The Latest
وحدت نیوز (اسلام آباد) مجلس وحدت مسلمین کے مرکزی رہنما برادر نثارعلی فیضی کو مرکزی سیکریٹری تعلیم کی ذمہ داریاں تفویض کردی گئی ہیں ، اس بات کا اعلان مرکزی سیکریٹری جنرل مجلس وحدت مسلمین علامہ راجہ ناصرعباس جعفری نے میڈیا سیل کو جاری بیان میں کیا ہے، انہوں نے کہا ہے کہ برادر نثا رعلی فیضی بحیثیت مرکزی سیکریٹری فلاح وبہبود اور چیئرمین خیر العمل فاونڈیشن اپنی ذمہ داریوں سے بحسن وخوبی عہدہ براں ہوئے ہیں ، وہ انتہائی محنتی وجفاکش کارکن ہیں اور ایم ڈبلیوایم کا اثاثہ ہیں امید کرتا ہوں کے وہ شعبہ تعلیم کی فعالیت اورایک مضبوط شعبے کی قیام کیلئے اپنی توانائیاں بروئے کار لائیں گے، خدا وند متعال انکی فعالیت کو اپنی بارگاہ میں عبادت شمار فرمائے۔
وحدت نیوز(کوئٹہ) ہمارے معاشرے میں کھیل کے مختلف سرگرمیوں کو فروغ دینے کی سخت ضرورت ہے. کھیل ہماری زندگی کا ایک اہم جزو ہے، جس سے وابسطہ افراد ملک و قوم کی سر بلندی کا باعث بنتے ہیں۔ چیک وصول کرنے والے مختلف وفودجو کہ اظہار تشکر کیلئے MWMبلوچستان کے مرکزی آفس میں آئے تھے سے بات چیت کرتے ہوئے ان خیالات کا اظہار مجلس وحدت مسلمین پاکستان کے رہنما رکن بلوچستان اسمبلی آغا رضا نے کیااور کہا کہ گزشتہ روز ہم نے اپنے ڈی ڈی پی فنڈ سے 155 مریضوں، 37 اسپورٹس کلبوں، مختلف تعلیمی اداروں، سوشل ویلفیر آرگنائزیشنز، ہسپتالوں اور مراکز صحت میں مبلغ چار کروڈ روپے تقسیم کئے ۔
انہوں نے مزید کہا کہ اس بات کی بہت سی مثالیں موجود ہیں کہ کھیلوں سے وابسطہ افراد نے کھیلوں کے زریعے ملک کا نام دنیا بھر میں روشن کیا ہے اور ساتھ ہی ساتھ ان کھیلوں سے معاشرے میں مختلف قسم کے مثبت اثرات مرتب ہوتے ہیں۔انہوں نے کہا کہ 2014اور 2015ڈی ڈی فنڈ سے مختلف سپورٹس کلبوں ،کھلاڑیوں اور کھیلوں سے وابستہ افراد میں فنڈز تقسیم کیا گیا تا کہ کھیلوں کی سرگرمیوں کو فروغ حاصل ہو سکے اور ایک صحت مند معاشرہ تشکیل پا سکے ۔انہوں نے کہا کہ کھیلوں سے دوری اختیار کرنا ہمارے لئے مختلف بیماریوں کی وجہ بنتی ہے. مختلف بیماریوں میں لوگ اس لئے بھی مبتلا رہتے ہیں کیونکہ انکی کوئی ایسی سرگرمی نہیں ہوتی جس سے وہ صحت مند رہ سکے. ان باتوں کو مد نظر رکھتے ہوئے ہم نے اپنے فنڈز کو مریضوں کے ساتھ ساتھ کھیل سے وابسطہ افراد میں بھی تقسیم کیا تاکہ ہماری طرف سے جتنی ہو سکے ان لوگوں کی حوصلہ افزائی ہو اور معاشرے میں ان جیسے سرگرمیوں کو فروغ مل سکے۔
ایم ڈبلیو ایم کی پوری کوشش ہے کہ عوام کی جتنی ممکن ہو خدمت کرے اس لئے ہمیں امید ہے کہ فنڈز کی تقسیم سے نہ صرف مریضوں کا علاج ممکن ہوسکے گابلکہ انکے قرضے بھی ادا ہوسکے نگے جنہوں نے اپنا علاج قرض لیکرکیا تھااسکے ساتھ ساتھ اسپورٹس کلبوں کو مزید ترقی کے مواقع ملیں گے، تعلیم میں ترقی ہوگی، سوشل ویلفیئر آرگنائزیشنز کو مزید خدمت کا موقع ملے گا اور ہسپتالوں اورصحت کے مراکز میں بہتری آئے گی.
