The Latest

وحدت نیوز(سکھر) وحدت یوتھ صوبہ سندھ کے زیر اہتمام پاکستان کے 70ویں جشن آزادی کے موقع پر آزادی مارچ اندرون سندھ کے چار شہروں کا گشت کرتے ہوئے سکھرمیں اختتام پزیر ہوا، تفصیلات کے مطابق وحدت یوتھ کی جانب سےمادر وطن کے یوم آزادی کے موقع پر آزادی ٹرک خیر پور سے نکالا گیا جسے خوبصورت انداز میں سجایا گیا تھا،  آزادی مارچ کا آغاز رانی پور ضلع خیر پور سے صبح ساڑھے گیارہ بجے ہوا جو کہ بارہ گھنٹے کی طویک سفر طے کرکے رات ساڑھےگیارہ بجے سکھر پہنچ کر اپنے اختتام کو پہنچا ، خیر پور اور سکھر کے درمیان رتوڈیروضلع لاڑکانہ ، ڈکھن سٹی گڑھی یٰسین،لکھی غلام شاہ شکار پور میں شہریوں کی جانب سے آزادی مارچ کا شاندار استقبال کیا گیا جہاں شہریوں کی بڑی تعداد آزادی مارچ میں شامل ہوتی رہی، اس موقع پر ایم ڈبلیوایم صوبہ سندھ کے سیکریٹری جنرل علامہ مقصودڈومکی، صوبائی رہنماآغا منور علی جعفری، علامہ نقی حیدری، طارق بدوی ، صوبائی سیکریٹری وحدت یوتھ فدا حسین ، ضلع لاڑکانہ کے سیکریٹری جنرل مولانا محمد علی   سیکریٹری  یوتھ برادر عارف علی ،سیکریٹری جنرل ضلع  شکارپور  فدا عباس، سیکریٹری یوتھ عبدالعلی ، ضلع سکھر کے ڈپٹی سیکریٹری جنرل احسان علی اور سیکریٹری یوتھ برادر محسن سجاد نے شرکائے آزادی مارچ سے خطاب کیا، آزادی مارچ کے شرکاءنے درازاشریف میں حضرت سچل سرمست ؒ کے مزار پر حاضری بھی دی اور وطن عزیز کے استحکام اور سلامتی کیلئے خصوصی دعا مانگی گئی۔

وحدت نیوز(لاہور) پاکستان کی 70ویں سالگرہ کے موقع پر وحدت یوتھ لاہور کی جانب سے بائیک ریلی کا اہتمام کیا گیا، ریلی کا آغاز صبح 12 بجے مجلس وحدت مسلمین کے صوبائی سیکریٹریٹ سے ہوا،جس میں سینکڑوں جوانوں نے شرکت کی،ریلی کی قیادت سیکرٹری یوتھ ضلع لاہور سید سجاد نقوی نے کی،اس موقع پر سید سجاد نقوی کا کہنا تھا کہ یہ آزادی ہمارے بزرگوں کی بے دریغ قربانیوں کا نتیجہ ہےاور آزادی ہماری رگوں میں خون بن کر دوڑ رہی ہے، سیکرٹری یوتھ نے کہا کہ وطن سے محبت کا جذبہ ہمیں ہماری ماؤں کے دودھ سے وراثت میں ملا ہے اور ہم مرتے دم تک پاکستان کی آزادی کا جشن اسی جوش و جذبے سے مناتے رہیں گے،تاکہ دشمن کو یہ پیغام دے سکیں کہ پاکستانی قوم اپنے پاک افواج کے شانہ بشانہ اس پاک دھرتی کا دفاع ہر ممکن یقینی بنانا جانتی ہے. انہوں نے کہا کہ جشن آزادی کے موقع پر بائیک ریلی کے انعقاد کا مقصد پاکستان سے اظہار یکجہتی اور جوانوں میں ملی جذبے کو زندہ و ترو تازہ رکھنا ہے،وحدت یوتھ کی جانب سے شہریوں میں قومی پرچم بھی تقسیم کیے گئے تاکہ اسی قومی دن کے موقع پر آزادی اور امن و محبت کا پیغام گھر گھر پہنچ سکے،یاد رہے کہ ریلی کے شرکاء ملی ترانے گا کر پاکستان زندہ باد کے نعرے لگاتے ہوئے لاہور کے مختلف روٹس( شادمان، مال روڈ،اسلام پورہ،ساندہ روڈ،ایم اے او کالج،لوئر مال، داتا دربار،آزادی چوک) سےہوتے ہوئے شام 5 مینار پاکستان پہنچے جہاں دعائے امام زمانہ سے ریلی کا اختتام کیا گیا۔

