وحدت نیوز(اسلام آباد) وحدت یوتھ پاکستان کے زیر اہتمام تین روزہ مرکزی منجی بشریت کنونشن میں ملک بھر سے بڑی تعداد میں جوانوں کی شرکت، کنونشن سے مختلف شعبہ جات جن میں مذہبی، سیاسی، تعلیمی، سماجی شخصیات و ماہرین کا خطاب، کنونشن کے اختتام پر علامہ تصور حسین مہدی کو وحدت یوتھ پاکستان کا مرکزی صدر برائے سال 2024-25 منتخب کر لیا گیا۔

کنونشن کے شرکاء سے خطاب کرتے ہوئے چیئرمین مجلس وحدت مسلمین پاکستان علامہ راجہ ناصر عباس جعفری نے کہا کہ ملت کے پرخلوص، متحرک اور انتہائی فعال نوجوان تصور حسین مہدی کو وحدت یوتھ پاکستان کا صدر منتخب ہونے پر مبارکباد پیش کرتا ہوں۔نوجوان ہماری ملت کا سب سے قیمتی اثاثہ ہیں۔مجھے یقین کامل ہے کہ نو منتخب صدر نوجوانوں کی تعمیری سرگرمیوں، قومی ترقی اور حب الوطنی کے فروغ کے لیے پوری لگن، بے لوث جذبے اور خلوص نیت کے ساتھ اپنی کوششیں جاری رکھیں گے تاکہ معاشرے کا ہر نوجوان ذمہ دار اور باوقار شہری بن سکے۔

کنونشن سے وحدت یوتھ پاکستان کے نو منتخب صدر تصور حسین مہدی نے خطاب کرتے ہوئے کہا کہ تمام شرکاء کنونشن کا شکریہ ادا کرتے ہوئے کہا کہ جوان کسی بھی معاشرے کے لیے ریڑھ کی ہڈی کی حیثیت رکھتے ہیں، جن کا قوموں کی تعمیر وترقی میں کلیدی کردار ہوتا ہے، ملت کے متقی اور باشعور جوان حق وصداقت کی علامت اور پہچان ہوتے ہیں، ہمارے ملک کی اکثریت جوانوں پر مشتمل ہے جن کا تعلیمی و تربیتی اور سماجی و فلاحی کردار ملک و ملت کی اجتماعی ترقی واستحکام کے لیے انتہائی اہمیت کا حامل ہے، وطن عزیز کے غیر معمولی حالات اس بات کے متقاضی ہیں کہ جوانوں کی صلاحیتوں کو درست سمت دے کر بھرپور استفادہ کیا جائے جس کے لیے جوانوں کا آگاہی و شعور کے ساتھ آگے بڑھنا اشد ضروری ہے۔

وحدت نیوز(اسلام آباد)اپوزیشن لیڈر گلگت بلتستان اسمبلی و پارلیمانی لیڈر ایم ڈبلیو ایم جی بی کاظم میثم نے منجئ بشریت کنونشن میں خطاب کرتے ہوئے کہا کہ نوجوانوں کا ملک میں کردار سب سے اہم ہے۔ نوجوانان ہی قوم کا سب سے بڑا سرمایہ اور مستقبل ہوتا ہے۔ آنے والے وقتوں کی جہت کا تعین نوجوانان ہی کرسکتے ہیں۔ ملک کی اکثریت نوجوانوں پر مشتمل ہے۔ باہدف جدوجہد ہی معاشرتی ترقی کا سبب بن سکتا ہے۔ ملک کو فلاحی اسلامی ریاست بنانے، عدل و انصاف کی بالادستی، آئین و قانون کی حکمرانی کے مجلس وحدت کا کردار انتہائی قابل فخر رہا ہے۔

مجلس وحدت نے اسی خط کو اپنایا ہے جو قائد شہید نے مرتب کیے تھے۔ اس ملک کو امریکہ کی چنگل سے نکالنے کا کام کوئی چھوٹا اور آسان کام نہیں ہے۔ عالمی فسطائی نظام سے ٹکرانا ہمارے شہدا کے آرزو و آرمان تھے۔ انہوں نے مزید کہا کہ جو طبقہ مقامی طور پر ہونے والے مظالم کے مدمقابل میں نہیں کھڑے ہوسکتے وہ عالمی قیام عدل کی تحریک کا کبھی حصہ نہیں بن سکتا۔ دنیا میں قیام عدل ہمارا اصل ہدف اور عقیدے کا حصہ ہے۔