وحدت نیوز(کوئٹہ) مجلس وحدت مسلمین پاکستان کوئٹہ کے میڈیا سیل سے جاری شدہ بیان میں کونسلررجب علی کربلائی نے کہا ہے کہ بہت افسوس کی بات ہے کہ بعض افراد مستحق مریضوں اور طلباء کے درمیان فنڈ کے تقسیم کو بھی تنقید کا نشانہ بنا رہے ہیں. ہماری جماعت مثبت اور تعمیری تنقید کو مثبت سمجھتی ہے لیکن مخالفت برائے مخالفت کو منفی سمجھتی ہے ۔ ہم ہمیشہ اتحاد کے حمایتی رہے ہیں اور سیاسی یکجہتی پر یقین رکھتے ہیں اور ہم سب کو ساتھ لے کر چلنے کو ترجیع دیتے ہیں. بیان میں ڈی ڈی پی فنڈز کے تقسیم کا طریقہ کار کچھ یوں ہے کہ حکومت کی جانب سے فنڈز کے اعلان کے بعد ڈی ڈی پی فنڈز کیلئے علاقے کے مستحق لوگوں سے ان کے اخراجات کی فائل جمع کی جاتی ہے اور اسے منظم کرکے ڈی سی آفس بھیج دیا جاتا ہے اس کے بعد ڈی سی آفس سے ان فائلوں کی تصدیق ہوتی ہے اورجن مریضوں ،سپورٹس کلبوں یا دیگر اداروں نے اپنے فائلز جمع کروائیں انکی اچھی طرح چان بین کرکے انکے چیکس بنائے جاتے ہیں اور تمام کاروائیاں مکمل ہونے کے بعد ان افراد کیلئے چیکس ایم پی اے کو بھیج دیا جاتا ہے اور ایم پی اے اسے تقسیم کر دیتا ہے.بیان میں مزید کہا گیا کہ جس طرح ہم یکجہتی پر یقین رکھتے ہیں دوسری جماعتوں کو بھی چاہئے کہ وہ ان کاموں میں ہمارا ساتھ دے کر قوم کی فلاح میں ایک مثبت کردار ادا کرے. ہم تنقیدی نگاہ کی بھی قدر کرتے ہیں کیونکہ ان سے ہمیں ہمارے خامیوں کا پتہ چلتا ہے مگر بعض تنقیدیں بلکل بے بنیاد ہوتی ہے جسکی مثال گزشتہ روز کے اخباروں میں ملتا ہے. ہم ہمیشہ وحدت پر یقین رکھتے ہیں اور آئندہ بھی ہر میدان میں یکجہتی کا مظاہرہ کریں گے۔
وحدت نیوز (شکارپور) وارثان شہدائے شکارپور کااہم اجلاس کاظمین امام بارگاہ شکارپور میں چیئرمین علامہ مقصود علی ڈومکی کی زیر صدارت منعقد ہوا۔ اجلاس میں شہدائے شکارپور کے ورثاء نے بھرپور شرکت کی۔ انہوں نے کہا ہے کہ سانحہ شکارپور کو چھ ماہ کا طویل عرصہ گذر چکا ہے ،مگر سندہ حکومت کے وعدے وفا نہیں ہوئے۔ اس موقع پر وارثان شہداء نے متفقہ طور فیصلہ کیا کہ سندہ حکومت کی عہد شکنی کے خلاف احتجاجی تحریک شروع کی جائے گی، انہوں نے پوری قوم اور ملت کے اکابرین اور قومی جماعتوں سے اپیل کی کہ وہ سندہ حکومت کی عہد شکنی کے خلاف تحریک میں وارثان شہداء کا ساتھ دیں۔ وارثان شہداء نے کہا کہ سندہ حکومت کے رویئے کے خلاف لانگ مارچ ناگزیر ہوچکا ہے۔ جبکہ احتجاجی تحریک کے پہلے مرحلے میں جمعہ ۲۸ اگست کو ملک بھر خصوصا سندہ میں یوم احتجاج اور یوم سیاہ منایا جائے گا،اجلاس میں شہداء کمیٹی کے چیئرمین علامہ مقصود علی ڈومکی، وائس چیئرمین علامہ عبدالمجید بہشتی، شہداء کے ورثاء قمر الدین شیخ، مولانا عبدالستار سومرو، سید نجف علی شاہ، سید عباس علی شاہ و دیگر نے اظہار خیال کیا۔ اس سلسلے میں مومنین اور شخصیات سے رابطہ کا فیصلہ بھی کیا گیا۔
وحدت نیوز (ڈیرہ مراد جمالی) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے سبی، بختیار آباد ڈومکی،ڈیرہ مراد جمالی کا تنظیمی دورہ کیا۔ اس موقع پر انہوں نے سبی میں آر پی او سبی انتصار حسین جعفری اور ڈی پی او انور کھیتران سے ملاقات کی۔بختیار آباد کے چیئرمین میر سیف اللہ خان ڈومکی سے ملاقات کی۔سبی اورڈیرہ مراد جمالی میں کارکنوں اور صحافیوں سے گفتگوکرتے ہوئے انہوں نے کہا ہے کہ مجلس وحدت مسلمین انقلابی افکار کی حامل الٰہی تحریک ہے، جو باطل طاغوتی نظام کے خلاف بر سر پیکار ہے۔ انہوں نے کہا کہ قائد کے پاکستان کوآج تکفیری سوچ اور دھشت گردی سے خطرہ ہے، قوم متحد ہوکر وطن دشمنوں کا مقابلہ کرے۔ دھشت گردوں کے ساتھ رعایت ملک و قوم کے ساتھ خیانت کے مترادف ہے۔ عوام کو فوری انصاف کی فراہمی ضروری ہے۔ گذشتہ تین دہائیوں سے جاری دھشت گردی کے مرتکب مجرموں کو تیزی کے ساتھ سزائے موت دی جائے۔ وطن عزیز میں اسی ہزار شہداء کے وارث آج بھی انصاف کے منتظر ہیں۔ فوجی عدالتوں پر ذمہ داری عائد ہوتی ہے کہ وہ معصوم شہریوں کو تحفظ دیں اور پاک وطن کی سر زمین کو دھشت گردوں کے لئے تنگ کردیں۔
انہوں نے کہا کہ بلوچستان کے مسائل کے حل کے لئے طاقت اور تشدد کی بجائے مذاکرات اور مفاہمت کا راستہ اختیار کیا جائے۔ خان آف قلات سے ملاقات اور مذاکرات کے سلسلے میں پیش رفت خوش آئند ہے ، مگر بلوچستان مسئلے کے اصل فریق یہاں کے عوام ہیں، جو مظلومیت اور محرومیت کی عملی تصویر پیش کر رہے ہیں۔ بلوچستان سے محرومیت کا خاتمہ یقینی بناتے ہوئے 67 سالہ نا انصافیوں کا ازالہ کرنا ہوگا۔ بلوچستان کے ساحل اور وسائل پر یہاں کے عوام کا حق تسلیم کیا جائے۔