وحدت نیوز(اسلام آباد) وحدت یوتھ پاکستان کے مرکزی سیکریٹری جنرل ڈاکٹر محمد یونس حیدری نے جشن آزادی پاکستان کے موقع پر اپنے تہنتی پیغام میں کہا ہے کہ ملک کو باوقار،  مستحکم اور پرامن بنانے کا عزم لئے مادر وطن کے ہر جوان سے 14 اگست کا دن تجدید عہد کا تقاضا کرتا ہے۔ وطن عزیز کا فرد فرد جب تک قائد اعظم اور علامہ اقبال کے فرمودات پر عمل پیرا ہونے کا عہد نہیں کرے گا پاکستان ہمیشہ بحرانوں کا شکار رہے گا اور وطن میں امن،  اتحاد، اخوت اور بھائی چارے کی فضا قائم نہیں ہو سکے گی۔ 14 اگست بانیان پاکستان کی عظیم قربانیوں اور جدوجہد کو یاد کرنے اور شہدائے پاکستان کو خراج تحسین پیش کرنے کا دن ہے۔

انہوں نے کہاکہ  وطن کے دشمنوں اور ان کی سازشوں کو بے نقاب کرتے ہوئے کربلائی عزم و ارادہ رکھنے والے جوان مادر وطن کی جغرافیائی اور نظریاتی سرحدوں کی حفاظت کو ایمان کا حصہ سمجھتے ہیں۔ محب وطن پاکستانی جوان ملک کی تعمیر ترقی اور وطن عزیز کو استعماری غلامی سے نجات دلانے کے لئے ہر ممکنہ قربانی سے دریغ نہیں کریں گے۔ وطن عزیز پاکستان لاکھوں مسلمانوں کی قربانیوں اور عظیم جدوجہد کا ثمر ہے مکتب اھل البیت کے پروردہ جوان اسے چوروں، لٹیروں اور نامحرموں کے ہاتھوں نیلام ہونے نہیں دیں گے۔

وحدت نیوز(گلگت ) ملکی سالمیت و استحکام کیلئے دی جانیوالی قربانیاں ہرگز رائیگاں جانے نہیں دینگے۔شہید عارف حسیں الحسینی اتحاد بین المسلمین کے حقیقی داعی تھے جنہوں نے ملک کو اندرونی و بیرونی خطرات سے بچانے کیلئے تمام مذاہب و مسالک کے ماننے والوں کو ایک لڑی میں پرودیا تھا۔ مجلس وحدت مسلمین گلگت بلتستان شعبہ خواتین کے زیر اہتمام علامہ عارف حسین الحسین شہید کی 29 ویں برسی کی مناسبت سے منعقدہ مہدی برحق کانفرنس میں مقررین نے کہا کہ شہید عارف حسین الحسینی نے استحکام پاکستان کیلئے اپنی جان کی قربانی دی ،انکی پوری زندگی فرقہ واریت، لسانیت اور علاقائیت جیسے منفی نظریات کیخلاف جدوجہد میں گزری اور قائد شہید کے قتل میں حقیقت میںوہ طاقتیں ملوث تھیں جو پاکستان کو کسی صورت مضبوط دیکھنا نہیں چاہتی تھیں۔

