگے،ان خیالات کا اظہار مجلس وحدت مسلمین کے صوبائی ترجمان محمد الیاس صدیقی نے اپنے ایک بیان میں کیا ہے۔

انہوں نے کہا کہ یمن فوج بھیجنے کے خلاف نکالی جانیوالی ریلی میں ایم ڈبلیو ایم کے رہنماؤں کے خلاف کاٹی گئی ایف آئی آر بد نیتی پر مبنی ہے جس کو عد الت میں چیلنج کیا جائیگا۔ انہوں نے کہا کہ موجودہ حکومت دہشت گردوں سے مذاکرات کے ذریعے انہیں محفوظ راستہ د ینا چاہتی تھی اس راستے کے سامنے مجلس وحدت حائل ہوئی اور حکومت خواہش کو شرمندہ تعبیر ہو نے نہیں دیااور نواز لیگ کی خواہش کے برخلاف آپریشن ضرب عضب شروع کیا گیا جس کی مجلس وحدت نے مکمل سپورٹ کیا اور اسی جرم کی پاداش میں نواز حکومت مجلس وحدت کے رہنماؤں کے خلاف جھوٹے ایف آئی آر کے ذریعے بدنام کرنا چاہتی ہے۔انہوں نے کہا کہ پورے ملک میں لیگی حکومت ایم ڈبلیو ایم کے کارکنوں اور رہنماؤں کو انتقام کا نشانہ بنارہی ہے ،علامہ امین شہیدی کے خلاف جھوٹی ایف آئی آر کے تحت وارنٹ گرفتاری جاری کروانا اسی سلسلے کی کڑی ہے۔انہوں نے کہا کہ حکومتی جبر کے سامنے مجلس وحدت گھٹنے ٹیکنے والی نہیں اور ہر ظلم کے خلاف میدان میں کمربستہ رہے گی ،جہاں ظلم ہوگا وہاں مجلس وحدت کو کھڑے پائیں گے۔انہوں نے کہا کہ گرفتاریاں اور جیل ہمارے عزم اور حوصلے کو شکست نہیں دے سکتی بلکہ ایسی چیزوں سے ظلم کے خلاف اور مظلوموں کی حمایت کا جذبہ مزید پختہ ہوتا جائیگا۔

وحدت نیوز(مظفرآباد) مظلوموں کی آواز ، ظالموں کے خلاف للکار ، قائد ملت جعفریہ ،کراچی تا کشمیر ہر دلعزیز محبوب قائدشہید علامہ عارف حسین الحسینی کو ہم سے بچھڑے 27سال ہو گئے۔ قائد شہید کے چلے جانے سے پیدا ہونے والا خلا صدیوں پر نہیں ہو سکتا ، ان خیالات کا اظہار ریاستی سیکرٹری جنرل مجلس وحدت مسلمین آزاد کشمیر علامہ سید تصور حسین نقوی الجوادی نے 5اگست برسی شہید قائد کے حوالے منعقدہ ایک تقریب سے خطاب کے دوران کیا ۔

انہوں نے کہا کہ مظلوموں محروموں کی مضبوط آواز کا نام عارف حسینی تھا،ظالم وقت کو للکارنا شیوہ حسینی تھا، پارا چنار کے غیر معروف گاؤں سے اٹھ کر ملت کے دلوں میں بس جانے والے قائد کو ملت کبھی نہیں بھولے گی، وہ اتحاد بین المسلمین کے عملی داعی تھے ، انہوں نے اپنے ساری زندگی اس عمل کے لیئے وقف کی، انہوں نے بلا تمیز مسلک و مذہب مظلوم کی حمایت کا نعرہ بلند کیا ، جو کہ تاریخ پاکستان میں ایک منفرد عمل تھا، وہ کہا کرتے تھے ہم ظالم کے خلاف ہیں چاہے وہ شیعہ ہی کیوں نہ ہو، اور ہر مظلوم کے حامی ہیں ہیں چاہے وہ کافر ہی کیوں نہ ہو،آپ کے اسی عمل نے طاغوت کے ایوانوں میں لرزہ طاری کر دیاتھا،شیطان بزرگ امریکہ بھی آپکی اتحاد بین المسلمین کے لیئے کی جانے والی کاوشوں کو اپنے لیئے زہر قاتل سمجھتا تھا، وہ نہیں چاہتا تھا کہ شہید کا یہ مشن مکمل ہو ، وہ مسلمانوں کو باہم دست و گریباں ہی دیکھنا چاہتا تھا، اسی طرح استعمار کے ایجنٹ بھی آپ کے دشمن بن گئے ۔

انہوں نے کہا کہ شہید قائد علامہ عارف حسین الحسینی کی پاکستان میں جمہوریت کے لیئے دی جانے والی قربانیاں بھی تا زیست یاد رکھی جائیں گی، وقت کے آمر وقت کے ڈکٹیٹر جنرل ضیاء الحق کے خلاف چلنے والی تحریکوں میں بھی آپ نے صف اول کا کردار ادا کیا ، جس کی بنا پر آپ کو کئی صعوبتوں کا سامنا کرنا پڑا، کئی اضلاع میں تو آپ کا داخلہ تک بند کر دیا گیا تھا، علامہ تصور جوادی نے کہا کہ حقیقی اسلام کی ترویج کے لیئے شہید قائد کی خدمات کو خراج عقیدت پیش کرنے کا دن ہے ، شہید سے تجدید عہد کا دن ہے کہ اے شہید ہم آپ کے لہو سے جلنے والی شمع یوں ہی جلائے رکھیں گے، ہم شیعہ سنی میں تفرقہ نہیں آنے دیں گے، ہم ایک رہیں گے، ہم جمہوریت و جمہوری نظام سے محبت کریں گے،ہم اپنے وطن کی نظریاتی و جغرافیائی سرحدوں کی حفاظت خون کے آخری قطرے تک کریں گے۔ہم ملک و ملت کی خدمت کریں گے۔ مظلوموں کو تنہا نہیں چھوڑیں گے۔ ظالم کا پیچھا نہیں چھوڑیں گے۔