وحدت نیوز (مظفرآباد) شجاع خانزادہ کی شہادت پر ان کے خاندان سے اظہار ہمدردی کرتے ہیں، تکفیری مائندسیٹ و کالعدم تنظیمیں اس ملک خداداد کے لیئے ناسور بن چکی ہیں ،شجاع کی شجاعت و قربانی کبھی رائیگان نہیں جائے گی ، اس ملک میں اسلام دشمن دہشتگردوں کی کوئی جگہ نہیں ہے، ان خیالات کا اظہار ریاستی سیکرٹری جنرل مجلس وحدت مسلمین پاکستان آزاد کشمیر علامہ سید تصور حسین نقوی الجوادی نے ریاستی دفتر سے جاری پریس ریلیز میں کیا ، انہوں نے کہا کہ شجاع خانزادہ ملک دشمن عناصر کے خلاف کمربستہ تھے، اگلی صفوں میں کھڑے دہشت گردوں کے لیئے دہشت کی علامت تھے، حکومت وقت کو اب تو یہ جان لینا چاہیئے کہ یہ کالعدم و تکفیری تنظیمیں کسی طور پر بھی اس ملک و ملت کی خیر خواہ نہیں ہیں ، یہ اپنا بنایا ہوا اسلام نافذ کرنے کے لیئے کسی کے بھی خیر خواہ نہیں ہیں ، انہیں جڑ سے اکھاڑ پھینکنے کے لیئے ضرب عضب کو ملک بھر میں پھیلایا جائے، ناسوروں کے خاتمے کے لیئے گلی گلی کی صفائی کی جائے ، جب تک ایک بھی دہشت گرد موجود ہے آپریشن نہ روکا جائے، قوم پاک فوج کے ساتھ ہے، پاک فوج کے عزم و حوصلے کو سلام کرتے ہیں ۔ شجاع خانزادہ کی خدمات تا زیست یاد رکھی جائیں گی ، ہم انہیں خراج تحسین پیش کرتے ہیں۔ ان کی بلندی درجات و پسماندگان کے صبر جمیل کے لیئے دعا گو ہیں۔
وحدت نیوز (سکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ بلتستان کے سیلاب متاثرین کی بحالی کے لیے صوبائی حکومت سنجیدہ نہیں ، انہیں کھیل تماشے سے فرصت ملے تو غریب سیلاب متاثرین کی امداد کے لیے کوشش کی جائے۔ صوبائی حکومت سیلاب متاثرین کی بروقت بحالی کرنے کی بجائے وقت گزار نے کی کوششوں میں مصروف ہے ۔ انہوں نے کہا کہ جہاں جہاں سیلاب متاثرین ہے وہاں فوٹو سیشن کے علاوہ عوام کو انکے پاوں پر کھڑا کرنے کے لیے کچھ بھی نہیں ہوا قوم کو بتایا جائے کہ سیلاب متاثرین کی بحالی اور امداد کو ترک کر کے کھیل تماشوں اور سیر سپاٹوں کا مقصد ہے۔ صوبائی حکومت فیسٹول اور میلوں کے ذریعے عوامی مسائل سے توجہ ہٹانے کے خواہاں ہیں۔ ایک طرف وفاقی حکومت کی جانب سے ٹیکسز کا میزائل برسایا جا رہا ہے اور دوسری طرف صوبائی حکومت کھیل تماشوں میں عوام کو مصروف رکھنا چاہتی ہے۔ جو وسائل کھیل تماشوں میں خرچ ہو رہے ہیں ان کو متاثرین سیلاب کی بحالی کے لیے صرف کیے جاتے تو عوام مان جانتی کہ صوبائی حکومت یہاں کی عوام سے مخلص ہے۔ سیلاب متاثرین کی بحالی کے لیے فوٹو سیشن اور اخبارات میں بیانات داغنے کے علاوہ کچھ نہیں ہو ا۔