مقررین نے اپنے خطاب میں قیام پاکستان کے موقع پر اپنی قیمتی جانوں کا نذرانہ پیش کرنے والوں کو خراج تحسین پیش کیا اور عہد لیا کہ مملکت خداداد پاکستان کے استحکام و سالمیت کیلئے کسی قربانی سے دریغ نہیں کرینگے۔ملک کو درپیش خطرات سے آگاہ کرتے ہوئے مقررین نے کہا کہ ارض پاکستان کی بنیادوں کو مستحکم کرنے کیلئے افواج پاکستان کے شانہ بشانہ اندرونی و بیرونی دشمنوں کا مردانہ وار مقابلہ کیا جائیگا۔انہوں نے کہا کہ آج ہمارا سر فخر سے بلند ہے کہ گلگت بلتستان میں رہنے والی مائوں کی کوکھ سے جنم لینے والے جوان ملک عزیز پاکستان کی نظریاتی و جغرافیائی سرحدوں کی حفاظت میں اپنے جانوں کا نذرانہ پیش کررہے ہیں۔اس شاندار پروگرام میں ان مائوںنے خصوصی شرکت کی جن کے دلیر فرزندوں نے کارگل اور وانا وزیرستان میں قربانیاں دیکر دشمنوں کو ناکوں چنے چبوائے۔

اس موقع پر صوبائی و وفاقی حکومتوں کے تعصب پر مبنی اقدامات پر سخت برہمی کا اظہار کرتے ہوئے مطالبہ کیا کہ گلگت بلتستان کے عوام کے بنیادی حقوق کو سلب کرنے والوں کا احتساب کیا جائے اور گلگت بلتستان میں جاری بیلنس پالیسی کو فی الفور ختم کرکے میرٹ کو بحال کیا جائے تاکہ عوام میں پائی جانیوالی احساس محرومی کی تلافی ہوسکے۔پاک چائنہ اقتصادی کوریڈور میں گلگت بلتستان کے عوام کو محروم کرنا حکومت کی اس علاقے کیساتھ امتیازی سلوک کے مترادف ہے ۔عوامی ملکیتی اراضی پر جبری قبضہ کسی طور پر قابل قبول نہیں حکومت ہمارے جائز حقوق کو پامال نہ کرے ۔ پروگرام کے آخر میں وطن عزیز کی حفاظت کیلئے دن رات چوکس رہنے والے افواج پاکستان کے جوانوں کی حفاظت کیلئے دعائیں مانگی گئیں۔

وحدت نیوز(راولپنڈی) مجلس وحدت مسلمین شعبہ خواتین  کی جانب سے امام بارگاہ باب الحوائج راولپنڈی میں 2روزہ مہدیؑ برحق عج ورکشاپ منعقد کی گئی ۔جس میں مرکزی ، صوبہ سندھ و صوبہ پنجاب کی مسئولین نے بھرپور شرکت کی  جبکہ پنجاب بھر سے مختلف اضلاع سے خواہران نے بڑی تعداد میں شرکت کی۔مہدیؑ برحق عج تربیتی ورکشاپ کا پہلے روز کا آغاز تلاوت قرآن اور دعائے توسل سے گیا۔جس کے بعد آغا سید شبیر بخاری نے شہید عارف حسین الحسینی کی سیرت اور افکار کے حوالے سے بیان کرتے ہوئے کہاکہ شہید قائد علامہ عارف وہ ہستی ہیں جنھوں نے سرزمین پاکستان میں وحدت کے فروغ کے لیے بہت کوششیں کی اور  فلسفہ عزاداری کو فروغ دینے میں کلیدی کردار ادا کیاشہید علامہ سید عارف حسین الحسینی پاکستان میں اتحاد بین المسلمین کے بانی تھے۔ آپ فکر امام خمینی کے خالص اور سچے پیرو تھے اسی لیئے شہید عارف حسین الحسینی پاکستان کو عالمی استعمار کے چنگل سے آزادی دلوانا چاہتے تھے۔