وحدت نیوز(اوکاڑہ) مجلس وحدت مسلمین ضلع اوکاڑہ کی ضلعی شوریٰ اجلاس مسجد باب الحوائج گورنمنٹ کالونی اوکاڑہ میں منعقد ھوا یونٹس کی بڑی تعداد شریک ہوئے، اجلاس سے صوبائی ڈپٹی سیکرٹری سید انوار زیدی اور ضلعی صدر ناصر حسین ایڈووکیٹ نے خطاب کیا۔

 الیکشن اور الیکشن کے بعد پاکستانی سیاست میں مجلس وحدت مسلمین کی اھمیت پر روشنی ڈالی اور تنظیم سازی کے عمل کو تیز کرنے پر زور دیا گیا دعائے امام ع سے اجلاس کا اختتام ھوا۔

وحدت نیوز(ساہیوال) مجلس وحدت مسلمین ضلع ساہیوال کی ضلعی شورای اجلاس بعد از ظہر امام بارگاہ  چک نمبر 65/4 R میں منعقد ھوا ضلع میں دس یونٹس موجود ہیں، اجلاس میں 8 یونٹس نے شرکت کی۔

 اجلاس سے صوبائی ڈپٹی سیکرٹری سید انوار زیدی اور ضلعی صدر ڈاکٹر اسرار حسین نے خطاب کیا ۔الیکشن اور الیکشن کے بعد پاکستانی سیاست میں ایم ڈبلیوایم کی اھمیت اور تنظیم سازی کے عمل کو تیز کرنے پر زور دیا گیا دعائے امام ع سے اجلاس کا اختتام ھوا۔

وحدت نیوز(مظفرآباد)پاکستان بھر کی طرح آزاد کشمیر میں بھی قائد وحدت ناصر ملت علامہ راجہ ناصر عباس جعفری حفظہ اللہ کے حکم پر مظلوم فلسطینیوں کے حق میں ریلی نکالی گئی اس ریلی سے صدر مجلس وحدت مسلمین آزاد کشمیر علامہ ڈاکٹر سید یاسر عباس سبزواری ، مولانا احمد علی سعیدی چئرمین حسنی فاؤنڈیشن،سید ابرار بخاری صدر مجلس وحدت مسلمین ضلع مظفرآباد، سید قمر عباس نقوی ناظم امامیہ آرگنائزیشن آزاد کشمیر ، سید ھمزہ سلطان صدر آئی ایس او آزاد کشمیر مقررین نے اسرائیل کی طرف فلسطینی بھائیوں پر ڈھاے جانے والے ظلم کی شدید الفاظ میں مزمت کی۔

 علامہ ڈاکٹر سید یاسر عباس سبزواری نے شرکاء ریلی سے خطاب کرتے ہوئے فرمایا ھم اس نظام کے پیروکار ہیں جو نظام ظلم کے خلاف ہمیشہ صدای احتجاج بلند کرنے والا ہے آج جہاں پوری امت مسلمہ خاموش ہے وہاں علی مولا کے پیروکار ہی میدان میں نظر آتے ہیں۔ ریلی کا اختتام دعا وحدت سے کیا گیا۔

وحدت نیوز(اسلام آباد)چیئرمین مجلس وحدت مسلمین پاکستان علامہ راجہ ناصر عباس جعفری نے پنجاب کے مختلف اضلاع میں پی ٹی ائی کی جانب سے ہونے والے پرامن احتجاج پر پولیس گردی کی شدید مذمت کرتے ہوئے اسے شرمناک فعل قرار دیا ہے، عوام کے ووٹوں پر شب خون مار کر اقتدار میں آنے والے حکمران بدترین ڈکٹیٹر ضیاء الحق کی وہ باقیات ہیں جن کا ہر عمل آمرانہ ذہنیت کا عکاس ہے۔

انہوں نے مزید کہا کہ پرامن احتجاج عوام کا آئینی حق اور جمہوریت کا حسن ہے، ہر دور میں لا قانونیت اور مطلق العنانیت کو ہمیشہ سرنگوں ہونا پڑا ہے، جیت بالآخر حق وصداقت کی ہوتی ہے اور جھوٹ کو آخر کار رسوائی کا منہ دیکھنا پڑتا ہے، آئین وقانون سے اپنے آپ کو بالاتر سمجھنے والی قوتوں کا ناکامی و نابودی ہمیشہ مقدر ٹھہرتی ہے یہ قدرت کا اٹل قانون ہے۔