وحدت نیوز (اسلام آباد) مجلس وحدت مسلمین پاکستان کے مرکزی جنرل سیکرٹری علامہ راجہ ناصرعباس جعفری نے کہا کہ پاکستان میں جاری دہشت گردی اور پاک افغان تعلقات کو خراب کرنے کی سازش میں بھارت کا براہ راست ہاتھ ہے۔انہوں نے کہا کہ چین کی طرف سے اقتصادی راہداری کے قیام کے اعلان کے بعد بھارتی حکومت کی خارجہ پالیسی کا محور و مرکز پاکستان کے خلاف سازشوں تک محدود ہو کر رہ گئی۔پاکستان میں اکنامک کوریڈور کے منصوبے میں رکاوٹ پیدا کرنے کے لیے پاکستان کے داخلی و خارجی حالات کو کشیدہ کرنے کی ناکام کوشش کی جا رہی ہے۔ اقتصادی راہداری کی تکمیل انشاء اللہ ہر حال میں ہو گی اور وطن عزیز خطے میں خوشحال، باوقار اور دنیا کے پُرامن ملک کی حیثیت کے ساتھ ابھر کے سامنے آئے گا۔انہوں نے کہا بھارت کی طرف سے آئے روز سرحدی خلاف ورزی ہمیں الجھانے کی سازش ہے ۔ افغانستان کے ساتھ ہمارے دوستانہ روابط کو خراب کرنے کے لیے بھی افغانستان میں موجود بھارتی سفارتخانہ پاکستان دشمن سازشوں کے مرکز کی حیثیت سے کام کر رہا ہے۔ افغانستان کو چاہیے کہ وہ پاکستان کے خلاف کسی بھی قسم کا بیان دینے سے قبل ارض پاک کی قربانیوں کو نہ بھولے۔ روس افغان جنگ میں پاکستان نے عالمی حالات کی پرواہ کیے بغیر اپنی بساط سے بڑھ کر افغانستان کی عوام کا ساتھ دیا۔انہوں نے کہا کہ بھارت اپنے اس منافقانہ روش سے باز رہے۔ پاکستان کی اٹھارہ کروڑ عوام افواج پاک کی پشت پر کھڑی ہے۔انڈیا اگر ہمارے داخلی معاملات اور سرحدی خلاف ورزی سے باز نہ آیا تو پھر اسے بھیانک نتائج کے لیے تیار رہنا ہوگا۔
وحدت نیوز(گلگت) حکومت گلگت بلتستان کے بارے میں تذبذب کا شکار ہے اور نواز لیگ کی صوبائی حکومت دہشت گرد بچاؤ مہم پر گامزن ہے۔نیشنل ایکشن پلان کے تحت ابھی تک کسی دہشت گرد کو گرفتار نہیں کیا گیا ہے جبکہ دہشت گرد اور ان کے حمایتی حکومت کی بغل میں بیٹھے ہیں،گلگت بلتستان میں نیشنل ایکشن پلان کا غلط استعمال ہورہا ہے مقتدر حلقوں کو نوٹس لینا چاہئے،ان خیالات کا اظہار مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی نے اپنے ایک بیان میں کیا ہے ۔
انہوں نے کہا کہ مجلس وحدت مسلمین کو سیاسی مخالفت کی سزا دی جارہی ہے جبکہ دہشت گردوں اور ان کی حمایت میں کمربستہ تنظیموں اور جماعتوں پر نوازشات کی بارش ہورہی ہے۔پورے ملک میں دہشت گردوں کا صفایا کرنے کیلئے پاک فوج آپریشن میں مصروف ہے اور گلگت بلتستان میں ملک دشمن عناصر کو نوازا جارہا ہے۔ انہوں نے کہا کہ حالیہ دنوں شہید ضیاء الدین قتل کیس ایک انتہائی حساس معاملہ تھا جس میں انصاف کے تقاضے پورے نہیں کئے گئے اگر عدالتوں سے انصاف نہ ملے تو عوام میں عدم تحفظ کا احساس بڑھتا جائیگا۔