 مولانا سید اسد شیرازی  نے دعائے کمیل پڑھی۔دعائے کمیل کے بعد جشن ولادت امام رضا ع منعقد کیا گیا جس میں خواہران نے بارگاہ امام رضا میں ہدیہ منقبت پیش کیں۔دوسرے روز مہدیؑ برحق ورکشاپ کا آغاز دعا سلامتی امام زمانہ سے کیا گیا جس کہ بعد سب سے پہلے مرکزی میڈیا سیکرٹری خواہر ثناءجمیل عابدی نے الہی تنظیم کے رضا کی خصوصیات کے عنوان پرملٹی میڈیا پر یزنٹیشن پیس کی جسکے بعد مرکزی ڈپٹی سیکرٹری جنرل خواہر بنین زہرا نے  مہدیؑ بر حق کانفرنس کے انتظامی و اجرائی امور کے حوالے سے بریفنگ دی۔ جس کے بعد باجماعت نماز ظہرین ادا کی گئی۔

مجلس وحدت مسلمین شعبہ خواتین پاکستان کی مرکزی سیکرٹری جنرل خانم زہرا نقوی نے حزب اللہی خواتین کی خصوصات کے عنوان پر نہایت بہترین درس دیا۔ آپ کا کہنا تھا کہ حزب اللہ آج ملت تشیع کی طاقت ہے آج استعماری قواتیں اس سے خوف ذدہ ہیںکیونکہ حزب اللہ کے جوانوں کی تر بیت کرنے والی خواتین نے راہ کربلا کا انتخاب کر لیا ہے اور وہ تمام خصوصیات جو حضرت رہرا اپنی کنیزوں میں دیکھنا چاہتی ہیں انکو اپنا لیا ہے جن خصوصیات میں سب سے نمایا خصوصیت عشق خدا ہے کہ ہر کام فقظ قرب خدا کی نیت سے ،اپنے کردار اور زبان کی حفاظت ،زہد وتقویٰ،عشق اہل بیت ؑ،صبر واستقامت سے آزمائشوں اور مشکلات کا مقابلہ کرتے رہناہیں۔ان حزب اللہی خواتین کی آغوش میں پروارش پانے والے نوجوانوں میں جو ہم ایثار و فداکاری دیکھتے ہیںیہ جذبہ انکے اندر جو انکی ماوں نے ڈالا آخر یہ کہا ںسے سیکھایا کربلا سے حضرت ثانی زہرا ؑسے تو اگر ہمیں بھی دشمن سے مقابلہ کرنا ہے تو پہلے خود کو کربلاکے قریب کرنا ہوگا جیسے حزب اللہ کے خواتین نے کیا ہے۔

 جامعہ بعثت کی پرنسپل و مرکزی سیکرٹری تنظیم سازی فاضلہ قم خانم معصومہ مہدی نے تقویٰ الہی نے عنوان پر درس دیا۔خانم معصومہ نے تقوی ٰالہی کے حوالے سے قرآن کی ایک آیات تلاوت فرمائی اگر تم تقوٰی الٰہی اختیار کرو گے تو وہ تمہیں حق و باطل میں فرق کرنے کی صلاحیت عطا کردے گا"، "فرقان" وہ طاقت اور بصیرت ہے جو حق و باطل کی شناخت کا باعث بنتی ہے تاکہ انسان گمراہ نہ ہوجائے، خانم معصومہ مہدی نے کہا کہ یہ وہی نکتہ ہے جو حضرت امام جواد (علیہ السلام) کی حدیث میں بیان ہوا ہے: یعنی اگر کوئی چیز عقل سے چھپی رہ گئی اور عقلی ہدایت سے متقی انسان بہرہ مند نہ ہوپایا تو تقو یٰ کی طاقت اس کی مدد کرے گی اور اگر زندگی کے راستے میں، بصیرت کی آنکھ کمزور ہوگئی تو تقویٰ کا نور راستہ دکھائے گااللہ تعالی متقی لوگوں کو ثواب عطا فرماتا ہے۔ بندہ کی حفاظت کرنا اور اسے غلطی کرنے سے بچالینا، ان ثوابوں میں سے ہے جو دنیا میں متقی لوگوں کو دیا جاتا ہے۔ لہذا اگر تقویٰ بصیرت افروز ہے تو اس کے فروغ سے بہرہ مند ہونا چاہیے۔بعض اوقات ایسے افراد دیکھنے میں آتے ہیں جو علمی میدان میں بہت زبردست ہوتے ہیں اور دوسرے لوگوں سے بہت آگے آگے رہتے ہیں، لیکن یہی لوگ زندگی کے مسائل میں اور جس راستے کو انہوں نے انتخاب کرنا ہوتا ہے، اس میں سرگرداں اور حیرت زدہ ہوتے ہیں۔ ایسے موقع پر واضح ہوجاتا ہے کہ صرف عقل ہی کافی نہیں بلکہ اس کے ساتھ اللہ کی خاص رہنمائی کی بھی ضرورت ہے جو تقویٰ کی بنیاد پر انسان کو نصیب ہوتی ہے۔

 نماز مغربین با جماعت مرکزی ڈپٹی سیکرٹری جنرل علامہ احمد اقبال کی امامت ادا کی گئی جسکے بعد آغا احمد اقبال نے الہی تنظیم کے معاشرے پر اثرات کے عنوان پر مفصل درس دیتے ہو کہا کہ کیسی بھی معاشرے میں الہی تنظیم اگر موجود نا ہو تو معاشرہ بے راہ روی اور غیر تربیت یافتہ ہو جائے کسی ظالم کے خلاف کوئی صدائے احتجاج بلند کرنے والا موجود نا رہے طاغوت کو للکارنے والا نا رہے تو بس معلوم ہوا کہ ایک الہی تنظیم اس گروہ کو کہتے ہیں جوسوئے ہوئے لوگوں کو جگائے اور جو مظلوم کر دیئے گئے ہیں مصتضفین ہیں انکے حقوق کی بقاءکے لیے میدان عمل میں ہر لمحہ موجود رہیں اور یہ ہی مجلس وحدت مسلمین کا بھی بنیادی مقصد ہے۔آغا احمد اقبال کے بعد مجلس وحدت مسلمین پاکستان کے مرکزی سیکرٹری تربیت آغا عجاز بہشتی نے معران انسانیت کے عنوان پر درس دیا۔

آخر میں مجلس وحدت مسلمین پاکستان کے مرکزی رہنماعلامہ حسن ظفر نقوی نے حالات حاضرہ اور امام مہدی برحق کانفرنس کی اہمیت بیان کرتے ہوئے کہا کہ مجلس وحدت مسلمین شہید قائدعلامہ عارف حسین الحسینی کے مشن پر گامزن ہے۔اس جماعت نے ہمیشہ اتحاد و اخوت کا عملی مظاہرہ کیا ہے۔یہ جماعت مظلومین کی حمایت کا علم لے کر میدان میں نکلی ہے۔مظلوم کا تعلق چاہے جس مذہب مسلک یا جماعت سے ہو ہم نے ہمیشہ اس کی حمایت کی ہے۔یہی درس اہل بیت ؑاطہار علیہم السلام ہے۔انہوں نے کہا کہ مسلم لیگ نون سے ہمارا اختلاف اصولی اور ملک وقوم سے محبت کی بنیاد پر ہے۔قوم کا سرمایہ لوٹنے والوں کی طرف دوستی کا ہاتھ بڑھانے والے مفاد پرست اور موقع شناس اور کاروباری ذہنیت کے لوگ ہیں جن کا مقصد مفادات کا حصول ہے۔ایسے لوگوں کو ملک و قوم کے نقصان سے کوئی غرض نہیں۔ہم ہر اس شخص اور جماعت کے مخالف ہیں جو ریاست اور قومی مفادات پر ذاتی و گروہی مفادات کو مقدم رکھے۔ہمارا موقف دوٹوک اور واضح ہے۔ہمارے تعاون اور تعلق کی بنیاد حب الوطنی ہے۔ملک لوٹنے والوں سے پوری قوم بیزار ہے۔مہدیؑ برحق کانفرنس مذہبی ان طاقتوں کا عظیم الشان اجتماع ثابت ہو گی جوارض پاکستان کی سالمیت و استحکام کے لیے مصروف عمل ہیں۔