کرنل نادر حسن خان جس نے اپنی پوری عمر پاکستان کی خدمت میں گزاری ہے آج جیل کی سلاخوں کے پیچھے ہے ،حکومت کرنل حسن خان اور اس کے خاندان کی قربانیوں کا کیا ہی اچھا صلہ دے رہی ہے۔جو لوگ شروع دن سے پاکستان کے خلاف سازشوں میں مصروف تھے اورآج بھی وہ لوگ وانا وزیرستا ن کے دہشت گردوں سے رابطے میں ہیں کے خلاف حکومت کوئی کاروائی نہیں کررہی ہے۔ پچھلے چند سالوں میں شاہراہ قراقرم دلخراش سانحات وقوع پذیر ہوئے اور ان واقعات میں ملوث دہشت گردوں کو پکڑنے کی حکومت جرات نہیں کررہی ہے۔ انہوں نے کہا کہ کیا نیشنل ایکشن پلان صرف سیاسی مخالفین سے انتقام لینے کیلئے بنایا گیا ہے؟اگر نہیں تو سانحہ کوہستان،سانحہ چلاس ،سانحہ ننگا پربت اور سانحہ لالوسر میں مسافروں اور غیر ملکی مہمانوں کی خون سے ہولی کھیلنے والے مجرمین کہاں ہیں؟ انہوں نے کہا کہ قبل اس کے کہ ہمارے صبر کا پیمانہ لبریز ہو حکومت فوری ایکشن لے اور مقتدر حلقے نواز لیگ کی دہشت گرد بچاؤ مہم کا نوٹس لیں ۔
وحدت نیوز (کراچی) کے الیکٹرک کی جانب سے بجلی کی قیمتوں میں مزید اضافہ کراچی کے شہریوں پر ظلم ہے بجلی کی قیمتوں میں اضافے سے عوام مذید مشکلات کا شکار ہوں گے۔کے الیکٹرک کی من مانیوں کے پیچھے وفاقی و صوبائی حکومتوں کا گھٹ جوڑ شامل ہے۔ ان خیالا ت کا اظہار مجلس و حدت مسلمین کے صوبائی سکر ٹری اطلاعات آصف صفوی نے وحدت ہاؤس سے جاری اپنے مذمتی بیان میں کیا ان کا کہناتھا کہ وفاقی حکومت کی جانب سے بجلی کی قیمتوں میں مزیداضافہ کو مسترد کرتے ہیں، معاشی حب کراچی بحرانوں کی زد پر ہے شہر کی عوام ہر ماہ ایک نئے بحران کا سامنا کر تے ہیں،پانی و بجلی بندش بحران کی شکار عوام اب ٹراسپورٹ کمی کی مشکلات کو جھیل رہی ہے ساتھ ہی بجلی کی قیمتوں میں اضافہ غریب عوام کی کمرتوڑ دے گا ۔آصف صفوی نے کہا کہ چند ماہ قبل کے الیکٹرک کی جانب سے بد ترین لوڈشیدنگ کی وجہ سے دو ہزار سے زائد افراد کی ہلاکت کو پس پشت ڈال کر صوبائی و وفاقی حکومت عوام کی مجرم بنی ہے حکمران خوف خدا کریں دوسری جانب شہر مختلف علاقوں میں اب بھی بے انتہا لو ڈشیڈنگ کے با وجود عوام پر بجلی کی قیمتوں میں اضافہ کرکے عوام پر بجلی بم گرا یا جا رہا ہے جو ہر گز قبول نہیں کیا جائے گا ۔حکومت بجلی قیمتوں اضافہ کو فوری واپس لے مزید بجلی کے نرخوں میں کمی کی جائے ۔