ورکشاپ کے اختتام پر مجلس وحدت مسلمین شعبہ خواتین پاکستان کی مرکزی کابینہ کی راولپنڈی ڈویژن کے ساتھ امام مہدی ؑ برحق کانفرنس کے انتظامی امور کے حوالے سے اہم میٹنگ ہوئی جسمیں خاص کر سیکورٹی ایشوز کو بہتر بنانے کے حوالے سے تبدلہ خیال کیا گیا اور دیگر انتظامی امور کو بہتر بنانے کے لیے کمیٹیاں تشکیل دی گئی ۔ ورکشاپ کے اختتام پر راولپنڈی کی سیکرٹری جنرل خواہر قندیل نے تمام شرکاءسے ورکشاپ میں بھرپور شرکت کرنے پر شکریہ ادا کیا۔

وحدت نیوز(اسلام آباد) مجلس وحدت مسلمین پاکستان شعبہ خواتین کی مرکزی سیکریٹری جنرل محترمہ سیدہ زہرا نقوی نے مرکزی سیکریٹریٹ سے اپنے بیان میں تمام پارٹی ورکرز اورپاکستانی قوم کو مخاطب کرتے ہوئے کہاہےکہ پاکستان کے تمام شہداء کے سید و سردار مرد مجاھد عارف حقیقی اور عالم با عمل شہید قائد علامہ عارف حسین الحسینی ؒ کی 29ویں برسی کے موقع پر منعقد ہونے والی مہدیؑ برحق کانفرنس میں پرجوش شرکت فرما کر دور حاضر کے یزیدیوں اوردشمنان امام زمان عج  کو اپنے وجود کے ذریعے یہ پیغام دیں کہ پاکستان میں عاشقان مہدی اور وارثان شہداء میدان عمل میں موجود ہیں اورپاکستان کی مقدس سرزمین کو دشمنوں اور سازشی عناصر سے پاک کر کے ہی دم لیں گے۔انہوں نے کہا کہ یہ عظیم الشان اجتماع جہاں شہید قائد ؒ کی پاکیزہ روح سے تجدید عہد وہیں ملت تشیع کی سیاسی واجتماعی قوت کے مظہر کا دن بھی ہے جس میں ہم وطن عزیز کو کرپشن ، دہشت گردی ، انتہاپسندی اور لاقانیت سے  نجات دلانے کے عزم کا اعلان بھی کریں گے ۔

وحدت نیوز(منڈی بہاوالدین) وحدت یوتھ پاکستان کے مرکزی ڈپٹی سیکرٹری برادر وفا عباس اور مرکزی یوتھ رہنماء یاور کاظمی کا ضلع منڈی بہاالدین، گجرات اور گوجرانوالہ کے مختلف علاقوں کا دورہ۔ دورہ کا مقصد جوانوں کو قائد شہید علامہ عارف حسین الحسینی کی ۲۹ ویں برسی میں شرکت کی دعوت دینا تھا۔ منڈی بہاالدین میں جوانوں کے وفد سے گفتگو کرتے ہوئے برادر وفا عباس کا کہنا تھا کہ شہید قائد کی برسی کے دن اسلام آباد میں شیعہ قوم کا عظیم اجتماع منعقد ہوگا جس میں تمام مکاتب فکر کے افراد شرکت کریں گے۔ ان کا کہنا تھا کہ اس مرکزی برسی کے انتظامات کی تمام تر ذمہ داری وحدت یوتھ کے ذمہ داران کے پاس ہے جسے یوتھ کے جوان احسن طریقے سے نبھائیں گے۔ برادر وفا عباس کا کہنا تھا کہ ملک بھر سے وحدت یوتھ کے اراکین ۴ اگست تک اسلام آباد پہنچ جائیں گے اور انتظامات کو حتمی شکل دیں گے۔

وحدت نیوز(کراچی )خیرالعمل ویلفیئر اینڈ ڈیولپمنٹ  ٹرسٹ پاکستان  شعبہ فلاح وبہبود مجلس وحدت مسلمین صوبہ سندھ کی جانب سے  21 جولائی سے 27 جولائی تک ہفتہ صفائی منانے کا اعلان کیا گیا ، ہفتہ صفائی کے سلسلے میں سندھ کے مختلف اضلاع میں بھر پور صفائی ستھرائی کے انتظامات کیئے گئے، خیر العمل ویلفیئر ٹرسٹ صوبہ سندھ کے سیکریٹری الفت عالم کربلائی کے مطابق دولتپور، دادو، سانگھڑ ،مقصودورند، ٹنڈومحمد خان، کنب، ٹنڈوالیہار اورنوشہروفیروز سمیت مختلف اضلاع میں صفائی مہم جاری رہی ، تفصیلات کے مطابق دولتپور ضلع نواب شاہ میں  تین دن لانگاہ محلہ، تعلقہ اسپتال اور میں امام بارگاہ کے گلی کی صفائی کی گئی، دادو میں دو دن جس میں مین بازار اور  ایک محلے میں صفائی کی گئی، سانگھڑ میں  سید محلے کی صفائی کی گئی اور تعلقہ مقصودو رند میں بھی صفائی کی گئی ،ٹنڈو محمد خان میں علی مسجد والی روڈ اور محلے کی صفائی کی گئی، کمنب ضلع خیرپور مدرسہ علی کی صفائی کی گئی ، ٹنڈوالہیار میں تعلقہ  اسپتال کے سامنے صفائی کی گئی ، نوشہرہ فیروز کے تعلقہ مورو میں سمیت دیگر اضلاع میں  بھی گلی ، محلوں، چوراہوں اور کھلے مین ہولز اور سیوریج لائنوں کی بھی صفائی کا اہتمام کیا گیا، عالم کربلائی کے مطابق ہفتہ صفائی کا مقصد عوام میں صفائی ستھرائی کا شعور بیدار کرنا تھا تاکہ صاف  ستھرے ماحول میں گندگی اور جراثم سے نجات حاصل کی جا سکے اور صحت مند معاشرہ تشکیل پا سکے۔

وحدت نیوز(راولپنڈی) مجلس وحدت مسلمین راولپنڈی شعبہ خواتین کا ایک اہم اجلاس سیکرٹری جنرل قندیل زہرا کاظمی کی زیر صدارت ہوا۔جس میں بتایاگیا کہ شہید قائد عارف حسینی کی 29 ویں برسی کی تیاریاں حتمی مراحل میں داخل ہو چکی ہیں۔برسی کا انعقاد 6اگست 2017 بروز اتوار ’’مہدی ؑ برحق کانفرنس‘‘ کے عنوان سے اسلام آباد میں ہو گا۔جس میں شعبہ خواتین کی طرف سے بھرپور شرکت کی جائے گی۔۔اجلاس میں برسی کے سلسلے میں موثر رابطہ مہم پر اطمینان کا اظہار کرتے ہوئے اسے جاری رکھنے کی ضرورت پر زور دیا۔خواتین کو لانے لے جانے کے لیے انتظامات کا بھی جائزہ لیا گیا اور فیصلہ کیا گیا کہ برسی پر لانے لے جانے کے لیے ٹرانسپورٹ اور طعام کا بروقت اور مناسب بندوبست کیا جائے گا اوریہ خیال رکھا جائے گا کہ خواتین شرکا کو کسی قسم کی کوئی مشکل درپیش نہ ہو۔

قندیل زہرا نے کہا کہ شہید قائد کی محبت قوم پر قرض ہے جسے قائد کے مشن پر قائم رہ کر ادا کرنا ہو گا۔قائد حسینی کا وجود اس قوم اور ملک کے لیے کسی نعمت سے کم نہیں تھا۔وہ ایسے باعمل اور جرات مند قائد تھے جن کا کردار ان کے گفتار کی تصدیق کرتا رہا ۔شہید عارف حسینی وطن عزیز میں اخوت و اتحاد کے داعی تھے۔اتحاد امت کے لیے ان کی کوششوں کو کبھی فراموش نہیں کیا جاسکتا۔عالم استعمار ان کے جرات مندانہ افکار سے خائف تھا۔اقوام عالم اس بات سے بخوبی آگاہ ہے کہ وحدت امت وہ واحد ہتھیار ہے جس سے اسلام دشمن عناصر کے ناپاک ارادے خاک میں ملائے جا سکتے ہیں۔انہوں نے وحدت و اخوت کے علمبردار شہید قائد کو اپنی راہ ہٹانے کے لیے پاکستان میں موجود اپنے ہم نواؤں کا سہارا لیا۔قائد عارف حسینی کی شہادت اس ملک کے لیے ناقابل تلافی نقصان ثابت ہوا۔مجلس وحدت مسلمین شہید قائد کے مشن کو لے کر میدان عمل میں نکلی ہے۔حق کی آواز پر لبیک کہنے کے لیے پوری قوم ہمارے ساتھ کھڑی ہے۔

انہوں نے کہا کہ ہم پاکستان کو مستحکم اور ترقی کی جانب گامزن دیکھنا چاہتے ہیں اور یہ تب ہی ممکن ہے جب ان تکفیری گروہوں کے خلاف مثبت اقدامات کیے جائیں گے جو ملک میں تفرقہ کی آگ لگانے کے لیے سازشوں میں مصروف ہیں۔آج ہر قومی ایشو پر سنی بھائی ہمارے ساتھ کھڑے نظر آتے ہیں جو شہید عارف کے مشن کی تکمیل کی واضح ثبوت ہے، انہوں نے کہا کہ 6اگست کو اسلام آباد پریڈ گراؤنڈ میں جڑواں شہروں کی خواتین اپنے بچوں کے ہمراہ بھرپور انداز میں پورے قومی جذبے کے ساتھ شریک ہوں گی۔

وحدت نیوز(ہری پور) مجلس وحدت مسلمین کے مرکزی سیکرٹری تعلیم و کنوینیئر مہدی برحق کانفرنس نثار فیضی اور صوبائی سیکرٹری جنرل علامہ اقبال بہشتی کی جعفری ہائوس ہری پور آمد ،شعبہ خواتین کی صوبائی سیکرٹری جنرل راضیہ جعفری ،صوبائی ڈپٹی سیکرٹری جنرل روبینہ واجد ،ضلعی سیکرٹری تصور نقوی اور کابینہ کی دیگر عہدیداران سے ملاقات کی اور چھ اگست کی راولپنڈی پریڈ گرائونڈ میں ہونے والی مہدی برحق کانفرنس کے حوالے سے بات چیت کی اور کہا کہ پوری تاریخ اٹھا کردیکھی جائے قوموں کی آزادی اور ترقی میں خواتین کا کردار واضع نظر آتا ہے چھ اگست کو قائد شہید عارف حسین حسینی کی 29ویں برسی کے سلسلہ میں منعقد ہونے والی مہدی برحق کانفرنس دنیا اور باالخصوص وطن عزیز پاکستان کے بدلتے ہوئے حالات میں غیر معمولی اہمیت کی حامل کانفرنس ہوگی جس میں مردوں کے ساتھ ساتھ خواتین کی بھرپور نمائندگی وقت کی ضرورت ہے لہذا ایم ڈبلیو ایم کی جملہ عہدیداران و کارکنان اس کانفرنس میں خواتین کی زیادہ سے زیادہ شرکت کو یقینی بنانے کے لیے اپنا بھرپور کردار ادا کریں جس پر راضیہ جعفری نے قائدین کو آگاہ کیا کہ اس سلسلہ میں پہلے ہی خواتین کی کمیٹیاں تشکیل دے دی گئی ہیں جو گائوں گائوں اور گھر گھر جاکر خواتین کو کانفرنس میں شرکت پر آمادہ کررہی ہیں ہم یقین دلاتی ہیں کہ حسب روایت اس کانفرنس میں بھی خیبرپختونخوا، ہزارہ اور خصوصا ضلع ہری پورسے خواتین کی بھرپور نمائندگی ہوگی جس پر نثار فیضی نے خواتین کے جذبہ پر ان کا شکریہ ادا کیا اور خوشی کا اظہار کیا ۔

Page 77 of 104

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree